*ശ്രീ ഗുരുവായൂരപ്പന്റെ ഇന്നത്തെ ഉച്ചപൂജ അലങ്കാരം*🙏🙏🙏 ഇന്ന് (06/07/26)
കാളിയമർദ്ദനം!! കാളിയന്റെ ഫണത്തിൽ അമർത്തിച്ചവിട്ടി നിൽക്കുകയാണ് കണ്ണൻ. വലതുകയ്യിൽ ഓടക്കുഴലും ഇടതുകൈയിൽ കാളിയന്റെ വാലറ്റവും കാണാം... രണ്ടുകാലും അമർത്തിച്ചവിട്ടി നൃത്തം ചെയ്യാൻതുടങ്ങുകയാണോ കണ്ണാ..
ആസ്വദിച്ച് നൃത്തം ചെയ്യുന്ന കണ്ണനും അത് കാണുന്ന ഭക്തനും ഉണ്ടാവുന്നത് ആനന്ദം തന്നെ!! കണ്ണന് അതും ആനന്ദാനുഭൂതിക്കുള്ള ലീലയാണ്.. കാളിയൻ നമ്മുടെ ഉള്ളിലെ അഹങ്കാരത്തിന്റെയും തിന്മയുടെയും പ്രതീകമാണ്. ആ കാളിയന്റെ തലയിൽ ചവിട്ടി നൃത്തം ചെയ്യുന്ന കൃഷ്ണൻ, ഭക്തിയിലൂടെയും ധൈര്യത്തിലൂടെയും ഏതൊരു തിന്മയെയും കീഴടക്കാൻ സാധിക്കുമെന്ന് നമ്മെ ഓർമ്മിപ്പിക്കുന്നു. അധർമ്മത്തിന് മേൽ ധർമ്മത്തിന്റെ വിജയം!!
കാളിയഫണങ്ങളിൽ താണ്ഡവമാടുന്ന ആ മായക്കണ്ണന്റെ പാദങ്ങളിൽ സർവ്വവും സമർപ്പിക്കാം നമുക്ക്.. നമ്മുടെ ഉള്ളിലെ അഹങ്കാരമാകുന്ന വിഷത്തെ നീക്കി ജീവിതത്തെ ശാന്തമായ കാളിന്ദി പോലെ മനോഹരമാക്കാൻ ആ കരുണാമയൻ തുണയ്ക്കട്ടെ. ആ കണ്ണനിലുള്ള വിശ്വാസം കൈവിടാതെ ആ പൊൻ ചിലമ്പിട്ട പാദത്തിൽ സകല ദുഃഖങ്ങളും സമർപ്പിക്കാം. ഏതു ഭയവും ഈ കുഞ്ഞുകൃഷ്ണന്റെ പാദാരവിന്ദങ്ങളിൽ അടങ്ങും🙏🙏
വൃന്ദാവന ലീലയാടി കാളിയന്റെ ഗർവ്വം ശമിപ്പിച്ച ഭഗവാനേ.... ഉള്ളിലെ എല്ലാ കല്മഷവും അവിടുത്തെ പാദത്തിങ്കൽ സമർപ്പിക്കാൻ, സുബോധം ഉണ്ടാവാൻ അനുഗ്രഹിക്കണേ പൊന്നുണ്ണിക്കണ്ണാ..
ഹരേ കൃഷ്ണ 🙏 സർവ്വാഭരണ വിഭൂഷിതനായി അതിരറ്റ ശോഭയിൽ വിളങ്ങുന്ന നിന്തിരുവടിയിൽ ശരണം പ്രാപിക്കാനുള്ള മഹാഭാഗ്യം തരണേ ഹരേ ഗുരുവായൂരപ്പാ!!!**
ഹരേ കൃഷ്ണ! ✨🙏
#krishna #ഹരേ കൃഷ്ണ സർവ്വം കൃഷ്ണമയം🙏 #ശ്രീ ഗുരുവായൂർ കണ്ണൻ 🙏 #guruvayoor ഉച്ചപൂജ അലങ്കാരം #ഉച്ചപൂജ
