କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀମାନେ ଦୀର୍ଘ ସମୟ ଧରି ଅଷ୍ଟମ ବେତନ କମିଶନକୁ ଅପେକ୍ଷା କରି ରହିଛନ୍ତି। ଯଦିଓ ସରକାରଙ୍କ ପକ୍ଷରୁ ଏହାକୁ ଲାଗୁ କରିବା ପାଇଁ କୌଣସି ଆଧିକାରୀକ ତାରିଖ ଘୋଷଣା କରାଯାଇ ନାହିଁ ।କିନ୍ତୁ ଏହି ସମୟରେ ଏକ ବଡ଼ ଖବର ସାମ୍ନାକୁ ଆସିଛି ଯାହା ଲକ୍ଷ ଲକ୍ଷ ପେନସନଭୋଗୀଙ୍କ ଆଶା ବଢ଼ାଇ ଦେଇଛି। କୁହାଯାଉଛି ଯେ, ଏଥର ଅଷ୍ଟମ ବେତନ କମିଶନରେ କେବଳ ଦରମା ବୃଦ୍ଧି ନୁହେଁ, ବରଂ ବରିଷ୍ଠ ପେନସନଭୋଗୀମାନଙ୍କୁ ଅଧିକ ଆର୍ଥିକ ସୁରକ୍ଷା ପ୍ରଦାନ କରିବା ଉପରେ ବିଶେଷ ଗୁରୁତ୍ୱ ଦିଆଯାଇପାରେ।ନ୍ୟାସନାଲ କାଉନସିଲ୍-ଜଏଣ୍ଟ କନସଲଟେଟିଭ୍ ମେସିନାରୀ ସରକାରଙ୍କୁ ଏକ ନୂଆ ବୟସ ଭିତ୍ତିକ ପେନସନ ଫର୍ମୁଲା ସୁପାରିଶ କରିଛି। ଏହି ପ୍ରସ୍ତାବ ଅନୁଯାୟୀ, ପେନସନଭୋଗୀଙ୍କ ବୟସ ବଢ଼ିବା ସହିତ ପେନସନ ରାଶି ମଧ୍ୟ ପର୍ଯ୍ୟାୟକ୍ରମେ ବୃଦ୍ଧି ପାଇବ। ପ୍ରସ୍ତାବିତ ଫର୍ମୁଲା ଅନୁସାରେ, ୬୫ ବର୍ଷ ବୟସ ପୂରଣ ହେବା ପରେ ପେନସନରେ ଅତିରିକ୍ତ ବୃଦ୍ଧି ଆରମ୍ଭ ହେବ। ଏହା ପରେ ପ୍ରତି ୫ ବର୍ଷରେ ପେନସନ ରାଶି ବୃଦ୍ଧି କରିବାକୁ ସୁପାରିଶ କରାଯାଇଛି।୮୦ ବର୍ଷ ବୟସରେ ପହଞ୍ଚିବା ପରେ ପେନସନରେ ଏକ ବଡ଼ ବୃଦ୍ଧି ଦେଖିବାକୁ ମିଳିବ। ୯୦ ବର୍ଷ ବୟସ ପାର୍ କରିବା ପରେ ପେନସନଭୋଗୀଙ୍କୁ ସେମାନଙ୍କ ଶେଷ ଦରମାର ସମ୍ପୂର୍ଣ୍ଣ ୧୦୦ ପ୍ରତିଶତ ପେନସନ ଆକାରରେ ଦେବାକୁ ପ୍ରସ୍ତାବ ରଖାଯାଇଛି।
#💵ଅଷ୍ଟମ ବେତନ ଘୋଷଣା : ମିଳିବ 100% ଦରମା😃
