ମାଟିତଳୁ ବାହାରୁଛି ମଦ । ଯେତେ ଖୋଳିଲେ ସେତେ ବାହାରୁଛି ଦେଶୀ ମଦ । ପ୍ଲାଷ୍ଟିକ ବ୍ୟାରେଲରେ ମାଟି ତଳେ ପୋତା ହୋଇ ରହିଛି ରନ୍ଧା ଦେଶୀ ମଦ । ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକର ଅରଖକୁଦା ମେରାଇନ ଥାନା ଅଧିକାରୀ ନିରଞ୍ଜନ ବେହେରାଙ୍କ ନେତୃତ୍ବରେ ଚାଲିଛି ଚଢ଼ାଉ । ପୁଲିସ ଚଢ଼ାଉ କରି ବ୍ୟାରେଲ ବ୍ୟାରେଲ ମଦ ନଷ୍ଟ କରୁଥିବାର ଏକ୍ସକ୍ଲୁସିଭ ଭିଜୁଆଲ କ୍ୟାମେରାରେ କଏଦ ହୋଇଛି। ମଦ ମାଫିଆଙ୍କୁ ସାବାଡ଼ କରିବା ପାଇଁ ବଡ଼ ଧରଣର ଅଭିଯାନ ଆରମ୍ଭ କରିଛି ପୁଲିସ । ଅରଖକୁଦା ଭାଗବତ ସାହିରୁ ବିପୁଳ ପରିମାଣରେ ଦେଶୀ ମଦ ଓ ପୋଚ ଜବତ କରି ନଷ୍ଟ କରିଛି ମେରାଇନ ଥାନା ପୁଲିସ । ମଦରେ ବ୍ୟବହୃତ ବିଭିନ୍ନ କଂଚାମାଲ ଓ ବିପୁଳ ପରିମାଣରେ ୟୁରିଆ ମଧ୍ୟ ଜବତ କରିଛି ପୁଲିସ । ପୁର୍ବରୁ ଏଠି ଦେଶୀ ମଦ ପ୍ରସ୍ତୁତ ନେଇ ବାରମ୍ବାର ଅଭିଯୋଗ ଆସିଥିଲା କିନ୍ତୁ କୌଶଳ କ୍ରମେ ପ୍ରସ୍ତୁତ କରି ଲୁଚାଇ ରଖୁଥିଲେ ମାଫିଆ । ଠୋସ୍ ପ୍ରମାଣ ମିଳିବା ପରେ ନିଜ ଟିମ ସହ ଚଢ଼ାଉ କରି ଜବତ କରିଛନ୍ତି ଥାନା ଅଧିକାରୀ ।
#🤔⛏️ମାଟିତଳୁ ବାହାରୁଛି ମଦ🍾