ഭണ്ഡാസുരന്റെ ശല്യം സഹിക്കവയ്യാതെ ദേവന്മാർ ദേർഷിമാരായ നാരദരുടെയും ത്രിമൂർത്തികളുടെയും നിർദ്ദേശപ്രകാരം ദേവിയെ പ്രത്യക്ഷപ്പെടുത്താനായി ഒരു 'മഹാഭൈരവ യാഗം' നടത്തി. ഈ യാഗാഗ്നിയിൽ നിന്ന് കോടിസൂര്യന്മാരുടെ പ്രഭയോടെ, അതിമനോഹരമായ രൂപത്തിൽ ജഗദ്ജനനിയായ 'ലളിതാ ത്രിപുരസുന്ദരി' പ്രത്യക്ഷപ്പെട്ടു.
ശ്രീചക്രരാജമെന്ന ദിവ്യരഥത്തിലേറി, സർവ്വാഭരണവിഭൂഷിതയായി, പാശം, അങ്കുശം, കരിമ്പ് വില്ല്, പുഷ്പബാണങ്ങൾ എന്നിവ കൈകളിലേന്തിയ രൂപത്തിലായിരുന്നു ദേവി വന്നത്. മഹാദേവൻ 'കാമേശ്വരൻ' എന്ന രൂപമെടുത്ത് ദേവിയുടെപതിയായി മാറി.
ദേവന്മാരെ രക്ഷിക്കാനായി ത്രിപുരസുന്ദരി ദേവി തന്റെ സൈന്യവുമായി ഭണ്ഡാസുരന്റെ നഗരമായ ശൂന്യകപുരത്തിലേക്ക് പുറപ്പെട്ടു. ദേവിയുടെ സൈന്യത്തെ നയിച്ചത് വരാഹി ദേവിയും (സേനാപതി) ശ്യാമള ദേവിയുമായിരുന്നു (മന്ത്രിണി).
വലിയൊരു യുദ്ധം തന്നെ നടന്നു. ഭണ്ഡാസുരൻ പല മാന്ത്രിക അസ്ത്രങ്ങളും പ്രയോഗിച്ചെങ്കിലും ദേവി തന്റെ പുഞ്ചിരി കൊണ്ടും അസ്ത്രങ്ങൾ കൊണ്ടും അവയെല്ലാം തകർത്തു. ഒടുവിൽ ഭണ്ഡാസുരൻ പ്രയോഗിച്ച അസുരശക്തികളെ ഇല്ലാതാക്കാൻ ദേവി തന്റെ നഖങ്ങളിൽ നിന്ന് ദശാവതാരങ്ങളെപ്പോലും സൃഷ്ടിച്ചുവെന്നാണ് കഥ.
അവസാനം, ജഗദംബികയായ ത്രിപുരസുന്ദരി തന്റെ 'മഹാകാമേശ്വരാസ്ത്രം' പ്രയോഗിച്ച് ഭണ്ഡാസുരനെ വധിച്ചു. അവന്റെ നഗരമായ ശൂന്യകപുരത്തെ ഭസ്മമാക്കുകയും ചെയ്തു.
#devi #അമ്മേ നാരായണ ദേവി നാരായണ ലക്ഷ്മി നാരായണ ഭദ്രേയ നാരായണ 🙏 #🙏 മൂകാംബിക #സരസ്വതി ദേവി #ഭക്തി
