കോളജിലെ അധ്യാപകരുടെയും സഹപാഠികളുടെയും ചിത്രങ്ങളും വിഡിയോകളും മോർഫ് ചെയ്ത് സമൂഹ മാധ്യമങ്ങളിലൂടെ പ്രചരിപ്പിച്ച കേസിൽ കോളജ് വിദ്യാർഥി അറസ്റ്റിലായി. കാക്കനാട് തൃക്കാക്കര ഭാരതമാതാ കോളജിലെ രണ്ടാം വർഷ ബിബിഎ വിദ്യാർഥിയായ എസ്. ശ്രീഹരി (20) ആണ് പോലീസ് പിടിയിലായത്. കോളജിൽ നടന്ന വിവിധ പരിപാടികൾക്കിടെ പകർത്തിയ ചിത്രങ്ങളാണ് ഇയാൾ അശ്ലീല രീതിയിൽ മോർഫ് ചെയ്തത്. ഈ ദൃശ്യങ്ങൾ ടെലഗ്രാം ഗ്രൂപ്പുകൾ വഴി പ്രചരിപ്പിക്കുകയായിരുന്നു. കോളജ് അധികൃതർ നൽകിയ പരാതിയുടെ അടിസ്ഥാനത്തിലാണ് പോലീസ് അന്വേഷണം ആരംഭിച്ചത്. പ്രതിയുടെ മൊബൈൽ ഫോണിൽ നിന്ന് മോർഫ് ചെയ്ത ചിത്രങ്ങളും വിഡിയോകളും പോലീസ് കണ്ടെടുത്തു. ഐടി നിയമത്തിലെ 67 എ ഉൾപ്പെടെയുള്ള ജാമ്യമില്ലാ വകുപ്പുകൾ ചേർത്താണ് കേസെടുത്തിരിക്കുന്നത്. സംഭവത്തിൽ ശക്തമായ നടപടി ആവശ്യപ്പെട്ട് കോളജിൽ വിദ്യാർഥികൾ പ്രതിഷേധ സമരം നടത്തിയിരുന്നു.
#KeralaCyberCrime #KakkanadNews #BharataMataCollege #KeralaPolice #CyberCrime #MalayalamNews
#📹 ക്രൈം ഫയൽ
