#😇My Status
#బ్రెయిన్ టెస్ట్ #బ్రెయిన్ ఫాగ్
*_🪷బ్రెయిన్ ఫాగ్_*
బ్రెయిన్ ఫాగ్ అనేది ఒక నాన్ స్పెసిఫిక్ సింప్టమ్ (ఏ ఒక్క రోగానికో సూచన కానిది), అంటే ఉదాహరణకి మన తండ్రుల తాతల తరం వేడి చేసింది అనేవాళ్ళు, అటువంటి లక్షణం మెడికల్ పుస్తకాల్లో లేదు. అది ఒక కల్చరల్ సింప్టమ్. అలాగే ఈ బ్రెయిన్ ఫాగ్ కూడా దాదాపు జెన్ జీ సింప్టమ్.
ఈ బ్రెయిన్ ఫాగ్ అంటే ఏకాగ్రత ఉండకపోవడం, పనుల్ని వాయిదా వెయ్యటం, ఒక టాస్కును సరైన స్టెప్పుల్లో చేయలేకపోవడం, ఫ్రస్ట్రేషన్ ఇలా అన్నింటినీ కలిపి అనొచ్చు.
దీనికి సవాలక్ష కారణాలున్నాయి.
అలసట/బర్నౌట్
ఎక్కువ స్క్రీన్ టైమ్
నిద్రలేమి
పోషకాహార లోపం
విటమిన్ డి/బీ 12 లోపం
రక్తహీనత (అనీమియా)
దీర్ఘకాలిక ఇన్ఫెక్షన్లు(టీబీ లాంటివి)
మందు తాగడం
ఆటో ఇమ్యూన్ సమస్యలు
రిలేషన్ షిప్ సమస్యలు, ఒత్తిడి (స్ట్రెస్)
ఇంకా ఆందోళన (యాంక్సైటీ), డిప్రెషన్ (కుంగుబాటు), ఏ డీ హెచ్ డీ మొదలైనవి.
అంతేగానీ రోజుకి ఒకట్రెండు సార్లు చేసే హస్తప్రయోగం (హ్యాండ్ పంప్) వలన కాదు.
పైవాటిలో కనీసం మూడు, నాలుగు లక్షణాలు కలిస్తే సమస్య తీవ్రం అయ్యి బాగా ఇబ్బంది కలిగిస్తుంది కాబట్టి ఇక పనిచెయ్యటం కష్టం అయిపోయింది. అలాగే ఏదో ఒక్క సొంత చికిత్స వలన తగ్గిపోతుంది అనుకోవడం కూడా ఒక సమస్యే. ఎక్కువమంది హస్తప్రయోగం మానేస్తే తగ్గిపోతుంది అనుకుంటారు, కానీ ఫ్రస్ట్రేషన్ ఇంకా పెరగటం తప్ప ఉపయోగం లేదు.
ఇప్పుడూ డాక్టర్ దగ్గరికెళ్లి వేడి చేసింది అంటే వాళ్ళకి అర్థం కాదు, ఆ డాక్టరుకి కూడా వేడి చేస్తే తప్ప, ఎందుకంటే ముందు చెప్పినట్లు ఇది మెడికల్ పుస్తకాల్లో ఉండదు. అలాగే ఇప్పటి వైద్యులకి కూడా బ్రెయిన్ ఫాగ్ అర్థం చేసుకోవడం కొంచెం కష్టం. దీనికి ప్రస్తుత జనరేషన్ ఆలోచన సరళి, పదప్రయోగం, లైఫ్స్టైల్ సమస్యలు అలాగే వర్క్ లైఫ్ బ్యాలెన్సు సమస్యల్ని అర్థం చేసుకోగలిగే సమయం ఓపిక ఉండాలి.
పైగా ఇటువంటి కొత్తతరం సమస్యలకి మనసు కానీ మెదడు కానీ చదవని లేదా లేని చాలామంది ఇన్ఫ్లూయెన్సర్లు చెప్పే రకరకాల అర్థంలేని చిట్కాలతో యువతరం అయోమయానికి గురవుతోంది.
ఇప్పుడు చికిత్స కూడా కరణాన్ని బట్టి ఉంటుంది. సరైన ఆహారం, నిద్ర, వ్యాయామం, ధ్యానం మొదలైనవి బాగా సహాయపడతాయి. విటమిన్ డి, ఐరన్ ఇతర మాత్రలు వైద్యుడి సలహా మేరకు తీసుకోవాలి. థెరపీ బాగా పనిచేస్తుంది. స్క్రీన్ టైమ్ తగ్గించాలి.
