✍️ അഡ്വ. ശ്രീജിത്ത് പെരുമന
ഇനിയൊരു സലീംകുമാറിനും ഇത് സംഭവിക്കാതിരിക്കടട്ടെ 💔 ...
വ്യാജ വൈദ്യവുമായി ബന്ധപ്പെട്ട് ഏതെങ്കിലും വ്യക്തിയോടയിരുന്നില്ല കഴിഞ്ഞ കാലങ്ങളിലെ എന്റെ പോരാട്ടം മറിച്ച് മനുഷ്യൻ ശൂന്യകാശത്ത് സ്ഥിര താമസമാക്കിയ കാലത്തും ആശാസ്ത്രീയതയും, അന്ധവിശ്വാസവും വളർത്തി മനുഷ്യരെ അന്ധകാരത്തിലേക്കും മരണത്തിലേക്കും നയിക്കുന്ന അന്ധ വിശ്വാസങ്ങൾക്കും, ബിസിനസുകൾക്കും അതിനു ഇരകളാക്കപ്പെടുന്ന ജനതയുടെ ബുദ്ധിശൂന്യതയ്ക്കുമെതിരെയായിരുന്നു പോരാട്ടങ്ങൾ.
വൈറസൊ ബാക്റ്റീരയോ രോഗങ്ങളോ ഇല്ലെന്നും അലോപ്പതി ശാസ്ത്രം വ്യാജമാണെന്നും ആധുനിക വൈദ്യശാസ്ത്രങ്ങളെല്ലാം തെറ്റാണെന്നും പ്രചരിപ്പിക്കുന്നതിനോടൊപ്പം അന്ധവിശ്വാസങ്ങളും, അനാചാരങ്ങളും, ഭയവും വളർത്തി വ്യാജ ചികിത്സ നടത്തിവന്ന അക്ഷരാഭ്യാസം പോലുമില്ലാത്ത വ്യാജരെ പിന്തുണച്ചും, ചികിത്സ തേടിയും, ആരാധിച്ചും വന്ന ഒരുപറ്റം ജനതയും ഇനിയെങ്കിലും യാഥാർഥ്യം തിരിച്ചറിഞ് മോചിതരാകണം.
ആധുനിക വൈദ്യശാസ്ത്രത്തിനു രക്ഷിക്കാൻ കഴിയുമായിരുന്ന ഒരുപാട് രോഗികളെ നെല്ലിക്ക നീരും, തേനും, ജീരകവും നൽകി മരണത്തിലേക്ക് തള്ളിവിട്ടുകൊണ്ടിരിക്കുന്ന ഇത്തരം ആളുകൾ വാളെടുത്തവൻ വാളാൽ എന്ന തത്വ ശാസ്ത്രവും അറിഞ്ഞിരിക്കേണ്ടതാണ് എന്ന് ഈ സംഭവം ഓർമ്മപ്പെടുത്തുന്നു..
ഇന്നലെ വിട പറഞ്ഞ അഭിനയ കുലപതി സലിംകുമാറിന്റെ അനുഭവത്തിലേക്ക് വന്നാൽ,
"ചോരയാണ് ശർദിച്ചത് , ഒടുവിൽ കുടൽൽമാല വരെ പുറത്തുവരുന്ന അവസ്ഥയാണ് അനുഭവിച്ചത്" , വ്യാജ വൈദ്യന്മാരുടെ ചികിത്സയിൽ സലിം കുമാറിന് അന്ന് സംഭവിച്ചത് നിങ്ങളറിയണം
ലിവർ ട്രാൻസ്പ്ലാന്റ് ചെയ്യാനുള്ള പേടിമൂലവും , ജീവിക്കാനുള്ള കൊതി കൊണ്ടും വൈദ്യരുടെ ചികിത്സയ്ക്ക് വിധേയനാവേണ്ടി വന്നെന്നും പിന്നീട് അനുഭവിച്ചതും മുൻപ് വേദിയിൽ സലിം കുമാർ തുറന്ന് പറഞ്ഞിരുന്നു . സലിം കുമാറിന്റെ വാക്കുകളാണ് വീണ്ടും ഇപ്പോൾ ശ്രെധ നേടുന്നത് . തനിക്ക് സംഭവിച്ചത് ഇനി മറ്റാർക്കും സംഭവിക്കരുത് എന്ന് തുറന്ന് പറഞ്ഞ സലിം കുമാർ പറഞ്ഞതിങ്ങനെ ;
"പലരും ഈ ലിവർ ട്രാൻസ്പ്ലാന്റ് നു ശേഷവും അതിനു മുൻപും ഉള്ള സംഭവമൊക്കെ പറഞ്ഞു . പക്ഷെ പലരും ഇവിടെ എത്തിച്ചേരുന്നത് അവസാന നിമിഷങ്ങളിലാണ് , ഇപ്പൊ ബാല ആണെങ്കിലും ആരാണെങ്കിലും അവസാന നിമിഷം മരണം തൊട്ടു മുന്നിൽ കാണുമ്പോഴാണ് ഭൂരിഭാഗം പേരും.. ഹോസിപിറ്റലിൽ എത്തിച്ചേരുന്നത് . അതുവരെ ഇവര് എവിടെ പോയിരുന്നു എന്നൊരു ചോദ്യത്തിലേക്കാണ് ഞാൻ പറഞ്ഞു വരുന്നത് .
സാദാരണ മഞ്ഞപ്പിത്തം സർവ സാദാരണമായിട്ട് ആളുകൾക്ക് വരുന്ന അസുഖമാണ് , ഈ മഞ്ഞപ്പിത്തം ആരെങ്കിലും പറഞ്ഞാൽ അപ്പൊ നമ്മുടെ നാട്ടിൽ പറയും ഇന്ന സ്ഥലത്ത് ഒരു വൈദ്യൻ ഉണ്ട് , അദ്ദേഹം ഒരു പൊടി മരുന്ന് തരും അത് കഴിച്ചാൽ മഞ്ഞപ്പിത്തം മാറും . മഞ്ഞപിത്തം വന്നാൽ കൂടുതൽ ആളുകളും ഇങ്ങനെയുള്ള വൈദ്യന്മാരെയാണ് ആദ്യം കൂടുതലും ആശ്രയിക്കുന്നത് . അപ്പൊ ഞാൻ അന്വഷിച്ചപ്പോൾ മഞ്ഞപ്പിത്തത്തിന് വൈദ്യര് കൊടുത്ത മരുന്ന് കഴിച്ചാൽ മഞ്ഞപിത്തം മാറും , എന്നാൽ പിന്നീടാണ് മനസിലായത്
എല്ലാ മഞ്ഞപ്പിത്തവും വൈദ്യര് കൊടുത്ത മരുന്ന് കൊണ്ട് മാറില്ല .വൈദ്യർ കൊടുത്ത മരുന്നു കൊണ്ട് മാറുന്ന മഞ്ഞപ്പിത്തം ഒന്നും കഴിച്ചില്ലെങ്കിലും മാറും . അതീ പാവപെട്ട ജനങ്ങൾ മനസിലാകുന്നില്ല , മഞ്ഞപ്പിത്തം പല വിധം ഉണ്ടെന്നും അത് വൈദ്യരുടെ പരിധിക്ക് അപ്പുറം ആണെന്നും പലർക്കും അറിയില്ല . ഞാൻ എന്റെ സ്വന്തം ജീവിതത്തിൽ അനുഭവിച്ചത് മറ്റാരും അനുഭവിക്കരുത് അതിന് വേണ്ടിയാണു ഞാൻ ഇ ഇങ്ങനെ പറയുന്നത്
എനിക്ക് അസുഖം ആണെന്ന് ഞാൻ അറിഞ്ഞു , അപ്പോൾ ഞാൻ സേർച്ച് ചെയ്തു നോക്കി എൻറെ അവസ്ഥയ്ക്ക് ലിവർ ട്രാൻസ്പ്ലാന്റ് ചെയ്യുകയല്ലാതെ മറ്റുവഴികൾ ഇല്ല എന്നാണ് മനസിലായത് . എന്നാൽ ലിവർ ട്രാൻസ്പ്ലാന്റ് ചെയ്യുന്നില്ല എന്ന് തീരുമാനിച്ചു അതിനു പകരം മറ്റ് എന്ത് വഴി എന്ന് ആലോചിച്ചു . എന്റെയൊരു സുഹൃത്ത് എന്റെ അവസ്ഥ കണ്ട് എന്നോട് പറഞ്ഞു "സലീമേ ഒറ്റപ്പാലത്ത് ഒരു വൈദ്യനുണ്ട് നിർമ്മലാന്ദഗിരി എന്നാണ് പേര് അദ്ദേഹം കാൻസർ വരെ മാറ്റുന്ന വൈദ്യരാണ് .
അങ്ങനെ ഞാനും സുഹൃത്തും കൂടി ഒറ്റപ്പാലത്ത് നിര്മലാനന്ദഗിരി എന്ന വൈദ്യരെ കാണാൻ ചെന്നു , വൈദ്യർ പറഞ്ഞു 51 ദിവസം മതി ഈ അസുഖം ഞാൻ മാറ്റി തരാം എന്ന് . നിലംപരണ്ട എന്നൊരു മരുന്നുണ്ട് .51 ദിവസം കഞ്ഞിയിൽ ഇട്ട് കുടിക്കാൻ പറഞ്ഞു , 51 അല്ല ഞാൻ 501 ദിവസം കഴിച്ചു , ഒരിക്കൽ ഞാൻ വൈദ്യരെ വിളിച്ചു , അപ്പോൾ വൈദ്യർ പറയുകയാണ് "സലീമേ ഞാൻ കാൻസർ ഹോസ്പിറ്റലിൽ നിൽക്കുകയാണ് എനിക്ക് കാൻസർ ആണ് , കാൻസർ ഇപ്പോൾ 4ത് സ്റ്റേജ് ആണ് എന്ന്" .
ഈ വൈദ്യരാണ് ക്യാൻസറിന് നു ചികില്സിച്ചത് . ജീവിക്കാനുള്ള മോഹം കൊണ്ടും ലിവർ ട്രസ്റർപ്ളാന്റ് ചെയ്യാനുള്ള പേടികൊണ്ടും ഞാൻ വീണ്ടും ചേർത്തലയിലുള്ള മറ്റൊരു വൈദ്യരുടെ അടുത്ത് പോയി , നിങ്ങൾ കേട്ടിട്ടുണ്ടാകും ആ വൈദ്യരെ മോഹനൻ വൈദ്യർ എന്നാണ് പേര് . അദ്ദേഹം എന്നോട് പറഞ്ഞു ഈ അസുഖത്തിന് ഇംഗ്ലീഷിൽ മരുന്നില്ല , പുള്ളി കുറെ മരുന്ന് എനിക്ക് എഴുതി തന്നു . അങ്ങനെ ഞാൻ മരുന്നുമായി വീട്ടിൽ എത്തി , ഇങ്ങനൊരു തന്ന മരുന്ന് കഴിച്ചപ്പോൾ ചോര ഇങ്ങനെ ശര്ധിക്കുകയാണ് , അപ്പോൾ ഞാൻ മോനോട് പറഞ്ഞു വൈദ്യരെ ഒന്ന് വിളിക്ക് എന്നിട്ട് ചോദിക്ക് എന്ന് പറഞ്ഞു .
മോൻ വിളിച്ചപ്പോൾ വൈദ്യർ പറയുവാ അകത്ത് കുറച്ചു ചോര കിടപ്പുണ്ടായിരുന്നു അത് പുറത്തു പോവാൻ ഞാൻ ചെറിയ മരുന്ന് അതിൽ ഉൾപ്പെടുത്തിയിരുന്നു എന്ന് .അങ്ങേരുടെ മരുന്ന് കഴിച്ച് അകത്ത് ഉള്ള ചോര മാത്രമല്ല കുടല് മാല വരെ പുറത്തെത്തുന്ന അവസ്ഥയായി , മോൻ വീണ്ടും വൈദ്യരെ വിളിച്ചു അപ്പോൾ വൈദ്യർ പറയുകയാണ് വേഗം ആശുപത്രിയിൽ കൊണ്ടുപോയ്ക്കോളാൻ , പിന്നീട് പലതവണ ഞാൻ അയാളെ ഫോൺ വിളിച്ചു പിന്നീട് അയാൾ ഫോൺ എടുത്തിട്ടില്ല .
ഇത്തരത്തിൽ നിരവധി വ്യാജ വൈദ്യന്മാർ നിരവധി നമുക്ക് ചുറ്റുമുണ്ട് , ഇവർ നമ്മുടെ അവസ്ഥ എല്ലാം വഷളാക്കി കളയും , എനിക്ക് സംഭവിച്ചത് ഇനി മറ്റാർക്കും സംഭവിക്കാതിരിക്കാനാണ് ഞാൻ ഇങ്ങനെ ഒരു കാര്യം പറയുന്നത് എന്നാണ് മുൻപ് സലിം കുമാർ പറഞ്ഞത്.
ഇനിയൊരു സലീം കുമാറിനും ഇത് സംഭവിക്കാതിരിക്കട്ടെ...
മനുഷ്യൻ ചന്ദ്രനിൽ കാലുകുത്തിയ കാലവും പിന്നിട്ട്, ബഹിരാകാശത്ത് സ്ഥിരതാമസത്തെക്കുറിച്ച് ചിന്തിക്കുന്ന കാലഘട്ടത്തിലുമാണ് നാം ജീവിക്കുന്നത്. എന്നിട്ടും രോഗങ്ങളെയും മരണത്തെയും കുറിച്ചുള്ള ഭയത്തെ മുതലെടുത്ത് അന്ധവിശ്വാസവും വ്യാജ വൈദ്യവും ഇന്നും അനേകം മനുഷ്യരുടെ ജീവിതം തകർക്കുകയാണ്.
ഇവിടെ പ്രശ്നം ഒരു വ്യക്തിയല്ല. പ്രശ്നം ശാസ്ത്രീയ തെളിവുകളില്ലാത്ത ചികിത്സകളെയും, രോഗങ്ങളെക്കുറിച്ചുള്ള തെറ്റായ ധാരണകളെയും, ഭയത്തെയും പ്രതീക്ഷയെയും ചൂഷണം ചെയ്യുന്ന ഒരു വ്യവസായത്തെയുമാണ്.
വൈറസുകളില്ല, ബാക്ടീരിയകളില്ല, ആധുനിക വൈദ്യശാസ്ത്രം മുഴുവൻ തെറ്റാണ് എന്നൊക്കെയുള്ള പ്രചാരണങ്ങൾ കേട്ട് ഇന്നും പലരും ജീവിതം പണയം വെക്കുന്നു. പല രോഗങ്ങളും ചികിത്സിക്കാൻ കഴിയുന്ന ഘട്ടത്തിൽ തന്നെ ശാസ്ത്രീയ ചികിത്സ തേടിയിരുന്നെങ്കിൽ രക്ഷിക്കാനാകുമായിരുന്ന അനേകം ജീവനുകൾ നമുക്ക് നഷ്ടപ്പെട്ടിട്ടുണ്ട്.
രോഗം വന്നാൽ വിശ്വസിക്കേണ്ടത് തെളിവുകളെ അടിസ്ഥാനമാക്കിയുള്ള വൈദ്യശാസ്ത്രത്തെയാണ്. ചികിത്സ തേടേണ്ടത് പരിശീലനവും യോഗ്യതയും ഉത്തരവാദിത്തവുമുള്ള ആരോഗ്യ പ്രവർത്തകരിൽ നിന്നാണ്. കാരണം അന്ധവിശ്വാസങ്ങൾക്ക് വില കൊടുക്കേണ്ടി വരുന്നത് പലപ്പോഴും മനുഷ്യജീവനുകളാണ്.
സലീം കുമാർ എന്ന മഹാനായ കലാകാരനെ നമ്മൾ ഓർക്കുമ്പോൾ, അദ്ദേഹത്തിന്റെ കലാപ്രതിഭയെ മാത്രമല്ല, സമൂഹത്തോട് പങ്കുവെച്ച ഈ വലിയ മുന്നറിയിപ്പിനെയും ഓർക്കാം.
അഡ്വ ശ്രീജിത്ത് പെരുമന
#സലിംകുമാർ എന്ന മനുഷ്യൻ 🙏 #വ്യാജവൈദ്യം #ആളെ കൊല്ലുന്നു