ഭക്ഷണ പ്രേമി

#🍲 ഭക്ഷണപ്രേമി _*🌶 ഇന്നത്തെ പാചകം 🍳*_ _*ചിക്കൻ മപ്പാസ്*_ _(ഈസ്റ്റർ സ്പെഷ്യൽ)_ +-----+------+------+--------+ ```ഇന്ന് നമുക്ക്‌ ഈസ്റ്റർ സ്പെഷ്യൽ ചിക്കൻ മപ്പാസ്‌ എങ്ങനെ തയ്യാറാക്കാം എന്ന് നോക്കാം. മപ്പാസ്‌ പല വിധം ഉണ്ട്‌. ചിക്കൻ മപ്പാസ്‌, താറാവ്‌ മപ്പാസ്‌, വെജിറ്റബിൾ മപ്പാസ്‌, ഫിഷ്‌ മപ്പാസ്‌... ..എന്താണ്‌ മപ്പാസ്‌ ?? തേങ്ങപ്പാൽ ഉപയോഗിച്ച്‌ കറി വക്കുന്ന വിഭവത്തിന്‌ സാധാരണ മപ്പാസ്‌ എന്ന് പറയാറുണ്ട്‌... പ്രത്യേകിച്ച്‌ സുറിയാനി ക്രിസ്ത്യാനികൾക്കിടയിൽ . .. തേങ്ങ പാൽ ഒഴിച്ച്‌ ഉണ്ടാക്കുന്ന ഇവക്ക്‌ രുചി ഒന്ന് വേറെ തന്നെയാണെന്ന് പറയേണ്ടല്ലൊ.... അപ്പൊ നമുക്ക്‌ ഇന്ന് ചിക്കൻ മപ്പാസ്‌ എങ്ങനെ തയ്യാർ ആക്കാം എന്ന് നോക്കാം... ``` ________________________ *ആവശ്യം വേണ്ട സാധനങ്ങൾ* _______________________ _1. കോഴിയിറച്ചി - അര കിലോ_ _2. സവാള - 2 എണ്ണം അരിഞ്ഞത്_ _3. തക്കാളി - 2 എണ്ണം അരിഞ്ഞത് + വട്ടത്തിൽ അരിഞ്ഞുവെച്ച തക്കാളി 6 കഷ്ണം_ _4. ഇഞ്ചി - കാൽ കപ്പ് അരിഞ്ഞത്_ _5. വെളുത്തുള്ളി - 10 അല്ലി_ _6. ചെറിയ ഉള്ളി - 10 എണ്ണം_ _7. പച്ചമുളക് - 4 എണ്ണം അരിഞ്ഞത്_ _8. വറ്റൽമുളക് - 4 എണ്ണം മുറിച്ചത്_ _9. കറിവേപ്പില - 2 തണ്ട്_ _10. വെളിച്ചെണ്ണ - 2 ടേബിൾ സ്പൂൺ + അര ടീസ്പൂൺ_ _11. പെരുംജീരകം - അര ടീസ്പൂൺ_ _12. മഞ്ഞൾപൊടി - അര ടീസ്പൂൺ_ _13. മല്ലിപൊടി - ഒന്നര ടീസ്പൂൺ_ _14. കുരുമുളകുപൊടി - ഒരു ടീസ്പൂൺ_ _15. കരമസാലപ്പൊടി - അര ടീസ്പൂൺ_ _16. ഉപ്പ് ആവശ്യത്തിന്_ _17. ഒരു തേങ്ങയുടെ ഒന്നാംപാൽ - അര കപ്പ്_ _18. രണ്ടാംപാൽ - 2 കപ്പ്_ ________________________ _*തയ്യാറാക്കുന്ന വിധം*_ _______________________ _1. ചട്ടി അടുപ്പത്ത് വെച്ച് നന്നായിട്ട് ചൂടായിവരുമ്പോൾ 2 ടേബിൾ സ്പൂൺ വെളിച്ചെണ്ണ ഒഴിച്ച് ചൂടാക്കുക._ _2. ചൂടായ വെളിച്ചെണ്ണയിലേക്ക്‌ പെരുംജീരകം, കറിവേപ്പില, വറ്റൽ മുളക് ഇവ ചേർത്ത് നന്നായി മൂപ്പിക്കുക_ _3. ഇതിലേക്ക് 10 അല്ലി വെളുത്തുള്ളി, കാൽ കപ്പ് നീളത്തിൽ അരിഞ്ഞു വെച്ചിരിക്കുന്ന ഇഞ്ചിയും പച്ചമുളകും ചേർത്ത് പച്ചമണം മാറുന്നവരെ വഴറ്റിയെടുക്കുക._ _4. ശേഷം സവാള, ചെറിയ ഉള്ളി, ആവശ്യത്തിന് ഉപ്പ് ഇവ ചേർത്ത് നന്നായിട്ട് വഴറ്റിയെടുക്കുക._ _5. ഇനി ഇതിലേക്ക് തക്കാളി അരിഞ്ഞത് ചേർത്ത് വഴറ്റുക._ _6. ചെറുതീയിൽ വെച്ചിട്ട് പൊടികൾ ചേർത്ത് കൊടുക്കാം (മഞ്ഞൾപൊടി, മല്ലിപൊടി, ഗരംമസാലപൊടി, കുരുമുളകുപൊടി) പച്ചമണം മാറുന്നതുവരെ വഴറ്റിയെടുക്കണം._ _7. ശേഷം ഇതിലേക്ക് കഴുകി വൃത്തിയാക്കി വച്ചിരിക്കുന്ന ചിക്കൻ ചേർത്ത് ഇളക്കി യോജിപ്പിച്ചു 2 മിനിറ്റ് വേവിക്കുക._ _8. ഇതിലേക്ക് തേങ്ങയുടെ രണ്ടാംപാൽ ചേർത്തുക്കൊടുത്ത് നന്നായി ഇളക്കിയോജിപ്പിച്ച് 20 മിനിറ്റ് വരെ അടച്ചുവെച്ച് വേവിക്കുക (ഇടയ്ക്ക് അടപ്പുതുറന്ന് ഇളക്കി കൊടുക്കുക)._ _9. ചിക്കൻ വെന്ത ശേഷം വട്ടത്തിൽ അരിഞ്ഞുവെച്ച തക്കാളിയും കറിവേപ്പിലയും ചേർത്ത് യോജിപ്പിക്കുക, കൂടെ പച്ച വെളിച്ചെണ്ണ അര ടീസ്പൂൺ തൂവിക്കൊടുത്ത് ഒന്ന് തിളപ്പിക്കുക (ഈ സമയം ഉപ്പ് നോക്കിയിട്ട്‌ വേണമെങ്കിൽ ചേർക്കാം)_ _10. ശേഷം ഒന്നാംപാൽ ചേർത്ത് ചൂടാക്കിയിട്ട് തീ ഓഫ് ചെയ്യാം ( ഒന്നാംപാൽ ചേർത്ത ശേഷം തിളപ്പിക്കരുത്)_ _ഇപ്പോൾ നമ്മുടെ രുചികരമായ ചിക്കൻ മപ്പാസ് തയ്യാറായിട്ടുണ്ട്._ _ഈസ്റ്റർ ആശംസകൾ_ +------+-----+------+------+

കമന്റ്

𝓥 𝓲 𝓷 𝓪 𝔂 𝓪 𝓷

2.7K കണ്ടവര്‍

•

18 ദിവസം

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *പിടിയും കോഴിക്കറിയും* +-----+-----+-----+------+-----+ ``` ഈസ്റ്റർ ദിനത്തിലെ പ്രഭാത ഭക്ഷണവും ഉച്ചഭക്ഷണവും വിഭവസമൃദ്ധമായിരിക്കും. കേരളത്തിലെ വിവിധ ഭാഗങ്ങളിൽ വ്യത്യസ്തമായ ഭക്ഷണരീതികളാണ് ഈസ്റ്ററിന് നിലവിലുള്ളത്. എങ്കിലും മധ്യതിരുവിതാംകൂറിലെ ക്രൈസ്തവ കുടുംബങ്ങളിൽ, പ്രത്യേകിച്ച് കോട്ടയം ഭാഗങ്ങളിൽ ഈസ്റ്റർ വിരുന്നിലെ താരം 'പിടിയും കോഴിക്കറിയും' തന്നെയാണ്. തലമുറകളായി കൈമാറി വന്ന ഈ രുചിക്കൂട്ട് ഈസ്റ്റർ ആഘോഷത്തിന്റെ അവിഭാജ്യ ഘടകമാണ്. കുഴച്ചെടുത്ത അരിപ്പൊടി ഉരുളകൾ തേങ്ങാപ്പാലിൽ വേവിച്ചെടുക്കുന്ന പിടിയും, തേങ്ങ വറുത്തരച്ച നാടൻ കോഴിക്കറിയും ചേരുമ്പോഴുണ്ടാകുന്ന രുചി അനുഭവം ഒന്ന് വേറെ തന്നെയാണ്. ``` ________________________ *പിടി* *ചേരുവകൾ* ________________________ _അരിപ്പൊടി- 1 കിലോ_ _തേങ്ങാപ്പീര്- 1 1/2 തേങ്ങ_ _വെളുത്തുള്ളി- 4 അല്ലി_ _ജീരകം- 1 ടീസ്പൂൺ_ ________________________ *തയ്യാറാക്കുന്ന വിധം* ________________________ ```ഒരു പാനിലേക്ക് അരിപ്പൊടിയും തേങ്ങാ ചിരകിയതും ചേർത്തു വറുക്കാം. ശേഷം അടുപ്പിൽ നിന്നും മാറ്റി വക്കാം. ഒരു കപ്പ് വറുത്ത അരിപ്പൊടിയിലേക്ക് വെള്ളം ചേർത്തു തിളപ്പിക്കം. ഇതിലേക്ക് വെളുത്തുള്ളി അരച്ചതും ജീരകവും ചേർക്കാം. ഈ വെള്ളം ഒഴിച്ച് വറുത്ത പൊടി കുഴച്ചെടുക്കാം. നന്നായി കുഴച്ച് ചെറിയ ഉരുളകളാക്കിയെടുക്കാം. വെളുത്തുള്ളിയും ജീരകവും ചേർത്ത വെള്ളം ബാക്കിയുണ്ടെങ്കിൽ അത് അടുപ്പിൽ വച്ച് വീണ്ടും തിളപ്പിക്കാം. ഇതിലേക്ക് ഉരുളകൾ ചേർത്ത് അഞ്ച് മിനിറ്റ് തിളപ്പിക്കാം. കുറുകി വരുമ്പോൾ അടുപ്പണച്ച് മാറ്റി വയ്ക്കാം. ``` ________________________ *കോഴിക്കറി* *ചേരുവകൾ* ________________________ _കോഴി- 1/2 കിലോ_ _മുളകുപൊടി- 1 ടീസ്പൂൺ_ _മഞ്ഞൾപ്പൊടി- 1/2 ടീസ്പൂൺ_ _മല്ലിപ്പൊടി- 2 ടീസ്പൂൺ_ _കുരുമുളകുപൊടി- 1/2 ടീസ്പൂൺ_ _ഇഞ്ചി- ചെറിയ കഷ്ണം_ _വെളുത്തുള്ളി- 8_ _കറുവാപ്പട്ട- 1 കഷ്ണം_ _ഗ്രാമ്പൂ- 4 എണ്ണം_ _ഏലക്ക- 4 എണ്ണം_ _തക്കോലം- 1 എണ്ണം_ _തേങ്ങാപ്പാൽ- 2 കപ്പ്_ _സവാള- 2 എണ്ണം_ _കറിവേപ്പില- ആവശ്യത്തിന്_ _ഉപ്പ്- ആവശ്യത്തിന്_ _മല്ലിയില- ആവശ്യത്തിന്_ ________________________ *തയ്യാറാക്കുന്ന വിധം* ________________________ ```ഗ്രാമ്പൂ, കറുവാപ്പട്ട, ഏലക്ക, തക്കോലം എന്നിവ ചതച്ചു ചേർത്ത് കോഴിയിറച്ചി വേവിക്കാം. ഒരു പാനിൽ സവാള, കറിവേപ്പില, വെളുത്തുള്ളിയും ഇഞ്ചിയും അരച്ചത്, മുളകുപൊടി, മഞ്ഞൾപ്പൊടി, മല്ലിപ്പൊടി, കുരുമുളകുപൊടി, എന്നിവ ചേർത്തു വഴറ്റാം. പച്ചക്കറികളുടെ നിറം മാറി വരുമ്പോൾ പാതി വെന്ത ചിക്കൻ കഷ്ണങ്ങൾ ചേർക്കാം. ഇതിലേക്ക് തേങ്ങയുടെ ഒന്നാം പാൽ ചേർത്തു തിളപ്പിക്കാം. പാകത്തിന് ഉപ്പും ചേർത്തിളക്കി യോജിപ്പിക്കാം. കുറുകി വരുമ്പോൾ അടുപ്പണച്ച് മുകളിൽ മല്ലിയല വിതറി ചൂടോടെ പിടിക്കൊപ്പം വിളമ്പാം.``` +------+------+------+------+-----+