😭ਖਾਈ 'ਚ ਡਿੱਗੀ ਸੈਲਾਨੀਆਂ ਦੀ ਭਰੀ ਵੈਨ, 9 ਮੌਤਾਂ

ਤਾਮਿਲਨਾਡੂ ਦੇ ਕੋਇੰਬਟੂਰ ਜ਼ਿਲ੍ਹੇ ਦੇ ਵਾਲਪਰਾਈ ਪਹਾੜੀਆਂ ਵਿੱਚ ਇੱਕ ਸੈਲਾਨੀ ਵੈਨ ਦੇ ਤਿੱਖੇ ਮੋੜ ਕਾਰਨ ਖੱਡ ਵਿੱਚ ਡਿੱਗ ਜਾਣ ਦੀ ਸੂਚਨਾ ਮਿਲੀ। ਇਸ ਹਾਦਸੇ ਵਿਚ ਨੌਂ ਲੋਕਾਂ ਦੀ ਮੌਤ ਹੋ ਗਈ ਅਤੇ ਕਈ ਹੋਰ ਗੰਭੀਰ ਜ਼ਖਮੀ ਹੋ ਗਏ। ਇਸ ਘਟਨਾ ਨਾਲ ਮੌਕੇ 'ਤੇ ਹਫ਼ੜਾ-ਦਫ਼ੜੀ ਮਚ ਗਈ। ਘਟਨਾ ਦੀ ਸੂਚਨਾ ਪੁਲਸ ਨੂੰ ਦਿੱਤੀ ਗਈ।ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਵਾਲਪਰਾਈ ਪੁਲਸ ਦੇ ਅਨੁਸਾਰ, ਇਹ ਘਟਨਾ ਉਦੋਂ ਵਾਪਰੀ, ਜਦੋਂ ਇੱਕ ਵਾਹਨ 13ਵੇਂ ਹੇਅਰਪਿਨ ਮੋੜ 'ਤੇ ਕੰਟਰੋਲ ਗੁਆ ਬੈਠਾ ਅਤੇ 9ਵੇਂ ਹੇਅਰਪਿਨ ਮੋੜ 'ਤੇ ਡਿੱਗ ਗਿਆ। ਕੇਰਲ ਦੇ ਪੇਰਿੰਥਲਮੰਨਾ ਤੋਂ 13 ਸੈਲਾਨੀਆਂ ਦੇ ਸਮੂਹ ਨੂੰ ਲੈ ਕੇ ਜਾ ਰਹੀ ਇੱਕ ਟੂਰਿਸਟ ਵੈਨ ਵਾਲਪਰਾਈ ਵਿੱਚ ਘੁੰਮਣ ਤੋਂ ਬਾਅਦ ਹੇਠਾਂ ਉਤਰਦੇ ਸਮੇਂ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਰਿਪੋਰਟਾਂ ਅਨੁਸਾਰ ਮੁਹੰਮਦ ਫਸੀਥ (21) ਦੁਆਰਾ ਚਲਾਈ ਜਾ ਰਹੀ ਕਾਰ 13ਵੇਂ ਹੇਅਰਪਿਨ ਮੋੜ ਤੋਂ ਲੰਘਦੇ ਸਮੇਂ ਕੰਟਰੋਲ ਤੋਂ ਬਾਹਰ ਹੋ ਗਈ। ਪੁਲਿਸ ਪ੍ਰੈਸ ਨੋਟ ਦੇ ਅਨੁਸਾਰ, ਨਤੀਜੇ ਵਜੋਂ ਗੱਡੀ ਸੜਕ ਤੋਂ ਫਿਸਲ ਗਈ ਅਤੇ 9ਵੇਂ ਹੇਅਰਪਿਨ ਮੋੜ ਵੱਲ ਡਿੱਗ ਪਈ।ਇਸ ਦੌਰਾਨ ਖਾਈ 'ਚ ਡਿੱਗਣ ਕਾਰਨ ਵੈਨ ਵਿਚ ਸਵਾਰ ਸੈਲਾਨੀਆਂ ਵਿਚੋਂ 9 ਦੀ ਮੌਤ ਹੋ ਗਈ, ਜਦਕਿ 4 ਗੰਭੀਰ ਜ਼ਖ਼ਮੀ ਹਨ। ਜ਼ਖ਼ਮੀਆਂ ਨੂੰ ਇਲਾਜ ਲਈ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ, ਜਦਕਿ ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਪੁਲਸ ਨੇ ਕਬਜ਼ੇ ਵਿਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ। ਹਾਦਸੇ ਦੀ ਸੂਚਨਾ ਮਿਲਣ 'ਤੇ ਵਾਲਪਰਾਈ ਸਬ-ਡਿਵੀਜ਼ਨ ਦੇ ਡਿਪਟੀ ਸੁਪਰਡੈਂਟ ਆਫ਼ ਪੁਲਸ ਅਤੇ ਵਾਲਪਰਾਈ ਦੇ ਪੁਲਸ ਇੰਸਪੈਕਟਰ ਤੁਰੰਤ ਮੌਕੇ 'ਤੇ ਪਹੁੰਚੇ, ਜਿਨ੍ਹਾ ਨੇ ਬਚਾਅ ਅਤੇ ਰਾਹਤ ਕਾਰਜਾਂ ਦੀ ਨਿਗਰਾਨੀ ਕੀਤੀ।ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀ ਇਸ ਘਟਨਾ 'ਤੇ ਦੁੱਖ ਪ੍ਰਗਟ ਕੀਤਾ। ਪੀਐਮਓ ਨੇ ਇੱਕ ਪੋਸਟ ਵਿੱਚ ਕਿਹਾ, "ਤਾਮਿਲਨਾਡੂ ਦੇ ਕੋਇੰਬਟੂਰ ਵਿੱਚ ਵਾਪਰੇ ਹਾਦਸੇ ਦੇ ਬਾਰੇ ਸੁਣ ਕੇ ਬਹੁਤ ਦੁੱਖ ਹੋਇਆ। ਮੈਂ ਇਸ ਹਾਦਸੇ ਵਿੱਚ ਆਪਣੇ ਅਜ਼ੀਜ਼ਾਂ ਨੂੰ ਗੁਆਉਣ ਵਾਲਿਆਂ ਪ੍ਰਤੀ ਦਿਲੋਂ ਸੰਵੇਦਨਾ ਪ੍ਰਗਟ ਕਰਦਾ ਹਾਂ। ਜ਼ਖਮੀਆਂ ਦੇ ਜਲਦੀ ਠੀਕ ਹੋਣ ਲਈ ਪ੍ਰਾਰਥਨਾ ਕਰਦਾ ਹਾਂ।" #😭ਖਾਈ 'ਚ ਡਿੱਗੀ ਸੈਲਾਨੀਆਂ ਦੀ ਭਰੀ ਵੈਨ, 9 ਮੌਤਾਂ

ਪੂਰਾ ਵੇਖੋ

Trending Tags

😢

ਸਾਬਕਾ ਮੁੱਖ ਮੰਤਰੀ ਨੂੰ ਵੱਡਾ ਸਦਮਾ, ਪਿਤਾ ਦਾ ਦਿਹਾਂਤ

🥰

ਰਾਜਵੀਰ ਜਵੰਧਾ ਦਾ ਗੀਤ 'ਬਾਬਲ ਦੇ ਦੇਸ' ਰੀਲੀਜ਼

😨

ਪੰਜਾਬ: ਕਈ ਥਾਈਂ ਕਣਕ ਦੀ ਫਸਲ ਨੂੰ ਲੱਗੀ ਅੱਗ

👉

ਟਰੰਪ ਨੇ ਇੱਕ ਘੰਟੇ 'ਚ ਬੋਲੇ 7 ਝੂਠ: ਈਰਾਨ

✨

ਅਕਸ਼ਯ ਤ੍ਰਿਤੀਆ ਦੀਆਂ ਮਿਥਿਹਾਸਿਕ ਕਹਾਣੀਆਂ