తెలుగు రచనలకు, తెలంగాణ సాహిత్యానికి అంతర్జాతీయ గుర్తింపు, గౌరవం దక్కాలి. ఎందులోనూ మనం తక్కువ కాదు. ఫ్రెంచ్, ఆంగ్ల సాహిత్యం నుండి అనుకరణలు, అనువాదాలు తెలుగులోకి వచ్చాయి. ఇక కొత్త ప్రయాణం ఇటు నుండి అటు వైపుకు మొదలు కావాలి.
మానవ భావోద్వేగాలు, అణచివేత, చిన్నచూపు, దోపిడీ, వర్గ పోరాటం, పేదోడిని ఉన్నోడు కొట్టే సంస్కృతి, అస్తిత్వ, ఆత్మగౌరవ పోరాటాలు, సౌందర్య, అలంకారభరిత భావ కవిత్వం సాహిత్యంగా ప్రపంచమంతా ఒకే విధంగా ఉంటుంది. ప్రపంచ సాహిత్యంలో నిలబడాలంటే, ప్రపంచంలో ప్రతీ మూలన వారికంటూ ప్రత్యేకంగా ఉండే మన సంస్కృతి రాస్తే సరిపోదు. ప్రపంచ పోరాటానికి భిన్నంగా చేసిన మన పోరాటమే మనల్ని సాహిత్య కారులుగా గెలిపిస్తుంది.
ప్రపంచంలో పోరాటం ఒక్కోచోట ఒక్కోలా ఉంటుంది. ఆ పోరాటం ఎలా జరిగింది, ఎందుకు జరిగింది? ప్రపంచానికి ఏ విధంగా పరిష్కారం చూపే ప్రయత్నం జరిగిందో... కాలనుగుణంగా కొత్త పద్ధతులలో వచ్చే సవాళ్ళను, అన్యాయాన్ని ఎదుర్కోవడానికి, కొత్త వ్యూహలను చూపడమే ప్రపంచ సాహిత్యంగా గుర్తింపు పొందుతుంది.
తెలంగాణ మూసీ ప్రాజెక్టు మూడు తరలుగా చర్చలో ఉంది. దీని వెనుక ప్రపంచం గుర్తించగల చరిత్ర, పోరాటం ఉన్నాయి. దీని చుట్టూ అల్లుకున్న సామాజిక - రాజకీయ జీవితాలలో మూడు తరాల సబ్బండ వర్గాల సుదీర్ఘ వలస దుఃఖం, ఆత్మగౌరవ పోరాటం, పరిష్కారం ఉంది. ఈ ఇతివృత్తంతో మన కండ్లముందు ఉంచే అద్భుతమైన వీరగాథ 'ఇండివల్సా' ఆంగ్ల నవల.
దాదాపుగా 350 పేజీల సుదీర్ఘ కాన్వాసుతో తెలంగాణ చరిత్రను తిరగరాసే కొత్త నిజాలను దాచుకున్న ఈ నవల తెలుగులో "అగండం" పేరుతో త్వరలో మీ ముందుకు రాబోతుంది.
పాయలుగా చీలిన సామాజిక కులాలు, వర్గాల స్పృహ, చైతన్యంతో కలిసిపోయి 'పెద్దేరు' నదిలా ఉధృత ప్రవాహంగా మారి సాగించిన సామూహిక తిరుగుబాటును ఈ నవలలో అత్యంత శక్తిమంతంగా చూడవచ్చు.
తెలంగాణ సాయుధ పోరాటం మొదలు, నేటి మూసీ ప్రక్షాళన వరకు చారిత్రక, సామాజిక, సంస్కృతిక, రాజకీయ బహుజన సమాజ సమ్మిళిత జీవనానికి అద్దం పడుతుంది.
నది జీవనం, కార్పొరేట్ కుట్రలు, వలస దుఃఖం, ఉపాధి కోల్పోయిన జీవితాలు, నయా పెట్టుబడిదారుల వ్యూహాలు, రాజకీయ నాయకుల ఎత్తుగడలు...తెలంగాణ మట్టితనం, భాష, సంభాషణలు, సామెతలు, జాతీయాలు, ప్రకృతి వర్ణనలు, పర్యావరణ ప్రతీకాత్మక కథనం వంటివి నవలను "కల్ట్ క్లాసిక్" స్థాయికి తీసుకెళ్ళనున్నాయి.
ప్రపంచ యవనికపై తెలంగాణ నవల మరోసారి రుజువు చేసుకునేందుకు ప్రపంచ గుమ్మం తొక్కడానికి, రెక్కలను కట్టుకుని ఆంగ్ల భాష వైపుకు ఆత్మవిశ్వాసంతో ఈ నవల ఎగురుతుంది. తెలుగు సాహిత్యం, తెలుగు నవల ప్రపంచ సాహిత్యంలో "అగండం" లా ప్రకాశిస్తుందని నమ్ముతూ, ఈ నవల అంతర్గత శక్తినీ అర్థం చేసుకోవడానికి ఈ చిన్న వీడియో సరిపోకున్నా, కలిసి వచ్చే, సహకారం అందించే సాహితీవేత్తలకు కొంత అవగహన కల్పిస్తుందని నమ్ముతున్న. ఈ సందర్బంగా "ఇండివల్సా" ఆంగ్ల వెర్షన్ నవలను ప్రపంచ యవనికపై నిలబెట్టడానికి యావత్తు తెలుగు సాహితీవేత్తల సహకారం కోరుతున్న ...🌺
-శీలం భద్రయ్య, రచయిత
#trend #share #🙆 Feel Good Status #books #📖ఎడ్యుకేషన్✍
