#💔मराठमोळ्या गायकाचे निधन🙏 : 'हमारा बजाज'... जाहिरातीतून 90 मधील प्रेक्षकांच्या मनावर कोरलेला आवाज हरपला; विनय मांडकेंचं निधन, मुंबईत घेतला अखेरचा श्वास......................
संगीत विश्वातून एक दु:खद बातमी समोर येत आहे. प्रसिद्ध गायक विनय मांडके (Vinay Mandke) यांचं निधन झालं आहे. वयाच्या 73 व्या वर्षी त्यांनी अखेरचा श्वास घेतला.
त्यांचा दादर येथील त्यांच्या निवासस्थानी 1 एप्रिल रोजी निधन झाले असल्याची माहिती आहे. त्यांनी आपल्या कारकिर्दीत अनेक जिंगल्ससाठी आवाज दिला होता. विनय मांडके यांनी आपल्या कारकिर्दीत दीडशेहून अधिक चित्रपटांसाठी पार्श्वगायन केलं. तसेच सात हजारांहून अधिक जिंगल्स (Singer) गायले. विशेष म्हणजे, 'हमारा बजाज' (Humara Bajaj) या जिंगलमुळे त्यांना घराघरांत ओळख मिळाली. विनय मांडके यांच्या पश्चात पत्नी, सून, मुलगा आणि नातू असा परिवार आहे. दरम्यान, त्यांच्या निधनानंतर संगीत क्षेत्रातून हळहळ व्यक्त होत आहे. मिळालेल्या माहितीनुसार, त्यांच्या पार्थिवावर शिवाजी पार्क स्मशानभूमीत अंत्यसंस्कार करण्यात आले आहे.
