#🌺ଶୁଭ ମଙ୍ଗଳବାର🌹 #🙏ଜୟ ଶ୍ରୀରାମ #🙌🏼ଜୟ ଜଗନ୍ନାଥ🙏 #ଶ୍ରୀ ଶ୍ରୀ ନୀଳମାଧବ #ନୀଳମାଧବ
🙏 *ଓଁ ଶ୍ରୀଜଗନ୍ନାଥ ସ୍ବାମୀ ନୟନ ପଥଗାମୀ ଭବତୁ ମେ* 🙏
🏤🏤🏤🏤🏤🏤🏤🏤🏤🏤🏤
✍️ କ୍ଷେତ୍ର ପରିକ୍ରମା ଅବସରରେ *ଶ୍ରୀମନ୍ଦିରର ପରିଚାଳନା ଇତିହାସ*-:- ଲର୍ଡ ଓ୍ବେଲସେଲିଙ୍କ ଶାସନ କାଳରେ ୧୮୦୩ ଖ୍ରୀଷ୍ଟାବ୍ଦରେ ଇଷ୍ଟ ଇଣ୍ଡିଆ କମ୍ପାନୀ ଓଡିଶା ଅଧିକାର କରିଥିଲେ। ଗଭର୍ଣ୍ଣର ଜେନେରାଲ ଓ୍ବେଲସେଲି ସ୍ବୟଂ ତାଙ୍କର ପ୍ରତିନିଧି କାମ୍ପବେଲଙ୍କୁ (ଯିଏକି ବ୍ରିଟିଶ ସେନା ବାହିନୀର ମୁଖ୍ୟ ଭାବେ ଓଡ଼ିଶା ଅଧିକାର କରିବାକୁ ଆସିଥିଲେ) ଶ୍ରୀମନ୍ଦିର ସୁରକ୍ଷା ରକ୍ଷା କରିବା ନିମନ୍ତେ ବିଶେଷ ନିର୍ଦ୍ଦେଶ ଦେଇ ଥିଲେ। ସେତେବେଳେ ଲର୍ଡ ଓ୍ବେଲସେଲି ଜଗନ୍ନାଥ ମନ୍ଦିର ପ୍ରତି ଉଦାର ନୀତି ପ୍ରଣୟନ କରିଥିଲେ। ସେ ଭଲଭାବେ ଜାଣିପାରିଥିଲେ ଯେ ଶ୍ରୀଜଗନ୍ନାଥ ହେଉଛନ୍ତି ସମଗ୍ର ଭାରତବର୍ଷର ଲୋକପ୍ରିୟ ଦେବତା। ଶ୍ରୀମନ୍ଦିରର ପୂଜକ, ପଣ୍ଡା, ମହନ୍ତ ଓ ସାଧାରଣ ଭକ୍ତ ମାନଙ୍କ ଧର୍ମ ବିଶ୍ଵାସ ଉପରେ ଯେପରି ସାମାନ୍ୟତମ ହସ୍ତକ୍ଷେପ କରାନଯାଏ। ସେ ବିଷୟରେ ସାବଧାନତା ଅବଲମ୍ବନ କରିବାକୁ ଓ୍ବେଲସେଲିଙ୍କ ନିର୍ଦ୍ଦେଶ ଥିଲା। ମନ୍ଦିରର ସେବାପୂଜା ବ୍ୟବସ୍ଥାରେ ଯେପରି ଲେଶମାତ୍ର ଅବହେଳା ନହୁଏ ଓ ଏଥି ନିମନ୍ତେ ବ୍ରିଟିଶ ସରକାରଙ୍କୁ ଯେପରି କେହି ଦାୟୀ ନକରନ୍ତି, ସେଥିପ୍ରତି ବ୍ୟକ୍ତିଗତ ଭାବେ ଲକ୍ଷ୍ୟ ରଖିବା ନିମନ୍ତେ କାମ୍ପବେଲଙ୍କୁ ବାରମ୍ବାର ସଚେତନ କରାଇ ଦିଆଯାଇଥିଲା।
ଦୀର୍ଘକାଳର ଅଭିଜ୍ଞତା ନେଇ ଚତୁର ବ୍ରିଟିଶ ଶାସକ ଏକ ଦେଶର ଯଥାର୍ଥ ପ୍ରାଣ ସ୍ପନ୍ଦନଟିକୁ ଭଲଭାବରେ ହୃଦୟଙ୍ଗମ କରି ପାରିଥିଲେ। ଧର୍ମ ବିଶ୍ଵାସ ଉପରେ ସାମାନ୍ୟ ହସ୍ତକ୍ଷେପ କଲେ, ସ୍ୱାଭିମାନୀ ଓଡ଼ିଆ ମାନେ ସହଜରେ ବରଦାସ୍ତ କରିବେ ନାହିଁ, ଏହା ବ୍ରିଟିଶ ଶାସକଙ୍କୁ ଅଜଣା ନଥିଲା।
ଇଷ୍ଟ ଇଣ୍ଡିଆ କମ୍ପାନୀ ଦ୍ଵାରା ପ୍ରେରିତ ସୈନ୍ୟ ବାହିନୀ ଚିଲିକା ପଟେ ପୁରୀ ସହରରେ ପ୍ରବେଶ ପୂର୍ବରୁ, ବଙ୍ଗଳାର ଜଣେ ପ୍ରଖ୍ୟାତ ପଣ୍ଡିତଙ୍କ ଦ୍ବାରା ପ୍ରେରିତ ପତ୍ର ପଣ୍ଡା ମାନଙ୍କ ହସ୍ତଗତ ହୋଇ ଥିଲା। ସେହି ପତ୍ରରେ ଉଲ୍ଲେଖ ଥିଲା ଯେ,ବିଟ୍ରିଶ ଶାସକ ମାନଙ୍କ ଧାର୍ମିକ ଓ ସହନଶୀଳତା ଓ ଶ୍ରୀମନ୍ଦିରର ସେବାପୂଜା ବ୍ୟବସ୍ଥା ଅକ୍ଷୂର୍ଣ୍ଣ ରଖିବ।
ପୂଜକ, ମହନ୍ତ ଓ ପଣ୍ଡାମାନେ ଏ ସମ୍ପର୍କରେ ଜାଣି ସାରିବା ପରେ ୧୮/୦୮/୧୮୦୩ ତାରିଖରେ ବ୍ରିଟିଶ ସେନା ଓ କାମ୍ପବେଲ ପୁରୀରେ ପ୍ରବେଶ କରିଥିଲେ।ଚତୁର ଇଂରେଜ ମାନେ ପଣ୍ଡା ମାନଙ୍କୁ କୌଣସି ପ୍ରକାରରେ ଅସନ୍ତୁଷ୍ଟ କରିବା ପାଇଁ ଚାହୁଁ ନଥିଲେ। ଅପର ପକ୍ଷରେ ମରହଟ୍ଟା ଶାସକ ମାନଙ୍କ ପ୍ରତିବାଦ ସତ୍ତ୍ୱେ ଇଂରେଜ ମାନେ ପୁରୀ ମନ୍ଦିରର ଭାର ଆପେ ଗ୍ରହଣ କରିଥିଲେ। ପୁରୀ ସହରରେ ଯେଉଁ ସ୍ବଳ୍ପ ସଂଖ୍ୟକ ମରହଟ୍ଟା ସୈନ୍ୟ ଥିଲେ, ସେମାନେ ଅଠରନଳା ବାଟ ଦେଇ ପୁରୀ ବାହାରକୁ ଚାଲି ଯାଇଥିଲେ। କ୍ରମଶଃ
