MUTHUPANDIAN RAMKUMAR
627 views • 3 days ago •
#சரணம் ஐயப்பா கார்த்திகை மாதம் கார்த்திகை மாதம்..
ஐயப்ப பக்தர்களின் கவனத்திற்கு...
கார்த்திகை மாதம் பிறந்து விட்டது. ஏராளமான ஐயப்ப பக்தர்கள் இந்த மாதத்தில் மாலை போட்டு தங்களது விரதத்தை தொடங்குவார்கள். மேலும் ஒரு மண்டலமான 48 நாட்களுக்கு பக்தர்கள் கடுமையாக விரதமிருந்து ஐப்பன் கோயிலுக்கு செல்வது வழக்கம்.
இனிமேல் சாமியே சரணம் ஐயப்பா...!! என்ற பக்தி கோஷம் எங்கும் எதிரொலிக்கும். ஐயப்ப பக்தர்கள் இன்று அதிகாலையில் புனித நீராடி மாலை அணிந்து விரதத்தை தொடங்குவார்கள்.
முதல்முறை மாலை போடும் பொழுது புது மாலை வாங்கி அணியலாம். அவ்வாறு முதல்முறை மாலை போடும் பொழுது ஐயப்பன் திருவுருவம் பதித்த டாலருடன் கூடிய 108 அல்லது 54 மணிகள் உள்ள துளசி மாலையை வாங்கி அணிய வேண்டும். தொடர்ந்து மாலை போட்டு ஐப்பன் கோயிலுக்கு செல்பவர்களாக இருந்தால் ஒரே மாலையை பயன்படுத்தி கொள்வது சிறந்தது.
மண்டல பூஜை :
சபரிமலை ஐயப்பன் கோயிலில் மண்டல, மகர விளக்கு பூஜையை முன்னிட்டு ஆண்டுதோறும் கார்த்திகை மாதம் 1ஆம் தேதி முதல் 60 தினங்கள் சிறப்பு பூஜைகள் நடைபெறும்.
ஐயப்ப பக்தர்கள் விரதமிருந்து, இருமுடி கட்டி சபரிமலைக்கு வந்து ஐயப்பனை தரிசனம் செய்வார்கள். இந்த ஆண்டுக்கான மண்டல, மகர விளக்கு பூஜையை முன்னிட்டு கோயில் நடை நேற்று மாலை 5 மணிக்கு திறக்கப்பட்டது.
டிசம்பர் மாதம் 26ஆம் தேதி மாலை 6.30 மணிக்கு ஐயப்பனுக்கு தங்க அங்கி சாற்றி தீபாராதனை நடைபெறும். டிசம்பர் 27ஆம் தேதி மதியம் மண்டல பூஜை நடைபெற்று, மாலை நடை சாற்றப்படும்.
மீண்டும் மகர விளக்கு பூஜைக்காக டிசம்பர் 30ஆம் தேதி நடை திறக்கப்படும். ஜனவரி 14ஆம் தேதி மகர விளக்கு ஜோதி தரிசனம் நடைபெற்று, ஜனவரி 20ஆம் தேதி சபரிமலை நடை சாற்றப்படும்.
பக்தர்களுக்கு முன்பதிவு அவசியம் :
ஐயப்பனை தரிசனம் செய்ய வரும் பக்தர்கள் முன்பதிவு செய்திருக்க வேண்டியது அவசியம்.
முன்பதிவு செய்யாத பக்தர்களுக்கு உதவும் வகையில் கோயில் அருகே முன்பதிவு செய்ய சபரிமலை பாதையில் 13 இடங்களில் மையங்கள் அமைக்கப்பட்டுள்ளது.
பக்தர்கள் ஆதார், வாக்காளர் அடையாள அட்டை உள்ளிட்ட ஏதாவது ஒன்றை வைத்து முன்பதிவு செய்து கொள்ளலாம்.
மேலும் ஐயப்ப பக்தர்களுக்கு சுத்திகரிக்கப்பட்ட குடிநீர் வசதி, கழிப்பறை வசதி, மின்சார வசதி மற்றும் வழிகாட்டி விளம்பர பலகை ஆகிய வசதிகள் ஏற்படுத்தப்பட்டுள்ளன.
சிறு வழிப்பாதை மற்றும் பெரு வழிப்பாதை என அனைத்து பாதைகள் வழியாகவும் சென்று ஐயப்பனை தரிசிக்கலாம் என தேவசம்போர்டு அறிவித்துள்ளது.
🙏
11 shares

