ଆମେରିକାର ମଧ୍ୟସ୍ଥତାରେ ୱାସିଂଟନରେ ଲେବାନନ୍ ଓ ଇସ୍ରାଏଲ ମଧ୍ୟରେ ଶାନ୍ତି ଆଲୋଚନା ପୂର୍ବରୁ ଇସ୍ରାଏଲ ବୁଧବାର ଲେବାନନ୍ ଉପରେ ବଡ଼ଧରଣର ଆକ୍ରମଣ କରିଛି, ଯେଉଁଥିରେ ୨୨ ଜଣଙ୍କର ମୃତ୍ୟୁ ହୋଇଛି। ଇରାନ ସମର୍ଥିତ ହିଜବୁଲ୍ଲା ଗୋଷ୍ଠୀର ବିରୋଧ ସତ୍ତ୍ବେ ଆମେରିକାରେ ଇସ୍ରାଏଲ ଓ ଲେବାନନ୍ ମଧ୍ୟରେ ଆଲୋଚନା ପାଇଁ ପ୍ରୟାସ ଚାଲିଛି।ଗୁରୁବାର ଓ ଶୁକ୍ରବାର ଶାନ୍ତି ଆଲୋଚନା ଆୟୋଜିତ ହେବା ପୂର୍ବରୁ ଆକ୍ରମଣ ବନ୍ଦ ରଖିବାକୁ ଲେବାନନ୍ ଇସ୍ରାଏଲ ଉପରେ ଚାପ ପକାଇବାକୁ ୱାସିଂଟନକୁ କହିଆସୁଛି। ଇସ୍ରାଏଲ ଓ ଲେବାନନ ମଧ୍ୟରେ ବିବାଦ ସତ୍ତ୍ବେ ଦୁଇ ଦେଶ ମଧ୍ୟରେ ଚୁକ୍ତି କରିବାକୁ ଆମେରିକା ପ୍ରୟାସ କରୁଥିବାବେଳେ ବରିଷ୍ଠ କୂଟନୀତିଜ୍ଞ ସାଇମନ୍ କରାମ ପ୍ରଥମ ଥର ଲେବାନନ୍ ପ୍ରତିନିଧି ମଣ୍ଡଳୀର ପ୍ରତିନିଧିତ୍ବ କରୁଛନ୍ତି। ଏଏଫ୍ପି ଜାତୀୟ ନ୍ୟୁଜ ଏଜେନ୍ସି ସୂତ୍ରରୁ ପ୍ରକାଶ କରିଛି ଯେ, ଇସ୍ରାଏଲ ଦକ୍ଷିଣ ଓ ପୂର୍ବ ଲେବାନନ୍ର ୪୦ରୁ ଅଧିକ ସ୍ଥାନ ଉପରେ ଆକଶମାର୍ଗରୁ ଟାର୍ଗେଟ କରି ଆକ୍ରମଣ କରିଥିବାବେଳେ ଅନେକ ଲୋକ ମୃତାହତ ହୋଇଛନ୍ତି।
#🚨Breaking : ଇସ୍ରାଏଲର ଆକ୍ରମଣରେ ୨୨ ମୃତ❌💥
