വലിയ നോമ്പിന്റെ ആറാം ഞായറാഴ്ചയായ ഇന്ന് സമിയോ ഞായർ ആചരിക്കുമ്പോൾ വിശുദ്ധ യോഹന്നാൻ സുവിശേഷം 9-ാം അധ്യായത്തിലെ 1 മുതൽ 7 വരെയുള്ള വചനഭാഗം നമുക്ക് ധ്യാനിക്കാം...
ജന്മനാ കുരുടനായ മനുഷ്യനെ യേശു സൗഖ്യമാക്കിയ സംഭവത്തെക്കുറിച്ച് ആണ് ഈ വചനഭാഗം വ്യക്തമാക്കുന്നത്. 6 ഉം 7ഉം വാക്യങ്ങളിൽ ഇങ്ങനെ കാണുവാൻ കഴിയും.. യേശു നിലത്തു തുപ്പി; തുപ്പല്കൊണ്ടു ചെളിയുണ്ടാക്കി, കുരുടന്റെ കണ്ണുകളില് പൂശിയിട്ട്,അവനോടു പറഞ്ഞു: നീ പോയി സീലോഹാ - അയയ്ക്കപ്പെട്ടവന് എന്നര്ഥം - കുളത്തില് കഴുകുക. അവന് പോയി കഴുകി, കാഴ്ചയുള്ളവനായി തിരിച്ചുവന്നു എന്ന്.
ഏഴ് വചനങ്ങളിലൂടെ എന്താണ് നിങ്ങൾ മനസ്സിലാക്കിയത് ? ഞാൻ മനസ്സിലാക്കിയ പ്രധാനപ്പെട്ട മൂന്ന് സന്ദേശങ്ങൾ ഇവയാണ്.
1) ദൈവമഹത്വം:-
കഷ്ടതകളിലും രോഗങ്ങളിലും ദൈവത്തിന്റെ പ്രവൃത്തി വെളിപ്പെട്ടത്.
2) വിശ്വാസത്തിന്റെ ഫലം:-
കുരുടൻ യേശുവിന്റെ വാക്ക് വിശ്വസിച്ച് അനുസരിച്ചപ്പോൾ അവന് കാഴ്ച ലഭിച്ചത്.
3) ലോകത്തിന്റെ പ്രകാശം:-
ആത്മീയവും ശാരീരികവുമായ അന്ധകാരത്തെ മാറ്റാൻ യേശുവിന് കഴിയുമെന്നത്.
പ്രിയമുള്ളവരെ, ഈ തിന്മ നിറഞ്ഞ ഭൂമിയിൽ നാം ആയിരിക്കുമ്പോൾ നാം ഓരോരുത്തരുടെയും ജീവിതത്തിൽ ആത്മീയവും ശാരീരികവുമായ മേഖലകളിൽ പ്രതികൂല സാഹചര്യങ്ങളിലൂടെ നമ്മിലേക്ക് കടന്നുവരുന്ന മൂടപ്പെട്ട കുറ്റിരുട്ടിലും ലോകത്തിന്റെ പ്രകാശമായ യേശുവിൽ വിശ്വസിച്ചു കൊണ്ട് സംശയിക്കാതെ,
അവിടുത്തെ സന്നിധിയിൽ നമ്മെ തന്നെ സമ്പൂർണ്ണമായി സമർപ്പിച്ചാൽ നമുക്കും നമ്മുടെ ജീവിതത്തിൽ യേശുവിന്റെ അത്ഭുതകരമായ വെളിച്ചം കാണാനും അത് അനുഭവിക്കുവാനും സാധിക്കുമെന്നതാണ് ഇവിടെ വെളിപ്പെടുത്തുന്നത്.
യാക്കോബ് 1 : 22 വചനം അനുസരിച്ച് വചനം കേള്ക്കുക മാത്രം ചെയ്യുന്ന ആത്മവഞ്ചകരാകാതെ അത് അനുവര്ത്തിക്കുന്നവരും ആകാൻ നമുക്ക് പരിശ്രമിക്കാം. ദൈവം നിങ്ങളെ ഓരോരുത്തരെയും സമൃദ്ധമായി അനുഗ്രഹിക്കട്ടെ!
കടപ്പാട് :
ബിനോജ് ബാബു,
(ദി ഹാപ്പി ഫാമിലി )
#💞 നിനക്കായ് #😇 ഇന്നത്തെ ചിന്താവിഷയം #bible #വലിയനോമ്പ്
