*ഡാ ഹോങ് പാവോ*
*Da Hong Pao (Big Red Robe)*
⭕⭕⭕⭕⭕⭕⭕⭕⭕⭕
ലോകത്തിലെ തന്നെ ഏറ്റവും വിലകൂടിയ ചായപ്പൊടിയാണിത്... ചൈനയിലാണ് ഈ അപൂർവ തേയില ഉൽപാദിപ്പിക്കുന്നത്, പേര് *ഡാ ഹോങ് പാവോ.*
രുചി കൊണ്ടും അപൂർവത കൊണ്ടും, നൂറ്റാണ്ടുകൾ പഴക്കമുള്ള ചരിത്രം കൊണ്ടും ലോകത്തെ അദ്ഭുതപ്പെടുത്തിയ ഈ *ചൈനീസ് ഊലോങ് ചായ* ഇന്ന് ചായപ്രേമികളുടെ ഇടയിലെ ഏറ്റവും വലിയ നിധിയാണ്... എന്നാൽ ഇതിനെക്കാൾ വിചിത്രമായ മറ്റൊരു കാര്യമുണ്ട്, യഥാർഥ ഡാ ഹോങ് പാവോ ചായയുടെ വിളവെടുപ്പ് ഇപ്പോൾ ചൈനീസ് സർക്കാർ പൂർണമായി നിരോധിച്ചിരിക്കു കയാണ്.
*എന്താണ് ഡാ ഹോങ് പാവോ...?*
മന്ദാരിൻ ഭാഷയിൽ *ബിഗ് റെഡ് റോബ് (വലിയ ചുവന്ന മേലങ്കി)* എന്നാണ് ഡാ ഹോങ് പാവോ എന്ന വാക്കിന്റെ അർഥം... ചൈനയിലെ ഫുജിയാൻ പ്രവിശ്യയിലുള്ള, യുനെസ്കോയുടെ ലോക പൈതൃക പട്ടികയിൽ ഇടംപിടിച്ച അതിസുന്ദരമായ *വുയി പർവതനിരകളിലാണ്*
ഈ അപൂർവ ചായ ഉൽപാദിപ്പിക്കുന്നത്. ഗ്രീൻ ടീയുടെ പുതുമയും ബ്ലാക്ക് ടീയുടെ സമൃദ്ധിയും ഒത്തുചേരുന്ന ഒരു പ്രത്യേക തരം *ഊലോങ്’ (ഭാഗികമായി മാത്രം പുളിപ്പിച്ച പരമ്പരാഗത ചൈനീസ് പാനീയം)* ചായയാണിത്. ഓർക്കിഡ് പൂക്കളുടെ സുഗന്ധവും, പഴവർഗങ്ങളുടെ രുചിയും, നേരിയ പുകയുടെ സ്വാദുമാണ് ഇതിന്റെ പ്രത്യേകത... അതുകൊണ്ടാണ് ലോകമെമ്പാടു മുള്ള ചായപ്രേമികൾ ഇതിനെ ഇത്രയധികം വിലമതിക്കുന്നത്..!!
*6 എണ്ണം മാത്രം..!!*
വുയി പർവതനിരകളുടെ പാറ ക്കെട്ടുകൾക്കിടയിൽ ഒളിഞ്ഞിരിക്കുന്ന, *മദർ ട്രീകൾ* എന്നറിയപ്പെടുന്ന വെറും ആറ് ഒറിജനൽ ഡാ ഹോങ് പാവോ കുറ്റിച്ചെടികൾ മാത്രമേ ലോകത്തുള്ളൂ..!!
നൂറ്റാണ്ടുകൾ പഴക്കമുള്ള ഈ പുരാതന സസ്യങ്ങൾ ചൈനയുടെ വിലമതിക്കാനാവാത്ത ദേശീയ നിധികളായാണ് കണക്കാക്കപ്പെടുന്നത്. നിലവിൽ ആറെണ്ണം മാത്രമേ ബാക്കിയുള്ളൂ എന്നതിനാൽ, അവയിൽ നിന്ന് ഉൽപാദിപ്പിക്കാൻ കഴിയുന്ന ചായയുടെ അളവും പരിമിതമാണ്...
ഈ അപൂർവതയാണ് ഇതിന്റെ വിലയെ ആകാശത്തോള മുയർത്തിയത്.
9 കോടി രൂപയാണ് ഒരു കിലോഗ്രാം തേയിലയുടെ മൂല്യം..!!*
ഇതുവരെ നടന്ന ഏറ്റവും പ്രശസ് തമായ തേയില ലേലങ്ങളിലൊ ന്നിൽ, വെറും 20 ഗ്രാം ഒറിജിനൽ ഡാ ഹോങ് പാവോ 208,000 യുവാന് (ഏകദേശം 1.23 ലക്ഷം രൂപ) ആണ് വിറ്റുപോയത്..!!
*ബിബിസിയുടെ റിപ്പോർട്ട് അനുസരിച്ച്, ഈ തേയിലയുടെ ഒരു ഗ്രാമിന് ഏകദേശം 1,400 ഡേളർ (1.2 ലക്ഷത്തോളം രൂപ) വിലവരും..!!* ഈ ഇലകൾ കൊണ്ട് തയാറാക്കുന്ന ഒരു കെറ്റിൽ ചായക്ക് 10,000 ഡോളറിലധികമാണ് (ഏകദേശം 8.5 ലക്ഷം രൂപ) വില..!!
*ഡാ ഹോങ് പാവോയ്ക്ക് നിരോധനം*
ഈ അപൂർവ മരങ്ങളെ ഭാവി തലമുറയ്ക്കായി സംരക്ഷിക്കുന്നതിനായി, 2006ൽ ചൈനീസ് സർക്കാർ ഈ ആറ് മദർ ട്രീകളിൽ നിന്നുള്ള വാണിജ്യ വിളവെടുപ്പിന് നിരോധനം ഏർപ്പെടുത്തി. ഈ കുറ്റിക്കാടുകൾ ഇപ്പോൾ ചൈനയുടെ സാംസ്കാരിക പൈതൃകത്തിന്റെ ഭാഗമായി അതീവ സുരക്ഷയോടെയാണ് സംരക്ഷിക്കുന്നത്. ആർക്കും ഇതിൽ നിന്ന് തേയില നുള്ളാൻ അനുവാദമില്ല..!!
ചരിത്രപരവും സാംസ്കാരികവുമായ വലിയ മൂല്യം കണക്കിലെടുത്ത് ഈ മരങ്ങൾക്ക് 100 ദശലക്ഷം യുവാൻ (ഏകദേശം 142 കോടി രൂപയുടെ) ഇൻഷുറൻസ് പരിരക്ഷയും സർക്കാർ ഏർപ്പെടുത്തിയിട്ടുണ്ട്. ട്രീകളിൽ നിന്നുള്ള ഏറ്റവും അവസാനത്തെ വിളവെടുപ്പ് ബെയ്ജങ്ങിലെ വിഖ്യാതമായ പാലസ് മ്യൂസിയത്തിലാണ് സൂക്ഷിച്ചിരിക്കുന്നത്. ഇന്ന് വിപണിയിൽ ലഭ്യമായ ഡാ ഹോങ് പാവോ ചായകൾ ഒറിജിനൽ മദർ ട്രീകളിൽ നിന്നുള്ളതല്ല..!!
*പേരിനു പിന്നിൽ*
ഡാ ഹോങ് പാവോ എന്ന പേരിന് പിന്നിൽ രസകരമായ ഒരു ചൈനീസ് നാടോടിക്കഥയുണ്ട്...
പണ്ട്, സാമ്രാജ്യത്വ പരീക്ഷ എഴുതാനായി ബെയ്ജിങ്ങിലേക്ക് പോയ ഒരു യുവ പണ്ഡിതൻ വുയി പർവതനിരകളിലൂടെ സഞ്ചരിക്കുമ്പോൾ പെട്ടെന്ന് രോഗബാധിതനായി...
ആ സമയം വഴിയിൽ
കണ്ട ഒരു ക്ഷേത്രത്തിലെ സന്യാസി, പാറയിടുക്കിൽ വളരുന്ന ഒരു പ്രത്യേക തേയിലച്ചെടിയുടെ ഇലകൾ കൊണ്ട് ചായയുണ്ടാക്കി നൽകുകയും പണ്ഡിതൻ വേഗത്തിൽ സുഖം പ്രാപിക്കുകയും ചെയ്തു. പിന്നീട് പരീക്ഷയിൽ ഒന്നാം റാങ്ക് നേടിയ അദ്ദേഹം, ചക്രവർത്തിക്ക് കഠിനമായ രോഗം ബാധിച്ചപ്പോൾ
ഈ ചായയെക്കുറിച്ച് ഓർക്കുകയും അത് തയാറാക്കി നൽകുകയും ചെയ്തു. ചായ കുടിച്ച ചക്രവർത്തിയും അദ്ഭുതകരമായി രോഗമുക്തനായി..!!
നന്ദി സൂചകമായി ചക്രവർത്തി തന്റെ വലിയ ചുവന്ന രാജകീയ വസ്ത്രം ആ പണ്ഡിതന് സമ്മാനിച്ചു. തന്റെയും ചക്രവർത്തിയു ടെയും ജീവൻ രക്ഷിച്ച ആ തേയില ച്ചെടികളോട് നന്ദി കാണിക്കാൻ പണ്ഡിതൻ പർവതങ്ങളിലേക്ക് മടങ്ങിയെത്തുകയും *ചക്രവർത്തി നൽകിയ ചുവന്ന മേലങ്കി ആ തേയിലച്ചെടികൾക്ക് ചുറ്റും പുതപ്പിക്കുകയും ചെയ്തു. അന്നുമുതലാണ് ഈ തേയിലയ്ക്ക് ഡാ ഹോങ് പാവോ എന്ന പേര് ലഭിച്ചത്..!!*
#Red robe Tea⭕⭕ #ഡാ ഹോങ് പാവോ #tea
