ମରାଠୀ ଚଳଚ୍ଚିତ୍ର ଏବଂ ଟିଭି ଜଗତରୁ ଏକ ଦୁଃଖଦ ଖବର ସାମ୍ନାକୁ ଆସିଛି। ଯୁବ ଅଭିନେତା ମହେଶ ପାୱାରଙ୍କର ୨୫ ବର୍ଷ ବୟସରେ ଦୁର୍ଘଟଣାରେ ମୃତ୍ୟୁ ଘଟିଛି। ସେ ସାଙ୍ଗମାନଙ୍କ ସହ ବୁଲିବାକୁ ଯାଇଥିବା ବେଳେ ତାଙ୍କ ଗାଡ଼ି ଭାରସାମ୍ୟ ହରାଇ ରାସ୍ତାପାର୍ଶ୍ବକୁ ଖସି ପଡ଼ିଥିଲା। ଏହି ଭୟାବହ ଦୁର୍ଘଟଣାରେ ମୋଟ ୮ ଜଣଙ୍କ ଜୀବନ ଯାଇଥିବାର ଜଣାପଡ଼ିଛି।ସୂଚନା ଅନୁଯାୟୀ, ଏହି ଦୁର୍ଘଟଣା ମହାରାଷ୍ଟ୍ରର ରାୟଗଡ଼ ଜିଲ୍ଲାର ପୋଲାଦପୁର-ମହାବଳେଶ୍ୱର ରାସ୍ତାର ଅମ୍ବେନାଲି ଘାଟ ଅଞ୍ଚଳରେ ଘଟିଥିଲା। ମୁମ୍ବାଇରୁ ପ୍ରାୟ ୧୮୦ କିଲୋମିଟର ଦୂରରେ ଥିବା ଏହି ପାହାଡ଼ିଆ ଅଞ୍ଚଳରେ ଏକ ଏସୟୁଭି ଗାଡ଼ି ନିୟନ୍ତ୍ରଣ ହାରାଇ ରାସ୍ତାରୁ ୧,୦୦୦ ଫୁଟ୍ ତଳକୁ ଖସି ପଡ଼ିଥିଲା। ପୁଲିସ କହିବା ଅନୁଯାୟୀ, ମୃତକମାନେ ରବିବାର ଦିନ ଦାପୋଲିର ହର୍ଣ୍ଣେ ଅଞ୍ଚଳରୁ ଯାତ୍ରା ଆରମ୍ଭ କରିଥିଲେ। ସେମାନେ ନିର୍ଦ୍ଧାରିତ ସମୟରେ ସତାରା ପହଞ୍ଚି ନଥିବାରୁ ପରିବାର ଲୋକ ଚିନ୍ତିତ ହୋଇ ପୁଲିସକୁ ସୂଚନା ଦେଇଥିଲେ। ପୁଲିସ ଅନେକ ସମୟ ଖୋଜାଖୋଜି କରିବା ସମୟରେ ଗାଡ଼ିର ସନ୍ଧାନ ମିଳିଥିଲା।
#💥ଦୁର୍ଘଟଣାରେ 7ଜଣଙ୍କ ସହ ଅଭିନେତାଙ୍କ ମୃତ୍ୟୁ🥀