കവിത.
പകൽ.
പ്രണയിച്ചിടാം നിന്നെയെന്നിൽ നിറവോളം
പ്രണവം മരിക്കുമാ കാലമെന്നിലൂറുവോളം
പകലിൻ കൊടി നാട്ടി സന്ധ്യയായഴകാകുവോളം
പകരാതെ കാത്തിടാം നെഞ്ചിലരുമയാകുവോളം!
പുണർന്നിടാം നീയെന്നുഷസ്സിനെ രാവറിയുവോളം
പിണം കൊണ്ട ചിന്തകൾ ചെമ്പരത്തി ചുവപ്പോളം
പ്രിയമേ വന്നെന്നെ പുണരൂ നിന്നിൽ നീ നിറയുവോളം
പല നാളുകൾ കൊയ്ത വിത്തല്ലേ നീയെന്നെയറിയുവോളം
പ്രണയമൊരു മാരിയാവാട്ടെ നീയെന്നിൽ പെയ്തുവോളം
പൂക്കാ മൊട്ടിലും തേനുറയും കാണെ നീയെന്ന കവിളോളം
പടരാത്ത ഹൃദയമേ നിനക്കായി ഞാനേകാം ജന്മമോളം
പൂത്തിടു നീയെൻ മഞ്ഞിൽ നാളേക്കു സുഗന്ധമാകുവോളം
പല മാരി പെയ്താലുമടരില്ല പ്രണയമേ നീയെന്നിലുറയുവോളം
പകുത്തേകൂ മനസ്സിലെൻ പിണ്ഡവും ഞാൻ നിന്നിലെ ശ്വാസമോളം
പുലരിക്കൊരു തേനായിടാം മഞ്ഞില്ലാ വിരിയും പൂക്കളോളം
പകുക്കുവാനാകില്ല ഹൃദയമേ നിന്നെ ഞാനെന്നിൽ നിറയുവോളം!
false.
#🖋 എൻ്റെ കവിതകൾ🧾 #🙋♀️ എൻ്റെ സ്റ്റാറ്റസുകൾ #💌 പ്രണയം #💑 സ്നേഹം #പകൽ
