#😇My Status #భారత మాత
*.....భరతమాత....*
_—గుఱ్ఱం జాషువా_
🚩🚩🚩🚩🚩🚩🚩🚩
_సీసపద్యం._
*_సగర మాంధాతాది షట్చక్రవర్తుల_*
*_యంకసీమల నిల్చినట్టి సాధ్వి!_*
*_కమలనాభుని వేణుగాన సుధాంబుధి_*
*_మునిగి తేలిన పరిపూత దేహ!_*
*_కాళిదాసాది సత్కవి కుమారుల గాంచి_*
*_కీర్తి గాంచిన పెద్ద గేస్తురాలు!_*
*_బుద్ధాది మునిజనంబుల తపంబున మోద_*
*_బాష్పముల్విడిచిన భక్తురాలు!_*
_తేటగీతి._
*_సింధు గంగానదీ జలక్షీరమెపుడు_*
*_గురిసి బిడ్డల బోషించుకొనుచునున్న_*
*_పచ్చి బాలెంతరాలు మా భరతమాత_*
*_మాతలకు మాత సకలసంపత్సమేత!_*
_[ముఖ్యమైన పదాలు, అర్ధాలు: షట్చక్రవర్తులు= ఆరుగురు చక్రవర్తులు; (హరిశ్చంద్రుడు, నలుడు, పురూరవుడు, పురుకుత్సుడు, సగరుడు, కార్తవీర్యార్జునుడు) అంకసీమల= ఒడిలో; గేస్తురాలు= గృహిణి; మోద= ఆనంద; జలక్షీరము= నీరు అనే పాలు; పచ్చి బాలెంతరాలు= క్రొత్త తల్లి; సకల సంపత్ సమేత= సంపదలు కూడినది;]_
*భావం: గుఱ్ఱం జాషువా గారు వ్రాసిన ఈ పద్యం భారతమాత ఘనతను వర్ణిస్తున్నది.*
*భారతమాత... సగరుడు, మాంథాత వంటి గొప్ప చక్రవర్తుల ఒడిలో పెరిగిన సాధ్వి, శ్రీకృష్ణుని వేణుగానము అనే అమృతములో ఓలలాడిన పవిత్రమైన శరీరము కలది, కాళిదాసు వంటి గొప్ప కవులను కన్న గృహిణి, బుద్ధుడు వంటి మునుల తపస్సు వలన ఆనందభాష్పములు విడిచిన భక్తురాలు, సింధు, గంగా నది జలాలతో తన పిల్లలను పోషించుకుంటున్న భరతమాత, అమ్మలను కన్న అమ్మ. సకల సంపదలకునెలవు.*
