వరల్డ్ ఎర్త్ డే ను పురస్కరించుకొని ప్రకృతి, పర్యావరణ ప్రేమికులుగా మారేందుకు మనమంతా తక్షణమే నడుం బిగిద్దాం!
లేదా
ప్లాస్టిక్ రహిత సమాజం కోసం ప్రతి ఒక్కరం తలో చెయ్యి వేద్దాం!
ఈ రోజు వరల్డ్ ఎర్త్ డే ( 22 - 4 - 2026).ఈ ప్రత్యేక సందర్భాన్ని పురస్కరించుకొని మనమంతా ప్రకృతి, పర్యావరణ ప్రేమికులుగా మారేందుకు తక్షణమే నడుం బిగిద్దాం.ఇందులో భాగంగా తొలకరి చినుకులు పడగానే మొక్క నాటడాన్ని మనమంతా ఒక అలవాటుగా చేసుకోవాల్సిన సమయం అసన్నమైంది.ఎందుకంటే మనం పదే పదే వాడే ప్లాస్టిక్ కారణంగా సముద్రంలో ప్లాస్టిక్ వ్యర్థ పదార్థాలు ఇబ్బడి ముబ్బడిగా పేరుకుపోయి తద్వారా సముద్రంలో జీవించే 700 రకాల సముద్ర జీవుల మనుగడకే ప్రశ్నార్థకంగా మారే ప్రమాద పరిస్థితి ఎదురవుతున్నది. అంతేకాదు ప్లాస్టిక్ బ్యాగ్ ఇస్తున్న ప్రతి చోట క్లాత్ బ్యాగ్ కావాలని మనం అడగాలి.అంతేకాదు ముందుగా మన ఇంటిని ప్లాస్టిక్ ఫ్రీగా మార్చుకోవాలి.ఆ తరువాత సముద్రాన్ని ప్రక్షాళన చేసే కార్యక్రమానికి మనవంతుగా అంకురార్పణ గావించి తీరాలి.అంతేగాకుండా భూమిని రక్షించడం ప్రతి ఒక్కరూ తమ గురుతర బాధ్యతగా భావించాలి.మనకున్నది ఒక భూమి,ఒక కుటుంబం,ఒక భవిష్యత్,ఇవన్నీ కూడా మరో పది కాలాల పాటు బాగుండాలంటే వ్యక్తులుగా ప్రతి ఒక్కరూ బాధ్యత వహించాలి.అప్పుడు మాత్రమే భవిష్యత్ తరాలకు ఒక ఆరోగ్యవంతమైన మదర్ ఎర్త్ ని ఇవ్వగలుగుతాం.అదే మాదిరి 55 ఏళ్ల కిందట 1970లో యుఎస్ లో మొదలైన ఈ ఎర్త్ డే నిర్వహణ క్రమక్రమంగా ఏడాదికి ఏడాదికి విస్తరించి ప్రస్తుతం 190 దేశాలు భూమిని పరిరక్షించే బాధ్యతలో పాలు పంచుకుంటుండటం ఎంతైనా హర్షణీయమైన విషయం.ఈ సందర్బంగా మానవాళి ప్రతి ఒక్కరూ గుర్తించుకోవాల్సిన విషయం ఏమంటే' ' గ్లోబల్ ఎర్త్ డే 2026 ' ' అవర్ పవర్ అవర్ ప్లానెట్ ' థీమ్ తో మన ముందుకు వచ్చింది కాబట్టి మనకున్న రకరకాల శక్తి వనరులను దృష్టిలో పెట్టుకొని భూమికి హాని కలిగించకుండా భవిష్యత్ ను నడిపించేది ఒక్క ఇంధనం పునరుత్పాదక శక్తి మాత్రమే అనే అంశాన్ని ప్రతిబింభించే పోస్టర్ లు సైతం తయారు అయిన నేపథ్యంలో భూమిని పరిరక్షించుకోవడానికి మనుషులుగా మనమంతా ఓ కార్యాచరణ చేపట్టాల్సిన రోజు ఈ 2026 వరల్డ్ ఎర్త్ డే మాత్రమే అనే మాట అక్షర సత్యం.
ఏదిఎమైన సేవ్ ఓషన్ ఇనిషియేటివ్ లో భాగంగా చిన్న,పెద్ద అనే తేడా లేకుండా ప్లాస్టిక్ కు చరమగీతం పాడటమే తమ ఏకైక లక్ష్యంగా స్కూబా డ్రైవర్లుగా అనేకమంది మారిపోయి సముద్రంలో పేరుకుపోయిన వేలాది కిలోల ప్లాస్టిక్ ను వెలికి తీయడం అనే ఒక బృహత్తర పనికి స్వీకారం చుట్టి మరీ తమ వంతుగా సమాజ సేవకు నడుం బిగిస్తుండటం ఎంతైనా అభినందనీయం.ఏమైనా ప్లాస్టిక్ రహిత సమాజాన్ని నిర్మించుకొనేందుకు ఇప్పుడిప్పుడే ఎంతో వెల్లివిరిసిన చైతన్యంతో చిన్న,పెద్ద అనే తేడా లేకుండా చాలా మంది ముందుకు వచ్చి మరీ ప్లాస్టిక్ వ్యర్థ పదార్థాలను ఎప్పటికప్పుడు సేకరిస్తూ వాటిని రీ సైకిల్ యూనిట్ లకు తరలించేందుకు యుద్ధ ప్రాతిపదికన నడుం బిగిస్తుండటం అనేది ఈ సమాజంలోని ఓ మంచి,పెనుమార్పుకు సంకేతం అని నిస్సందేహంగా చెప్పవచ్చు.ప్లాస్టిక్ ను సమూలంగా,సంపూర్ణంగా ప్రక్షాళన చేద్దాం,ఈ భూమిని కాపాడదాం.తద్వారా యావత్తు మానవాళికి ఆరోగ్యకరమైన జీవితాన్ని ప్రసాదిద్దాం! జై హింద్! మేరా హిందూస్తాన్ మహాన్!✍️✍️✍️
- బుగ్గన మధుసూదనరెడ్డి,సామాజిక విశ్లేషకుడు, బేతంచెర్ల,నంద్యాల జిల్లా!
#🌍 వరల్డ్ ఎర్త్ డే
