आरटीआय कार्यकर्त्यापासून विमा क्षेत्रातील एमडीआरटीपर्यंत – अनिल गलगली यांची उल्लेखनीय झेप
प्रसिद्ध आरटीआय कार्यकर्ते अनिल गलगली यांनी विमा क्षेत्रात उल्लेखनीय यश मिळवत ॲक्सिस मॅक्स लाईफ इन्शुरन्स अंतर्गत प्रतिष्ठित एमडीआरटी (मिलियन डॉलर राऊंड टेबल) पुरस्कार पटकावला आहे.
सन 2025 मध्ये अनिल गलगली यांनी विमा क्षेत्रातील आंतरराष्ट्रीय स्तरावरील ही महत्त्वाची कामगिरी यशस्वीरित्या पूर्ण केली. यानिमित्ताने ॲक्सिस मॅक्स लाईफ इन्शुरन्स कार्यालय, घाटकोपर पूर्व, मुंबई येथे सन्मान समारंभाचे आयोजन करण्यात आले होते.
क्षेत्रीय व्यवस्थापक राहिल जैटली आणि कार्यालय प्रमुख महेश चौधरी यांनी एमडीआरटी (MDRT) मानांकन प्राप्त करणाऱ्या यशस्वी साधकांचा सन्मान केला. सन्मानित करण्यात आलेल्यांमध्ये अनिल गलगली, अब्दुल लतीफ, अशफाक अहमद, नमिता ठाक्कर आणि शैजू जोसे यांचा समावेश असून, या सर्वांनीही एमडीआरटी बेंचमार्क यशस्वीरित्या पूर्ण केला आहे.
हा सोहळा ॲक्सिस मॅक्स लाईफ इन्शुरन्स परिवारासाठी अभिमानाचा क्षण ठरला असून विमा क्षेत्रातील गुणवत्ता आणि व्यावसायिकतेचे प्रतीक मानला जात आहे.
#anilgalgali ##अनिलगलगली #अग्निशिला
