జాతీయనటుడు,ప్రయోగాత్మక చిత్రాలకు పెట్టింది పేరైనా కమలహాసన్ గారికి 71 వ జన్మదిన శుభాకాంక్షలు! ( 7 - 11 -2025)!
లేదా
ఓ పరిపూర్ణనటుడు అనే మాటకు నిజమైన పర్యాయపదం ఈ మేటి నటుడు కమలహాసన్!
విశ్వ నటుడు,సకల కళా వల్లభుడు,ప్రయోగాత్మక పాత్రలలో పరకాయ ప్రవేశం చేయడంలో తనకు తానే సాటి, ప్రపంచంలోనే వున్న అత్యుత్తమ నటులలో ఓకరుగా తన కంటూ ఓక ప్రస్థానాన్ని లిఖించుకున్నారుఈ జాతీయ ఉత్తమ నటుడు కమలహాసన్.ఆకలి రాజ్యం,ఇది కథ కాదు,మరో చరిత్ర, పుష్పక విమానం,స్వాతిముత్యం,సాగర సంగమం,నాయకుడు,భారతీయుడు,విచిత్ర సహోదరులు,భామనే సత్యభామనే, ఇంద్రుడు చంద్రుడు,దశవతారం ఇలా అనేకమైన వైవిద్యమైన చిత్రాలతో మన తెలుగు ఇండస్ట్రీలో తన సత్తా చాటడమే కాదు,తెలుగు సినిమా ప్రేక్షకుల మనన్నలను విశేషంగా చురగొని తమిళ,హిందీ భాషల్లో సైతం అనేక హిట్ చిత్రాలలో తన నటనా వైదుష్యాన్ని చూపిన సూపర్ స్టార్ లాంటి అగ్రశేణి నటుడు ఈ కమల్ హాసన్. ముఖ్యంగా 69 ఏళ్ల వయస్సులో సైతం విక్రమ్ సినిమాతో హిట్ కొట్టడమే కాదు,ఇప్పటికి కూడా సినిమానే ఊపిరిగా,శ్వాస గా జీవిస్తున్న అరుదైన నటుడు,ఒక్క భారతదేశమే కాదు యావత్తు ప్రపంచమే గర్వించదగ్గ మేటి నటుడు ఈ కమలహాసన్. ఈ రోజు ఆయన 71వ పుట్టినరోజును పురస్కరించుకొని సినిమా అభిమానులం అయిన మనమందరం ఆ కళామతల్లి ముద్దుబిడ్డ అయిన జాతీయ నటుడు అయిన కమలహాసన్ గారికి ఆయన జన్మదినం అయిన ఈ ప్రత్యేక సందర్బంగా తెలుగు సినిమా ప్రేక్షకులం అయిన మనమంతా ఆయనకు ఆత్మీయ,అభిమాన,గౌరవ పూర్వక జన్మదిన శుభాకాంక్షలు తెలియజేద్దాం.
ఏదిఏమైన నటనను ఓ పవిత్ర వృత్తిగా భావిస్తూ అందులో నిత్యం తరిస్తూ,జీవిస్తూ కళామతల్లి ముద్దుబిడ్డగా అనేక వైవిద్యమైన పాత్రలకు జీవం పోస్తూ ఇటు ఆశేష తెలుగు ప్రేక్షకులచేత,అటు తమిళ, హిందీ సినిమా ప్రేక్షకుల చేత తనకే సాధ్యమైన కొన్ని రకాల పాత్రలలో పరకాయ ప్రవేశం చేయడం ద్వారా భారతదేశ వ్యాప్తంగా కోట్లాది మంది అశేష సినిమా అభిమానుల శతకోటి నీరాజనాలు అందుకుంటూ నటనకు వయస్సుతో సంబంధం లేదు అని నిరూపిస్తూ ఇప్పటికి యువ హీరోలతో పోటి పడుతూ,తెలుగు, తమిళ సినిమాలలో సుదీర్ఘ కాలంగా హీరోగా తన ఇమేజ్ ను ఇప్పటికి చెక్కుచెదరకుండా పది కాలాల పాటు కాపాడుకుంటున్న ఓ అరుదైన నటుడు ఈ 71 వసంతాల కమలహాసన్.ఏమైనా గతంలో శంకర్ దర్శకత్వంలో వచ్చిన ' భారతీయుడు ' అనే తెలుగు సినిమాలో ఓ వీరోచితమైన పాత్రను పోషించడం ద్వారా ఓ భారీ హిట్ అందుకున్న కమల్,ఇన్ని సంవత్సరాల తర్వాత మళ్ళీ అదే కాంబినేషన్ తో తమిళ,తెలుగు భాషల్లో వస్తున్నా సీక్వెల్ చిత్రం ' భారతీయుడు - 2 ' లో కూడా ఎంతో హుషారుగా నటించడమే కాదు ఈ మద్యే ఆయన నటించిన విక్రమ్ సినిమా కూడా బాక్స్ ఆఫీస్ వద్ద బంపర్ హిట్ గా నిలిచి తెలుగు,తమిళ సినిమా ప్రేక్షక మహాశయుల చేత ఔరా,శెభాష్ అనిపించుకుంటున్న ఈ ఎవర్ గ్రీన్ నటుడు ఈ 71ఏళ్ల యావత్ జాతి మెచ్చిన విశ్వ నటుడు ఈ కమలహాసన్ గారు అనే మాట సత్య దూరం కాదు! జయ జయహో కమల్ హాసన్!🎂🎂🎂 హ్యాపీ బర్త్డే టూ కమల్!
- బుగ్గన మధుసూదనరెడ్డి,సామాజిక విశ్లేషకుడు,బేతంచెర్ల,నంద్యాల జిల్లా!
#kamalahasan
