“जो भक्तासाठी राऊळात त्या नित्य उभा आहे
तो पंढरीचा पांडुरंग स्वामी माझा आहे
ठेवुनी हात कटीवर
सगुण रूपे नटला
माझा नाथ स्वामीराया
वटवृक्षी प्रगटला
जो चराचरातुनी व्याप्त असुनी
बाप आमुचा आहे
ज्याने जनीचे जाते दळले
भक्त प्रेमासाठी
जो नाम्याच्या कीर्तनी
धुंद नाचला आहे
विठूरायाची पावन नगरी
अवतरली पंढरी
अक्कलकोटी स्वामीनाथ
आले या भुवरी
जो आजही भक्तांना
ह्रदयी धरीतो आहे
स्वामी विठूराया बसले
वटवृक्ष सावलीत
त्यांना बघुनी कष्ट आमुचे
क्षणात सरलीत
पांडुरंग पांडुरंग, स्वामी समर्थ स्वामी समर्थ
जेथे वाळवंटी नाम गुरूचे नित्य गर्जत आहे
तो पंढरीचा पांडुरंग स्वामी माझा आहे”
()
ॐ श्री स्वामी समर्थ
#🏵️‼️स्वामी माऊली‼️🏵️
