పరిశుద్ధమైన జలసేవనం మన ప్రాణధార, ప్రాణవాయువు వంటిది!
లేదా
మంచి స్వచ్ఛమైన త్రాగునీరు వాడకం - మన శరీరం రోగాల బారినపడకుండా సంరక్షించే ఓక గొప్ప సంజీవిని!
శుభ్రమైన త్రాగునీరు వాడకం మన ఆరోగ్య పరిరక్షణకు ఓక ఆయుధం వంటిది.చక్కటి శరీర సౌష్టవానికి,మన శరీరం జబ్బుల దరి చేరకుండా ఉండటానికి ఉచితమైన మెడిసిన్ ఏదైనా ఉందంటే అది ఒక్క శుద్ధిచేసిన నీరు మాత్రమే.వేకువజామున రెండు మూడు గ్లాసుల గోరు వెచ్చని నీరు సేవించామంటే చాలు మనలో అంతవరకు అవహించి వున్న నిసత్తువ తొలిగిపోయి రోజంతా మన శరీరం ఎనలేని ఉత్సహాన్ని సంతరించుకుంటుంది అనే మాట సత్యదూరం కాదు.ముఖ్యంగా రాబోతున్న మండు వేసవిలో తగినంత సముపాళ్ళలో స్వచ్ఛమైన నీరు సేవించడం మూలాన మన బాడీ డీహైడ్రెషన్ బారిన పడకుండా అత్యంత సురక్షితంగా ఉంటుంది.అందుకనే ప్రజలందరూ స్వచ్ఛమైన నీరును సేవిస్తూ మంచి ఆరోగ్యవంతులుగా జీవించాలనే ఏకైక లక్ష్యం తో మన రాష్ట్ర ప్రభుత్వం వారు అనేక ప్రాంతాల్లో,పట్టణాల్లో, పల్లెల్లో ఉచిత బోర్లు వేస్తూ ప్రజలందరిలో జల కళ తీసుకువచ్చేలా అవిరళ కృషి సల్పుతున్నది.
ఏదిఏమైనా స్వచ్ఛమైన నీటి వాడకం అనేది మన ఆయుష్షును అమాంతం పెంచడమే కాకుండా మనం దీర్ఘకాలిక వ్యాధుల బారినపడకుండా సదా ఆరోగ్యవంతులుగా జీవించేందుకు మనకు ఓక గొప్ప సువర్ణ అవకాశాన్ని కల్పిస్తుంది అనడం లో ఎలాంటి సందేహానికి తావు లేదు.ఏమైనా స్వచ్ఛమైన త్రాగునీరు అందించే ప్రయోజనాలు అన్ని ఇన్ని కావు.ఒక విధంగా చెప్పాలంటే మన శరీరాన్ని జబ్బుల మయం చేసుకొని హాస్పిటళ్ళ చుట్టూ తిరుగుతూ,డాక్టర్ల చుట్టూ ప్రదక్షిణలు చేస్తూ వారికి చెల్లించే ఫీజుల రూపంలో మన జేబులకు అమాంతం చిల్లు పడకుండా చేసుకోవాలంటే మాత్రం స్వచ్ఛమైన మంచి త్రాగునీరు సేవనం మనందరికీ అత్యంత అవశ్యకం,ఎనలేని ఉపయోగకరం! ఇందులో ఎలాంటి సందేహానికి తావు లేదు.
- బుగ్గన మధుసూదనరెడ్డి,సామాజిక విశ్లేషకుడు, బేతంచెర్ల,నంద్యాల జిల్లా!
#జలం...నీరు💐🎂
