juma

*സി.എം.മടവൂരും* *പൗരോഹിത്യവും* . മൺമറഞ്ഞു പോയ മഹത്തുക്കളുടെ പേരിൽ ഇല്ലാത്ത കറാമത്തുകൾ ചാർത്തി തങ്ങളുടേതാക്കുക എന്നത് എക്കാലവും പൗരോഹിത്യം തുടർന്നു പോരുന്ന ഒരു രീതിയാണ്. ശൈഖ് സിഎം മടവൂർ ജീവിച്ചിരുന്ന കാലത്ത് പൗരോഹിത്യത്തിന് അനഭിമതനായിരുന്നു. കാരണം പൗരോഹിത്യ നിയമാവലികൾക്ക് അതീതനായിരുന്നു അദ്ദേഹം. മരണത്തിന് ശേഷം അതൊക്കെ അദ്ദേഹത്തിൻ്റെ 'ജദ്ബ് 'ൻ്റെ അവസ്ഥയായി തള്ളിക്കളയാൻ പൗരോഹിത്യത്തിന് യാതൊരു മടിയുമില്ല. ജീവിച്ചിരിക്കുന്ന കാലത്ത് പിഴച്ചതാണോ, സത്യമാണോ എന്ന സർട്ടിഫിക്കറ്റ് കൊടുക്കാൻ പൗരോഹിത്യം സ്വീകരിച്ചുവരുന്ന മാനദണ്ഡങ്ങൾ , ശൈഖ് മടവൂരിനെ പോലുള്ളവർക്ക് ഒരിക്കലും യോജിച്ചവയായിരുന്നില്ല. എന്നിരുന്നാൽ പോലും മരണശേഷം അവരെ തങ്ങളുടെ എക്കൗണ്ടിലേക്ക് വരവ് വെക്കാൻ യാതൊരു തടസ്സവും അത് കൊണ്ട് ഉണ്ടാവാറില്ല എന്നതാണ് യാഥാർത്ഥ്യം. ജീവിച്ചിരിക്കുന്ന ഒരു ശൈഖിനെ അംഗീകരിക്കാൻ പൗരോഹിത്യത്തിന് ഒരിക്കലും സാധിക്കുകയില്ല. അങ്ങിനെ ഒരു ചരിത്രം ഒരു കാലത്തും ഉണ്ടായിട്ടില്ല എന്ന് മാത്രമല്ല, അത് സംഭവ്യവുമല്ല. എന്തെല്ലാമാണ് ഇന്ന് മൺമറഞ്ഞു പോയ മഹത്തുക്കളെ വെച്ച് കൊണ്ട് കാടിക്കൂട്ടുന്ന കോലാഹലങ്ങൾ.! ഹേ... മനുഷ്യരെ ... ഒരു ഗുരുവെന്നത് ഏതെങ്കിലും ഒരു ഇനീഷ്യലുള്ളതോ, പേരിലുള്ളതോ ആയ ഒരു വ്യക്തിയല്ല, അത് ഒരു 'ബോധം 'ആണ്. മരണമില്ലാത്ത 'ഹിള്റ് ' ആണ്. അവർ എക്കാലത്തും ഏതെങ്കിലും ഒരു ശരീരത്തിൽ ഇവിടെത്തന്നെ ഉണ്ടാവും. കണ്ണിൽ തിമിരം ബാധിച്ചവർക്ക് അത് കാണാനുള്ള കാഴ്ച്ച ലഭിക്കില്ല. അവർ ഇതിലൂടെ കേവലം ഭൗതിക നേട്ടം മാത്രമാണ് ലക്ഷ്യമാക്കുന്നത്. അവരുടെ കുടിലതകൾ അല്ലാഹുവിൻ്റെ പക്കൽ ഒരു കാലത്തും സ്വീകാര്യമാവുകയില്ല. നീ നിൻ്റെ നഫ്സിനെ ശുദ്ധീകരിച്ച് അല്ലാഹുവിലേക്ക് അടുക്കൂ.... ആവശ്യമെങ്കിൽ ഒരു ' ഷംസ് ' നിന്നെത്തേടി എത്തുക തന്നെ ചെയ്യും. അത് ദൈവവിധി. ദൈവവിധി മാറ്റാൻ മനുഷ്യരെക്കൊണ്ടാവുകയില്ല. നിശ്ചയം. ! സസ്നേഹം! S@leem chisthi🕊️ #juma #🧕🏻 ഹിജാബ് സ്റ്റൈലുകൾ #മുസ്ലിം ലീഗ് 💚 #muslim #Wallpaper corner

juma

#{{n}}