ఏ దేశమేగిన ఎందుకాలిడిన పొగడరా నీ భూమి భారతిని!
మనలో దేశభక్తిని నరనరాన జీర్ణించుకుందాం!
మన స్వాతంత్ర్య సమరయోధుల త్యాగాలను,వారు మన భారతదేశానికి అందించిన వెలకట్టలేని,అజరామమైన సేవలను ఒక్కసారి స్మరణకు తెచ్చుకొని మరీ మనమంతా వారికి లాల్ సలాం చేద్దాం!
రాత్రనక,పగలనక,ఎండనక,వాననక,చలిఅనక యావత్ కోట్లాదిమంది ప్రజల రక్షణ కోసమని అహోరాత్రులు సరిహద్దుల్లో పహార కాస్తూ మన ప్రాణాలకు వారి ప్రాణాలు అడ్డుపెట్టి మరీ వారు చేసే ప్రాణత్యాగాలకు,గొప్ప పోరాటపటిమకు,ధైర్య సాహసాలకు మనమంతా వారికి ఒక్కసారి జైహింద్ చెబుదాం!
మన దేశ కీర్తి,ప్రతిష్టలను అంతర్జాతీయ స్థాయిలో ఇనుమడింపజేసేందుకు మనం అంతా చెయ్యి చెయ్యి కలిపి,ఒకే మాట ఒకే బాటగా వుంటూ మరీ అవిరళ కృషి సల్పుదాం!
మన భారతదేశం మీద శత్రువుల ఈగ కూడా వ్రాలకుండా చేయాల్సిన గురుతర బాధ్యత మనందరి భుజస్కందాలపై ఎంతైనా వుంది!
మన ప్రియతమ ప్రధాని నరేంద్ర మోదీజీ పిలుపు మేరకు ప్రతి ఏడాది ఆగష్టు 9 నుంచి 15 వరకు నిర్వహించే 'హర్ ఘర్ తిరంగా' మహోత్సవాలలో భాగంగా ప్రతి భారతీయుని ఇంటిపై మన జాతీయ జెండను ఎగురవేసి మన భారతదేశంపై ఉన్న దేశభక్తిని మనమంతా మనసా,వాచ,కర్మణ చాటుకుందాం!
మేరా హిందూస్తాన్ మహాన్! జైహింద్! 🇮🇳🇮🇳🇮🇳✍️✍️✍️
- మధుసూదనరెడ్డి బుగ్గన,సామాజిక విశ్లేషకుడు!
#Har Gar Tiranga
