# శ్రావ్య సరాగాలు#: సమీక్ష:
అపారమైన ఆనందం మరియు గర్వంతో నా హృదయం నిండిపోయి సేద దేరింది. ఎందుకంటే మొన్న బాపూజి కళామందిరం శ్రీకాకుళంలో జరిగిన అద్భుతమైన సంగీత సరాగాల సాయంత్రం శ్రావ్య సరాగాలు సంగీత కార్యక్రమం నిండు విజయాన్ని సంతరించుకున్న వేళ, స్మరించుకుంటూ రాస్తున్నాను. అక్కడ జరిగినది కేవలం ఒక సంగీత కచేరీ మాత్రమే కాదు, అది సరాగాల సమ్మేళనం, ఆపాత మధురాల జ్ఞాపకం, నైపుణ్యం కలిసిన ఒక దివ్య సమ్మేళనం. గానామృత గుళికలు మనసును రంజింపజేస్తున్నాయి.
సంగీతాభిమానులు, ఔత్సాహికులు మరియు గౌరవనీయులు ఆహుతులతో నిండిపోయిన ఆడిటోరియం, శాశ్వతమై రాగాల ఆకర్షణకు నిదర్శనంగా నిలిచింది. నాలుగు గంటలకు పైగా, ఆ వాతావరణం అమర గాయకుల మధుర స్వరాలతో నిండిపోయి, శ్రద్ధ, భక్తి మరియు కళాత్మక ప్రతిభతో మళ్లీ పాట ప్రాణం పోసుకుంది. మధుర రాగాలు గళం విప్పాయి. సంప్రదాయ వాయిద్యాలు తబలా నాదం, కీ బోర్డ్, ప్యాడ్స్, చెలరేగిపోయాయి. శ్రావ్య సరాగాలు వీనుల విందు అయింది.
శ్రీమతి కింతలి భాగ్యలక్ష్మి గారు ఈ మహా కార్యక్రమానికి ప్రధాన స్ఫూర్తి. తన స్వరం ఒక ప్రశాంత నదిలా ప్రవహిస్తూ, హృదయాన్ని తాకే భావ వ్యక్తీకరణతో ప్రతి పాటను సంగీతానికంటే ఎక్కువ అనుభూతిగా మార్చింది. పాటల ఎంపికలోని భావం, చమత్కారం, శ్రావ్యత మరియు జ్ఞానం ప్రేక్షకుల హృదయాలను ఆరంభం నుండి ముగింపు వరకు మంత్రముగ్ధులను చేసింది. భాగ్యలక్ష్మి గారు కేవలం గాయని మాత్రమే కాదు; సంగీత వారసత్వాన్ని కాపాడే ఒక సంరక్షకురాలు.
దివంగత ఈనాడు ఆధినేత శ్రీ రామోజీరావు గారి స్పూర్తి, పాడుతా తీయగా, స్వరాభిషేకం కార్యక్రమాల స్పూర్తిని శ్రావ్య సరాగాలు నింపుకుంది అనడంలో అతిశయోక్తి లేదు.
గాయనీ గాయకులు మరియు అత్యంత నైపుణ్యంగల లైవ్ ఆర్కెస్ట్రా బృందం ఎంపికలో గత తన పాతికేళ్ల సంగీత సాధన ప్రయాణంలోని అనుభవం ఇనుమడింపు చేస్తుంది.
తన భర్త గారైన శ్రీ కింతలి చంద్రశేఖర్ గారి సహకారం వెన్ను దన్నుగా సంగీత బృందానికి బలం మరియు సమతుల్యతను తీసుకొచ్చింది. గౌరవప్రదమైన వేదిక ప్రదర్శన మరియు వేదికపై మరియు వేదిక వెనుక వారు అందించిన సహాయం ఎంతో ప్రశంసనీయమైనది. ఔత్సాహిక వర్ధమాన గాయకుడు శ్రీ బాగాది కూర్మారావు కార్యక్రమ ఏర్పాట్ల నిర్వహణలో చురుకుగా ఉత్సాహంగా మీతో బాటు పాల్గొనడం గమనార్హం.
శుభాకాంక్షలతో.
సూర్యప్రకాశరావు.B; (Rtd JD Ap Fisheries Dept).
(గమనిక: మీ ఊరిలో ఇటువంటి సంగీత విభావరి కార్యక్రమాలు నిర్వహించాలి అనే ఔత్సాహికులు, శుభకార్యాలకు సంగీత కచేరీ నిర్వహించాలనే వారు నెలరోజులు ముందుగా ఈ మొబైల్ నెంబర్ల ద్వారా సంప్రదించి శ్రావ్య సరాగాలు ప్రోగ్రామ్ బుక్ చేసుకొనవచ్చును: 9014766344, 7780470976).
#My post#
