मराठी भावार्था सहित.....
दि. २१ मे २०२६
वारकरी पायांपाशीं ।
आले त्यांसी विनविलें ॥१॥
काय काय तें आइका ।
विसरों नका रंकासी ॥२॥
चिंतावोनि चिंता केली ।
हे राहिली अवस्था ॥३॥
तुका म्हणे संसारा ।
रुसलों खरा यासाठीं ॥४॥
तुमच्या चरणांपाशी जे वारकरी आले आहेत, त्यांच्यासोबत मी एक विनंती पत्र पाठविले आहे. त्यातील मजकूर असा आहे, ऐका ! मला गरिबाला विसरू नका. हीच माझी तुमच्या चरणी विनंती आहे. मी फार चिंतेत आहे. तुमच्या भेटीची अपेक्षा करीत आहे. माझी अवस्था अशी चिंतातूर झाली आहे. तुकाराम महाराज म्हणतात, तुम्ही माझी उपेक्षा करणार नाही. ही आशा ठेवून संसारावरील रुसव्याने मी संसारत्याग केला आहे.
*।श्री विष्णवे नमःl*
*।श्री दत्तात्रेयाय नमःl*
#श्री swami samrth
