📚 ട്വിസ്റ്റ് കഥകൾ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mRzwG7a?d=n&ui=v64j8rk&e1=cഅവൾക്ക് എന്തോ വല്ലാത്ത ഭയം തോന്നി. ഇനി അച്ഛനെങ്ങാനും ആയിരിക്കുമോ. അമ്മ ജോലി കഴിഞ്ഞ് എത്തിയിട്ടുമില്ല . അവൾ മുൻവശത്തെ വാതിൽക്കൽ എത്തിയിട്ട് മുറ്റത്തേക്ക് നോക്കി. മുറ്റത്തേക്ക് കയറി വരികയാണ് അമ്മയോടൊപ്പം ജോലി ചെയ്യുന്ന കൗസല്യ ചേച്ചി. ഓഹ്...കൗസല്യ ചേച്ചിയായിരുന്നോ,അവൾക്ക് ആശ്വാസം തോന്നി. അവൾ ചിരിയോടെ പുറത്തേക്കിറങ്ങി. ഇന്നെന്താ പണി നേരത്തെ കഴിഞ്ഞോ ചേച്ചി?? എന്നിട്ട് അമ്മയെവിടെ കാണുന്നില്ലല്ലോ, അവൾ വഴിയിലേക്ക് നോക്കി. മോളെ അത് പിന്നെ.... കൗസല്യ ചേച്ചിയുടെ മുഖത്ത് വല്ലാത്തൊരു ഗൗരവം നിറഞ്ഞു നിന്നിരുന്നു. എന്താ ചേച്ചീ...?? ദേവികയിൽ വല്ലാത്തൊരു ഭയം നിറഞ്ഞു മോളെ, മീരക്ക് പെട്ടെന്നൊരു വയ്യായ്ക അവളെ ഹോസ്പിറ്റലിൽ കൊണ്ടുപോയിരിക്കുകയാണ്. അയ്യോ... അമ്മയ്ക്ക് എന്ത് പറ്റി?? അവൾ കരച്ചിലിന്റെ വക്കിലെത്തി. പെട്ടന്ന് ഒന്ന് തലകറങ്ങി, ഭാഗ്യത്തിന് ആ വീട്ടിലെ പയ്യൻ അവിടെയുണ്ടായിരുന്നു അതുകൊണ്ട് പെട്ടെന്ന്ആശുപത്രിയിലേക്ക് കൊണ്ടുപോയി. കൂടെ പണിയുന്ന സരളയും മിനിയും ഒപ്പം പോയിട്ടുണ്ട്, പേടിക്കാനൊന്നുമില്ല. ചേച്ചി മോൾക്ക് കൂട്ടിരിക്കാം എന്ന് കരുതി വന്നതാണ്. അമ്മയേ ഏത് ഹോസ്പിറ്റലിലേക്കാണ് കൊണ്ടുപോയത്?? പറ ചേച്ചി... ഞാൻ വേഗം പോകട്ടെ.. വേണ്ട മോളെ പോകണ്ട. അമ്മയ്ക്ക് കുഴപ്പമൊന്നുമില്ല. ഇപ്പോൾ ഇങ്ങോട്ട് വരും. അവളുടെ കണ്ണുകൾ നിറഞ്ഞു തുളുമ്പി. തനിക്കീ ലോകത്തിൽ അമ്മ മാത്രമേ ഉള്ളൂ... അമ്മക്കൊരു പോറൽ ഏറ്റാൽ പോലും തനിക്ക്‌ സഹിക്കില്ല.. മോള് എന്തെങ്കിലും കഴിച്ചായിരുന്നോ ?? കൗസല്യ ചേച്ചി ചോദിച്ചു. ഇല്ല... എന്നാൽ ഭക്ഷണം എടുത്ത് കഴിക്ക്. എനിക്കൊന്നും വേണ്ട.. അമ്മയൊന്നു വന്ന് കണ്ടാലേ അവൾക്ക് സമാധാനമാകൂ... അൽപസമയം കഴിഞ്ഞപ്പോൾ ഒന്ന് രണ്ട് ആളുകൾ കൂടി അങ്ങോട്ട് വന്നു. പതിയെ പതിയെ ആളുകളുടെ എണ്ണം കൂടി വന്നു. ദേവികയുടെ ഉള്ളിൽ അകാരണമായ ഒരു ഭീതി നിറഞ്ഞു.. അരുതാത്തതെന്തോ സംഭവിച്ചുവെന്നവളുടെ ഉള്ളം മന്ത്രിച്ചു. സത്യം പറ, എന്താ എന്റെ അമ്മക്ക്?? അവൾ കൗസില്യ ചേച്ചിയെ പിടിച്ചുകുലുക്കി... പറ ചേച്ചീ... എന്താ...?? മോളെ നീ സമാധാനമായിരിക്കണം. ഇല്ല. എന്നോട് നിങ്ങൾ സത്യം പറ ഇല്ലെങ്കിൽ എനിക്ക് ഭ്രാന്ത് പിടിക്കും. എന്താ പറ്റിയത്?? ഇയാളുകളെല്ലാം എന്തിനാ ഇങ്ങോട്ട് വന്നത്?? മോളെ, പണിതുകൊണ്ടിരുന്നപ്പോൾ മീരയ്ക്ക് പെട്ടെന്നൊരു നെഞ്ച് വേദന, കുഴഞ്ഞു വീഴുകയായിരുന്നു. പെട്ടെന്ന് ആശുപത്രിയിൽ എത്തിച്ചു. പക്ഷേ... ആശുപത്രിയിലെത്തുന്നതിനു മുൻപേ.... കൗസല്യ പാതിയിൽ നിർത്തി. അത് കേട്ടതും ദേവിക ശില പോലെ ഇരുന്നു. കാതുകൾ രണ്ടും കൊട്ടിയടക്കപ്പെട്ടത് പോലെ, ഒന്നും കേൾക്കുന്നില്ല. ചുറ്റിലും നടക്കുന്നതൊന്നും അവൾ അറിഞ്ഞില്ല. ഒരേ ഇരുപ്പ്... അല്പസമയം കഴിഞ്ഞപ്പോൾ താഴെ വണ്ടികളുടെ ശബ്ദം കേട്ടു. ആരൊക്കെയോ ചേർന്ന് മീരയെ എടുത്തുകൊണ്ട് വീട്ടിലേക്ക് വന്നു. ദേവിക ചാടി എഴുന്നേറ്റു. പെട്ടെന്ന് അവളെ കൗസല്യ ചേച്ചിയും, മറ്റ് രണ്ട് സ്ത്രീകളും ചേർന്ന് മുറുകെ പിടിച്ചു എന്നെ വിട്... അവൾ കുതറി. എന്നിട്ടും അവർ പിടിവിട്ടില്ല അകത്തെടുത്ത് കിടത്തിയ മീരയുടെ അരികിലേക്ക് അവർ ദേവികയെ കൊണ്ടുപോയി. ദേവിക അമ്മയുടെ മുഖത്തേക്ക് സൂക്ഷിച്ച് നോക്കി... പിന്നെ പതിയെ ചിരിച്ചു... ഇത് കൊള്ളാം... ഇങ്ങനെ കിടക്കാതെ എനിക്ക് ചായ ഉണ്ടാക്കിത്താ അമ്മേ അവൾ പറഞ്ഞു. മോളെ.... നീ ഇവിടെ ഇരിക്ക്... അവർ അവളെ ബലമായി കസേരയിലേക്ക് ഇരുത്തി. അവൾ പെട്ടെന്ന് ചാടി എഴുന്നേറ്റു. അങ്ങനെ ഇരുന്നാൽ എങ്ങനെയാ ശരിയാവുന്നത്, അമ്മക്ക് മടിയാണെങ്കിൽ ഞാൻ പോയി ചായ ഉണ്ടാക്കാം. അവൾ അടുക്കളയിലേക്ക് നടക്കാനാഞ്ഞു. മോളെ എന്താടീയിത്...കൗസല്യ ചേച്ചി കണ്ണുനീരോടെ ചോദിച്ചു. അവൾ കൗസല്യ ചേച്ചിയുടെ മുഖത്തേക്ക് നോക്കി, നിറഞ്ഞൊഴുകുന്ന അവരുടെ ആ കണ്ണുകൾ കണ്ടപ്പോൾ ദേവിക പതറിപ്പതറി ചുറ്റിലും നോക്കിക്കൊണ്ടിരുന്നു. ഒടുവിൽ അവളുടെ കണ്ണുകൾ മീരയുടെ മുഖത്ത് വന്നു നിന്നു. അല്പനേരം അവളമ്മയെ സൂക്ഷിച്ചു നോക്കിക്കൊണ്ടിരുന്നു... പിന്നെപെട്ടന്ന് മീരയെ കെട്ടിപ്പിടിച്ചു കരഞ്ഞു... ആളുകൾ അവളെ പിടിച്ചു മാറ്റാൻ തുനിഞ്ഞു. വേണ്ട അവൾ കരയട്ടെ... കൗസല്യ ചേച്ചി അവരെ തടഞ്ഞു. ദേവികയുടെ ആ കരച്ചിൽ കണ്ടുനിന്നവരുടെ പോലും ഉള്ളം തകർത്തു... വേണ്ടപ്പെട്ടവരായി നമ്മളൊക്കെ തന്നെയേയുള്ളൂ... അയൽവക്കക്കാർ മുന്നോട്ടുവന്നു... ആ മോഹൻ എവിടെയാണോ എന്തോ അയാൾ വരാതെ എങ്ങനെയാ..ഒരാൾ ചോദിച്ചു. അയാൾ വരുമോ എന്ന് നോക്കാം, അല്ലെങ്കിലും ഇന്നിപ്പോൾ ഇത്രയും നേരമായില്ലേ, നാളെ രാവിലെ ചടങ്ങുകൾ വയ്ക്കാം. അയാൾ വരികയാണെങ്കിൽ വരട്ടെ... അവസാനമായി ഒന്ന് കാണാൻ പറ്റുകയാണെങ്കിൽ അയാൾ കാണട്ടെ. അതിന് അയാളെങ്ങനെ അറിയാനാ?? ഊരുതെണ്ടി നടന്നിട്ട് ഏതെങ്കിലും സമയത്ത് കയറിവരും, തോന്നുമ്പോൾ പോകും. അങ്ങനെയുള്ള ആളല്ലേ വന്നാൽ വന്നു അത്രതന്നെ... എൽദോസ് വിവരമറിഞ്ഞിരുന്നു. അറിഞ്ഞപ്പോൾ തന്നെ അയാൾ അവിടെയെത്തി. അയാൾ ബാക്കിയുള്ള കാര്യങ്ങൾക്കെല്ലാം നേതൃത്വം നൽകി. ആകെ തകർന്നിരിക്കുന്ന ദേവികയെ കാണുമ്പോഴെല്ലാം അയാളുടെ ഉള്ളം വിങ്ങുകയായിരുന്നു. ആർക്കും ഒരു ദ്രോഹവും ചെയ്യാത്ത അമ്മയും മകളുമാണ്. അവർക്ക് എന്തിനാണാവോ ഇങ്ങനെ ഒരു ഗതി വന്നത്?? ആ മോൾക്ക് ഇനി ആരുണ്ട്?? ആരൊക്കെയോ പറയുന്നത് അയാൾ കേട്ടു... എൽദോസാണ് എല്ലാ കാര്യങ്ങളും അറേഞ്ച് ചെയ്തത്. പിറ്റേന്ന് പത്തു മണി വരെ അവർ കാത്തു, എന്നിട്ടും മോഹനെത്തിയില്ല. ഇനിയിപ്പോൾ കാത്തിരിക്കുന്നതിലർത്ഥമില്ല നമ്മൾ എല്ലാവരും കൂടി വേണം കാര്യങ്ങളൊക്കെ നടത്താൻ. ആകെ ഈ പെൺകുട്ടി മാത്രമല്ലേ ഉള്ളൂ... അയൽവക്കത്തുള്ള ഒരാൾ പറഞ്ഞു കൗസല്യ ചേച്ചി ദേവികയുടെ കയ്യിൽ പിടിച്ചു, മോളെ നീ പോയി കുളിച്ചിട്ട് വാ, നീ വേണം അമ്മയെ യാത്രയാക്കാൻ.. അത് കേട്ടതും അവൾ യാന്ത്രികമായി കുളിമുറിയിലേക്ക് കയറി. കൗസല്യ ചേച്ചി ബാത്റൂമിനരികിൽ കാത്തുനിന്നു. അവർക്ക് വല്ലാത്ത ഭയമായിരുന്നു അവളെ ഒറ്റയ്ക്കാക്കാൻ. അവൾ കുളിച്ചീറനായി ഇറങ്ങിവന്ന്, കർമ്മങ്ങളൊക്കെ ചെയ്തു. അവൾ തന്റെ അമ്മയുടെ കവിളുകളിലും നെറ്റിയിലും ഭ്രാന്തമായുമ്മ വച്ചു.. ഇനിയീ ജന്മത്തിലൊരിക്കലും തനിക്ക് അമ്മയെ കാണുവാനാകില്ല.. അല്ല! ആരാണ് ചിതയ്ക്ക് തീ കൊളുത്തുക. ആൺകുട്ടികളായി ആരെങ്കിലും ഉണ്ടോ.?? ഞാൻ മതി അമ്മയ്ക്കും അതാണ് സന്തോഷം. ദേവിക പറഞ്ഞു. ചിതക്ക് തീ പകരുമ്പോൾ അവളുടെ കൈകൾ കിലുകിലെ വിറക്കുകയായിരുന്നു. തനിക്ക് ജന്മം നൽകിയ, തന്നെ നടക്കാൻ പഠിപ്പിച്ച, സ്വപ്നം കാണാൻ പഠിപ്പിച്ച, തനിക്ക് വേണ്ടി മാത്രം ജീവിച്ച തന്റെ അമ്മ എന്നേക്കുമായി ഭൂമിയിൽ നിന്നും വിട വാങ്ങുകയാണ്. അവൾ നിലത്തേക്ക് കുഴഞ്ഞുവീണു. പെട്ടെന്ന് രണ്ടുമൂന്ന് സ്ത്രീകൾ ചേർന്ന് അവളെ എടുത്തു കൊണ്ട് അകത്തേക്ക് പോയി... പതിയെ പതിയെ ആളുകൾ ഓരോരുത്തരായി പിരിഞ്ഞുപോയി ഏറ്റവും അടുത്ത അയൽക്കാർ മാത്രം അവിടെ അവശേഷിച്ചു. ആ അമ്മയും മകളും അവർക്കേറെ പ്രിയപ്പെട്ടവരായിരുന്നു. അതുകൊണ്ടുതന്നെ അവരുടെ വീട്ടിലെ ഒരംഗത്തെ പോലെ തന്നെയായിരുന്നു അവർ അവരെ കണ്ടിരുന്നത്. പെട്ടെന്ന് ഒരു ദിവസം മുതൽ മീര ഇല്ല എന്നുള്ള അവസ്ഥ അവർക്ക് വിശ്വസിക്കാൻ പ്രയാസമായിരുന്നു. സ്വന്തം മകളെന്ന കരുതലോടെ തന്നെ അവർ ദേവികയെ നോക്കി. ഒന്ന് രണ്ട് ദിവസങ്ങൾ കടന്നുപോയി. കൗസല്യ ചേച്ചി ദേവികയുടെ അരികിൽ നിന്ന് മാറുന്നില്ലായിരുന്നു. അവർ എപ്പോഴും അവളുടെ കൂടെ തന്നെ ഇരിക്കാനും അവളെ ആശ്വസിപ്പിക്കാനും ശ്രമിച്ചുകൊണ്ടിരുന്നു. കൗസല്യ ചേച്ചി വീട്ടിൽ പോകുമ്പോൾ മറ്റ് ആൾക്കാർ വന്ന് ദേവികക്ക് കൂട്ടിയിരിക്കും. അവർ ആകുന്നതുപോലെയൊക്കെ അവളുടെ മനസ്സിനെ ആശ്വസിപ്പിക്കാൻ ശ്രമിക്കുന്നുണ്ടായിരുന്നു... നാലഞ്ച് ദിവസങ്ങൾ കഴിഞ്ഞു പോയി. അന്നൊരു തിങ്കളാഴ്ചയായിരുന്നു തിങ്കളാഴ്ച ഉച്ചയോടു കൂടി മോഹനൻ അവിടെയെത്തി. കൗസല്യ ചേച്ചിയും ദേവികയും കൂടി ഇറയത്ത് ഇരിക്കുമ്പോഴായിരുന്നു അയാൾ കടന്നുവന്നത്. ദാ...മോളെ നിന്റെ അച്ഛൻ വന്നു. ചേച്ചി പറഞ്ഞു അവൾ നിസംഗതയോടെ അയാളെ നോക്കി. അല്ല! ആരിത് കൗസല്യ ചേച്ചിയോ?? എന്താ രണ്ടുപേരുംകൂടി കാര്യമായി എന്തോ സംസാരത്തിലാണെന്ന് തോന്നുന്നു. അയാൾ ചിരിയോടെ അവർക്കരികിലേക്ക് വന്നു. നീ ഇതെവിടെയായിരുന്നു മോഹനാ നീ ഇവിടുത്തെ കാര്യങ്ങൾ അറിഞ്ഞില്ലേ ?? കൗസല്യ ചേച്ചി ചോദിച്ചു. എന്ത് കാര്യം?? അയാൾ ചോദിച്ചു ഇവിടെയുണ്ടെങ്കിലല്ലേ ഇവിടുത്തെ കാര്യങ്ങൾ അറിയൂ.. മീര പോയി, ഒരാഴ്ച്ച കഴിഞ്ഞു. കൗസല്യ ചേച്ചി പറഞ്ഞു. മീര പോയോ?? ആരുടെ കൂടെ?? അയാൾ ചോദിച്ചു. ദേവിക ജ്വലിക്കുന്ന കണ്ണുകൾ ഉയർത്തി അയാളെ നോക്കി. എല്ലാവരും ഒരിക്കൽ പോകേണ്ടുന്ന ഒരു സ്ഥലമുണ്ടല്ലോ അങ്ങോട്ട് അവൾ പോയി. കൗസല്യ ചേച്ചി പറഞ്ഞു. അയാൾ ഒരു നിമിഷം മൗനമായി നിന്നു. പിന്നെ അടുത്തു നിന്ന ദേവികയെ മുറുകെ കെട്ടിപ്പിടിച്ച്‌ അയാൾ ഉറക്കെ കരഞ്ഞു. 🍀🍀🍀🍀🍀🍀🍀 തുടരും. കണ്ണൂർകാരൻ 🌹🌹🌹🌹🌹 #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ #📙 നോവൽ #📔 കഥ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlWebqMV?d=n&ui=v64j8rk&e1=cകാത്തിരുന്ന നിക്കാഹ് ഭാഗം..18 ----------------- "സ്വപ്നം കാണാതെ കയറിയിരിക്ക്.ഞാൻ ഡ്രെസ്സൊക്കെ അകത്തു കൊണ്ട് പോയി വെക്കട്ടെ." മ്മ്...' റസിയ കവറുകളുമായി അകത്തേക്ക് കടന്നു. 'ഉമ്മയും ഉപ്പയും നല്ല മയക്കത്തിലായിരുന്നു. ഞാൻ വിളിച്ചിട്ടുണ്ട് ഇപ്പൊ വരും ട്ടോ...' 'ഞാൻ നിനക്ക് ചായ എടുക്കാം...' റസി നിക്ക് പോവല്ലേ..' എന്താ ഇക്കാ..?" "അതു..പിന്നെ... വാതിൽ തുറന്ന് തന്നില്ലേ.. ആ..കുട്ടി സുബൈറിന്റെ ആരായിട്ടു വരും..." "അത് ഇവിടുത്തെ ഉമ്മയുടെ അനിയത്തിയുടെ മോളാ നസിയ...അവൾ ഇവിടെയാ..' അപ്പോഴേക്കും സുബൈറിന്റെ ഉപ്പയും ഉമ്മയും വന്നു... അവരെ കണ്ടതും കരീം സലാം പറഞ്ഞുകൊണ്ട് കൈകൊടുത്തു.. "മോൻ ഇരിക്ക് എന്തൊക്കെ മോന്റെ വിശേഷം.. ഉച്ചക്ക് ഒരു ഉറക്കം പതിവുള്ളതാ..." എന്റെ വരവ് നിങ്ങളുടെ ഉറക്കം ഇല്ലാതാക്കിയോ. "ഹേയ്... ഇല്ലല്ലാ.." മോളെ..ചായ എടുക്ക്... സൈനുത്ത അടുക്കളയിലേക്ക് എത്തിനോക്കികൊണ്ട് വിളിച്ചു പറഞ്ഞു.. "വേണ്ട...ഉമ്മാ.. ഞങ്ങളിപ്പോ..കുടിച്ച് ഇറങ്ങിയതെ ഒള്ളു.." "അതൊന്നും പറഞ്ഞാ പറ്റില്ല ആദ്യമായി വന്നിട്ട്.." അവരുടെ സൽക്കാരങ്ങൾ ക്കൊടുവിൽ യാത്ര പറഞ്ഞവൻ ഇറങ്ങി.. വീട്ടിൽ കരീമിന് തിരക്കിട്ട കല്ലിയാണ ആലോചന നടന്നു കൊണ്ടിരിക്കുകയാണ്... ഒന്നും അവന് പിടിക്കുന്നില്ല ഓരോ മുടന്തൻ ന്യായങ്ങൾ പറഞ്ഞ് വരുന്ന ആലോചനകളൊക്കെ അവൻ മുടക്കുകയാണ്. അവന്റെ മനസ്സ് നിറയെ നസിയയാണ്...അന്ന് അവളുടെ വീട്ടിൽ ചെന്നപ്പഴേ അവൻ ഉറപ്പിച്ചതാണ്. അവന്റെ പെണ്ണ് ഇതാണെന്ന്. അവളെ എപ്പോഴേ അവൻ മനസ്സിന്റെ ഉള്ളിൽ കുടിയിരുത്തി കഴിഞ്ഞു. "എടാ.. കരിം... ഇന്ന് പോയ കുട്ടി എങ്ങിനെണ്ട്..." "ഞാൻ ശെരിക്ക് നോക്കിയില്ല..ഉപ്പാ.. എന്തോ.. എനിക്കിഷ്ടപെട്ടില്ല.." "നോക്കാതെ എങ്ങിനേടാ ഇഷ്ടപെടാ.." "ഓരോകാരണങ്ങൾ പറഞ്ഞു നീ..ഒഴിഞ്ഞു മാറുന്നതിന്റെ ഉദ്ദേശ്യം മനസ്സിലാകുന്നില്ല.. നിന്റെ മനസ്സിൽ ആരേലും ഉണ്ടോ... അത് ആദ്യം പറയടാ.." 'അത്.. പിന്നേ..ഉമ്മാ.. ഒരാളുണ്ട്.' "ആരാ...അത്.. എവിടെയുള്ള കുട്ടിയാ... "കുട്ടിയെ ഞാൻ പറഞ്ഞ് തരാം.. പക്ഷെ...' ഇത് നടക്കണങ്കിൽ റസിയ വിചാരിക്കണം..' "അതെന്താടാ... അവൾക്കറിയുന്ന കുട്ടി ആണോ..?" "അതെ... അവളെ വീട്ടിൽ ഉണ്ടല്ലോ.. ഒരു കുട്ടി...നസിയ ' ആ.. നസിയ മോളാണോ..?" "അതെ ഉമ്മ...' 'ആ.. കുട്ടി നല്ലകുട്ടിയാ നമുക്ക് ഉപ്പാനെ കൊണ്ട് ചോദിപ്പിക്കാം ' ഉമ്മ... റസിയയെ വിളിച്ചു കാര്യം പറഞ്ഞു.. അവളാ.. വിവരങ്ങൾ കേട്ടതും ആകെ..ഞെട്ടിപ്പോയി.. 'റസി.... എന്താ. നീ ഒന്നും മിണ്ടാത്തെ.' 'ഹെലോ.... ഞാൻ എന്താ പറയന്റെ റബ്ബേ...' ' ഉമ്മാ.. ഞാൻ ചെറിയ തിരക്കിലാ കുറച്ചു കഴിഞ്ഞിട്ട് ഞാൻ അങ്ങോട്ട് വിളിക്കാം.' "നിന്റെ തിരക്ക് കഴിഞ്ഞിട്ട് നീ... തിരിച്ചു വിളിക്ക്. പിന്നേ..അവരോടൊക്കെ ഒന്ന് വിവരം പറ.. ഉമ്മവിളിച്ചപ്പോൾ ഇങ്ങനെ പറഞ്ഞിരുന്നു. എന്താ.. അവരുടെ അഭിപ്രായം എന്ന് ചോദിക്ക്.. " മ്മ്... പറയാം ഉമ്മാ.. റസിയ വേണ്ടന്ന് പലരൂപത്തിൽ പറഞ്ഞു നോക്കി.. പക്ഷെ. അവൻക്ക് അവൾ മതിയെന്ന്..വാശിയിലാണ് എന്ന് ഉമ്മവിളിച്ചു പറഞ്ഞപ്പോൾ.. ഒന്നും പറയാൻ വെയ്യാതെ റസിയ.. അവളുടെ മനസ്സ് വല്ലാതെ അസ്വസ്ഥ പ്രകടിപ്പിച്ചുകൊണ്ടിരുന്നു. 'പടച്ചോനെ എല്ലാം അറിയുന്ന ഞാൻ എങ്ങിനെയാ... അവനെകൊണ്ട് അവളെ... കുട്ടിയൊക്കെ നല്ലതാ..' പക്ഷെ...' 'ഒരു കുട്ടി ഉള്ള അവളെ.. എനിക്ക് വെയ്യ.. ഞാൻ എന്ത് പറയും...' റസിയ ആകെ ടെൻഷനിലായി... ഒന്നും പറയാൻ പറ്റാത്ത അവസ്ഥ.. അവനോട് എല്ലാം തുറന്നു പറഞ്ഞാലോ... ഇനിയിപ്പോ അവൻ വല്ലാതെ ആഗ്രഹിച്ചിട്ടുണ്ടെങ്കിൽ എല്ലാ അറിയുമ്പോ.. മനസ്സിന് സങ്കടമാകുമോ..? " 'ഒരു കാര്യം ചിന്തിച്ചാൽ ഒന്നും അവൾ അറിഞ്ഞുകൊണ്ടല്ലല്ലോ.ഒന്നും അവളുടെ കുറ്റം അല്ലല്ലോ...എല്ലാം അങ്ങിനെ സംഭവിച്ചു പോയതല്ലേ..' 'ഞാൻ..എനിക്കൊന്നും അറിയുന്നില്ല...എന്ത് പറയണം എന്ത് പറയണ്ട എന്ന്..' 'ഇത് ശെരിയാവില്ലന്ന് പറഞ്ഞാ...' 'വരുന്നത് വരട്ടെ രണ്ടും കൽപ്പിച്ച് അവനോട് വിവരങ്ങൾ തുറന്നു പറയാം...അല്ലേൽ ഒരിക്കലവൻ ഇതറിയേണ്ടി വന്നാൽ ഞാൻ അടക്കം എല്ലാവരും കുറ്റക്കാരാവില്ലേ.. അവന്റെ മുൻപിൽ. എല്ലാം അറിഞ്ഞു കഴിഞ്ഞതിനു ശേഷം അവൻ തീരുമാനിക്കട്ടെ.. എന്ത് വേണം എന്ന്... എന്നാ എനിക്ക് മനസ്സിന് ഒരാശ്വാസം കിട്ടുമല്ലോ... അല്ലങ്കിൽ കുറ്റബോധത്തിന്റെ കണികകൾ എന്നെ വേട്ടയാടി കൊണ്ടിരിക്കില്ലേ.. റസിയ അങ്ങിനെ ഓരോന്ന് ആലോചിച്ചിരുന്നു... ഒടുവിൽ അവൾ കരീമിനെ വിളിച്ച് എല്ലാവിവരങ്ങളും പറഞ്ഞു... ഒരു ഞെട്ടലോടു കൂടി അവൻ എല്ലാം കേട്ടു.. "ഇക്ക ഇനി അവളെ വിവാഹം കഴിക്കുകയാണങ്കിൽ.. ഈ..വിവരങ്ങൾ ഇക്ക അറിഞ്ഞതായി ഒരിക്കലും അവളറിയരുത്.." അവളെ കല്ലിയാണം കഴിക്കുന്നതിൽ എനിക്ക് എതിർപ്പൊന്നുമില്ലാ... റസിയ... എല്ലാം അവളറിയാതെ സംഭവിച്ചുപോയതല്ലേ. എല്ലാം.... അതിന്..ആ.. കുട്ടിയെ ശിക്ഷികണ്ടല്ലോ...?" "എനിക്കും എതിർപ്പ് ഒന്നും..ഇല്ല ഇക്കാ.. നല്ലകുട്ടിയാ..അവൾ... പിന്നേ ഈ..കാര്യം ഉമ്മയും ഉപ്പയും അറിയണ്ട. നമ്മൾ രണ്ട് പേരും മാത്രം..' 'ഒന്നും ഉണ്ടായയിട്ടല്ല പ്രായം ആയവരല്ലേ..അവർക്ക് ചിലപ്പോൾ ഉൾകൊള്ളാൻ കഴിഞ്ഞെന്ന് വരില്ല അതാ...' 'ശെരി.. ഫോൺ വെച്ചോ..' 'മ്മ്.. ഓക്കേ..ഇക്ക..' രണ്ട് ദിവസത്തിനു ശേഷം സുബൈർ നാട്ടിൽ വരുന്നുണ്ടന്ന വാർത്ത അവളുടെ ചെവികളിൽ..എത്തി... "മോളെ നാളെ രാത്രി ഏഴുമണിക്കാണത്ര.. അവൻ ഇവിടെ എത്തുന്നത്..." അവൾക്ക് സന്തോഷവും ഉണ്ട്..ദുഃഖവും ഉണ്ട്.. വീണ്ടും പഴയത് പോലെത്തന്നെ ആവുമോ..? എന്നുള്ളഭയം അവളുടെ ഉള്ളിൽ നിഴലിച്ചുനിന്നു. അതൊ..പഴയതൊക്കെ മറന്ന്...എന്നെ സ്നേഹിക്കാൻ ഇക്കാക്ക് കഴിയുമോ..? " ആ.ഹ് നോക്കാം..വരട്ടെ. അന്ന് രാത്രി.. നേരത്തെ അവൾ കിടന്നു... നേരം പുലർന്നത് തൊട്ട്...ഓരോരോ പണികളിലായിരുന്നു.. റൂം..അടിക്കലും വാരലും, എല്ലാം.. ഒതുക്കി പെറുക്കി വെച്ച്. അവന്റെ വരവിനായി അവൾ കാത്തിരുന്നു.. 'മോളെ ഇന്ന് രാത്രി ഏഴുമണിക്ക്.. എയർപോർട്ടിൽ എത്തും...രാത്രി ഒരു ഒൻപത് മണിയോടെ അവൻ വീട്ടിൽ എത്തും. ഇന്ശാഅല്ലാഹ്' അവന്റെ ഇഷ്ട വിഭവമായ കോഴി ബിരിയാണി ഉണ്ടാക്കി വെക്കാം..ല്ലേ..' മ്മ്...അതെ.. ഉമ്മാ....അവൾ സൈനുമ്മയെ നോക്കിയൊന്ന് പുഞ്ചിരിച്ചു.. 'അവന്റെ കുട്ടുക്കാർ ആണത്ര വിളിക്കാൻ പോകുന്നത്... അവർക്കും കൂടി കരുതേണ്ടി വരും..' മ്മ്....' ☘️☘️☘️☘️☘️☘️☘️☘️☘️ എല്ലാവരും കൂടി ചേർന്ന് ബിരിയാണിയും, ഇറച്ചിയും, പത്തിരിയും എല്ലാം റെഡിയാക്കി വെച്ച്....മഗ്‌രിബ് ബാങ്ക് കൊടുത്തപ്പോൾ എല്ലാവരും നമസ്കരിക്കാൻ പോയി..റസിയ നമസ്ക്കാരം കഴിഞ്ഞ്. നല്ല...വിരിപ്പ് നോക്കി അതിൽ കുറച്ച് സെന്റ് തേച്ച് വിരിച്ചിട്ടു.. ഞാൻ കണ്ട സ്വപ്നങ്ങൾ യഥാർത്യമാകുമോ.. ഇക്ക എന്റേത് മാത്രമാകുമോ... അവളുടെ മുഖത്ത് പുഞ്ചിരി വിടർന്നു.. ☘️☘️☘️☘️☘️☘️☘️☘️☘️ സുബൈർ കൂട്ടുകാരും വീട്ടിൽ എത്തി...ഭക്ഷണം കഴിച്ചിട്ടു പോകാം എന്ന് പറഞ്ഞു സൈനുത്ത അവരെ ഒരു പാട് നിർബന്ധിച്ചു... വയർ ഫുള്ളാ ഉമ്മാ ഇനി ഒന്നും പോവില്ല.. നിങ്ങൾ ഭക്ഷണം കഴിച്ചോ...? " കഴിച്ചു ഉമ്മാ അതല്ലേ ഞങ്ങൾ പറഞ്ഞത്.. സുബൈറേ എന്ത് പണിയാഡാ.. നീ കാണിച്ചത് ഇതൊക്കെ പിന്നേ ഞങ്ങൾ ആർക്ക് വേണ്ടി ഉണ്ടാക്കിയതാ.. ഉമ്മാ.. ചൂടാവാതെ അവർ എല്ലാവരും കൂടി നിർബന്ധിച്ചപ്പോൾ എനിക്ക് കഴിക്കേണ്ടി വന്നു....നിങ്ങൾ എല്ലാവരെയും കഴിച്ചിട്ട് ബാക്കി മിച്ചം വരുന്നത് ഫ്രഡ്ജിൽ സൂക്ഷിച്ചാൽ പോരെ നാളെയും കഴിക്കാല്ലോ... 'എടാ... ഞങ്ങൾ ഇറങ്ങി അപ്പൊ.. എല്ലാം പറഞ്ഞപ്പോലെ.. സുബൈറിനെ പുറത്തേക്ക് വിളിച്ച് എന്തൊക്കെയൊ പതുക്കെ പറഞ്ഞവർ ചിരികുന്നുണ്ടായിരുന്നു.' 'അപ്പൊ.. ഒക്കെ.. ഡാ.. നാളെ..കാണാം...' അവരോട് കൈവീശികാണിച്ചു കൊണ്ടവൻ അകത്തേക്ക് കടന്നു. അവൻ അടുക്കളയിലേക്ക് കടന്ന്.. ടേബിളിൽ കൊടുന്നുവെച്ച ജെഗിൽ നിന്നും വെള്ളം എടുത്ത് കുടിച്ചുകൊണ്ട്.. ആകെ ഒന്ന് കണ്ണോടിച്ചു.. "എന്താടി.. കാന്താരി.. നീ..ഇങ്ങനെഅന്തം വിട്ടു നോക്കുന്നത്.. നിനക്കൊന്നും ചോദിക്കാൻ ഇല്ലേ..' നസിയ അവനെ നോക്കിയൊന്ന് പുഞ്ചിരിച്ചു.. റസിയ... എന്നെ നോക്കണ്ട ഞാൻ കഴിച്ചു..നിങ്ങൾ എല്ലാവരും കഴിച്ചോളൂ. ഉമ്മാ.. ഉപ്പയെവിടെ.. ഞാൻ ഒന്ന് കുളിച്ച് ഫ്രഷ് ആവട്ടെ... അവൻ കോണിസ്റ്റെപ്പുകൾ കയറി മുകളിലോട്ട് നടന്നു.. മോളെ..ഇവിടെ ഇങ്ങനെ നാണിച്ചു നിൽക്കാതെ കൂടെ ചെല്ല് അവൻക്ക് തോർത്തും.. ഡ്രെസ്സൊക്കെ എടുത്ത് കൊടുക്ക്.. സൈനുത്ത അവളെയും അവന്റെ കൂടെ പറഞ്ഞയച്ചു... ഇക്കാ... തോർത്ത്.. 'മ്മ്... അവിടെ വെച്ചേക്കു. ഞാൻ എടുത്തോളാം. കുളികഴിഞ്ഞാൽ ഞാൻ കിടക്കും എനിക്ക് നല്ല ക്ഷീണമുണ്ട്.. നീ പോയി ഭക്ഷണം കഴിച്ചിട്ട് വന്ന് കിടന്നോ.. ട്ടോ..' അവൾ നിരാശ ഭാവത്തോടെ തിരിഞ്ഞു നടന്നു... രണ്ട് വർഷം കഴിഞ്ഞതിനു ശേഷം ആദ്യമായി കാണുകയാണ് അതിന്റെ യാതൊരു സന്തോഷവും ആ.. മുഖത്തിലില്ല. പക്ഷെ..ചമ്മൽ മറക്കാൻ പാടുപെടുന്ന പോലെ തോന്നിയെനിക്ക്.. എന്നാലും വല്ലാത്ത തൊലിക്കട്ടി തന്നെയാ ഇങ്ങേർക്ക്... കണ്ടിട്ട് യാതൊരു മാറ്റവും സംഭവിച്ചിട്ടില്ല... വന്നതല്ലേ ഒള്ളു.. കാണാം.. ☘️☘️☘️☘️☘️☘️☘️☘️☘️ ഭക്ഷണം കഴിച്ചവൾ പാത്രങ്ങൾ ഓരോന്നായി കഴുകി എടുത്തുവെച്ച് കൊണ്ടിരിക്കുന്നതിനിടയിലാണ്.. ആയിഷുമ്മത്ത അവളോട് പറഞ്ഞത്.. "എടി.. റസിയാ.. മതി ഇവിടെ കിടന്ന് തിരിഞ്ഞത്... അങ്ങോട്ട് ചെല്ല്.. ബാക്കി ഞാൻ തീർത്തോളാം അവനവിടെ കാത്തിരിക്കുന്നുണ്ടാവും." "ഒഹ്.. പിന്നേ.. കാത്തിരിക്കുന്നു അതിന് സുബൈർ വേറെ ജനിക്കേണ്ടി വരും.." "എന്താടി ഒറ്റക്ക് നിന്ന് പിറു പിറുക്കുന്നത്.." "ഒന്നുല്ല ആയിഷുമ്മത്ത ' എന്നാ..ചെല്ല്... മ്മ്... ഞാൻ പൊക്കോളാം അവൾ ആയിഷുമ്മയുടെ കവിളിൽ പിടിച്ച് നുള്ളികൊണ്ട് പറഞ്ഞു. ☘️☘️☘️☘️☘️☘️☘️☘️☘️ റസിയ... റൂമിൽ എത്തി. സുബൈർ കണ്ണാടിയിൽ നോക്കി..മുടി ചീകികൊണ്ടിരിക്കുകയായിരുന്നു...അവൾ അകത്തു കടന്ന് റൂം ലോക്കിട്ടു... "അഹ്.. നീ..എത്തിയോ.." "പിന്നെ.. ഞാൻ തന്റെ കൂടെ കട്ടിലിൽ കിടക്കുന്നത് കൊണ്ട് തനിക്ക് വിരോധം ഒന്നും ഇല്ലല്ലോ..." അവന്റെ ചോദ്യം കേട്ട് റസിയ അവനെ ഒന്നുകൂടെ നോക്കി... (തുടരും.... കണ്ണൂർകാരൻ 🌹🌹🌹🌹🌹 #📔 കഥ #📙 നോവൽ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/me48Bxp?d=n&ui=v64j8rk&e1=cആൻസിയെ കാണും മുമ്പ് ഒരു കുസൃതിപ്പെണ്ണ് എന്റെ മനസ്സങ്ങ് കീഴടക്കിക്കളഞ്ഞമ്മച്ചി... അതേത് പെണ്ണ് ?? അമ്മച്ചി അവനെ നോക്കി. ഈ പറഞ്ഞപോലെ ആ കുട്ടിയുടെ പേര് എന്താണെന്ന് എനിക്കുമറിയില്ല. നീ ചോദിച്ചില്ലേ?? ഇല്ല... ആട്ടെ... നമ്മുടെ കൂട്ടത്തിൽ ഉള്ളതാണോ?? അല്ല. അല്ലെങ്കിലും സാരമില്ല, എന്റെ മോന് ഇഷ്ടമായ കുട്ടിയെ എനിക്കും ഇഷ്ടമാകും. മേരി അവന്റെ നെറുകയിൽ തലോടി. ആ കുട്ടി പഠിച്ചുകൊണ്ടിരിക്കുകയാണമ്മച്ചീ പഠിച്ച് കഴിയട്ടെ, എന്നിട്ട് ചോദിക്കാം. അത് പറ്റില്ല. ഈ കൊല്ലം എന്തായാലും നിന്റെ വിവാഹം നടത്തിയേ പറ്റൂ, വിവാഹം കഴിഞ്ഞും ആ കുട്ടിക്ക് പഠിക്കാവുന്നതല്ലേ ഉള്ളൂ... അത് വേണ്ടെന്നേ... പഠനം കഴിയട്ടെ. ഇപ്പോഴത്തെ പെൺകുട്ടികളല്ലേ, അവർക്ക് സ്വന്തം കാലിൽ നിൽക്കണമെന്ന് ആഗ്രഹമുണ്ടാകില്ലേ, അതിന് തടസ്സം നിൽക്കുന്നത് ശരിയല്ല. എടാ...പഠിച്ചുകൊണ്ടിരിക്കുന്ന കുട്ടിയാണെന്ന് പറയുമ്പോൾ , അതിന് വേറെ ആരോടെങ്കിലും ഇഷ്ടമോ മറ്റോ ഉണ്ടോയെന്നറിയില്ലല്ലോ പഴയ കാലമല്ലല്ലോ ഇത്. ആ കുട്ടിക്ക് അങ്ങനെ ആരോടെങ്കിലും ഇഷ്ടമുണ്ടെങ്കിൽ എനിക്കതിനെ കെട്ടാനുള്ള യോഗ്യതയില്ലെന്ന് ഞാനങ്ങ് സമാധാനിക്കും അമ്മച്ചി... മേരി അവന്റെ കണ്ണുകളിലേക്ക് നോക്കി.. ആ കുട്ടിയെ, എന്റെ മോന് ഒത്തിരി ഇഷ്ടമായി എന്ന് തോന്നുന്നല്ലോ... അയാൾ ദേവികയെ കണ്ടപ്പോൾ മുതലുള്ള കാര്യങ്ങൾ അമ്മച്ചിയോട് പങ്കുവച്ചു. മറ്റുള്ളവരെ പോലും കരുതാൻ അവർക്ക് സന്തോഷം പകരാൻ, മനഃസാക്ഷിയുള്ള കുട്ടികൾക്ക് മാത്രമേ കഴിയൂ...മേരി പറഞ്ഞു. പട്ടിക്കും പൂച്ചയ്ക്കും കോഴിക്കും വരെ അവളെ അറിയാം.. അയാൾ ചിരിച്ചു.. അവറ്റോൾ എങ്ങനെയാണ് ആ കുട്ടിയെ മാത്രം തിരിച്ചറിയുന്നതെന്നാ ഞാൻ വിചാരിക്കുന്നത്.. അതങ്ങനെയാ മോനേ... തമ്പുരാൻ ചിലരെയൊക്കെ ഭൂമി നിറയെ സ്നേഹം വിതറാനായി പറഞ്ഞു വിട്ടിരിക്കുന്നതാണ്... നീ പറഞ്ഞുപറഞ്ഞ് എനിക്കിപ്പോൾ ആ പെൺകുട്ടിയെ കാണാൻ കൊതിയാകുന്നു.. നല്ല കുട്ടിയാണമ്മച്ചി , നമ്മുടെ തൊടിയിൽ നിൽക്കണ തുമ്പപ്പൂവ് ഇല്ലേ അതുപോലെയാണ് തുമ്പപ്പൂ പോലിരിക്കുന്ന പെൺകുട്ടിയോ... നിനക്ക് വട്ടാ ചെറുക്കാ... മേരി ഉറക്കെയുറക്കെ പൊട്ടിച്ചിരിച്ചു അയാൾ അമ്മച്ചിയുടെ മടിയിലേക്ക് കിടന്നു.പതിയെ കണ്ണുകൾ അടച്ചു... അവൾ നടക്കുമ്പോഴുള്ള ആ വെള്ളിക്കൊലുസിന്റെ ശബ്ദം ചെവിയിൽ മുഴങ്ങുന്നത് പോലെ അയാൾക്ക് തോന്നി. അയാൾ അവിടെയുള്ള നാലേക്കർ റബ്ബർ തോട്ടം വാങ്ങിയിരുന്നു. ഇടയ്ക്ക് ആ സ്ഥലത്ത് പോകുമ്പോൾ ആ കുട്ടിയെ കാണാൻ പറ്റുമായിരിക്കും.. അയാൾ വെറുതെ ഓരോന്നും ചിന്തിച്ചു കൂട്ടി.. 🌹🌹🌹🌹🌹 രണ്ടുമൂന്നു ദിവസങ്ങൾ കഴിഞ്ഞുപോയി. ആ പെൺകുട്ടിയെ ഒരിക്കൽക്കൂടി കാണണമെന്ന് എൽദോസിന് അതിയായ ആഗ്രഹം തോന്നി. അവളറിയാതെ, അവൾ പഠിക്കുന്ന കോളേജിനരുകിൽ പോയി നിന്ന്,. അവളിറങ്ങിവരുന്നത് അയാൾ മറഞ്ഞിരുന്നു കണ്ടു. അവൾ കൂട്ടുകാരികളോടൊപ്പം ബസ്റ്റാൻഡിലേക്ക് നടക്കുകയാണ്. അയാളുടെ ഉള്ളിൽ ആകെ ഒരു തണുപ്പ് നിറഞ്ഞു. പിന്നീട് അവൾ അറിയാതെ അയാൾ അവളെ കുറിച്ച് അന്വേഷിച്ചു. ഡിഗ്രി ഫൈനലിയർ പഠിക്കുന്ന കുട്ടിയാണ്. ഇരുപതു വയസ്സോളം പ്രായം ഉണ്ടാകാം. എന്തായാലും പഠനം കഴിയട്ടെ. താൻ നേരിട്ട് ചോദിക്കും ജീവിതത്തിലേക്ക് കൂടെ കൂട്ടിക്കോട്ടെ എന്ന്, സമ്മതമാണെങ്കിൽ മാത്രം താനവളേയും കൊണ്ട് അമ്മച്ചിയുടെ മുന്നിൽ പോയി നിൽക്കും. അവളെ കണ്ട് അമ്മച്ചിയുടെ മുഖത്ത് സന്തോഷം നിറയുന്നതും, കണ്ണുകളിൽ സ്നേഹം നറയുന്നതും തനിക്ക് കാണണം. കാരണം താൻ ആഗ്രഹിച്ചതത്രയും തന്റെ അമ്മച്ചിയെ പോലെ എല്ലാത്തിനെയും സ്നേഹിക്കാൻ മാത്രമറിയുന്ന ഒരു പെണ്ണിനെയാണ്. ഇതിനുമുമ്പ് അങ്ങനെ ഒരാളെ കണ്ടെത്തിയില്ല, അതുകൊണ്ടാണ് ഓരോരോ ആലോചനകളും താൻ വേണ്ടെന്ന് വച്ചത്. കിഴക്കേമൂട്ടിൽ എൽദോസിന് വരുന്നവിവാഹാലോചനകൾ നിരവധിയാണ്. സാമ്പത്തിക ഭദ്രതയുള്ള, സൗന്ദര്യമുള്ള, വിദ്യാഭ്യാസമുള്ള നാട്ടിലെ എല്ലാ കാര്യങ്ങൾക്കും മുൻപന്തിയിൽ തന്നെയുള്ള അയാളെപ്പോലെ ഒരാളെ സ്വന്തമാക്കാൻ ഏത് പെൺകുട്ടികൾക്കാണ് ആഗ്രഹമില്ലാത്തത്. പക്ഷേ എൽദോസിന്റെ ഉള്ളിൽ കയറി പറ്റിയത് ഒരേയൊരു പെൺകുട്ടിയാണ് ദേവിക....അവൾ മാത്രം... 🌹🌹🌹🌹🌹🌹 ദേവികക്ക് എക്സാം നടക്കുന്നതുകൊണ്ട് ഒന്നിനും സമയം തികയുന്നില്ലായിരുന്നു. ഡിഗ്രി കഴിഞ്ഞ് പി ജി ചെയ്യണമെന്നാണ് അവളുടെ ആഗ്രഹം. പി ജി,തനിയെ പഠിക്കാമെന്നാണ് അവൾ കരുതുന്നത്. ഇനിയും അമ്മയെ ബുദ്ധിമുട്ടിക്കാൻ പറ്റില്ല. അതുകൊണ്ട് എന്തെങ്കിലും ഒരു ചെറിയ ജോലി നേടിയിട്ട്, ഒപ്പം സ്വയം പഠനം നടത്താവുന്നതേയുള്ളൂ എന്നാണ് അവൾ പറയുന്നത്. മീര പക്ഷേ അതിനൊന്നും സമ്മതിക്കുന്നില്ല. കോളേജിൽ പോയി തന്നെ പഠിക്കണമെന്നാണ് മീരയുടെ പക്ഷം. എക്സാമിന്റെ അവസാന ദിവസം ദേവികക്ക് കോളേജിൽ നിന്നും പോരാൻ പോലും തോന്നുന്നില്ലായിരുന്നു. കൂട്ടുകാരെല്ലാം ഇനി പലയിടങ്ങളിലേക്ക് പിരിയുകയാണ്. ചില കൂട്ടുകാരികളുടെ വിവാഹം നിശ്ചയിച്ചിരിക്കുകയാണ്. അവർ ഇനി തുടർന്ന് പഠിക്കുന്നില്ല. ഇനി അവരൊക്കെ ഏതെങ്കിലും ഒക്കെ നാട്ടിൽ ആരുടെയെങ്കിലും ഭാര്യയായി... അങ്ങനെയങ്ങനെ... ദേവിക കൂട്ടുകാരെ കെട്ടിപ്പിടിച്ച് കരഞ്ഞു... അവൾക്ക് തന്റെ ഹൃദയം പറിഞ്ഞു പോകുന്ന വേദന തോന്നി. അവൾ മാത്രമല്ല ക്ലാസിലെ മിക്കവാറും എല്ലാവരും വലിയ വിഷമത്തിൽ ആയിരുന്നു. മൂന്നുവർഷം ഒരുമിച്ച് ഉണ്ടായിരുന്നവരാണ്..പക്ഷെ പിരിയാതെ വയ്യല്ലോ... വീട്ടിലേക്കുള്ള യാത്രയിൽ ബസിൽ ഇരിക്കുമ്പോൾ പലപ്പോഴും ദേവികയുടെ കണ്ണുകൾ നിറഞ്ഞു. എൽദോസ് തോട്ടത്തിൽ പോകാനെന്ന വ്യാജേന അന്ന് ദേവികയെ കാണാനായി പുറപ്പെട്ടു... അവൾ ബസിറങ്ങി നടക്കുന്നത് അയാൾ കണ്ടു. അയാൾ വാഹനം അവൾക്കരികിൽ നിർത്തി. ഹേയ് കുട്ടീ കയറുന്നുണ്ടോ ?? അയാൾ ചോദിച്ചു. ഇല്ല. അതെന്താ...?? വരൂ ഞാൻ തന്റെ വീടിന്റെ അവിടെ ഇറക്കാം. വേണ്ടാ.. ചേട്ടൻ പൊയ്ക്കോ. അവൾ പറഞ്ഞു. എന്ത് പറ്റി?? എന്താ കണ്ണ് നിറഞ്ഞിരിക്കുന്നത്?? അയാൾ ചോദിച്ചു. ഹേയ് ഒന്നൂല്ല.. കൂട്ടുകാരെ പിരിയുന്നതിന്റെ വിഷമമാണോ..?? അയാൾ ചോദിച്ചു. ഇല്ലെന്ന് പറഞ്ഞാൽ അത് നുണയാവും.. പ്രിയപ്പെട്ട കൂട്ടുകാരെല്ലാം ഇനി വേറെ വേറെ ഇടങ്ങളിലല്ലേ... സങ്കടമുണ്ട്... അവൾ പറഞ്ഞു. അയാൾ വണ്ടിയിൽ നിന്നിറങ്ങി. ദേവിക...ഞാൻ തന്നോട് ഒരു കാര്യം പറയാൻ ആഗ്രഹിക്കുന്നുണ്ട്. വേണ്ട ചേട്ടാ പറയണ്ട. ചേട്ടൻ പറയാൻ പോകുന്നത് എന്താണെന്ന് എനിക്കറിയാം. മനുഷ്യരെ മനസ്സിലാക്കാനുള്ള കഴിവ് എനിക്ക് ജന്മനാ കിട്ടിയതാണ്. ചേട്ടൻ അന്ന് ആൻസി ചേച്ചിയെ കാണാൻ പോയില്ലെന്ന് ഞാൻ അറിഞ്ഞു. അപ്പോഴേ എനിക്ക് ഡൗട്ട് തോന്നിയിരുന്നു.. അതുപിന്നെ ദേവിക... ഞാൻ.. ചേട്ടാ..ഞാൻ കോളേജിൽ പോകുന്ന വഴിക്ക് യാദൃശ്ചികമായി ഒരു ദിവസം ചേട്ടനെ കണ്ടു. കൊട്ടാരം പോലുള്ള ആ വീട്ട് മുറ്റത്ത് ചേട്ടനെ കണ്ടപ്പോഴാണ് അത് ചേട്ടന്റെ വീട് ആണെന്ന് എനിക്ക് മനസ്സിലായത്. ചേട്ടന്റെ വീട്ടിലെ പട്ടിക്കൂടിന്റത്ര വലിപ്പം പോലുമില്ല എന്റെ വീടിന്. ചേരേണ്ടവർ തമ്മിലേ ചേരാൻ പാടുള്ളൂ.. അങ്ങനല്ല കുട്ടീ... എനിക്ക് വേറെ ആരോടും ഇങ്ങനെയൊരിഷ്ടം ഇതുവരെയും തോന്നിയിട്ടില്ല. ചേട്ടാ...ഇതൊക്കെ വെറും കൗതുകം മാത്രമാണ്. ജീവിതത്തോടടുക്കുമ്പോൾ വേണ്ടിയിരുന്നില്ല എന്ന് ചേട്ടന് തന്നെ തോന്നും. കുറച്ചൂടെയൊക്കെ പക്വതയോടെ ചിന്തിച്ചു നോക്കൂ... ഞാൻ പോട്ടെ... അവൾ മുന്നോട്ട് നടന്നു. ഇല്ലെടീ കുറുമ്പി... നിന്നെ ഞാനങ്ങനെ വെറുതെ വിടാൻ ഉദ്ദേശിച്ചിട്ടില്ല. അയാൾ ചിരിച്ചു. 🌹🌹🌹🌹🌹🌹 ദേവിക വീട്ടിലെത്തി. മീര എത്തിയിട്ടില്ല. അവൾ വസ്ത്രം മാറ്റി.പെട്ടന്ന് ഒന്ന് കുളിച്ച് മറ്റൊന്ന് ധരിച്ചു. അമ്മ വരുമ്പോഴേക്കും കഴിക്കാൻ എന്തെങ്കിലും ഉണ്ടാക്കി വയ്ക്കാം. അവൾ നേരേ അടുക്കളയിലേക്ക് എത്തി. പെട്ടന്നാണ് ആരോ മുറ്റത്തേക്ക് വരുന്ന ശബ്ദമവൾ കേട്ടത് അവൾ തിടുക്കത്തിൽ മുൻവശത്തേക്ക് വന്നു. 🌹🌹🌹🌹🌹🌹🌹 തുടരും. കണ്ണൂർകാരൻ 🌹🌹🌹🌹🌹 #💞 പ്രണയകഥകൾ #📚 ട്വിസ്റ്റ് കഥകൾ #✍ തുടർക്കഥ #📙 നോവൽ #📔 കഥ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mllW9X5X?d=n&ui=v64j8rk&e1=c❤️മൊഞ്ചത്തി പെണ്ണിന്റെ സുൽത്താൻ❤️ ഭാഗം : 26 ********* എവിടേലും ചുരുണ്ടു കൂടാനാണോ..നിന്നെ ഞാൻ കൊണ്ട് പോകുന്നത്.. മുഹബത്ത് പൂത്തു വരുകയായിരുന്നു. ആ...ഒരു വാക്കിൽ എല്ലാം നശിപ്പിച്ചു... അവനെ നോക്കി പുഞ്ചിരിച്ചു കൊണ്ടവൾ അടുക്കളയിലേക്ക് കയറി അവരുടെ കളി തമാശകൾ കണ്ട് അൻവർ ദേഷ്യത്തോടെ അവരെയും നോക്കി നിൽപ്പുണ്ടായിരുന്നു.. അവര് രണ്ട് പെരും എന്നെ കാണാൻ പാടില്ല... അടുക്കളയുടെ അപ്പുറത്തെ ഹാളിലെ വാതിലിന് മറവിൽ മറഞ്ഞു നിന്ന് കൊണ്ട് അൻവർ അവരെ നിരീക്ഷിച്ചു കൊണ്ടിരുന്നു. എടി...ആയിശു നിക്കവിടെ....എവിടെക്കാ ഈ...ഓടിപ്പോവുന്നത് എനിക്കിങ്ങനെ കിന്നരിച്ചു നിൽക്കാനൊന്നും സമയം ഇല്ല...ജോലിയുണ്ട് ഇയാൾ കയറിപ്പോയെ... ഇല്ല... പോകില്ല... എനിക്ക് എന്റെ പെണ്ണിനോട്‌ ഇങ്ങനെ സംസാരിച്ചോണ്ട് നിൽക്കണം ആഹാ... അപ്പൊ നിങ്ങളെ പെണ്ണാണന്ന് സ്വയം അങ്ങ് തീരുമാനിച്ചാൽ മതിയോ... അതെ.... എന്റെ പെണ്ണാക്കാൻ എനിക്ക് ആരുടേയും സമ്മതം വേണ്ട... ഉവ്....ഉവേ... എനിക്കറിയാ...പെണ്ണെ.. നിനക്കെന്നെ ഇഷ്ടം ആണന്ന്...നീയത് പറയുന്നില്ലന്ന് മാത്രം. ഹേയ്... ആര് പറഞ്ഞു എനിക്ക് ഇഷ്ടം ഒന്നുല്ല... അയ്യെ... കണ്ടാലും മതി എന്റെ മനസ്സിലുള്ള ചെറുക്കന്റെ ഗ്ലാമർ ഇല്ല നിങ്ങൾക്ക് ഗ്ലാമറൊക്കെ തനിയെ വന്നോളും നീ..അരികിൽ എത്തുമ്പോൾ.. ഞാൻ എന്താ വല്ല ഫൗണ്ടേഷനും..ആണോ... അവൾ മുഖം പൊത്തി ചിരിച്ചു. തമാശയൊക്കെ..പിന്നെ ആദ്യം ഇത് പറ ഇന്നലെ എന്നെ കെട്ടിപിടിച്ചു കരഞ്ഞതെന്തിനാ.... അത്‌ കേൾക്കട്ടെ ഞാൻ എന്നെ കണ്ടപ്പോഴുള്ള സന്തോഷം കൊണ്ടല്ലേ... ഞാൻ നിന്റേതാണെന്ന് നിന്റെ മനസ്സ് വിളിച്ച് പറഞ്ഞത് കൊണ്ടല്ലേ... എനിക്കറിയാം... എന്നെ ഇഷ്ടം ആണെന്ന്... എന്നാലും നിന്റെ വായിൽനിന്ന് നേരിട്ട് കേൾക്കാൻ ഒരു കൊതി... പറ.... എന്റെ മുഖത്ത് നോക്കി പറ.... ഒന്ന്... പോ... ഇക്കാ... ഡാ.... കുറേനേരായല്ലോ രണ്ടും കൂടി കിന്നാരം തുടങ്ങിയിട്ട്.. ആ...കൊച്ചിനെ വേല ചെയ്യാൻ സമ്മതിക്കില്ലേ കേറിപ്പോ...അകത്ത് നിന്റെ സ്വഭാവം അവളെ അടുത്ത് കാണിക്കണ്ട ഞാൻ.. എന്ത് ചെയ്തുന്നാ പറയുന്നത്. അവൾ ജോലി ചെയ്യുന്നത് നിങ്ങൾ കാണുന്നില്ലേ.. ആയിശുവിന് അമീറിന്റെ കൈപിടിച്ച് ഇവൻ എന്റേതാണെന്ന് അയാളോട് വിളിച്ചു പറയണമെന്നുണ്ട് പക്ഷെ... അതിനുള്ള ധൈര്യം..ആയില്ല.. എന്നോട് തർക്കിക്കാൻ നിൽക്കാതെ വീടിനകത്തേക്ക് കയറിപ്പോകാനാ...ഞാൻ നിന്നോട്...പറഞ്ഞത്.. അൻവറിന്റെ നോക്കികൊണ്ട് അവൻ... ദേഷ്യത്തോടെ അകത്തേക്ക് കയറിപ്പോയി.. ആയിശു... അൻവറിനെ നോക്കാതെ. ബക്കറ്റും മോപ്പും എടുത്ത്. അടുക്കള ഭാഗത്തെ പൈപ്പിന് ചുവട്ടിലേക്ക് നടന്നു... ആരെ കണ്ടാലും കൊഞ്ചാനും..കൊഴയാനും അങ്ങ് നിന്നോളും.. ചെയ്യുന്ന ജോലിയിൽ ഒരു മര്യാദയൊക്കെ വേണ്ടേ.. ആയിശു ഒന്നും മിണ്ടാതെ ബക്കറ്റിലേക്ക് വെള്ളം നിറച്ച് കൊണ്ട് നിന്നു... ആണുങ്ങൾ പലതും ഇവിടെ വരും പോകും... അവരുടെ അടുതെങ്ങാനും നീ....നിന്റെ സ്വഭാവം ഇറക്കിയാലുണ്ടല്ലോ അൻവർ ആരാണന്നു നീ...അറിയും... ഇക്ക ആരോടാ ഇപ്പോൾ ദേഷ്യപ്പെട്ടത്...? ആയിശു അല്ലേ അവിടെ ഉള്ളത്...ഒന്നും മനസിലാവാതെ ജാസി.. അൻവറിനെ.. നോക്കി.. ജാസി...നിനക്ക് ശെരിക്ക് അറിയില്ല ഇവളെ.. ഇവൾ ആൾ ശെരിയല്ല.. അവളെന്തു ചെയ്തുന്നാ പറയുന്നത്. എനിക്ക് പറയാൻ തന്നെ അറപ്പ് തോന്നുന്നു.. ഇന്നലെ വരെ എന്റെ അനിയത്തിയെ പോലെ കണ്ടവളാ... എന്നെ... ഛേ.. " എനിക്ക് പറയാൻ തന്നെ നാണക്കേട് തോന്നുന്നു... ഇക്കാ....എനിക്കൊന്നും മനസ്സിലാകുന്നില്ല.. എന്തൊക്കെയാ..വിളിച്ചു പറയുന്നത്.. നിന്റെ പൊന്നാര ആയിശു ഇന്നലെ എന്നെ അവളുടെ ബെഡ്‌റൂമിലേക്ക് ക്ഷെണിച്ചിരിക്കുന്നു എന്നെ അതിനൊന്നും കിട്ടില്ലെന്ന്‌ ബോധ്യമായപ്പോ മറ്റവനെ കൂട്ട് പിടിച്ച് വലയിലാക്കാൻ നോക്കുന്നു അസത്ത്. ജാസു...ഒന്നും മനസിലാവാതെ...അവളെ തന്നെ നോക്കിനിന്നു.. ആയിശു....ഒന്നും മിണ്ടിയില്ല.. അതിനവൾക്ക് കഴിയുമായിരുന്നില്ല. കവിളിലൂടെ കണ്ണീർ തുള്ളികൾ ചാലിട്ടൊഴുകി.. ഒറ്റപ്പെടലിന്റെ വേദന ശെരിക്കും അനുഭവിക്കുകയായിരുന്നു അപ്പോൾ... അത്‌ വരെ സ്നേഹത്തോടെ മാത്രം കണ്ടിരുന്ന ജാസു അവളെ ദേഷ്യത്തോടെ കണ്ണുരുട്ടിനോക്കികൊണ്ട് അൻവറിന്റെ കൂടെ അകത്തോട്ടു കയറിപ്പോയി.. അയാളുടെ ആഗ്രഹങ്ങൾക്ക് എന്നെ കിട്ടാത്തതിലുള്ള ദേഷ്യമാവും..അയാളിങ്ങനെ തീർത്തത്...അല്ലങ്കിൽ ഞാനും അമീറും നല്ല കൂട്ടാണന്ന് മനസ്സിലാക്കിയുള്ള ഒരു മുൻകൂർ ജാമ്യേം. അയാൾ എന്നെ ഉപദ്രവിക്കാൻ നോക്കിയ കാര്യം അവനോട് പങ്കു വെക്കുമോ എന്നുള്ള ഭയം. അവിടെ എന്നെ കുറ്റക്കാരിയാക്കിമാറ്റിയാൽ പിന്നെ...ഞാൻ പറയുന്നതൊന്നും ആരും വിശ്വസിക്കില്ലല്ലോ... ബുദ്ധിമാൻ... എനിക്കിനി ഇവിടെ നിൽക്കണ്ട...ഞാനിനി അവരുടെയൊക്കെ മുൻപിൽ തല ഉയർത്തി എങ്ങിനെ നടക്കും...എന്റെ നിരപരാദിത്വം എങ്ങിനെ തെളിയിക്കും. അമീർ പോലും എന്നെ വെറുക്കില്ലേ വേണ്ട... എനിക്കാരും വേണ്ട.. എന്നെ ആരും സ്നേഹിക്കണ്ട.. സ്വന്തമാക്കുകയും വേണ്ട... വില കുറച്ച് കാണാതിരുന്നാൽ മതി. അവൾ...കണ്ണീർ തുടച്ച് കൊണ്ട്....അകം തൂത്തു തുടച്ചു.. ഉച്ചക്കുള്ളതൊക്കെ ഉണ്ടാക്കിവെച്ചു.. അലക്കാനുള്ളതൊക്കെ.. അലക്കി...അയലിൽ വിരിച്ചിട്ടു കുളികഴിഞ്ഞു നമസ്കരിച്ച് ദൈവത്തോട് മനമുരുകി പ്രാർത്ഥിച്ചു... റൂമിലേക്ക് കയറി തലയിണയിൽ മുഖം പൂഴ്ത്തി കരഞ്ഞു..തളർന്ന് അറിയാതെ അവൾ ഉറങ്ങിപ്പോയി. ജാസു... ആയിശു എവിടെ... സമയം രണ്ട് കഴിഞ്ഞു. ഉമ്മൂമ്മ അവളെ തിരക്കി ഇവിടെ എവിടേലും കാണും. ജാസി ഉപ്പാക്ക് വിശന്നിട്ടു വെയ്യന്ന്.. വേഗം ഭക്ഷണം വിളമ്പാൻ പറ അവളോട്.. അമീറിനെയും, അൻവറിനെയും വിളിക്ക് എല്ലാവർക്കും ഒന്നിച്ചിരുന്ന് കഴിക്കാം.. ആയിശു...... ആയിശു....... ഉറക്കിൽ നിന്നും പെട്ടന്ന് ഞെട്ടി എഴുനേറ്റ് കൊണ്ടവൾ മറുപടി കൊടുത്തു... മ്മ്.... ദാ....വരുന്നു... അവളുടെ മനസ്സിന് വല്ലാത്ത വേദന തോന്നി ജാസിത്തയുടെ മുഖത്ത് എങ്ങിനെ നോക്കും ഒരു ഭാര്യയും ഇഷ്ടപെടാത്ത കാര്യങ്ങൾ അല്ലേ അയാൾ വിളിച്ച് പറഞ്ഞത്. അവൾ വേച്ചു..വേച്ചു..വന്ന് ഓരോന്നായി പാത്രങ്ങളിലാക്കി ടേബിളിൽ നിറച്ച് വെച്ചു. കസേരയൊക്കെ റെഡിയാക്കി ഇട്ടു കൊടുത്ത് കൊണ്ട് പുറത്തെ...കുളപ്പടവിൽ പോയിരുന്നു... ആമീർ... ഭക്ഷണം കഴിക്കുന്നതിനിടെ അടുക്കളയിലേക്ക് എത്തിനോക്കി... അങ്ങോട്ടും ഇങ്ങോട്ടും തിരിഞ്ഞു നോക്കാതെ കഴിച്ച് എണീറ്റ് പോടാ....അൻവർ അവനെ ശാസിച്ചു.. ******* നസീം.... ആ..ഫോട്ടോയും കൊണ്ട് ആമിനാത്തയെ തേടി...അവരുടെ നാടായ..മണ്ണാർമലയിലേക്ക് യാത്ര തിരിച്ചു... എടൊ.... മണ്ണാർ മലയിലുള്ള ഒരു ശാന്തിഭവൻ ഇല്ലേ അവിടെക്കാണുട്ടോ.... അവൻ ഓട്ടോക്കാരനോട് പറഞ്ഞു...അയാൾ അതിന്റെ മുന്നിൽ കൊണ്ട് പോയി വണ്ടി നിർത്തി. ഇതാ...ഈ..കാണുന്നതാണ് ഇവിടെ ഇറങ്ങിക്കോളു.. ആയാൾക്കുള്ള ക്യാഷ് കൊടുത്തവൻ... അതിനകത്തേക്ക് നടന്നു.. ടൊ... അവിടെ നിക്ക്... ആരാ.... എന്ത് വേണം... അവിടുത്തെ പാറാവ്കാരൻ പിടിച്ചു നിർത്തി ചോദിച്ചു... എന്റെ പേര് നസീം.. കുറച്ചു ദൂരെന്ന് വരികയാ... എനിക്ക് ഈ ഫോട്ടോയിൽ കാണുന്ന ആളെ ഒന്ന് കാണണം പേര് ആമിനാ.. മ്മ്... ഇവിടെ നിൽക്കൂ ഞാൻ ഒന്ന് അനേഷിക്കട്ടെ... ഗേറ്റിനടുത്തുള്ള കസേരയിൽ അവനെ ഇരുത്തി അയാൾ അകത്തേക്ക് കയറിപ്പോയി.. അൽപസമയത്തിന് ശേഷം ശെരീരം ശോഷിച്ചു അധികം നടക്കാൻ ഒന്നും വെയ്യാതെ.. ഒരു അമ്പത് വയസ്സ് തോന്നിക്കുന്ന ആളെയും കൊണ്ട് വരുന്നുണ്ട് അയാൾ' ഫോട്ടോയിൽ കാണുന്ന യാതൊരു സാദൃശ്യവും അവരിൽ കണ്ടില്ല.... അവർ അടുതെത്തുന്തോറൂം അവന്റെ ഹൃദയം കൂടുതൽ തുള്ളാൻ തുടങ്ങി.. അവരോട് എന്ത് പറയും എങ്ങിനെ തുടങ്ങും. അവിടുന്ന് വരുമ്പോഴുണ്ടായിരുന്ന ഉത്സാഹം ഒക്കെ നശിച്ചപോലെ... ഇവരാണ്... നിങ്ങളെ കാണണം എന്ന് പറഞ്ഞത്.. ആരാ... എന്തിനാ എന്നെ കാണാൻ വന്നത്... നിങ്ങളെ ഒന്ന് ഫ്രീ ആയി കിട്ടുമോ...എനിക്ക് കുറച്ച് സംസാരിക്കണം... മ്മ്... അതിനെന്താ... വായോ.... അവർ അവനെ മുറ്റത്തിന്റെ തെക്കേഭാഗത്തേക്ക് കൂട്ടികൊണ്ട് പോയി. അവിടെ ചെടിചട്ടികളും അതിൽ പുഞ്ചിരി തൂകി നിൽക്കുന്ന വിടർന്ന പുഷ്പങ്ങളും കൊണ്ട് അവിടം അലങ്കരിച്ചു വെച്ചിട്ടുണ്ട്... ഇരിക്കാനുള്ള ഇരിപ്പിടങ്ങൾ കെട്ടി ഉണ്ടാക്കിയിട്ടുണ്ട്... പടർന്ന് പന്തലിച്ചു നിൽക്കുന്ന വലിയ മരങ്ങൾ..ഇടക്കിടക്ക് തണുത്ത കാറ്റ് വീശി തലോടിപോകുന്നു.... മൊത്തത്തിൽ മനസ്സിന് കുളിരേകുന്ന കാഴ്ചകൾ... അവനാ..കാഴ്ചകൾ കണ്ട് ആസ്വദിക്കുന്നതിനിടെ... ദേ.... അങ്ങോട്ടേക്ക് ഇരിക്കാം... അവൻ കാഴ്ച്ചയിൽ നിന്നും നയനങ്ങൾ മാറ്റി...അവർ ചൂണ്ടികാണിച്ച ഇരുപ്പിടത്തിൽ ചെന്നിരുന്നു.. അവരും അവന്റെ കൂടെ ഇരുന്നു... പറഞ്ഞോളൂ... നിങ്ങൾ ആരാ.. എന്തിനാ എന്നെ കാണാൻ വന്നത്. എനിക്ക് ഇത്തയെ കാണേണ്ട ആവശ്യം ഉണ്ടായിരുന്നു. നിങ്ങളോട് കുറച്ചു കാര്യങ്ങൾ പങ്കു വെക്കാനുണ്ട്.. പിന്നെ..കുറച്ചു സമയം മൗനമായി ഇരുന്നുകൊണ്ട് അവൻ തുടർന്നു..... നിങ്ങളുടെ പേര് ആമിന എന്നല്ലേ... ദാ.... ഈ..ഫോട്ടോ കണ്ടോ.. ഇത് നിങ്ങളാ...എന്റെ വാപ്പ നിങ്ങളുടെ ഉമ്മാന്റെ അനിയനാ.... അവർ അത്ഭുതത്തോടെ അവനെ നോക്കി അവരുടെ കണ്ണിൽ നിന്നും കണ്ണീർ പൊഴിഞ്ഞു വീഴുന്നത് അവൻ കണ്ടു... ഇത്താ...അവൻ സ്നേഹത്തോടെ വിളിച്ചു എന്നെ...അന്വേഷിച്ചു വരാനൊക്കെ ആളുണ്ടോ.. എന്റെ കുടുംബക്കാരൊക്കെ എന്നെ കുറെ...തിരക്കി വന്നിരുന്നു... ഇരുപത് വർഷങ്ങൾക്ക് മുന്നേ.. പക്ഷെ... ഞാൻ അവരോടൊപ്പം ഒന്നും പോയില്ല....എനിക്ക് ഇവിടെയാണ് ആശ്വാസം എന്ന് തോന്നി.. അതിനൊക്കെ കാരണം മരിച്ചുപോയ എന്റെ മോളെ കുറിച്ചുള്ള ഓർമ്മകളായിരുന്നു. അവരെല്ലാവരും വീണ്ടും വീണ്ടും ആവർത്തിച്ചു പറഞ്ഞു....അവളിനി വരില്ലെന്ന്...അത്‌ കൊണ്ടുതന്നെ എനിക്ക് അവരോടൊക്കെ ദേഷ്യമായിരുന്നു. അപ്പോഴൊക്കെ ഞാൻ ഉറച്ചു വിശ്വാസിച്ചിരുന്നു എന്റെ മോൾ ജീവിച്ചിരിപ്പുണ്ടന്ന്.. പക്ഷെ... ഇപ്പോഴാന്റെ പ്രതീക്ഷകൾ അസ്തമിച്ചിരിക്കുന്നു.. അവനൊന്നും പറയാതെ തന്നെ അവർ ഇത്രത്തോളം പറഞ്ഞപ്പോൾ അവന്റെ മനസ്സും ഒന്ന് പിടഞ്ഞു... അവളിനി അവരുടെ മകൾ അല്ലങ്കിൽ ഞാൻ അവരോട് ചെയുന്നത് ദ്രോഹം ആയിരിക്കില്ലേ...പടച്ചവൻ എന്നോട് പൊറുക്കുമോ..? അവന്റെ ഉള്ളകം അവനോട് മന്ത്രിച്ചു കൊണ്ടിരുന്നു.. (തുടരും) കണ്ണൂർകാരൻ 🌹🌹🌹🌹🌹🌹 #📔 കഥ #📙 നോവൽ #✍ തുടർക്കഥ #📚 ട്വിസ്റ്റ് കഥകൾ #💞 പ്രണയകഥകൾ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mZqG4E0?d=n&ui=v64j8rk&e1=cമന്ത്രകോടി :പാർട്ട്‌ -40🌺💚 ഇനി മഹിയെന്താണ് ചെയ്യാൻ പോകുന്നതെന്ന് അറിയാതെ അവളുടെ മുഖം ഭയം കൊണ്ട് വിളറിപ്പോയിരുന്നു. ഇതുവരെ അവനെ പറ്റിച്ചത് പോലെയല്ല. ഇക്കാര്യത്തിൽ അവൻ തന്നോട് ഒരിക്കലും ക്ഷമിക്കില്ല. അവന്റെ മുറുകിയ മുഖത്തേക്ക് നോക്കാൻ അവൾക്ക് പേടി തോന്നി..... കൈ വിരലുകൾ പരസ്പരം പിണച്ച് കുരുക്കിട്ട് നിലത്തേക്ക് നോക്കി നിന്നവൾ മുഖത്തേക്ക് നോക്കെടി...... തൊട്ടടുത്തായി അവന്റെ മുറുകിയ സ്വരം. അവളുടെ നെഞ്ചോന്ന് കിടുകിടുത്തു. പെട്ടന്നവൾ മുഖമുയർത്തി...... എന്തിനായിരുന്നു ഇങ്ങനൊരു നാടകം...... അവന്റെ സ്വരത്തിന് വല്ലാത്തൊരു മുരൾച്ച മഹ്..... മഹീ.... ഞാൻ...... മിണ്ടരുത്..... നിന്റെ വൃത്തികെട്ട നാവിൽ നിന്ന് എന്റെ പേരിനി ഉച്ഛരിക്കരുത്. സ്വന്തം ചുണ്ടിലേക്ക് ചൂണ്ടുവിരൽ മുട്ടിച്ച് മിണ്ടെരുതെന്ന് കാണിച്ച് കൊണ്ടവൻ പറഞ്ഞു. അവന്റെ കണ്ണുകളിൽ അന്നേരം തന്നെ ചുട്ടെരിക്കാനുള്ള തീയുണ്ടയിരുന്നു.... ഒരു നിമിഷമൊന്ന് തെറ്റിയാൽ ആ തീയിലവൻ തന്നെ വെണ്ണീറാക്കുമെന്നും തോന്നിപ്പോയി. നീ ചെയ്ത പ്രവർത്തിക്ക് അടിച്ച് നിന്റെ കരണം പൊട്ടിക്കാൻ അറിയാഞ്ഞിട്ടല്ല. എന്റേതല്ലെങ്കിലും നിന്റെ വയറ്റിൽ ലോകം കാണാത്തൊരു കുഞ്ഞ് കിടപ്പുണ്ട് അതുകൊണ്ട് അതുകൊണ്ട് മാത്രം നിന്നെ കൈവക്കുന്നില്ല. പക്ഷെ നിന്നെ ഞാൻ വെറുതേ വിടുമെന്ന് നീ കരുതണ്ട പൊട്ടനെപ്പോലെ നിനക്ക് പിന്നാലെ എന്നെ നടത്തിച്ചതിനും എന്റെ ജീവിതം നശിപ്പിച്ചതിനും എന്നെ ചതിച്ചതിനും എല്ലാം ചേർത്ത് എല്ലാം ചേർത്ത് തന്നെ തന്നിരിക്കും ഞാൻ......... അത്രയും പറഞ്ഞുകൊണ്ട് മഹി വല്ലാത്തൊരു കിതപ്പോടെ തിരിഞ്ഞു നടന്നു. ഇനിയവിടെ നിന്നാൽ താൻ ചിലപ്പോളവളെ കൊല്ലും. അത്രക്കും മനസ്സ് കൈവിട്ട് നിൽക്കുകയാണ് ..... മഹീ......... പ്ലീസ് പോവല്ലെ...... ഞാൻ..... ഞാൻ പറയുന്നതൊന്ന് കേൾക്ക്..മഹി...... അവൻ തിരിഞ്ഞ് പോയതിന് പിന്നാലെ പോകാൻ തുടങ്ങിയവളെ കണ്ടതും രണ്ട് വനിതാ പോലീസുകാർ വന്ന് അവളെ പിടിച്ചു വച്ചു..... എല്ലാത്തിനെയും പിടിച്ച് സെല്ലിൽ ഇട്ടേക്ക്. ഗൗതമിനേയും കൂടെ നിന്നവരെയും മെറിനേയും നോക്കി സഞ്ചു പറഞ്ഞു. ശേഷം അവൻ പുറത്തേക്കിറങ്ങി. ആ സമയം ബൈക്കിന് മുകളിൽ വന്നിരിക്കുകയായിരുന്നു മഹി..... അവന് എന്ത് ചെയ്യണമെന്നറിയില്ല... മനസ്സ് മുഴുവൻ ശൂന്യമാണ്..... മുന്നിലേക്ക് ഒരു ഇരുട്ട് ബാധിച്ചത് പോലെ...... മെറിനിൽ നിന്ന് ഇങ്ങനൊരു ചതി സ്വപ്നത്തിൽ പോലും ചിന്തിച്ചിരുന്നില്ല... അവന്റെ കണ്ണുകൾ നിറഞ്ഞു..... ഇത്രയും നാൾ താനൊരു കോമാളിയെപ്പോലെ ജീവിക്കുകയിരുന്നു എന്നോർത്തപ്പോൾ അവന് തന്നോട് തന്നെ പുച്ഛം തോന്നി ...... നിറഞ്ഞ കണ്ണുകൾ ഷോൾഡർ കൊണ്ട് തുടച്ച് മുന്നിലേക്ക് നോക്കിയവൻ ആ നിമിഷമാണ് ഷോൾഡറിൽ ഒരു കൈ പതിഞ്ഞത് ..... തിരിഞ്ഞു നോക്കുമ്പോൾ.......നന്ദനാണ് ....... സഞ്ചു വിളിച്ചു പറഞ്ഞത് കൊണ്ട് വന്നതാകും. അവന്റെ മുഖം കണ്ടാലേ അറിയാം അകത്ത് നടന്നതെല്ലാം അറിഞ്ഞിട്ടുള്ള നിൽപ്പാണെന്ന്. ഏട്ടാ....... അവന്റെ നിറഞ്ഞിരിക്കുന്ന കണ്ണുകൾ കണ്ടതും നന്ദൻ വിളിച്ചു.. മഹി അവനിൽ നിന്ന് പെട്ടന്ന് മുഖം തിരിച്ചു. വാ വീട്ടിലേക്ക് പോകാം..... മഹിയുടെയാ ഇരുപ്പ് കണ്ടതും എന്തുകൊണ്ടോ അവനിലെ സഹോദരന് വല്ലാത്തൊരു വേദന തോന്നി..... ഞാൻ വീട്ടിലേക്കില്ല നന്ദാ....... എപ്പോഴും ഞാൻ നിങ്ങളെ നാണം കെടുത്തിയിട്ടേയുള്ളൂ..... ഇപ്പോൾ പോലും...... എങ്ങനെ ജീവിക്കണമെന്നോ ആരെ വിശ്വസിക്കണമെന്നോ പോലും അറിയാത്ത ഒരു വിഡ്ഢിയാണ് ഞാൻ ....... എന്നെപ്പോലെ ഒരുവൻ ആ വീട്ടിൽ ഇല്ലാതിരിക്കുന്നതാണ് നല്ലത്....... പിന്നെ മെറിന്റ വിശേഷങ്ങളെല്ലാം സഞ്ചു പറഞ്ഞ് നീയറിഞ്ഞു കാണുമല്ലോ........ അവനൊന്ന് പുച്ഛത്തോടെ ചിരിച്ചു. ചതിയും .....വഞ്ചനയും ...കൂടാതെ ഇത്രയും നാൾ ഞാൻ എന്റേതെന്ന് പറഞ്ഞിരുന്ന കുഞ്ഞ് പോലും......... അവനൊരു നിമിഷം നിർത്തി...... എനിക്ക്..... എനിക്കിതെല്ലാം കിട്ടണം..... ഇതിനെല്ലാം ഞാൻ അർഹനാണ്..... കാരണം അങ്ങനൊരു തെറ്റല്ലേ ഞാൻ നിന്നോടും ഭാമയോടും അമ്മയോടും ചെയ്തത്..... ഞാൻ ചെയ്ത കർമ്മത്തിന്റ ഭലം തന്നെയാണ്..... മഹിയൊരു വേദനയോടെ നന്ദന് മുഖത്തേക്ക് നോക്കി പറഞ്ഞു...... മഹിയേട്ടാ...... ഞാൻ പറഞ്ഞത് സത്യമാടാ...... ഒന്നും വേണ്ടന്ന് വച്ച് അവൾക്ക് വേണ്ടി ഇറങ്ങി പുറപ്പെട്ടതല്ലേ ഞാൻ..... എന്നിട്ടോ...... ഇപ്പോ..... ഇപ്പോ മനസ്സിലാകുന്നുണ്ട്...... നിന്റെ പെണ്ണ് ഞാൻ ഇറങ്ങിപ്പോയ നിമിഷം അനുഭവിച്ച വേദന....... മഹിയേട്ടാ.... പ്ലീസ്...... വിഷമം ഉണ്ടായിരുന്നു അവൾക്കും എനിക്കും പക്ഷേ ഇന്ന് ഒരു തരിമ്പ് പോലുമില്ല. കാരണം നിങ്ങളന്ന് ഇറങ്ങിപ്പോയത് കൊണ്ടല്ലേ ഞങ്ങൾക്ക് ഒന്നാകാൻ കഴിഞ്ഞത്.......... അതിൽ മഹിയേട്ടനോട് എന്നും കടപ്പാട് മാത്രമേയുള്ളൂ...... ദെയ്‌വം ഞങ്ങളെ തമ്മിൽ ഒന്നിക്കാനായിരുന്നു കാണും വിധിച്ചിരുന്നത്.... അത്‌ അതുപോലെ നടന്നു...... ഭാമ നല്ല കുട്ടിയാ..... അവളെ എന്നെപ്പോലൊരാൾ ഒരിക്കലും അർഹിക്കുന്നില്ല..... ദെയ്‌വം നല്ലതേ കൂട്ടിച്ചേർക്കൂ...... മഹി നന്ദനെ നോക്കി പറഞ്ഞു...... മഹിയേട്ടൻ വാ നമുക്ക് വീട്ടിലേക്ക് പോകാം....... ആ സംസാരം നിർത്താമെന്നപോലെ നന്ദൻ പറഞ്ഞു. ഞാൻ വരുന്നില്ല നന്ദാ...... എനിക്കിപ്പോ കുറച്ചു നേരം ഒറ്റക്കിരിക്കണം..... അത് പറഞ്ഞുകൊണ്ട് നന്ദൻ ബൈക്കിൽ നേരെ ഇരുന്നുകൊണ്ട് വണ്ടി സ്റ്റാർട്ട്‌ ചെയ്തു....... നന്ദനെന്തെങ്കിലും പറയുന്നതിന് മുൻപ് തന്നെ മഹി ഗേറ്റ് കടന്ന് മുന്നിലേക്ക് പോയിരുന്നു. നന്ദനാ പോക്ക് നോക്കി ഒരുനിമിഷം നിന്നു. 🌼🌼🌼 ഇതേ സമയം അകത്തേ സെല്ലിലിരുന്ന് സ്വയം പഴിക്കുകയായിരുന്നു മെറിൻ...... ഒരിക്കലും മഹി അറിയരുതെന്ന് കരുതിയൊരു സത്യം...... അതിന്നവൻ അറിഞ്ഞിരിക്കുന്നു......... ഇനിയൊരിക്കലും അവൻ തന്നോട് ക്ഷമിക്കില്ല...... തന്റെ പുറകേ എപ്പോഴും സ്നേഹത്തോടെ നടക്കുന്ന മഹിയെ മാത്രമേ തനിക്കറിയാവൂ അവന് മറ്റൊരു മുഖമുണ്ട്....... ആ മുഖമാണ് നേരത്തേ കണ്ടത്....... അവനെ പരിചയപ്പെടുമ്പോൾ ഒരിക്കലും വിചാരിച്ചിരുന്നില്ല ഇങ്ങനെയൊക്കെയാകുമെന്ന്. കെവിൻ ഡ്രെഗ്ഗ്സ് കേസിൽ പിടിയിലായി പെട്ടന്നൊന്നും പുറത്തിറങ്ങില്ലെന്ന് അറിഞ്ഞ നിമിഷമാണ് മഹി വർക്ക്‌ ചെയ്യുന്ന കമ്പിനിയിൽ താനും ജോയിൻ ചെയ്യുന്നത് ..... ആദ്യമൊന്നും മഹിയെ അത്ര ശ്രദ്ധിച്ചിരുന്നില്ലെങ്കിലും പിന്നെ പിന്നെ ആരോടും വലിയ കൂട്ടുകെട്ടിന് നിൽക്കാത്ത അവനെ പ്രത്യേകം ശ്രദ്ധിച്ചിരുന്നു. കൂടാതെ ആരെയും ആകർഷിക്കുന്ന അവന്റെ ശരീരവും....... കെവിൻ വരുന്നത് വരെ ഒരു ടൈം പാസ്സ് അത്രേ കരുതിയുള്ളൂ..... എന്നാൽ മറ്റ് പുരുഷന്മാരിൽ നിന്നും വ്യത്യസ്ഥമായി അടുക്കാൻ ശ്രമിക്കുമ്പോൾ അകന്ന് പോകുന്നവനായിരുന്നു മഹി...... എന്നാൽ പെണ്ണ് വിചാരിച്ചാൽ നടക്കാത്തതെന്താനുള്ളത്.... ആദ്യം സൗഹൃദം പിന്നെ പ്രണയം പിന്നെ ഒരുമിച്ചുള്ള ജീവിതം...... എന്തൊക്കെ പറഞ്ഞാലും ആളൊരു ജെന്റിൽ മാനായിരുന്നു...... എത്രയൊക്കെ അടുത്ത് താമസിച്ചിട്ടും ഒരു ശാരീരിക ബന്ധത്തിന് ആള് മുതിർന്നിട്ടില്ല..... എന്നാൽ അങ്ങനെ വിടാൻ താൻ ഉദ്ദേശിച്ചിരുന്നില്ല..... കെവിൻ തിരിച്ചു വരുന്നതിന് മുൻപ് ഈ നാടകം അവസാനിപ്പിക്കണം..... മഹിയെ സ്വന്തമാക്കിക്കൊണ്ട്കൂടിയാകണം ഇത് അവസാനിപ്പിക്കാൻ എന്നായിരുന്നു ഉള്ളിൽ...... തന്റെ പ്ലാൻ പോലെ തന്നെ നടന്നു...... പരസ്പരം ഒന്നായി...... പിന്നീട് ഒരിക്കലറിഞ്ഞ ലഹരി വീണ്ടുമറിയാൻ മഹിക്കായിരുന്നു തിടുക്കം പലപ്പോഴും അവൻ പ്രൊട്ടക്ഷൻ ഒന്നും എടുത്തിരുന്നില്ലെങ്കിലും കൃത്യമായി താൻ ടാബ്ലറ്റ് കഴിക്കുന്നുണ്ടായിരുന്നു. മഹിയോടൊപ്പം കഴിഞ്ഞ് കുറച്ച് മാസങ്ങൾ കഴിഞ്ഞപ്പോൾ അറിഞ്ഞു കെവിൻ വരുകയാണെന്ന്...... അതോടെ മഹിയുമായുള്ള എല്ലാ ബന്ധവും അവസാനിപ്പിക്കാൻ സമയമായെന്നും തോന്നി പതിയെ മഹിയുമായി പ്രശ്നങ്ങൾ തുടങ്ങി....... കുറച്ച് നാളുകൾ കഴിഞ്ഞപ്പോൾ പ്ലാൻ ചെയ്തത് പോലൊരു ഇറങ്ങിപ്പോക്ക്...... തന്നിൽ കുടുങ്ങി കിടന്നത് കൊണ്ടാകണം അവനിതൊന്നും മനസ്സിലായിരുന്നില്ല. കെവിൻ ജയിലിൽ നിന്ന് വന്നതോടെ അവന്റെയരികിലേക്ക് പോയി....... ഒരിക്കലും മഹി കണ്ടെത്തില്ലെന്നുള്ള ഉറപ്പുണ്ടായിരുന്നു. ഏകദേശം രണ്ട് മാസത്തോളം അവനൊപ്പമുണ്ടായിരുന്നു..... ഒരിക്കലും മഹിയുടെ കാര്യം കെവിനോട് പറഞ്ഞിരുന്നില്ല..... അങ്ങനെയിരിക്കുമ്പോഴാണ് കെവിൻ വീണ്ടും ഡ്രഗ്ഗ് മാഫിയക്ക് പിന്നാലെ പോകുന്നത്.... ആ സമയം അപ്പച്ചന് വയ്യാതെ താൻ നാട്ടിലെത്തുകയും ചെയ്തു....... പിന്നെ കുറച്ച് നാൾകഴിഞ്ഞ് തിരികെ കെവിന്റെയരികിലേക്ക് പോകാൻ തുടങ്ങുമ്പോഴാണ് കെവിന്റെ മരണമറിയുന്നത്. ആകെ സ്തംഭിച്ചു പോയെന്ന് വേണം പറയാൻ..... അതിന്റെ ഞെട്ടലിൽ നിന്ന് മാറുമ്പോൾ അറിയുന്നത് താൻ ഗർഭിണിയാണെന്നും..... കെവിന്റെ കുഞ്ഞാണ് സംശയമില്ല. ഹോസ്പിറ്റലിൽ കാണിച്ചപ്പോൾ അബോഷൻ ചെയ്യാൻ കഴിയില്ലെന്ന് ഡോക്ടർ തീർത്തും പറഞ്ഞു..... അതോടെ വീണ്ടും മഹിയിലേക്കെത്താനുള്ള പ്ലാൻ കണ്ടെത്തി..... കാരണം കുഞ്ഞിനൊരു അച്ഛൻ വേണമല്ലോ...... അവനൊരിക്കലും തന്നെ തള്ളിക്കളയില്ല.... പിന്നീടങ്ങോട്ട് വലിയൊരു അഭിനയമായിരുന്നു....... അതിലെല്ലാം മഹി വീഴുകയും ചെയ്തു. അവനോടൊപ്പം തന്നെ അങ്ങ് ജീവിക്കാം എന്നുറപ്പിക്കുമ്പോഴായിരുന്നു ഗൗതമിന്റെ വരവ്..... ആ വരവാണ് തന്നെ യീ ജയിലഴിക്കുള്ളിലാക്കിയത്...... അവൾ സെല്ലിലെ കമ്പിയിൽ തല മുട്ടിച്ചുകൊണ്ട് ആലോചിച്ചു..... ഇനിയെന്ത് ചെയ്യാൻ പറ്റുമെന്നോ ആര് രക്ഷിക്കുമെന്നോ ഒന്നുമറിയില്ല..... ഇനി എങ്ങോട്ടാണ് ഈ കുഞ്ഞിനേയും കൊണ്ടുള്ള ജീവിതമെന്നും അറിയില്ല. ആ നിമിഷം അവൾക്ക് തോന്നിയിരുന്നു ഒന്നും.... ഒന്നും വേണ്ടായിരുന്നു. 🌼🌼 ഇതേ സമയം സിറ്റിയിലൂടെ ചീറി പായുകയായിരുന്നു മഹിയുടെ ബൈക്ക്...... അവനനുഭവിക്കുന്ന മാനസിക സങ്കർഷങ്ങളും പിരിമുറുക്കവുമെല്ലാം വണ്ടിയുടെ സ്പീഡ് കൂട്ടുന്നുണ്ടായിരുന്നു. എന്തിനെന്നോ ഏതിനെന്നോ അറിയാതെ ബുദ്ധി മരവിച്ച് കണ്ണുനീർ കൊണ്ട് കാഴ്ച മങ്ങിയൊരു നിമിഷം എതിരെ വന്നൊരു ലോറിയിലേക്ക് മഹിയുടെ ബൈക്ക് ഇടിച്ചുകയറി..!!!!! തുടരും 💚🌺 കണ്ണൂർകാരൻ 🌹🌹🌹🌹🌹 #📙 നോവൽ #✍ തുടർക്കഥ #📚 ട്വിസ്റ്റ് കഥകൾ #📔 കഥ #💞 പ്രണയകഥകൾ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/69dkxy8?d=n&ui=v64j8rk&e1=cമിഴിയോരങ്ങളിൽ. 37 🎫🎫🎫🎫🎫🎫🎫🎫 വൃന്ദ അടുക്കള അടച്ച ശേഷം തിരികെ ബെഡ് റൂമിലേക്ക് എത്തുമ്പോൾ ദേവൂട്ടി ഒരു വശം ചെരിഞ്ഞു കിടന്ന് ഉറക്കം പിടിച്ചിരുന്നു. വൃന്ദ പുതപ്പെടുത്ത്‌ കുഞ്ഞിനെ പുതപ്പിച്ച ശേഷം ഫാനിന്റെ സ്പീഡ് കുറച്ച് വച്ചു. അശോകനെ ബെഡ് റൂമിൽ കാണാഞ്ഞ് വൃന്ദ വന്ന് സിറ്റൗട്ടിൽ നോക്കുമ്പോൾ അവൻ പുറത്തെ ഇരുട്ടിലെ ഏതോ ഒരു ശൂന്യ ബിന്ദുവിൽ മിഴികൾ നട്ട് അവിടെ ഇരിയ്ക്കുകയാണ്. അവന്റെ വിരലുകൾക്കിടയിൽ എരിഞ്ഞു തീരാറായ സിഗരറ്റിന്റെ കനൽ കുത്ത്‌ കണ്ടപ്പോൾ വൃന്ദയ്ക്ക് മനസിലായി അയാളുടെ മനസ്സ് മറ്റേതോ മേച്ചിൽ പുറങ്ങളിൽ മേഞ്ഞു നടക്കയാണെന്ന് "അശോകേട്ടൻ ഇവിടെ വന്നിരിയ്ക്കയാണോ. കിടക്കുന്നില്ലേ. പുറത്ത് നല്ല തണുപ്പുണ്ട് അശോകേട്ടാ. " വൃന്ദയുടെ ശബ്ദമാണ് അയാളെ ഓർമകളിൽ നിന്നുണർത്തിയത്. അയാൾ, താൻ നാളെ രതീഷിന്റെ വീട്ടിലേക്ക് ചെല്ലുന്നതും, അവരിൽ നിന്നുണ്ടാകാൻ പോകുന്ന ചോദ്യങ്ങളെ നേരിടുന്നതുമെല്ലാം മനസുകൊണ്ട് ഓർത്തെടുത്തുകൊണ്ടിരിയ്ക്കയായിരുന്നു. എത്രയൊക്കെ തയ്യാറെടുപ്പുകളോടെ പോയാലും അവരുടെ ഏതെങ്കിലുമൊക്കെ ചോദ്യത്തിന് മുന്നിൽ തനിയ്ക്ക് മറുപടി നഷ്ടപ്പെട്ട് ശിരസ്സ് കുനിച്ചു നിൽക്കേണ്ടി വന്നേക്കും. അവരുടെ മകന്റെ ഭാഗമാണ് ശരി പക്ഷം എന്നിരിയ്ക്കെ എന്തും നേരിടാനുള്ള ഒരു മുൻകരുതൽ എടുത്തേ മതിയാകൂ. അശോകൻ തന്റെ മുൻപിൽ വൃന്ദ നിൽക്കുന്നത് കണ്ട് കയ്യിലിരുന്ന എരിഞ്ഞു തീരാറായ സിഗരറ്റ് കുറ്റി പുറത്തേയ്ക്ക് വലിച്ചെറിഞ്ഞു. "മോളുറങ്ങിയോ..." അശോകൻ എന്തെങ്കിലും പറയണമല്ലോ എന്ന് കരുതി വൃന്ദയോട് ചോദിച്ചു. "സമയം ഒരുപാട് ആയില്ലേ അശോകേട്ടാ. അവൾ എപ്പോഴേ ഉറക്കം പിടിച്ചു. ഇവിടിരുന്നിട്ടെന്താ.. അശോകേട്ടൻ എണീറ്റ് അകത്തേയ്ക്ക് വാ.." "നീ പോയി കിടന്നോ. അമ്മയോടും കിടന്നോളാൻ പറയ്‌. എനിയ്ക്കിവിടെ കുറച്ച് നേരം കൂടി ഇരിയ്ക്കണം." "ഇവിടിരുന്ന് ഉറക്കം കളഞ്ഞിട്ട് എന്താ കാര്യം അശോകേട്ടാ. നാളെ ആശാലതയുടെ വീട്ടിലേക്ക് ചെല്ലുമ്പോൾ അവർ ചോദിയ്ക്കാൻ പോകുന്ന ചോദ്യങ്ങളും, ആയമ്മയുടെ മകന്റെ ജീവിതത്തെ കുറിച്ച് അവർക്കുള്ള വ്യാകുലതകൾ പറയുന്നതും ഒക്കെയായിരിയ്ക്കില്ലേ ഇപ്പോൾ അശോകേട്ടന്റെ മനസ്സിൽ.. എന്നാൽ അവർക്ക് പറയാനുള്ളത് അതൊന്നും ആയിരിയ്ക്കില്ലെങ്കിലോ അശോകേട്ടാ... എങ്കിൽ അശോകേട്ടൻ ഇവിടെ ഇരുന്നു ഉറക്കം നഷ്ടപ്പെടുത്തുന്നതിൽ എന്തർത്ഥമാണ് ഉള്ളത്." വൃന്ദ പറയുന്നത് എന്തെന്ന് മനസിലാകാതെ അശോകൻ അവളുടെ മുഖത്തേയ്ക്ക് നോക്കി. "എനിയ്ക്ക് സംസാരിയ്ക്കാനുണ്ട് അശോകേട്ടനോട്.." അവൾ പറഞ്ഞു. അശോകൻ താനിരുന്ന കസേരയിൽ നിന്നെണീറ്റ് അകത്തേയ്ക്ക് പോന്നു. വൃന്ദ അവന് പിന്നാലേ വന്ന് വാതിലടച്ചു ഓടാമ്പലുകൾ ഇട്ട ശേഷം രാത്രിയിൽ ഓഫ്‌ ചെയ്യുന്ന ലൈറ്റുകൾ കെടുത്തിയിട്ടിട്ട് ബെഡ് റൂമിലേക്ക് ചെന്നു. വൃന്ദ വരുമ്പോൾ അശോകൻ മേശപ്പുറത്തിരുന്ന ജാറിൽ നിന്നും ഇളം ചൂടുള്ള കരിങ്ങാലി വെള്ളം ഗ്ലാസ്സിലേക്ക് പകർന്നെടുത്ത്‌ കുടിയ്ക്കുകയാണ്. അതിന് ശേഷം അശോകൻ വന്ന് ബെഡിലേക്ക് ഇരുന്നു. വൃന്ദ അശോകന്റെ അരികിൽ വന്നിരുന്ന ശേഷം നാളെ ആശാലതയുടെ അടുത്തേയ്ക്ക് അമ്മ വരുന്നുണ്ടോ എന്ന് തിരക്കി. "അമ്മ വന്നിട്ട് എന്താ കാര്യം.. അമ്മ എന്തെങ്കിലും പറഞ്ഞാൽ അവൾ അതിന് ചെവി കൊടുക്കാൻ പോലും നിന്നെന്ന് വരില്ല. അത്രയ്ക്കും നിഷേധി തരമല്ലേ അവൾ കാണിച്ച് കൂട്ടുന്നത്. അമ്മ പറഞ്ഞാൽ അനുസരിയ്ക്കുന്നവളാണെങ്കിൽ അവിടെയും ഇല്ലേ ഒരമ്മ. അവൾ ആ അമ്മയുടെ വാക്കിന് പുല്ലുവിലയെങ്കിലും കൊടുത്തിരുന്നെങ്കിൽ ഇന്ന്‌ എന്നെ വിളിച്ച് അവർക്ക് അങ്ങോട്ട് ചെല്ലാൻ ആവശ്യപ്പെടേണ്ടി വരുമായിരുന്നില്ലല്ലോ." "അശോകേട്ടൻ ഒറ്റയ്ക്ക് പോവോ." "താൻ വരുന്നുണ്ടോ... വരുന്നെങ്കിൽ വാ. അവരാരും നമ്മളെ വിളിച്ചതായി അവൾക്ക് തോന്നാതെ വെറുതെയുള്ള ഒരു സന്ദർശനം പോലെ നമുക്ക് പോയിട്ട് വരാം." "വെറുതെയുള്ള സന്ദർശനം എന്നൊക്കെ നമ്മുടെ തോന്നലാ അശോകേട്ടാ.. നമ്മൾ ചെല്ലുന്നത് കാണുമ്പോ തന്നെ ആശയ്ക്ക് കാര്യം പിടി കിട്ടിയിരിയ്ക്കും. അവളുടെ ലക്ഷ്യവും അത് തന്നെ ആയിരിയ്ക്കും അശോകേട്ടാ.. അശോകേട്ടനെ അവിടെ എത്തിയ്ക്കുക." "എന്നെ അവിടെ എത്തിച്ചിട്ട് എന്ത് നേട്ടമാ ടീ അവൾക്കുള്ളത്. അവളുടെ ജീവിതമല്ലേ അവളുടെ ചെയ്തികൾ കൊണ്ട് കോഞ്ഞാട്ടയായി പോകുന്നത്. അത് പോലും മനസിലാക്കാനുള്ള കഴിവില്ലാതായി പോയോ ആ പെണ്ണിന്. കഷ്ടം.ഞാൻ അവിടെ ചെന്ന് അവൾക്ക് മനസിലാകുന്ന രീതിയിൽ എന്തെങ്കിലും രണ്ട് വാക്ക് പറഞ്ഞിട്ട് പോരാമെന്നേയുള്ളൂ. അവളുടെ പ്രവൃത്തിയാലാണ് അവളുടെ ജീവിതം നേർവഴിയ്ക്ക് ആക്കിയെടുക്കേണ്ടത്." "അവൾക്ക് അവളുടെ ജീവിതമല്ല ഇപ്പോൾ വലുതെങ്കിലോ അശോകേട്ടാ... അവളുടെ ജീവിതത്തെ കുറിച്ചോ, അവളെ ചുറ്റി നിൽക്കുന്ന മറ്റു ജീവിതങ്ങളെ കുറിച്ചോ അവൾ ചിന്തിയ്ക്കുന്നേയില്ല എന്ന് കരുതുക. അങ്ങനെ ചിന്തിക്കുന്ന ഒരു പെണ്ണായിരുന്നു ആശയെങ്കിൽ അവൾ ആ വീട്ടിലുള്ളവരെ യാതൊരു വിധത്തിലും വെറുപ്പിയ്ക്കാൻ നിൽക്കയേ ഇല്ലായിരുന്നു." "പിന്നെന്താ അവളുടെ ഉദ്ദേശ്യം... അവൾ നിന്നോട് എന്തെങ്കിലും പറഞ്ഞിട്ടുണ്ടോ.. ഫോണിലൂടെയോ മറ്റോ.." അശോകന്റെ നെറ്റിയിൽ സംശയത്തിന്റെ ചുളിവുകൾ വീണു. "ഇല്ല അശോകേട്ടാ.. പക്‌ഷേ ആശാലതയുടെ ഈ ചെയ്തികളിൽ നിന്നും മനസിലാക്കേണ്ടത് അവളുടെ മനസ്സിൽ നിന്നും പഴയതൊന്നും മാഞ്ഞു പോയിട്ടില്ലെന്ന് വേണം. പ്രത്യേകിച്ചും വിൻസന്റ്.അവനെചുറ്റിപ്പറ്റി അവൾ കണ്ട കനവുകൾ. അവളും ഒത്തുള്ള അവന്റെ സ്വപ്‌നങ്ങൾ."." വൃന്ദയുടെ സ്വരം നേർത്തു. "വിൻസന്റോ.. അതൊക്കെ കഴിഞ്ഞു പോയ കാര്യങ്ങളല്ലേ. അതും ആശാലതയുടെ പ്രവൃത്തികളുംതമ്മിൽ എന്ത് ബന്ധം.." "അശോകേട്ടന് തെറ്റിപ്പോയി. വിൻസന്റിന്റെ കാര്യങ്ങൾ കഴിഞ്ഞു പോയതാണെന്ന് അശോകേട്ടന്റെ തോന്നലാ. ആശയ്ക്ക് പക്‌ഷേ അങ്ങിനെ അല്ലെങ്കിലോ.." "എന്ത് അസംബന്ധമാടീ നീ പറയുന്നത്. വിൻസന്റ് മരണപ്പെട്ടു പോയതല്ലേ. ആശ പോയി അതെല്ലാം നേരിൽ കണ്ടതാണല്ലോ. എന്നിട്ട് വീണ്ടും അവനെയും, അവന്റെ ഓർമകളെയും മനസ്സിൽ പേറിയാണ് അവൾ ജീവിയ്ക്കുന്നതെന്നോ.. അവൾക്കെന്താ ഭ്രാന്താണോ അതിന്." "ആയിരിയ്ക്കും അശോകേട്ടാ.. സ്നേഹം ചിലപ്പോൾ ഭ്രാന്തായി മാറാവുന്ന അവസ്ഥ ചിലരിലെങ്കിലും കണ്ട് വരാറുണ്ട്.. പ്രത്യേകിച്ചും താൻ ആത്മാർത്ഥമായി സ്നേഹിച്ചിരുന്ന, ജീവിത പങ്കാളിയാക്കാൻ കൊതിച്ചിരുന്ന ഇണ പെട്ടന്നൊരു വേള നഷ്ടപ്പെട്ട് പോകുമ്പോൾ.. അത് പോലൊരു സ്നേഹമായിരുന്നില്ലേ അശോകേട്ടാ ആശാലതയ്ക്ക് വിൻസന്റിനോട് ഉണ്ടായിരുന്നത്." "അതിന് അവൻ മരണപ്പെട്ടു പോയില്ലേ.. ഇനി അവന്റെ ഓർമ്മകൾ മനസിലിട്ട് നീറ്റിക്കൊണ്ട് മറ്റുള്ളവർക്ക് സമാധാനക്കേട് സമ്മാനിയ്ക്കുന്നതിന് എന്ത് ന്യായമാണ് പറയാനുള്ളത്." "വിൻസന്റ് മരണപ്പെട്ടത് യാദൃശ്ചികമായ ഒരപകട മരണം അല്ലെന്നല്ലേ അന്നത്തെ സംസാരം. അതിൽ എന്തെങ്കിലും ദുരൂഹതയുണ്ടെങ്കിൽ അത് കണ്ടെത്തണമെന്ന് ആശയ്ക്ക് തോന്നിയിട്ടുണ്ടെങ്കിലോ..." "ദുരൂഹത..." അശോകൻ ദേഷ്യത്തോടെ കൈകൾ കൂട്ടി ഞെരിച്ചു. "അവൾക്കിപ്പോഴാണോടീ അതിൽ ദുരൂഹതയുണ്ടെന്ന ദിവ്യ ജ്ഞാനം കിട്ടിയത്. കല്യാണം കഴിഞ്ഞു മറ്റൊരുത്തന്റെ താലി കഴുത്തിൽ കേറി കഴിഞ്ഞപ്പോഴാ അവൾക്ക് കാമുകന്റെ ഘാതകരെ കണ്ടെത്തണമെന്ന ബോധം വന്നത്... പോലീസിനില്ലാത്ത അന്വേഷണ ത്വരത തോന്നാൻ ഇവളെന്താ സി ബി ഐയ്ക്ക് പഠിയ്ക്കുന്നോ... വിഡ്ഢി... മറ്റാരും അറിയാതിരുന്നാൽ അവൾക്ക് നന്ന്.. അല്ലെങ്കിൽ കൂടും കുടുക്കയുമെടുത്ത്‌ ചിലപ്പോൾ ആ വീട്ടിൽ നിന്നും തിരികെ പോരേണ്ട ഗതി പോലും വന്നേക്കും അവൾക്ക്.. അത്ര പോലും തിരിച്ചറിവില്ലാത്ത ജന്മമായിരുന്നോ ഇവളുടേത്‌.. അല്ലെങ്കിൽ തന്നെ അവളുടെ ആ പിച്ചക്കാരൻ കാമുകനെ കൊന്നിട്ട് ആർക്ക് എന്ത് നേട്ടമുണ്ടാകാനാ..." പറഞ്ഞു വന്നപ്പോൾ അശോകന്റെ ഒച്ച ഉയർന്നു പോയി. "അശോകേട്ടാ.. അടുത്ത മുറിയിൽ അമ്മയുണ്ട്... അമ്മ ധരിയ്ക്കും നമ്മൾ തമ്മിൽ വഴക്കിടുവാണെന്ന്." വൃന്ദ ഓർമിപ്പിച്ചു. "അശോകേട്ടൻ ഇപ്പോൾ ചോദിച്ചില്ലേ വിൻസന്റിനെ കൊന്നിട്ട് ആർക്ക് എന്ത് നേട്ടമുണ്ടാകാനാണെന്ന്. അത് കണ്ടെത്തുകയാണ് ആശയുടെ ലക്ഷ്യമെങ്കിലോ.. ആശ ജോലിയ്ക്ക് പോകണമെന്ന് പറഞ്ഞു വീട്ടിൽ പ്രശ്നങ്ങൾ തുടങ്ങുന്നു എന്നല്ലേ രതീഷിന്റെ അമ്മ അശോകേട്ടനെ വിളിച്ചപ്പോൾ പറഞ്ഞത്.. അവൾ ആ ചെയ്യുന്നത് പോലും വ്യക്തമായ ഒരുദേശ്യത്തിലൂടെ ആയിരിയ്ക്കില്ലേ അശോകേട്ടാ.. കൊല്ലത്താണല്ലോ ആശ ജോലി ചെയ്യുന്നത്... അപ്പോൾ അവൾക്ക് ആരുമറിയാതെ വിൻസന്റിന്റെ വീട്ടിലേക്ക് പോകാം...വേണമെങ്കിൽ വിൻസന്റിന്റെ മരണത്തിൽ തങ്ങൾക്ക് സംശയമുണ്ടെന്ന് കാണിച്ച് പോലീസിലെ ഉന്നത ഉദ്യോഗസ്ഥർക്കോ, ആഭ്യന്തവകുപ്പിലെ മറ്റാർക്കെങ്കിലുമോ വിൻസന്റിന്റെ മാതാവിനെയോ, സഹോദരിയെയോ കൊണ്ട് പരാതി കൊടുപ്പിയ്ക്കാം... ആ പരാതിയിൻ പുറത്ത് പോലീസിന് അന്വേഷണം നടത്താതിരിയ്ക്കാൻ പറ്റില്ലല്ലോ... ഞാൻ പറയുന്നത് അത് തന്നെ നടക്കട്ടെ എന്നാ. ആ അപകടത്തിൽ ഒരു ദു രൂഹതയും ഇല്ലെന്ന് പോലീസ് കണ്ടെത്തുന്നതോടെ ആശയുടെ സംശയമെല്ലാം തീരുമല്ലോ... അതോടെ അവൾക്ക് രതീഷിനൊപ്പം ഒരു പുതു ജീവിതം തുടങ്ങാൻ സാധിച്ചാലോ." വൃന്ദ പറയുന്നത് കേട്ട് അശോകൻ അൽപ്പസമയം അവളുടെ മുഖത്തേയ്ക്ക് നോക്കി നിന്നു. "നിനക്കും സ്ഥിരബുദ്ധി നഷ്ടപ്പെട്ടു പോയോ വൃന്ദേ.. ആശാലതയ്ക്കും രതീഷിനുo ഇടയിൽ വിൻസന്റ് എന്ന മൂന്നാമതൊരു കഥാപാത്രം ഉണ്ടായിരുന്നെന്ന് ആ വീട്ടിൽ രതീഷിനൊഴികെ മറ്റാർക്കും അറിയില്ല. ഞാൻ അവിടെ ചെന്ന് ആയമ്മയോട് അവരുടെ മരുമകൾ പോയി പൂർവ കാമുകന്റെ മരണത്തിന് ഇടയാക്കപ്പെട്ടവരെ കണ്ടെത്താൻ സഹായിയ്ക്കണം എന്ന് അവരോട് ആവശ്യപ്പെടാനാണോ നീ പറയുന്നത്... എവിടോ കിടന്ന ചീഞ്ഞു നാറിയ ഒരുത്തന്റെ നെഞ്ചത്തൂടെ വണ്ടി കയറിയതിനും സമാധാനം പോകുന്നത് എന്റേത്... അവളെ കൊള്ളാവുന്ന ഒരുത്തന്റെ കയ്യിൽ പിടിച്ചു കൊടുത്തു എന്നൊരു കുറ്റം ചെയ്തതിന്റെ ശിക്ഷയായിരിയ്ക്കും ഈ കിട്ടിക്കൊണ്ട് ഇരിയ്ക്കുന്നത്. പറയുന്നതിനൊക്കെ ഒരു മര്യാദ വേണ്ടേ.. ദൈവം കൈ വെള്ളയിൽ നല്ലൊരു കുടുംബ ജീവിതം വച്ചു കൊടുത്തപ്പോ ഇരു കയ്യും നീട്ടി അതിനേ സ്വീകരിയ്ക്കാനുള്ളതിന് പകരം അവൾക്ക് പോലീസുദ്യോഗം നോക്കണം പോലും... നാളെ ഞാൻ അങ്ങോട്ട് ചെല്ലട്ടെ. അവളുടെ വായിൽ നിന്നും നീയീ പറഞ്ഞത് തന്നെയാ കേൾക്കാൻ പോകുന്നതെങ്കിൽ അവർക്ക് ഇഷ്ടമുള്ള നടപടി എടുത്തോളാൻ പറയും ഞാൻ. ഒരു ജോലിയുണ്ടെന്നുള്ളതിന്റെ അഹങ്കാരമല്ലേ അവളീ കാണിയ്ക്കുന്നത്. അവൾക്ക് അവളുടെ ജീവിതമല്ല വലുതെങ്കിൽ ആരുടെയോ മരണത്തിനു പിന്നാലേ പോയി സ്വന്തം ജന്മം കഴുവേറ്റി കളയട്ടെ. ആർക്ക് ചേതം." ആരോടോ ഉള്ള രോഷം തീർക്കാനെന്ന മട്ടിൽ അശോകൻ ബെഡിലേക്ക് ഒരു വശം ചെരിഞ്ഞു കിടന്നു. അവൻ കൂടുതൽ എന്തെങ്കിലും പറയുമെന്ന് കരുതി വൃന്ദ അൽപ്പ സമയം കാത്തെങ്കിലും അശോകൻ കണ്ണുകൾ പൂട്ടി കിടക്കുന്നത് കണ്ട് വൃന്ദ ലൈറ്റ് കെടുത്തിയിട്ട് ദേവൂട്ടിയുടെ അരികെ വന്ന് കിടന്നു. ♦️ ജോലിക്കാരി ലളിത രാവിലെ ചായയുമായി വന്ന് വാതിലിൽ തട്ടി വിളിച്ചപ്പോൾ ആശാലത വന്ന് വാതിൽ തുറന്നു. ഒരു ട്രേയിൽ രണ്ട് കപ്പ് ചായയുമായി നിന്ന ലളിത ചായ ആശാലതയ്ക്ക് നേർക്ക് നീട്ടി. ഒരു കപ്പ് ചായ എടുത്തിട്ട് ആശാലത തിരിഞ്ഞു നടന്നപ്പോൾ ലളിത അവളെ പിന്നിൽ നിന്ന് വിളിച്ചു. ആശാലത അവിടെ തന്നെ നിന്ന ശേഷം മുഖം ചെരിച്ച് നോക്കി. "ഇത് സാറിനുള്ളതാ.. ഇത് കൂടി കൊടുത്തേക്ക്." "ആശാലത അവിടെ നിന്ന് രതീഷ് ഉറങ്ങുന്ന റൂമിന് നേർക്ക് വിരൽ ചൂണ്ടി. "അവിടെ കൊടുത്തേക്ക്. സാർ ആ റൂമിലാണ്." ആശാലത പറഞ്ഞത് അത്ര പിടിയ്ക്കാത്തമട്ടിൽ വല്ലാത്തൊരു ശബ്ദമുണ്ടാക്കികൊണ്ട് ലളിത അവിടെ നിന്നും രതീഷിന്റെ റൂമിന് നേർക്ക് പോന്നു. "മനുഷ്യനേ അധികപ്പണി ചെയ്യിപ്പിയ്ക്കാനായിട്ട്.. രണ്ടിനും കൂടി ഒരു റൂമിൽ കിടന്നാലെന്താ പോലീസ് കേസെടുക്കുമോ. ഇത് രണ്ട് റൂം കഴുകി തുടയ്‌ക്കേണ്ട ജോലി ചെയ്യണമല്ലോ ഞാൻ." പോകുന്ന പോക്കിൽ ലളിത പിറു പിറുത്തു. താഴേയ്ക്ക് ഇറങ്ങിവന്ന് ലളിത അടുക്കളയിൽ ഉണ്ടായിരുന്ന രുഗ്മിണിയോട് പരാതി പറഞ്ഞു. "ഇപ്പോഴും കൊച്ചുങ്ങള് രണ്ടും രണ്ട് റൂമിലാണോ ചേച്ചീ ഉറക്കം.. എന്നാൽ പിന്നെന്തിനാ ഇവറ്റകളു കല്യാണം കഴിച്ചേ... രണ്ട് പേർക്കും കെട്ട് കഴിഞ്ഞു അവരവരുടെ വീട്ടിൽ നിന്നാൽപോരാരുന്നോ." "നീ ഇത്രയധികം ഭാരിച്ച പണിയിലൊന്നും തലയിടല്ലേ ലളിതേ.. അവർ ഈ വീട്ടിൽ അവര്ക്കിഷ്ടപ്പെട്ട റൂമിൽ കിടന്നുറങ്ങും. അതിന് നിനക്കെന്താടീ.നീയിവിടെ ജോലിയ്ക്ക് വന്നതാണെങ്കിൽ അപ്പണി മാത്രം ചെയ്‌താൽ മതി. വീട്ടമ്മ ചമയാൻ നിൽക്കണ്ട. കേട്ടല്ലോ." മസാല ദോശയ്ക്കുള്ള മസാല വഴറ്റിക്കൊണ്ടിരുന്ന രുഗ്മിണി തിരിഞ്ഞു നിന്നു. "ഓ.. കേട്ടു. ലോകത്തെങ്ങും കാണാത്ത രണ്ടു മക്കളല്ലേ ഇത്." ലളിത രുഗ്മിണി കേൾക്കാതെ പിറുപിറുത്തു. "ലളിതേ, എന്തെങ്കിലും പറയാനുണ്ടെങ്കിൽ ഉറച്ചു പറഞ്ഞോണം. അല്ലാതെ വായിലിട്ട് കടിച്ചു പൊട്ടിച്ചോണ്ട് നിൽക്കല്ലേ." ലളിത അതത്ര ഇഷ്ടപ്പെടാത്ത മട്ടിൽ സിങ്കിൽ കിടക്കുന്ന പാത്രങ്ങൾ കഴുകി ത്തുടങ്ങി. ഡിഷ്‌ വാഷിട്ട് ഓരോ പാത്രവും തേച്ചു വലിയ ശബ്ദത്തോടെ ലളിത മാറ്റി വയ്ക്കുന്നത് കണ്ടിട്ട് അത് തന്നോടുള്ള രോഷമാണെന്ന് രുഗ്മിണിയ്ക്ക് മനസിലായെങ്കിലും അവർ എതിരൊന്നും പറയാൻ നിന്നില്ല. രാവിലെ പത്ത്‌ മണിയായപ്പോൾ അശോകന്റെ ബൈക്ക് വന്ന് ഗേറ്റിന് വെളിയിൽ നിന്നു. ലളിത ചെന്ന് ഗേറ്റ് തുറന്ന് കൊടുത്തപ്പോൾ അശോകൻ ബൈക്ക് ഓടിച്ചു കൊണ്ട് വന്ന് മുറ്റത്ത്‌ നിർത്തി വച്ചു. പിന്നെ അതിൽ നിന്നിറങ്ങി സിറ്റൗട്ടിലേക്ക് കയറി ചെന്നു. മൃദുല ഇറങ്ങി വന്ന് അവനെ സ്വീകരണ മുറിയിലേക്ക് കൊണ്ടിരുത്തിയ ശേഷം പോയി രതീഷിനെ വിളിച്ചു കൊണ്ട് വന്നു. (തുടരും ) കണ്ണൂർകാരൻ 🌹🌹🌹🌹 #📙 നോവൽ #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ #📔 കഥ

ഏതൊരു കാര്യത്തിനും അമ്മ പറയുന്ന വാക്കായിരുന്നു " അവൾ പെണ്ണല്ലേ " എന്ന്. പെണ്ണായാൽ ന്താ അമ്മേ കുഴപ്പം എന്ന് ചോദിക്കുമ്പോൾ അമ്മ ദേഷ്യത്തോടെ നോക്കും. " അടങ്ങി ഒതുങ്ങി മിണ്ടാതെ നിന്നോണം. വെറുതെ ആളുകളെ കൊണ്ട് ഓരോന്ന് പറയിപ്പിക്കാതെ. നീയൊക്കെ ന്തേലും കാട്ടെ പറയെ ചെയ്താൽ പിന്നേ ആളുകൾ കുറ്റം പറയുന്നത് എന്നെയാ.. വളർത്തുദോഷത്തിന്റെ ആണെന്ന്. " അമ്മ പറയുന്നത് കേട്ടാൽ തോന്നും വളയിട്ട പെണ്ണ് വർത്താനം പറഞ്ഞാൽ അത് വളർത്തുദോഷം ആണെന്ന്. വീട്ടിൽ നിന്ന് തന്നെ ഇങ്ങനെ മുരടിപ്പിച്ചാൽ പിന്നേ എങ്ങനെ പെൺകുട്ടികൾ പ്രതികരിക്കാനാ! അന്ന് വീട്ടിലേക്ക് വന്ന വാടകക്കാരൻ അമ്മയ്ക്ക് നേരെ ചുണ്ട് നനച്ചുകൊണ്ട് പറഞ്ഞ വാക്കുകൾ കേട്ടായിരുന്നു പടി കയറി വന്നത്. " വാടക തരാൻ ഇല്ലെങ്കിൽ നീയൊന്ന് കിടന്ന് തന്നാലും മതി " എന്ന് പറഞ്ഞ അയാൾക്ക് മുന്നിൽ പ്രതികരിക്കാൻ മടിച്ചു തല താഴ്ത്തി നിന്ന അമ്മയെ കണ്ടപ്പോൾ ദേഷ്യവും പുച്ഛവുമാണ് തോന്നിയത്. ആ ദേഷ്യം തീർത്തത് വന്നു കേറിയ വീട്ടുടമസ്ഥന്റെ മുഖത്ത്‌ ആയിരുന്നു. " ദേ, വീട്ടിൽ കിടക്കുന്ന അച്ചിയോട് പറയുന്ന പോലെ ഇവിടെ കേറിവന്ന് എന്റെ അമ്മയോട് പറഞ്ഞാൽ ഉണ്ടല്ലോ താൻ നാളെ അഴി എണ്ണും. കാണണോ? വാടക തരാതെ ഇരുന്നിട്ടൊന്നും ഇല്ലല്ലോ. പിന്നെ വാടക ഒരു ദിവസം വൈകിയാൽ അപ്പൊ കൂടുന്ന ഈ അസ്കിതയ്ക്ക് പറ്റിയ ഒന്ന് വീടിന്റെ പിറകിലുണ്ട് . നല്ല ഒന്നാന്തരം മുള്ളുമുരുക്ക്. ഇനി ഇമ്മാതിരി വേഷംകേട്ടുമായി ഇവിടെ കേറിയാൽ... " അവളുടെ ഭാവം കണ്ട് അയാളും ഭയന്നിരുന്നു. പക്ഷേ അടി കിട്ടിയ കവിളിനേക്കാൾ നീറിയത് വ്രണപ്പെട്ട മനസ്സ് ആയിരുന്നു. " ഇങ്ങനെ തല കുമ്പിട്ട് നിൽക്കാതെ അമ്മയ്ക്ക് അയാളുടെ മുഖത്ത്‌ നോക്കി രണ്ട് പറഞ്ഞൂടെ. ഓഹ് അമ്മൂമ്മയുടെ വളർത്തുദോഷം ആണെന്ന് നാട്ടുകാർ പറഞ്ഞാലോ അല്ലെ? കഷ്ട്ടം " ദേഷ്യത്തോടെയും സങ്കടത്തോടെയും അകത്തേക്ക് കയറുമ്പോൾ പെണ്ണിന്റെ ശബ്ദം പൊങ്ങിയത് നാട്ടുകാർ ആരേലും കേട്ടോ എന്ന വേവലാതി ആയിരുന്നു അമ്മയ്ക്ക്. അന്ന് ബസ്സിൽ കയറുമ്പോൾ തിരക്ക് അസഹനീയമായിരുന്നു. അതിനിടക്ക് അടുത്തു നിൽക്കുന്നവന്റെ കൈ ശരീരത്തിൽ പലയിടങ്ങളിൽ സ്പർശ്ശിക്കാൻ തുടങ്ങിയപ്പോൾ ആദ്യമൊക്കെ അല്പം മാറിനിന്നു. പക്ഷേ, അയാൾ വിടാൻ ഭാവമില്ലായൊരുന്നു. തിരക്കിനിടയിൽ അയാളുടെ കൈകൾ മാറിടത്തിലേക്ക് നിങ്ങിയപ്പോൾ അവൾ അയാൾക്ക് നേരെ തിരിഞ്ഞു. "ചേട്ടന് ശരിക്കും ന്താ വേണ്ടത്. കുറെ നേരമായല്ലോ പരതികൊണ്ടിരിക്കുന്നു. കാണാതെപോയ വല്ല സാധനവും ന്റെ ദേഹത്തു കണ്ടോ?" അവളുടെ പെട്ടന്നുള്ള ചോദ്യം കേട്ടപ്പോൾ അയാൾ ചമ്മലോടെ ചിരിച്ചു. " ഞാൻ ന്ത്‌ ചെയ്തെന്ന..?. തിരക്കല്ലേ കുട്ടി. അതിനിടയിൽ പിന്നിൽ നിന്നുള്ള തള്ളും. അപ്പൊ ദേഹത്തു തട്ടി മുട്ടി എന്നൊക്കെ ഉണ്ടാകും. ഇതിപ്പോ താനീ ബസ്സിൽ ഉണ്ടെന്ന് കരുതി തിരക്ക് ഒഴിവാക്കാൻ പറ്റോ? " അയാളുടെ വഷളൻചിരി കണ്ടപ്പോൾ ഒന്ന് പൊട്ടിക്കാൻ ആണ് തോന്നിയത്. പക്ഷേ, ഒന്ന് ഒതുങ്ങി. " എനിക്ക് വേണ്ടി ചേട്ടൻ തിരക്ക് ഒഴിവാക്കി കഷ്ടപ്പെടണ്ട. പിന്നെ തിരക്ക് എന്നത് തപ്പാനും തലോടാനും ഉള്ള എളുപ്പവഴി ആണെന്ന് കരുതി ഇടിച്ചുകേറി വന്നാൽ ...... " അതയാക്കൊരു താകീത് ആയിരുന്നു. കണ്ടു നിന്നവർ ചിലർ പെണ്ണിന്റ തന്റേടത്തെ വാഴ്‌ത്തിയപ്പോൾ ചിലർ പെണ്ണിന്റെ നാക്കിനെ പഴിച്ചു. ഒന്നുല്ലങ്കിൽ അവളൊരു പെണ്ണല്ലേ എന്ന് അടക്കം പറഞ്ഞവരോട് അടക്കത്തിൽ തന്നെ ആണവൾ പറഞ്ഞത്, " അതെ, പെണ്ണാണ്.... അതോണ്ട് ആണല്ലോ ആ ചേട്ടന് കൃമികടി തോന്നിയത്. പെണ്ണായത് കൊണ്ടാണ് പറയേണ്ട പോലെ പറഞ്ഞതും. പെണ്ണ് ഉറക്കെ പറഞ്ഞാൽ ന്താ ചേച്ചി ഇത്ര പുച്ഛം.? ഇളക്കം വന്നവന് ഉളുപ്പില്ലാതെ നിന്ന് കൊടുത്താ കൂടോ പെണ്ണിന്റെ അഭിമാനം? " അവളുടെ ചോദ്യങ്ങൾക്ക് മറുപടി പറയാതെ മൗനം പാലിച്ചവരെ നോക്കി വെറുതെ അവൾ പുഞ്ചിരിച്ചു. പെണ്ണിന്റെ ശത്രുവിനെ കണ്ട അവജ്ഞതയോടെ. അന്ന് രാത്രി ഉറങ്ങാൻ കിടക്കുമ്പോൾ അരികിൽ വന്നിരുന്ന അമ്മ പറയുന്നുണ്ടായിരുന്നു " മോളെ, സൂക്ഷിക്കണം, നമുക്ക് നമ്മളെ ഉള്ളൂ... ആൺതുണ ഇല്ലെന്നറിയുമ്പോൾ പലരും ഓരോന്ന് പറഞ്ഞു പിറകെ വരും. അതിനൊക്കെ ദേഷ്യപ്പെടാൻ നിന്നാൽ നാളെ നമുക്ക് തന്നെ അതൊക്കെ ദോഷവും. അതുകൊണ്ട് മോളിനി ആരോടും.... നമ്മളൊക്കെ പെണ്ണുങ്ങളാ മോളെ... " അമ്മ പിന്നെയും പെണ്ണെന്നു ഓർമ്മപ്പെടുത്തുന്നപ്പോലെ പറയുന്നത് കേട്ടപ്പോൾ അവൾക്ക് ദേഷ്യവും സങ്കടവും ചിരിയും വരുന്നുണ്ടായിരുന്നു. കരുത്തു പകരേണ്ട വാക്കിനു പകരം കനലണയ്ക്കാൻ ആണ് അമ്മ ശ്രമിക്കുന്നത്. മകളെ ഓർത്തുള്ള ഒരമ്മയുടെ വേവലാതി ആണതെന്ന് അവൾക്കറിയാം. അതുകൊണ്ട് തന്നെ സ്നേഹത്തോടെ അവൾ അമ്മയെ ചേർത്തുപിടിച്ചു. പിന്നെ ആ കവിളിൽ ചുണ്ടുകൾ അമർത്തിക്കൊണ്ട് പറയുന്നുണ്ടായിരുന്നു, " അമ്മേ, വെറും പെണ്ണാണെന്ന് കരുതി കരഞ്ഞുജീവിക്കുന്നതിലും നല്ലത് തന്റെടിയായ അഹങ്കാരിയയി ഒരു ദിവസം എങ്കിൽ ഒരു ദിവസം അന്തസ്സായി ജീവിക്കുന്നതല്ലേ. പെണ്ണിന്റ ശബ്ദം പൊങ്ങിയാൽ വാ പൊത്തിപ്പിടിക്കേണ്ട കാലം അല്ലിത്. പറയേണ്ടിടത്ത്‌ പറയാൻ പ്രാപ്തരാക്കണം ഇനി മക്കളെ എല്ലാ അമ്മമാരും. അല്ലെങ്കിൽ ചിലപ്പോ.,.... അതുകൊണ്ട് ഇനി എന്റെ അമ്മ എന്നോട് ഒന്ന് മാത്രം പറയരുത്.... "മോളെ നീ പെൺകുട്ടിയാണ് " എന്ന്. അതൊരു വെറും വാക്കല്ല, ഒരാളുടെ ആത്മധൈര്യത്തിന്റെ അടിവേരറുക്കുന്ന അലങ്കാരമാകുകയാണ് വെറും പെണ്ണെന്ന വാക്ക്. " അവളുടെ വാക്കുകളിലപ്പോൾ വല്ലാത്ത വിഷമം ഉണ്ടായിരുന്നു. അമ്മയുടെ തലോടലിലും.... പക്ഷെ, അമ്മയുടെ മനസ്സ് മാത്രം അപ്പോഴും പറഞ്ഞുകൊണ്ടേ ഇരുന്നു, " ന്നാലും നമ്മളൊക്കെ വെറും പെണ്ണല്ലേ മോളെ " എന്ന്..... കണ്ണൂർകാരൻ 🌹🌹🌹🌹🌹 #📚 ട്വിസ്റ്റ് കഥകൾ #📙 നോവൽ #✍ തുടർക്കഥ #📔 കഥ #💞 പ്രണയകഥകൾ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aaGkbq8?d=n&ui=v64j8rk&e1=c❤️മൊഞ്ചത്തി പെണ്ണിന്റെ സുൽത്താൻ❤️ ഭാഗം: 22 ****** പെണ്ണിന് ദേഷ്യം വന്നോ... ആയിശു...ഡി...ആയിശു... ജാസു അവളുടെ പിന്നാലെ പോയി.... അയ്യേ... നീ...കരയാണോ... ഇല്ല..നിനക്കിഷ്ടമില്ലാതെ ഒന്നും നടക്കില്ല. നടത്തുകയും..ഇല്ല.... നിങ്ങൾക്കൊക്കെ ഞാനൊരു ഭാരമായി..തുടങ്ങി അല്ലേ.. അതുകൊണ്ടാണല്ലോ ആരോ...വന്ന് ചോദിച്ചപ്പോഴേക്കും. അവൾ തേങ്ങി.. ഹേയ്...ഇല്ല.. ഒരിക്കലുമില്ല...ആയിശു. നിന്റെ നല്ലതിന് വേണ്ടിയല്ലേ.. നിനക്കിഷ്ടല്ലങ്കിൽ...വേണ്ട.. ഞാൻ ഇനി നിന്റെ വിവാഹത്തെ പറ്റി.. സംസാരിക്കുന്നില്ല..മതിയല്ലോ. കണ്ണീർ തുടക്ക്.. എന്റെ...ആരും ആയില്ലെങ്കിലും. ആരൊക്കെയോ...ആയി തോന്നിയിട്ടുള്ളത് അമീറിക്കയെ... കണ്ടത് മുതൽ ആണ്.. ഞാൻ പോലും അറിയാതെ എന്നുള്ളം അവനെ കൊതിച്ചു പോവുന്നുണ്ട്... സ്വന്തമാകില്ലെന്ന് എനിക്കറിയാം...എന്നാലും എന്റെ ഉള്ളിനുള്ളിൽ എവിടെയോ..ഒരു ചെറുപ്രതീക്ഷ വിരിയുന്നുണ്ട്. അവൻ എന്റേതായി മാറുമെന്ന ഒരു തോന്നൽ...എന്തൊ.. ഒരോ ദിവസവും അവനോടുള്ള ഇഷ്ടം കൂടി കൂടി വരുന്നത് പോലെ..എത്രയും പെട്ടന്ന് അവനെന്റെ അരികിൽ എത്തിയിരുന്നെങ്കിൽ എന്നാണ് ഞാൻ ആഗ്രഹിച്ചു പോവുന്നത്. ആയിശു...എന്താ... ചിന്തിക്കുന്നത്. ചിന്തയിൽ നിന്നും ഉണർന്നുകൊണ്ടവൾ പെട്ടന്ന് മറുപടി കൊടുത്തു. ഹേയ്....ഒന്നുല്ല.. ജാസിത്ത... വാ... ഇവിടെ ഇങ്ങനെ ഒറ്റക്കിരിക്കണ്ട.... വാ...വീട്ടിലേക്ക് പോകാം... മ്മ്.... ഇത്ത പേടിക്കേണ്ട... ഞാൻ വന്നോളാം... ഇത്ത പൊക്കോ... കുറച്ച് സമയം ഒറ്റക്കിരിക്കാൻ ഒരു കൊതി. മ്മ്... ആയിക്കോട്ടെ.. പെട്ടന്ന് വരണം ഞാൻ വന്നോളാം ഇത്ത പൊക്കോ... ജാസു.... ഫോൺ അടിക്കുന്നത് കേട്ടില്ലേ... ദാ.... വരുന്നു ഉമ്മാ.... ഹെലോ... ആ...അമീറോ... എന്തൊക്കെ അവിടുത്തെ വിശേഷങ്ങൾ... സുഖം..മാമി അവിടെയോ... ഇവിടെയും അതുപോലെ...തന്നെ മഹ്... ആയിശു...എന്തെ.. അവൾക്ക് കൊഴൊപ്പൊന്നും ഇല്ല.. പിന്നേ...നിന്നോടുള്ള ദേഷ്യം ഒക്കെ മാറിയിട്ടുണ്ട്...കേട്ടോ.. അവൾ നിന്നെ അന്വേഷിക്കാറുണ്ട് പലപ്പോഴും. ആണോ....? അമീറിന്റെ മനസ്സിൽ ലഡു പൊട്ടി... മ്മ്.... അതെ.. പിന്നേ...വേറൊരു കാര്യം നിന്റെ കൂട്ടുക്കാരൻ വന്നിരുന്നു...നസീം. ആയിഷുവിനെ പെണ്ണ് ചോദിച്ചു കൊണ്ട് എന്ത്....? ആർക്ക് വേണ്ടി.. അവൻക്ക് വേണ്ടി...അല്ലാതാർക്കാ അവൻക്ക് വേണ്ടിയോ..?? അമീർ ചെറുതായി ഒന്ന് ഞെട്ടി... "നിന്നോട് പറഞ്ഞില്ലേ... അവൻ.. പറഞ്ഞിരുന്നു... പക്ഷെ..അവൻക്കാണ് എന്ന്പറഞ്ഞില്ല... കള്ള ഹിമാറ് അവൻ പതുക്കെ പറഞ്ഞു... എന്നിട്ട്...ആയിശുവിന്റെ തീരുമാനം എന്താ..?? അവൾക്ക് നൂറ് വെട്ടം സമ്മതമെന്ന്...അവനെ ഒരു നോക്ക് കണ്ടപ്പോഴേക്കും അവൾക്കിഷ്ടായി... ഓഹോ... അവളെങ്ങിനെ പറഞ്ഞൊ.. പറഞ്ഞ...ഡാ... സത്യം...അവനാണേൽ നല്ല മൊഞ്ചനും ആണല്ലോ... ആർക്കാ..ഇഷ്ടപെടാതിരിക്ക. എന്നോടുള്ള ദേഷ്യം ഒക്കെ മാറിയെന്നു മാമി ശെരിക്കും പറഞ്ഞതാണോ....? അതോ...ഇപ്പോഴും അവളുടെ മനസ്സിനുള്ളിൽ എന്നോട് വെറുപ്പ് തന്നെ ആയിരിക്കുമോ..? ഞാൻ പറഞ്ഞത് സത്യം തന്നയാ... പക്ഷെ... അവൾ നിന്നെ കാണുന്നത് ഒരു ആങ്ങളയുടെ ‌സ്ഥാനത്താണ്...നിനക്ക് അങ്ങോട്ടുള്ളത് പോലെ അവൾക്ക് ഇങ്ങോട്ടില്ല.. അത്‌ പറഞ്ഞുകൊണ്ട് ജാസി ശബ്ദം താഴ്ത്തി ചിരിച്ചു. ഹെലോ... അമീർ.. എടാ.... എന്താ...ഒന്നും മിണ്ടാത്തെ.. ഡാ... അമീറെ.... നീ...മുന്നിൽ നിന്ന് വേണം അവളെ കൈപിടിച്ചു അവൻക്ക് കൊടുക്കാൻ.. പിന്നേ.... അമീറിന്റെ...പട്ടി വരും.. അതും പറഞ്ഞുകൊണ്ടവൻ ദേഷ്യത്തിൽ ഫോൺ കട്ട് ചെയ്യ്തു... ഹെലോ... ഹെലൊ... ശോ... ഫോൺ കട്ട് ചെയ്ത് കളഞൊ പഹയൻ... അവൾ എന്റെ പെണ്ണാണ്.. അവൾ വേറെ ഒരാളുടേതാവുന്നത് എനിക്ക് സഹിക്കില്ല.... അവന്റെ ഖൽബ് പിടഞ്ഞു കൊണ്ടിരുന്നു.. ജാസു തമാശയായി പറഞ്ഞതാണങ്കിലും അവനത് നല്ലത് പോലെ ഏറ്റു... അവൾക്ക് എന്നോടുള്ള വെറുപ്പ് ഇത് വരെ മാറിയില്ലേ... എനിക്കറിയാം...എന്നെ എത്രമാത്രം അവൾ സ്നേഹിക്കുന്നുണ്ടെന്ന് തുറന്ന് പറഞ്ഞില്ലെങ്കിലും അവളുടെ നയനങ്ങൾ പലപ്പോഴും എന്നോട് മന്ത്രിച്ചിട്ടുണ്ട്. ഇല്ല..നാസിമും ആയുള്ള അവളുടെ വിവാഹം ഒരിക്കലും നടക്കാൻ പാടില്ല..അത്‌ നടത്തില്ല...അവൻക്ക് ആയിശുവിന്റെ അടുതേക്കത്താൻ തൃതിയായി.. കരയിൽ പിടിച്ചിട്ട മീനിനെ പോലെ അവന്റെ മനം കിടന്ന് പിടഞ്ഞു കൊണ്ടിരുന്നു... ****** പാവം അവൻക്ക് വല്ലാണ്ട് പിടിച്ചില്ല തോന്നുന്നു...അവൾ മുഖം പൊത്തി ചിരിച്ചു.. ആടാ...അമീറെ നിന്റെ ഉള്ളിലിരിപ്പ് ഇതാണല്ലേ....കള്ളാ... അവളുടെ കരച്ചിലും പിഴിച്ചിലും കണ്ടപ്പോൾ..തന്നെ ഞാൻ....ഊഹിച്ചു. പ്രണയം രണ്ട് പേരിലും നിറഞ്ഞിട്ടുണ്ടെന്ന്.. രണ്ട് പേരും ഉള്ളുതുറക്കാതെ പരസ്പരം പ്രണയിക്കട്ടെ അതാണല്ലോ...ഇപ്പൊ നടക്കുന്നത്....ജാസു ഫോൺ എടുത്ത് വെച്ച് അടുക്കളയിലോട്ട് നടന്നു. ആയിശു അവിടെ.... ആരെയോ...ഓർക്കുന്നപോലെ അടുക്കളപ്പടിയിൽ പുറത്തേക്ക് നോക്കിയിരിപ്പുണ്ട്....ജാസു പതുക്കെ ചെന്ന് ചെവിയിൽ "ട്ടോ.. " എന്ന് പറഞ്ഞതും അവൾ ഞെട്ടിപ്പോയി... "ന്റെ.... ഉമ്മാ..." കഷ്ട്ടം ഉണ്ട് ട്ടോ.... ഞാൻ ശെരിക്കും പേടിച്ചു. ആരെയാ... ഇങ്ങനെ ഓർത്തിരിക്കുന്നത്... ഹേയ്... ചുമ്മ... ഞാൻ എന്റെ കോഴികൾ കൊത്തിപ്പെറുക്കുന്നത് നോക്കിയിരുന്നതാ.. മ്മ്.... ആയിക്കോട്ടെ... പിന്നേ...അമീർ വിളിച്ചിരുന്നു.. ഇപ്പൊ... അത് കേട്ടതും അവളുടെ കണ്ണുകൾ വിടർന്നു...പുഞ്ചിരി ഉദിച്ചു ചുണ്ടിൽ...കവിളുകൾ ചുവന്നു. എന്തിനാ...വിളിച്ചേ... സുഖാണോ...അവിടെ എല്ലാവർക്കും... മ്മ്... എല്ലാവർക്കും സുഖാണോ.. എന്നറിയില്ല...അവൻക്ക് സുഖാണ്... ഞാൻ ചുമ്മാ ഒരു തമാശ പറഞ്ഞു അവനോട് പക്ഷെ...ചെർക്കനത് പിടിച്ചില്ലെന്ന് തോന്നുന്നു.... ഓഹോ... എന്ത് തമാശയാ പറഞ്ഞത്. നിന്റെ കല്ലിയാണക്കാര്യം. അത് തമാശയാണോ...? അടങ്ങടി...അത് കേട്ടപ്പോൾ അവന്റെ ഒരു ചോദ്യം.. നസീമിനെ കെട്ടാൻ ആയിശുവിന് സമ്മതം ആണോ...എന്ന്.. ഞാൻ പറഞ്ഞു നൂറ് വെട്ടം എന്ന്....അതവൻക്ക് പിടിച്ചില്ലെന്ന് തോന്നുന്നു പിന്നേ... ഹെലോ..ചോദിച്ചിട്ട് ഒരനക്കവും ഇല്ല.. ഫോൺ കട്ട് ചെയ്തു പോയി പഹയൻ..ജാസി ചിരിച്ചുകൊണ്ട് അവളോട് അവതരിപ്പിച്ചു.. കണ്ടോ...ഇതാ..പറ്റാത്തെ അവൾ മുഖം വീർപ്പിച്ചു പിടിച്ചു. എന്തിനാ...അങ്ങിനെയൊക്കെ പറയാൻ പോയത്...പാവത്തിന് സങ്കടം ആയിക്കാണും. ആയിശു...മോൾ ഒന്നുടെ പറഞ്ഞെ...ആർക്ക് സങ്കടമായന്ന്.. അങ്ങിനെ പാവം ആയതോണ്ടാണോ... അവനെ നീ ഇവിടുന്ന് ഓടിച്ചു വിട്ടത്.. അത്‌...പിന്നേ..ഞാൻ... ഞാൻ..ചുമ്മാ... നിന്ന് ഉരുളണ്ട...രണ്ട് പേരോടും മാറി..മാറി ചോദിച്ചിട്ടും പിടിത്തരാതെ മാറിനിന്നവർ. എന്നിട്ടിപ്പോ...പരസ്പരം തുറന്ന് പറയാതെ ഇതെന്ത് പ്രേമമാ പിള്ളേരെ ആയിശു ജാസുവിന്റെ കൈ തണ്ടയിൽ ഒരു പിച്ച് കൊടുത്തുകൊണ്ട്... പുറത്തേയ്ക്കോടി.... ഈ..പിള്ളേരുടെ രണ്ടാളുടെയും കാര്യം... ജാസി...സ്വയം പറഞ്ഞുകൊണ്ട് അകത്തേക്ക് കയറിപ്പോയി. ****** ഉമ്മാ.... ഞാൻ നാട്ടിൽ പോയാലോ.. എന്താ അഭി പ്രായം. നാട്ടിൽ പോകാനോ... എന്തിന്...? എന്റെ കൂട്ടുക്കാരൻ നസീമിന്റെ വിവാഹ നിശ്ചയം കഴിഞ്ഞു. ആണോ....? മ്മ്... ഏതാ...പെണ്ണെന്ന് അറിയണ്ടേ....ഉമ്മാക്ക്. ആരാ...? ആയിശു.. നമ്മുടെ വീട്ടിലെ... ആയിശുവോ.. അവളെങ്ങിനെ അവൻ..? മ്മ്... അമീർ ഇടം കണ്ണിട്ട് ഉമ്മയെ ഒന്ന് നോക്കി..ആ..മുഖത്ത് സന്തോഷം വിരിയുന്നതവൻ ശ്രദ്ധിച്ചു. ജാസി പറഞ്ഞ കാര്യങ്ങൾ ഒന്നൂടെ പെരുക്കി പറഞ്ഞു അവൻ... അത് നന്നായി... ആ...കുട്ടിക്ക് ഒരു ജീവിതം കിട്ടുമല്ലോ... മ്ഹ്.. അതെയതെ ശല്ല്യം.. എങ്ങനേലും അവിടുന്ന് ഒഴിഞ്ഞു പോയാൽ മതിയായിരുന്നു..ലൈലത്ത മനസ്സിൽ ചിന്തിച്ചു. എന്റെ ഉമ്മാ... നിങ്ങൾ തന്നെയാവും അവളുടെ അമ്മായിഅമ്മ അതിനുള്ള പണിയൊക്കെ ഞാൻ കണ്ടിട്ടുണ്ട്... ഞാൻ തിരിച്ചു വരുമ്പോൾ... എന്റെ പെണ്ണായിട്ട് അവളെന്റെ കൂടെ ഉണ്ടാകും അവൻ ഉമ്മയെ നോക്കി ഒരു ആക്കിയ ചിരിച്ചിരിച്ചു കൊണ്ട്...പുറത്തേക്ക് പോയി. പടച്ചോനെ... അവന്റെ മനസ്സ് മാറാതെ കാത്തുകൊള്ളണമേ നസീമിന് തന്നെ അവളെ വിവാഹം കഴിപ്പിക്കാൻ തോന്നിക്കണമേ..ലൈലത്ത മുകളിലേക്ക് നോക്കി പ്രാർത്ഥിച്ചുകൊണ്ട്..നിന്നു. *****--**** എടാ... നസീമേ നിനക്ക് എന്ത് പറ്റി. ഒന്നിനും ഒരു ഉഷാറില്ലല്ലോ.. ഞാൻ ഒരുകാര്യം പറഞ്ഞ ഉമ്മ കേൾക്കുമോ...? എന്താടാ....? അത് പിന്നേ.. ഞാൻ മൂന്നാല് ദിവസം മുന്നേ പറഞ്ഞില്ലേ അമീറിന്റെ വീട്ടിലെ ആ..കുട്ടിയെ...കുറിച്ച്.. അതിന് എന്താ... നമുക്കത് നടത്താമെന്ന് ഞാൻ പറഞ്ഞതല്ലേ... അത് നടക്കുമെന്ന് എനിക്ക് തോന്നുന്നില്ല എന്തു പറ്റിയെടാ അവർക്ക് എതിർപ്പ് വല്ലതും. അവൾ ആയിശു.. ആ...വീട്ടിലെ മോളല്ല ഉമ്മാ... അവരുടെ വീട്ടിൽ അടുക്കള ജോലി ചെയ്യുന്ന കുട്ടിയാ.. ഉപ്പയും ഉമ്മയും ഒന്നും ഇല്ലാത്ത ഒരു പാവം കുട്ടി. ഹോ... ആണോ...? ഉമ്മാ.. നിങ്ങൾക്ക് പ്രശ്നം ഉണ്ടോ ഞാനവളെ വിവാഹം കഴിക്കുന്നതിൽ എനിക്ക് കൊഴപ്പൊന്നുല്ല നിന്റെ ഉപ്പാക്ക് ആയിരിക്കും പ്രശ്നം. മ്മ്... അതെ.... ഞാനത് ചിന്തിച്ചു. ഛെ.." ഇനിയിപ്പോൾ എന്ത് ചെയ്യും. വീട്ടുക്കാരെ കൂട്ടി അങ്ങോട്ട് പെണ്ണ് കാണാൻ ചെല്ലാൻ പറയുകയും ചെയ്യ്തു. നീ...സമാധനപെട് നമുക്ക് വഴിയുണ്ടാക്കാം ഉപ്പയുടെ മറുപടി ഇനി എന്താണാവോ.. അതും കൂടി അറിഞ്ഞാലേ ഒരു സമാധാനം ഉണ്ടാകു നസീം അവന്റെ മുറിയിലേക്ക് കയറിപ്പോയി.. (തുടരും ) കണ്ണൂർകാരൻ 🌹🌹🌹🌹🌹 #📔 കഥ #📙 നോവൽ #✍ തുടർക്കഥ #📚 ട്വിസ്റ്റ് കഥകൾ #💞 പ്രണയകഥകൾ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6OlA8db?d=n&ui=v64j8rk&e1=cപെയ്തൊഴിയാതെ ഭാഗം.10 ********** "ഉമ്മയിനി ഒന്നും പറയണ്ട. എന്ത് വേണമെന്ന് എനിക്കറിയാം... തെറ്റ് ചെയ്തത് ഞാൻ ആണല്ലോ...അത് ആരും അറിയാതെ തിരുത്താൻ പറ്റുമോയെന്ന്..ഞാൻ നോക്കട്ടെ... മാഹിറ മനസ്സിൽ എന്തൊക്കെയോ.. കണക്ക് കൂട്ടി അകത്തേക്ക് കടന്നു... ☘️☘️☘️ ഉമ്മാ....." എന്താടാ... " "അത്... പിന്നേ.. എനിക്ക് ഒരു കാര്യം പറയാനുണ്ട്." "എന്താടാ..കൊച്ചു കുട്ടികളെ പോലെ നിന്ന് പരുങ്ങുന്നത് കാര്യം പറയടാ..." "ഞാൻ..പഠിപ്പിക്കുന്ന കോളേജിൽ ഒരു കുട്ടിയുണ്ട്.. ഈ..വർഷം ചേർന്നതാണ്.. ജുബൈരിയ എന്നാണ് പേര്.... മൂന്ന് ആങ്ങളമാർക്ക് ഒറ്റപെങ്ങൾ വാപ്പയില്ല.. അവളുടെ ഭർത്താവ് മരിച്ചതാണ്.പ്രണയ വിവാഹം ആയിരുന്നു.. രണ്ട് വർഷത്തെ ആയുസ്സ് അവരുടെ ബന്ധത്തിന് ഉണ്ടായൊള്ളു... അവൾക്കൊരു മോളുണ്ട്.. രണ്ട് വയസ്സ് കഴിഞ്ഞിട്ടൊള്ളു വാവക്ക്. ആ...കുട്ടിയെ ഞാൻ നിക്കാഹ് കഴിച്ചാലോ.. എന്നൊരു.. ആഗ്രഹം... ഉമ്മാന്റെ അഭിപ്രായം എന്താ..." "പടച്ചോനെ എന്റെ പ്രാർത്ഥന നീ കേട്ടല്ലോ. നിന്നെയും നിന്റെ മോനെയും പൊന്നുപോലെ നോക്കാൻ പറ്റുന്നവളാണേൽ ഈ.. ഉമ്മാക്ക് സമ്മതമാണ്." "അവൾക്കറിയാം..ഉമ്മാ എന്റെ കഥകളൊക്കെ. പിന്നേ.. സ്നേഹിക്കുന്ന കാര്യത്തിൽ സംശയം ഒന്നും വേണ്ട...അത് തീർച്ചയായും ഉണ്ടാകും നല്ല കുട്ടിയാ....കാണാനും മൊഞ്ചുണ്ട്.. എനിക്കിഷ്ടപ്പെട്ടു." "അതൊന്നും ഉറപ്പ് പറയാൻ പറ്റില്ല..ഇപ്പോഴത്തെ മക്കൾ അല്ലേ..." "ഹേയ്... ഇവൾ അങ്ങിനെയായിരിക്കില്ല അതെനിക്ക്... ഉറപ്പുണ്ട്...ഉമ്മാ.... അവളുടെ ഭർത്താവ് മരിച്ചിട്ട് മൂന്ന് വർഷം കഴിഞ്ഞു...വീട്ടുക്കാർ എത്ര..നിർബന്ധിച്ചിട്ടും അവൾ മറ്റൊരു വിവാഹത്തിന് ഇത് വരെ സമ്മതിച്ചിട്ടില്ല...ഇപ്പോഴും അവനെ മനസ്സിലിട്ട് നടക്കുവാ... അവളുടെ ജീവിതത്തിൽ ഭർത്താവായി അവൻ മാത്രം മതി എന്നും പറഞ്ഞുകൊണ്ട്.. അത് കേട്ടപ്പോഴാണ് എനിക്ക് ആ..കുട്ടിയോട് ബഹുമാനവും സ്നേഹവും എല്ലാം തോന്നിയത്..." "എന്റെ മോൻ..ആ കുട്ടിയെ കല്ലിയാണം കഴിക്കണ്ട എന്നാണ് എന്റെ അഭിപ്രായം.." "അതെന്താ.. ഉമ്മാ.." "പഴയ ഭർത്താവ് അവളുടെ മനസ്സിൽ ഉള്ളടത്തോളം കാലം ആ..കുട്ടിക്ക് നിന്നെ മനസ്സറിഞ്ഞു സ്നേഹിക്കാൻ കഴിയില്ല. പിന്നേ..അത് മാത്രവുമല്ല. അവൾക്ക് രണ്ട് വയസ്സ് കഴിഞ്ഞ മോളുണ്ട് എന്നല്ലേ..പറഞ്ഞത്. നമ്മുടെ..വാവയും ചെറുതാണല്ലോ..രണ്ട് പേരെയും ഒരേപോലെ കൊണ്ട് നടക്കാൻ ആ..കുട്ടിക്ക് കഴിഞ്ഞു കൊള്ളണം എന്നില്ല... എന്തൊക്കെ പറഞ്ഞാലും. സ്നേഹത്തിലായാലും, പരിചരണത്തിലായാലും അവളുടെ മകൾ കഴിഞ്ഞേ..അവൾക്ക് നമ്മുടെ വാവയോട് ഉണ്ടാവു....അത് കൊണ്ട് അത് വേണോ...?" "അങ്ങിനെ ഒന്നും ഉണ്ടാവില്ല..അതൊക്കെ മറ്റൊരാൾ അവളുടെ ജീവിതത്തിലേക്ക് കടന്ന് വരുന്നതോടെ...എല്ലാം സാവകാശം..ശെരിയാവും അത് വരെ ഉള്ളത് പോലെ ആവില്ലല്ലോ..പിന്നീട്. എല്ലാം തരണം ചെയ്യാൻ അവൾ..പഠിക്കില്ലേ... പിന്നേ...അവളുടെ മോൾ അത്..നമ്മുടെ കൂടെ ഉണ്ടാവില്ലല്ലോ... അവളുടെ വീട്ടിൽ ആയിരിക്കില്ലേ.. പിന്നേ..നമ്മുടെ മോനെ നോക്കാൻ..എന്താ ബുന്ധിമുട്ട്..." "അവൾ നിന്റെ മനസ്സിൽ വല്ലാതെ പതിഞ്ഞിട്ടുണ്ട്. അത് കൊണ്ട് ഞാൻ പറയുന്നത് ഒന്നും നിനക്ക് മനസ്സിലാവില്ല...എന്റെ മോൻ ഇനിയും വിഷമിക്കുന്നത് കാണാൻ എനിക്ക് വെയ്യ...അത് കൊണ്ടാണ്...ഉമ്മ പറയുന്നത്." "എല്ലാം ഉമ്മാന്റെ വെറും തോന്നലുകളാണ്.. ഒന്നും ഉണ്ടാവില്ല.." "എന്റെ മോന്റെ ഇഷ്ടം പോലെ...അവളുടെ കുഞ്ഞിനെ നിനക്കും നിന്റെ കുഞ്ഞിനെ അവൾക്കും.മനസ്സറിഞ്ഞു സ്നേഹിക്കാൻ കഴിയണം.അല്ലേൽ.. അവിടെമുതൽ നിങ്ങൾക്ക് ഇടയിൽ വിടവ് വരും അത് വരാതെ നോക്കാൻ എന്റെ മോൻക്ക് കഴിയുമെങ്കിൽ ഓക്കേ... ഉമ്മാക്ക് സമ്മതം ആണ്..." "ഒന്നും ഉണ്ടാവില്ല ഉമ്മാ. എല്ലാം നിങ്ങളുടെ പേടിയും കടന്നുള്ള ചിന്തകൾകൊണ്ടും തോന്നുന്നതാണ്.." അവൻ ഉമ്മയെ ചേർത്ത് പിടിച്ചു.. എന്നിട്ട് ഉമ്മയെ നോക്കി പുഞ്ചിരിച്ചുകൊണ്ട് അവരുടെ കവിളിൽ ഒരു സ്നേഹ ചുംബനം ചാർത്തി... "നിങ്ങളുടെ പ്രാർത്ഥന ഉണ്ടായാൽ മതി... അത്ര മാത്രം മതി " ഉമ്മ.. അവനെ നോക്കി സങ്കടപ്പെട്ടു...ഒന്നും ഉണ്ടാവില്ലന്ന് കണ്ണുറുക്കി കാണിച്ചു കൊണ്ടവൻ കുഞ്ഞിന്റെ അടുത്തേക്ക് നീങ്ങി.... ☘️☘️☘️☘️☘️ റഹ്മത്തെ..." എന്താ.. ഇക്കാ. " "ഒരാഴ്ച്ച കഴിഞ്ഞാൽ ജൂബിക്ക് ക്ലാസ്സ്‌ കഴിയുകയല്ലേ...നമുക്ക് അവളെയും മോളെയും കുറച്ചു ദിവസത്തിനു ഇങ്ങോട്ട് കൊണ്ട് വന്നാലോ..." "അവൾ വരുമോ..? " ഫാസിലിന്റെയും അവളുടെയും നിക്കാഹ് ചർച്ച കെട്ട് ദേഷ്യം പിടിച്ചു ഇറങ്ങി പോയവളല്ലെ. " "അത് അന്നല്ലേ..നീ വിളിച്ചു നോക്ക് വരുവണേൽ ഞാൻ പോയി കൊണ്ട് വരാം അവളെ..." "മ്മ്.... അഹ്... പിന്നേ.. ഫാസിൽ അന്ന് പറഞ്ഞ കുട്ടിയെ കാണാൻ പോവണ്ടേ..നമുക്ക്. അത് പറഞ്ഞുകൊണ്ട് വിളിക്കാം..അവളെ ഇങ്ങോട്ട്...അല്ലേ..ഇക്കാ.. എന്നാ..പിന്നേ അവൾക്ക് പ്രശ്നവും ഇല്ല..." "മ്മ്ഹ്... നമ്മുടെ മക്കളുടെ കൂടെ കളിച്ചു വളരേണ്ട കുട്ടിയാ... അവൾ...നമ്മളുമായും നമ്മുടെ മക്കളുമായും മോൾക്ക് അടുപ്പം വേണം. ജേഷ്ഠത്തി അനിയത്തി എന്നുള്ള ബന്ധവും കുറയും അത് പാടില്ല... ഇനി ജുബി വന്നില്ലേലും മോളെ കൊണ്ട് വരണം.. അവൾക്കിപ്പോ രണ്ട് കഴിഞ്ഞില്ലേ..." "മ്മ്ഹ്." "ഞാൻ ഒന്ന് ഫ്രീ ആവട്ടെ ഇക്കാ..എന്നിട്ട് വിളിക്കാട്ടോ..." റഹ്മത്ത് അടുക്കളയിലേക്ക് തിരിഞ്ഞു നടന്നു.. "എന്താ... റഹ്മത്തെ ഫൈസൽ പറയുന്നത്.?" "അത്‌..ഉമ്മാ ജൂബിയുടെയും മോളുടെയും കാര്യമാ.. അവരെ ഇങ്ങോട്ട് കൊണ്ട് വരണം എന്ന് പറയുകയാ.." "നമ്മൾ അവളെ ഒന്നും ചെയ്തില്ലല്ലോ... അവളുടെ നല്ലതിന് വേണ്ടിയല്ലേ... അവളുടെ മോൾ അവളുടെ കൂടെ എന്നും ഉണ്ടാവാൻ വേണ്ടിയല്ലേ.,അവരെ തമ്മിൽ പിരിക്കണ്ട കരുതിയല്ലെ...എന്നിട്ടും അവളെ മുന്നിൽ നമ്മൾ തെറ്റ്ക്കാരായി...അല്ലേ മോളെ..." അതിലൊന്നും അവളെ തെറ്റ് പറയാൻ പറ്റില്ല ഉമ്മാ.. അവളുടെ ഭാഗത്തു നിന്ന് ചിന്തിച്ചാൽ..നമുക്ക് മനസ്സിലാകും...അവൾക്ക് ഉൾകൊള്ളാൻ പറ്റുന്നുണ്ടാവില്ല.. ഉമ്മാക്കറിയാല്ലോ.. അവരെക്കാൾ താഴ്ന്ന തട്ടിലുള്ള കുടുംബം ആയിട്ടുപോലും... അവളുടെ ഒരൊറ്റ നിർബന്ധം പ്രകാരം ആണല്ലോ... ഫാരിസുമായുള്ള നിക്കാഹിന് അവളുടെ ആങ്ങളമാർ സമ്മതിച്ചത്. അത് മാത്രമല്ല അവൻ ഗൾഫിലേക്ക് പോയിട്ട് ഒരു മാസത്തോളം കരഞ്ഞിരുന്നവളാ അവൾ...അങ്ങിനെയുള്ളവൾക്ക്...അവനെ മറക്കാൻ പറ്റുമോ..? " "എന്റെ റഹ്മത്തെ.. അവനെ മറക്കണമെന്ന് നമ്മളാരും അവളോട് പറഞ്ഞില്ലല്ലോ... അവന്റെ ഓർമകളും അവനുമൊത്തുള്ള അവരുടെ നിമിഷങ്ങളും അവളുടെ മരണം വരെ അവളുടെ മനസ്സിൽ നിന്ന് പോവില്ല....അതങ്ങിനെ ഇടക്ക്.. ഇടക്കിടക്ക് അവളെ ഉണർത്തികൊണ്ടിരിക്കും. എന്ന് കരുതി ജീവിതകാലം.. കൂട്ടില്ലാതെ എങ്ങിനെയാ... " മ്മ്ഹ്.. " അതിന് റഹ്മത്ത് ഒന്ന് മൂളുകയെ ചെയ്തൊള്ളൂ.. ☘️☘️☘️☘️☘️ "ജുബി... ചായ കുടിച്ചിട്ട് പോയാൽ മതി..." "വേണ്ട ഇത്ത... ഇറങ്ങുന്നില്ല എന്തൊക്കെയോ ഒരു പേടി..." "എന്തിനാ... പേടി.." "കോളേജിൽ ചെന്ന് അയാളുടെ മുഖത്തേക്ക് നോക്കാൻ ഒരു ചമ്മലും.' വല്ലതും ചോദിച്ചാൽ അതിന് എന്ത് മറുപടി പറയും എന്നാലോയ്ക്കുമ്പോൾ ഭയവും ഉണ്ട്....ഞാനിന്ന് പോണോ..ഇത്ത..." കൊച്ച് കുട്ടിയൊന്നും അല്ലല്ലോ... നിനക്ക് എന്താണോ തോന്നുന്നത് അത് പറയ്‌... എന്ത് മറുപടി പറഞ്ഞാലും നിന്റെ കൂടെ ഞങ്ങളുണ്ട്. "ഇത്തയുടെ അഭിപ്രായം എന്താ...ഞാൻ..എന്ത് മറുപടി കൊടുക്കണം എന്നാണ് ഇത്ത ആഗ്രഹിക്കുന്നത്."അവൾ പുഞ്ചിരിച്ചു കൊണ്ട് ചോദിച്ചു... "നീ ദേഷ്യപെടില്ലെങ്കിൽ ഞാൻ പറയാം..." ഇല്ല... പറ... " "സമ്മതമാണ്..എന്ന് പറയുന്നതാണ് ഞങ്ങൾക്ക് എല്ലാവർക്കും ഇഷ്ടം...എന്ന് കരുതി ഞങ്ങൾ ആരും നിന്നെ നിർബന്ധിക്കില്ല....നിനക്ക് എന്തും തീരുമാനിക്കാം.." അതിന് തിരിച്ചു മറുപടി ഒന്നും പറയാതെ... ഇത്തയുടെ ഒക്കതിരിക്കുന്ന കുഞ്ഞിനെ ഒന്നമർത്തി ചുംബിച്ചു കൊണ്ട് ബാഗ് ഒന്നൂടെ തോളിലേക്ക് നീക്കി അവൾ നടന്നകന്നു... ന്റെ... റബ്ബേ... ഞാനിപ്പോ എന്ത് മറുപടിയാ പറയാ.. അഹ്..അയാൾ ചോദിക്കട്ടെ... അപ്പോ എന്താണോ..തോന്നുന്നത് അത് പറയാം...അവളങ്ങിനെ ഓരോന്ന് ചിന്തിച്ചു നടന്നു... കോളേജിൽ എത്തി.. ക്ലാസ്സ്‌ കയറിയിരുന്നു. ആദ്യത്തെ ക്ലാസ്സ്‌ തന്നെ റഫീഖ് സാറാണ്... അയാൾ ക്ലാസിലേക്ക് വരാൻ സമയം ആയിതുടങ്ങിയപ്പോൾ അവളുടെ ഹൃദയം പതിവിലും മിടിക്കാൻ തുടങ്ങി...പക്ഷെ... പ്രതീക്ഷിക്കാതെ കടന്ന് വന്നത്....മറ്റൊരു സാറായിരുന്നു... അവളുടെ മനസ്സും കണ്ണും അയാളെ തിരഞ്ഞു കൊണ്ടിരുന്നു... ആരോടും ചോദിക്കാൻ വയ്യല്ലോ എന്ന് കരുതി അവൾ മിണ്ടാതെ നിന്നു... പിന്നീട്... മറ്റ് കുട്ടികൾ പറഞ്ഞാണ് അവൾ അറിഞ്ഞത്... അയാൾ ഒരാഴ്ച്ച ലീവാണ് എന്ന്. പതിവ് പോലെ ക്ലാസ്സ്‌ കഴിഞ്ഞു അവൾ വീട്ടിലേക്ക് പുറപ്പെട്ടു.. എങ്കിലും അവളുടെ മനസ്സ് ആസ്വസ്ഥയായിരുന്നു. എന്താവും ഒരാഴ്ച്ച ലീവെടുത്തത്... വല്ലായ്ക വല്ലതും... അതോ എന്റെ മുഖത്തേക്ക് നോക്കാൻ ചമ്മൽ ഉണ്ടായിട്ടോ... ഞാനിനി മറുപടി കൊടുക്കാത്തത്തിലുള്ള വിഷമം ആണോ... അങ്ങിനെ ഓരോരോ ചോദ്യങ്ങൾ അവൾ സ്വയം ചോദിച്ച് കൊണ്ടിരുന്നു.. ******* "മോളെ... നസി..ജുബി എത്തിയില്ലേ..." "വന്നല്ലോ.. വന്ന് നേരെ അവളുടെ റൂമിലേക്ക് കയറിപോകുന്നത് കണ്ടു. മുഖത്തിന്‌ ഒരു തെളിമയില്ല....എന്ത് പറ്റിയാവോ...?" ജുബി... വാതിൽ അടച്ചു ലോക്കിട്ടതിന് ശേഷം റൂമിലുള്ള കസേരയിൽ ഇരുന്ന് ഫോൺ ലോക്ക് തുറന്ന്.. സാറിന്റെ ഫോൺ നമ്പറിൽ തൊട്ടു...എന്ത്‌ പറ്റിയെന്ന് വിളിച്ച് ചോദിക്കണോ.. വിളിച്ചാൽ അയാൾ എന്തെങ്കിലും കരുതുമോ... വേണ്ട..വാട്സ്ആപ്പിൽ മെസേജ് അയച്ചുനോക്കാം... അവൾ... അയാളുടെ.. പ്രൊഫൈൽ തിരഞ്ഞു. മെസേജ് അയക്കാൻ വേണ്ടി...ടൈപ്പിങ്ങിൽ വിരൽ അമർത്തിയതും. അവൾക്ക് വീണ്ടും ചമ്മൽ അനുഭവപ്പെട്ടു...വേണ്ടല്ലേ അയാളുടെ ഡിപ്പി എടുത്ത് അവൾ കുറച്ചു നേരം കണ്ണോടിച്ചു... കാണാൻ ഒന്നും തെറ്റില്ല..സുന്ദരനാ.. അല്ല..എനിക്കിപ്പോ എന്തിന്റെ കേടാ... ഞാൻ എന്തിനാ..അയാളുടെ ഡിപ്പി നോക്കിയിരിക്കുന്നത്. അയാൾ കോളേജിലേക്ക് വന്നില്ലെങ്കിൽ എനിക്കെന്താ...' 'ജുബി.. നിനക്ക് എന്ത് പറ്റി...? " വേണ്ടാത്തവയുടെ പിന്നാലെ നീയെന്തിനാ പോവുന്നത്...? " നിന്റെമനസ്സിൽ ശെരിക്കും എന്താ..? " അയാളെ..നീ ഇഷ്ടപ്പെടുന്നുണ്ടോ...? " നിന്റെ പുതു ജീവിതത്തിലേക്ക് അയാളെ ക്ഷണിക്കാൻ നീ..തയ്യാറാണോ..? " നിനക്കതിന് കഴിയുമോ." ഭിത്തിയിൽ പതിപ്പിച്ച കണ്ണാടിയിൽ നോക്കി അവൾ അവളോട് തന്നെ ചോദിച്ച് കൊണ്ടിരുന്നു... (തുടരും.... കണ്ണൂർകാരൻ 🥰🥰🥰🥰🥰 #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ #📙 നോവൽ #📔 കഥ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6jDv3r4?d=n&ui=v64j8rk&e1=cമന്ത്രകോടി :പാർട്ട്‌ :36🌺💚 ഇതേ സമയം അപ്പുറത്തെ മുറിയിൽ കഴിഞ്ഞ ദിവസം കൊണ്ടുവന്ന എല്ലാ സ്റ്റോക്കുകളും ഏജന്റ് മാരുടെ കൈയിൽ എത്തിച്ച സന്തോഷത്തിൽ ആയിരുന്നു മെറിൻ..... ഈ വീട്ടിൽ ഒളുപ്പിച്ച് വച്ചതുമെല്ലാം ചേർത്ത് വലിയൊരു ശേഖരം തന്നെ എല്ലാവരേയു മായി ഏൽപ്പിച്ചിട്ടുണ്ട്........ മഹിക്ക് എന്തോ ഡൗട് അടിച്ചത് കൊണ്ട് തന്നെ ഒന്നും ഇവിടെ വയ്ക്കരുതെന്നാണ് ഗൗതമിന്റെ ഓർഡർ...... അതുകൊണ്ട് ആണ് പെട്ടന്നെല്ലാം ഒഴിപ്പിച്ചതും...... കൂടാതെ മറ്റെന്തോ പ്ലാൻ കൂടി ഉണ്ടവന്..... തന്നോട് പറഞ്ഞിട്ടില്ല..... വരട്ടെ.... നോക്കാം...... അവളൊരു ദീർഘ നിശ്വാസത്താലേ വയർ താങ്ങിപ്പിടിച്ച് കിടക്കയിലേക്ക് കിടന്നു. ഇനി തന്നെ കാത്തിരിക്കുന്നത് എന്തെന്നറിയാതെ.... 🦋🦋🦋🦋🦋🦋🦋🦋🦋🦋🦋🦋 പിറ്റേന്ന് രാവിലെ തന്നെ നന്ദനെ കാണാനായി സഞ്ചു എത്തിയിരുന്നു..... പുറത്ത് വച്ചാണ് ഇരുവരും കണ്ടത്. അത്യാവശ്യമായി തന്നെ കാണണമെന്ന് പറഞ്ഞതിന്റെ കാരണം നന്ദൻ തിരക്കിയതും സഞ്ചു വണ്ടിക്കകത്തു നിന്നും ഒരു ഫയലെ ടുത്ത് അവന്റെ മുന്നിലേക്ക്‌ നീട്ടി...... എന്താടാ ഇതിൽ....... ആ ഫയലിന് പുറത്തൊന്നു നോക്കിക്കൊണ്ട് അവൻ ചോദിച്ചു? നീ തുറന്ന് നോക്ക്....... സഞ്ജു പറഞ്ഞതും നന്ദനാ ഫയൽ തുറന്ന് നോക്കി...... ആദ്യത്തെ രണ്ട് പേജ് മറിച്ചപ്പോൾ തന്നെ..... കേസുമായി ബന്ധപ്പെട്ട ഒന്നാണെന്നു മനസ്സിലായി..... ഇതിപ്പോൾ ഞാൻ അന്വഷിക്കുന്ന നമ്മുടെ നാട്ടിലെ ഡ്രഗ്ഗ് മാഫിയയുമായി ബന്ധപ്പെട്ട് കണ്ടെത്തിയ തെളിവുകളും രേഖകളുമാണ്... നന്ദൻ ആ ഫയൽ മറിച്ചു നോക്കുന്നതിനിടയിൽ സഞ്ചു പറഞ്ഞു. അതിൽ നമ്മുടെ നാട്ടിൽ അത്‌ സപ്ലൈ ചെയ്യുന്നവരുടെയും മീഡിയേറ്റർ ആയി നിൽക്കുന്നവരുടെയും ഡീറ്റെയിൽസ് ഉണ്ട്. നന്ദൻ അവൻ പറയുന്നത് ശ്രദ്ധിച്ച് കേട്ടു കൊണ്ട് തന്നെ അടുത്ത പേജ് മറിച്ചതും എപ്പോഴും കണ്ട് പരിചയമുള്ളൊരാളിൽ അവന്റെ മിഴികൾ തറഞ്ഞു നിന്നുപോയി..... ഞെട്ടലോടെ അവൻ ആ ഫോട്ടോയിലേക്ക് വീണ്ടും നോക്കി..... മെറിൻ....... അവന് താൻ കാണുന്ന കാഴ്ച വിശ്വസിക്കാനായില്ല..... മെറിൻ..... മെറിനല്ലേ.... ഇത്.... അവൻ ഉടൻ തന്നെ സഞ്ജുവിനോട് ചോദിച്ചു. ഹ്മ്മ്..... സഞ്ചു ഒന്ന് ഗൗരവത്തോടെ മൂളി..... മെറിൻ തന്നെയാണ്...... ഇവൾ ..... എങ്ങനെ..... നന്ദന് ഒന്നും വിശ്വസിക്കാനായില്ല..... മെറിൻ മേരി ജോസഫ് അതാണ് ഫുൾ നൈം കോട്ടയത്താണ് ജനിച്ചതും വളർന്നതുമെല്ലാം. ഒരു സാധാരണ കുടുംബം. പപ്പയും അമ്മയും രണ്ട് പെണ്മക്കളും. അതിൽ ഇളയ ആളാണ് മെറിൻ. മൂത്തയാൾ കല്യാണം കഴിഞ്ഞ് ഹസ്ബന്റിനൊപ്പം കോട്ടയത്തു തന്നെയുണ്ട്. മെറിൻ പഠിപ്പൊക്കെ കഴിഞ്ഞ് കുറച്ച് നാൾ നാട്ടിൽ നിന്നതിനു ശേഷമാണ് മുംബൈയിലേക്ക് എത്തുന്നത്..... അവിടൊരു ഐടി കമ്പിനിയിലാണ് വർക്ക്‌ ചെയ്തിരുന്നത്...... അത്യാവശ്യം നല്ല അടിച്ചു പൊളി ജീവിതമായിരുന്നു ആളുടേത്‌. അതുകൊണ്ട് തന്നെ കൂട്ടുകെട്ടും അങ്ങനെയായിരുന്നു...... ഓഫീസിൽ ഫ്രണ്ട്‌സ് ഒരുപാട് ഉണ്ടെങ്കിലും ഏറ്റവും അടുപ്പം കെവിൻ എന്നൊരു ഫ്രണ്ടുമായായിരുന്നു.... അടുപ്പം എന്ന് പറഞ്ഞാൽ എല്ലാത്തരം അടുപ്പവും..... അവൻ തന്നെയാണ് അവളെ ഈയൊരു ഡ്രഗ്ഗ് ബിസ്സ്‌നസ്സിൽ കൊണ്ട് എത്തിച്ചതും..... ആദ്യമൊക്കെ ഇരുവരും ചെറിയ ചെറിയ മീടിയേറ്ററിങ് പണിയാണ് ചെയ്തിരുന്നതെങ്കിൽ പോകെ പോകെ അതിൽ നിന്ന് ഓരോ സ്റ്റെപ്പുകളായി അടിവച്ചു കയറി. കിട്ടുന്ന പണത്തിന്റെ കൂടുതൽ കൊണ്ടാകാം... ഒന്നോ രണ്ടോ തവണ പോലീസ് പിടിക്കുകയും ചെയ്തിരുന്നു...... അവർക്ക് പുറകിലുള്ള മാഫിയ വലുതായതിനാൽ പോലീസ് പിടിക്കുന്നതിലും വേഗത്തിൽ അവർ പുറത്തിറങ്ങിയിരുന്നു...... ആ ഒരു സമയം മുംബൈ സിറ്റിയിൽ പുതിയൊരു പോലീസ് ഓഫീസർ ചാർജെടുത്തു . പേര്‌ വരുൺ ഗോപാൽ.... പുള്ളിയുടെ സ്പെഷ്യൽ ടീം ഒരു മാസത്തെ കൃത്യമായ പ്ലാനിങ്ങോടെ എല്ലാത്തിനേയും പിടിച്ച് അകത്തിട്ടു.... അതിൽ കെവിനും പെട്ടു. അവനകത്തും മെറിൻ പുറത്തും. കേസ് ഇത്തിരി സ്ട്രോങ്ങ്‌ ആയിരുന്നു അതുകൊണ്ട് തന്നെ... ഒരു വർഷത്തോളം അവന് ജയിലിൽ കിടക്കേണ്ടി വന്നു.... ആ സമയമാണ് മെറിൻ ആദ്യം നിന്ന കമ്പിനിയിൽ നിന്ന് ജോലി രാജിവച്ച് മഹി വർക്ക്‌ ചെയ്തിരുന്ന കമ്പിനിയിൽ കയറുന്നത്. അവിടെ വച്ചാണ് ഇരുവരും പരിചയപ്പെടുന്നത്.... കെവിൻ ഇല്ലെങ്കിലും ധാരാളിത്തം നിറഞ്ഞ മെറിന്റ ലൈഫ് വെറുതെ കളയാൻ അവൾ തയ്യാറായിരുന്നില്ല. പതിയെ മഹിയുമായി അടുത്തു. പിന്നെ അവളുടെ അടിച്ചു പൊളികളെല്ലാം മഹിക്കൊപ്പം ചേർന്നായി....... മഹി അവളെ വിശ്വസിച്ചു..... ഇരുവരും ഒന്നിച്ചൊരു ഫ്ലാറ്റിലായി താമസം വരെ..... ഇതൊന്നും കെവിൻ അറിഞ്ഞിരുന്നില്ല..... കുറച്ച് നാൾ കൂടി കഴിഞ്ഞപ്പോ കെവിൻ പുറത്തിറങ്ങി..... ആരൊക്കെയോ കേസ് അട്ടിമറിച്ച് അന്ന് അറസ്റ്റ് ആയ എല്ലാവരെയും പുറത്തിറക്കി...... ആ സമയം കുറച്ച് നാളത്തേക്ക് മഹി ലീവ് എടുത്ത് നാട്ടിൽ വന്നിരുന്നു. ഈ ടൈം മുതലാക്കി കെവിനോടൊപ്പമായി മെറിൻ...... അവളുടെ ഫ്ലാറ്റിൽ...... കുറച്ച് നാൾ കഴിഞ്ഞപ്പോൾ കെവിനെ തേടി ഡ്രെഗ്ഗ്സ് മാഫിയക്കാർ വീണ്ടുമെത്തി...... പണത്തിനു വേണ്ടി അവൻ പോവുകയും ചെയ്തു. എന്നാൽ ആ പോയവൻ പിന്നെ തിരികെ വന്നില്ല...... അവൻ മരിച്ചുവെന്നാണ് പിന്നീട് കിട്ടിയ റിപ്പോർട്. ആ സമയം മഹി തിരിച്ചു വരുകയും ചെയ്തു വീണ്ടും കുറച്ച് നാൾ മഹിക്കൊപ്പം നിന്ന ശേഷം മെറിൻ നാട്ടിലേക്ക് പോയി. വൈകാതെ മടങ്ങി വരുകയും ചെയ്തു. അതിന് ശേഷം രണ്ട് മാസങ്ങൾക്ക് ശേഷമാണ് ഇവിടേക്ക് എത്തുന്നത്. സഞ്ചു പറഞ്ഞു നിർത്തി...... നന്ദൻ ഒരു കഥപോലെ തന്നോടവൻ പറയുന്നതെല്ലാം കേട്ടു നിന്നും. ഇത്രയുമാണ് അവരെക്കുറിച്ച് അറിയാൻ കഴിഞ്ഞത്. നീ ഒരു പേജ് കൂടി മറിച്ചേ..... നന്ദന്റെ കൈയിൽ ഇരിക്കുന്ന ഫയലിൽ നോക്കി അവൻ പറഞ്ഞു.... അപ്പോതന്നെ നന്ദൻ അടുത്ത പേജ് മറിച്ചു. ഇത് ഗൗതം മെറിനെ കാണാനായി നാട്ടിൽ എത്തിയവൻ. അതിലെ ഫോട്ടോ ചൂണ്ടിക്കാട്ടി സഞ്ചു പറഞ്ഞു. ഇവൻ വഴിയാണ് മെറിന് ലഹരി വസ്തുക്കൾ എത്തുന്നത്. മെറിൻ വഴി മറ്റുള്ളവരിലേക്കും. ബാക്കിയുള്ള ഫോട്ടോസ് അവരെ സഹായിക്കുന്ന മറ്റുള്ളവരുടേതുമാണ്..... ഫയൽ നന്ദന്റ കൈയിൽ നിന്നും തിരികെ വാങ്ങിക്കൊണ്ടവൻ പറഞ്ഞു. നന്ദൻ ഒന്ന് ദീർഘശ്വാസമെടുത്തു.... എടാ...... ഞാൻ ഞാനിപ്പോ എന്താ പറയേണ്ടേ........ എനിക്ക് ഇതൊക്കെ കേട്ടിട്ട്...... അറിയാം.... നിനക്കിതൊക്കെ പെട്ടന്ന് ഉൾക്കൊള്ളാൻ കഴിയില്ലെന്ന്..... തെറ്റ് ചെയ്യുന്നവരെ നിയമത്തിനു മുന്നിൽ കൊണ്ട് വന്നല്ലേ പറ്റൂ. ഹ്മ്മ്മ്........ നിന്റെ കുടുംബമായത് കൊണ്ട് മാത്രമാണ് ഒന്ന് രണ്ട് തീരുമാനങ്ങൾ കൂടി എടുത്തിട്ട് ബാക്കി കാര്യങ്ങളിലേക്ക് നീങ്ങാം എന്ന് കരുതിയത്. നന്ദനെ നോക്കി അവൻ പറഞ്ഞു.... ഒരു തെറ്റും ചെയ്യാതെ നിങ്ങളെ എല്ലാവരുടെയും മുന്നിലേക്കെറിയാൻ എനിക്ക് കഴിയില്ല. ഒരു പ്രശ്നമാകാതെ സോൾവ് ചെയ്യാൻ കഴിയുമോ എന്നറിയില്ല എന്നാലും നോക്കാം... ഹ്മ്മ്മ്..... എടാ അമ്മയും ഭാമയും പല്ലവിയുമൊക്കെ അറിയുമ്പോൾ എങ്ങനെ പ്രതികരിക്കുമെന്നറിയില്ല..... എനിക്ക് തന്നെ അക്‌സെപ്റ്റ് ചെയ്യാൻ കഴിഞ്ഞിട്ടില്ല. അപ്പോ അവർക്കെങ്ങനെ..... നീ കാര്യത്തിന്റെ ഗൗരവം അവരെ പറഞ്ഞു മനസ്സിലാക്കണം. പെട്ടന്ന് പോലീസ് യൂണിഫോമിൽ വിലങ്ങുമായി നിന്റെ വീട്ടിലേക്ക് കയറി വരേണ്ടി വരും നാളെ ...... ആ നിമിഷം അവരൊന്നും അറിയാതെ പകച്ചു നിൽക്കരുത്. അതിനാണ് നിന്നോട് കാര്യമായി ഞാനെല്ലാം പറയുന്നത്. ഹ്മ്മ്..... നന്ദൻ മനസ്സിലായി എന്നപോലെ മൂളി.... പിന്നെ മഹിയേട്ടൻ..... ഏട്ടൻ അറിഞ്ഞുകൊണ്ടാണോ.... അവളിതൊക്കെ...... നന്ദൻ ചോദിച്ചു?. മെറിന്റെ ഈ കളികളൊന്നും പുള്ളിക്കറിയില്ല എന്നാണ് എന്റൊരു നിഗമനം. ഹ്മ്മ്...... മെറിനെ എന്തായാലും ഉടനെ അറെസ്റ്റ്‌ ചെയ്യും കൂടെ അവളുടെ കൂട്ടാളികളെയും കഴിഞ്ഞ ദിവസം നിന്റെ സ്കൂളിൽ ബോധം കെട്ട് വീണ കുട്ടി അടക്കം പല കേസുകളും റിപ്പോർട്ട് ചെയ്തിട്ടുണ്ട് .... വിശദമായ ചോദ്യം ചെയ്യലിന് ശേഷം മറ്റ് കാര്യങ്ങളിലേക്കും. തുടരും 💚🌺 നെക്സ്റ്റ് പാർട്ട്‌ നാളെ കണ്ണൂർകാരൻ 🥰🥰🥰🥰🥰🥰🥰 അസുഖം മാറിയോ എന്ന് ഒരുപാട് പേര് ib വന്നു ചോദിച്ചിട്ട് ഉണ്ട് എല്ലാർക്കും മറുപടി തരുക അസാധ്യം ആണ് കാരണം പൊതുവെ ib നോക്കൽ ഇല്ലാ കുറവ് ഉണ്ട് ന്നാലും ബുദ്ധിമുട്ടുകൾ ഉണ്ട് കാലാവസ്ഥയുടെ ആണ് ok കണ്ണൂർകാരൻ 🌹🌹🌹🌹🌹🌹🌹 #💞 പ്രണയകഥകൾ #✍ തുടർക്കഥ #📙 നോവൽ #📔 കഥ #📚 ട്വിസ്റ്റ് കഥകൾ