ଯାଜପୁର ଜିଲ୍ଲା ପ୍ରଶାସନକୁ ଘାରିଛି ଡାଇରିଆ ଭୟ। ଉଠା ଦୋକାନୀଙ୍କ ଖାଦ୍ୟ ଯାଞ୍ଚ ସହ ଜାରି ରହିଛି ଉଚ୍ଛେଦ ପ୍ରକ୍ରିୟା। ଦଶରଥପୁର ବ୍ଲକରେ ବିଷାକ୍ତ ଦହିବରା ଖାଇ ୫୦ ରୁ ଉର୍ଦ୍ଧ ଲୋକ ଅସୁସ୍ଥ ହେବା ପରେ ଆକ୍ସ ମୁଡରେ ପ୍ରଶାସନ। ନିଜେ ଦଶରଥପୁର ତହସିଲଦାର ବୁଲି ବୁଲି ଗୁପଚୁପ, ଚାଟ, ଦହିବରା ଆଦି ଫାଷ୍ଟ ଫୁଡ ଦୋକାନ ଯାଞ୍ଚ କରୁଛନ୍ତି। ସେପଟେ ଯାଜପୁର ପୌରପାଳିକା ଖାଦ୍ୟ ଅପମିଶ୍ରିତ ଭୟ ଏଡ଼ାଇବା ଲାଗି ଦୋକାନ ଗୁଡିକରେ ଯାଞ୍ଚ ପ୍ରକ୍ରିୟା ଆରମ୍ଭ କରିବା ସହ ଆସନ୍ତା ଏକ ସପ୍ତାହ ଯାଏ ଦୋକାନ ନଖୋଲିବାକୁ ଅପିଲ କରିଛି। ଏଥିସହ ଟ୍ରାଫିକ ଜାମ୍ ଆଳରେ ଯାଜପୁର ମୁଖ୍ୟ ଚିକିତ୍ସାଳୟ ଛକରେ ଥିବା ୨୭ ଟି ଉଠା ଦୋକାନୀକୁ ହଟାଯାଇଛି। ଉଠା ଦୋକାନୀ ଏହାକୁ ବିରୋଧ କରିଥିବା ବେଳେ ଗାଡି ଜାମ୍ ଲାଗି ଏମାନଙ୍କୁ ଉଠାଇଛୁ ବୋଲି ପୌର ଅଧିକାରୀ କହିଛନ୍ତି। ଅନ୍ୟପଟେ ଏହି ଦହିବରା ଖାଇ ଅସୁସ୍ଥ ଘଟଣାରେ ପ୍ରତିକ୍ରିୟା ରଖିଛନ୍ତି ସ୍ୱାସ୍ଥ୍ୟମନ୍ତ୍ରୀ। କହିଛନ୍ତି, ଲୋକଙ୍କୁ ବାସୀ ଖାଦ୍ୟ ନଖାଇବାକୁ ସଚେତନ କରିବୁ, ଜିଲ୍ଲାପାଳଙ୍କୁ ଏ ଦିଗରେ ନଜର ଦେବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି ସ୍ୱାସ୍ଥ୍ୟମନ୍ତ୍ରୀ।
#📢ମିଳିବନି ଗୁପଚୁପ, ଚାଟ, ଦହିବରା🚫
