#പ്രതിലിപി

#സ #🇮🇳 സ്വാതന്ത്ര്യദിന ആശംസകൾ 🫡 #🇮🇳 സ്വാതന്ത്ര്യദിനം വരവായി 🇮🇳 #എന്റെ സ്റ്റാറ്റസുകൾ #AI creations

🥀🥀ഒരു കോൺട്രാക്ട് കല്യാണം🥀🥀4️⃣2️⃣ ചെല്ലടി ചെല്ല്... നീ അധികകാലം ഇങ്ങനെ വാഴും എന്ന് വിചാരിക്കണ്ട... (അരുണി ആത്മ ) അരുണി തന്റെ ചുണ്ടിന്റെ കോണിൽ വന്ന മന്ദസ്മിതം ഒളിപ്പിച്ചു വെച്ച് കൊണ്ട് മനസ്സിൽ വിചാരിച്ചു... അരുണിയും പിറകിൽ വന്ന ശ്രീക്കുട്ടിയും നേരെ ഡയിനിംഗ് ടേബിളിൽ വന്നു പ്ലേറ്റ് തിരിച്ചു വെച്ച് കഴിക്കാൻ തുടങ്ങി.... സമയം എത്രയായി എന്നു വല്ല വിചാരവും ഉണ്ടോ രണ്ടിനും??? നാളെ വല്ലോം വീട്ടിലും കെട്ടിച്ചു വിടണ്ട പെൺപിള്ളേര...ഇങ്ങനെ ആണെങ്കിൽ എങ്ങനെ അവർ നിന്നെ ഒക്കെ സഹിക്കും... സരസ്വതി രണ്ടിനെയും ശാസിച്ചു... എന്റെ അമ്മായി അതിന് സമയം ഒന്നും ആയില്ലല്ലോ... നിന്റെ ഒക്കെ കണ്ണിലെന്നാ പൂച്ച പെറ്റു കിടക്കുന്നുണ്ടോ??? സമയം പതിനൊന്നു മണി കഴിഞ്ഞു... അത്രെയും ആയതല്ലേ ഉള്ളു... അരുണി അതും പറഞ്ഞു ഇഡലി ചട്ണി യിൽ മുക്കി തന്റെ വായിലേക്ക് ഇട്ടു... എന്നിട്ട് ശ്രീകുട്ടിയെ കണ്ണുകൊണ്ട് ആക്ഷൻ കാണിച്ചു... അതെ ശ്രീ ഞാൻ ഒരു ഡൌട്ട് ചോദിച്ചോട്ടെ സരസ്വതി കേൾക്കാൻ പാകത്തിൽ അരുണി ശ്രീക്കുട്ടിയോട് പറഞ്ഞു... എന്നാടി??? ശ്രീയേട്ടനും ഏട്ടത്തിയും തമ്മിൽ അത്ര രസത്തിൽ അല്ല അല്ലേ??? ആ..... അരുണി നീ എന്താ അങ്ങനെ പറഞ്ഞത്??? അത് കേട്ടതും സരസ്വതി അടുക്കളയിൽ നിന്ന് കാറ്റ് പോലെ വന്നു.... എന്റെ അരുണി അവര് തമ്മിൽ യാതൊരു സ്നേഹ കുറവുമില്ല.. എനിക്ക് നന്നായി അറിയാം... ആ ഇവയും നല്ല കുട്ടിയാണ്. .. അവനോടു നല്ല സ്നേഹമാണ്... സ്നേഹം ഒലക്കേടെ മൂട്.... അരുണി അവരെ പുച്ഛിച്ചു... എന്റെ അമ്മായി അവർ തമ്മിൽ സ്നേഹത്തിൽ ആണെങ്കിൽ അവളുടെ നെറ്റിയിൽ ആ സിന്ദൂരം എങ്കിലും കാണണ്ടേ അത് എവിടെ??? പോട്ടെ അവൾ താലിമാല ഇട്ടിട്ടുണ്ടോ??? എന്റെ അമ്മായി ഇതൊന്നുമില്ലെങ്കിൽ എവിടെയാ സ്നേഹം ഇരിക്കുന്നത്??? അതുകൊണ്ടാ ഞാൻ പറഞ്ഞത് അവർ തമ്മിൽ നല്ല സ്നേഹത്തിൽ ഒന്നുമല്ല എന്ന്... അരുണി , നീ എന്റെ ആങ്ങളയുടെ മകൾ ഒക്കെയാ സമ്മതിച്ചു ഒരുപാട് കുത്തിത്തിരിപ്പ് ഉണ്ടാക്കാൻ നിൽക്കണ്ടാ നീ നിന്റെ പണി നോക്കി പോ... സരസ്വതി അത്രയും പറഞ്ഞുകൊണ്ട് അടുക്കളയിലേക്ക് നടന്നു.. ഏറ്റില്ല അല്ലേ... ശ്രീക്കുട്ടി അരുണയുടെ ചെവിയിൽ പറഞ്ഞു.... എന്റെ ശ്രീക്കുട്ടി പ്ലാൻ എ അല്ലേ പാളി ഉള്ളൂ ... പ്ലാൻ ബി നമ്മുടെ കയ്യിലിരിക്കുകയല്ലേ പിന്നെ നമ്മൾ എന്തിനാണ് ഭയപ്പെടുന്നത്.... എന്റെ പൊന്നരുണി നീ ഇതുപോലത്തെ ഊള ഐഡിയ കളുമായി ഇനീയും വരാതെ... ചെ ആകെ നാണം കെട്ടു.... ശ്രീ കുട്ടി അതും പറഞ്ഞു പ്ലേറ്റുമായി അടുക്കളയിലേക്ക് നടന്നു.. 🥀തുടരും 🥀 "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #പ്രതിലിപി മലയാളം #📙 നോവൽ #💞 നിനക്കായ് #❤ സ്നേഹം മാത്രം 🤗 #💞 പ്രണയകഥകൾ

🥀🥀ഒരു കോൺട്രാക്ട് കല്യാണം🥀🥀4️⃣1️⃣ അതും മനസ്സിൽ നേരെ നോക്കുന്ന അരുണിമ കാണുന്നത് അസൈമെന്റ് നോക്കി കഴിഞ്ഞ് കട്ടിലിൽ കയറി കിടക്കുന്ന ശ്രീക്കുട്ടിയാണ്... ആഹാ അതിനിടയിൽ നീ കിടന്നോ??? അതും ചോദിച്ചുകൊണ്ട് അരുണിമ അവളുടെ അടുത്തേക്ക് നീങ്ങി കിടന്നു... ശ്രീക്കുട്ടി... എന്താ പെണ്ണേ എന്തെങ്കിലും പറയാനുണ്ടെങ്കിൽ പറ... എടി അവളെ ഇവിടെ വാഴിക്കണം എന്ന് നിനക്ക് ആഗ്രഹമുണ്ടോ?? എനിക്ക് ഒരു നിർബന്ധവുമില്ല... എനിക്ക് അത്രയും പോലും ആഗ്രഹമില്ല... എങ്കിൽ നിനക്ക് എന്റെ കൂടെ നിൽക്കാൻ പറ്റുമോ??? ഞാൻ ഒന്ന് ആലോചിക്കട്ടെ.. എന്താ ആലോചിക്കാനാ? അവളെ നമ്മൾ ഇവിടെ നിന്ന് നാടുകടത്തുന്നു... എങ്ങനെ??? അതൊക്കെ ഉണ്ട്‌... എന്നിട്ട്..നിന്റെ പ്ലാൻ എന്താ?? എന്നിട്ടെന്താ ഇതുപോലെ നമ്മൾ ഇവിടെ.. എപ്പോഴും എന്തു രസമായിരിക്കും... അതൊക്കെ ശരിയാ, പക്ഷേ എങ്ങനെ??അത് നീ പറ... അപ്പം തിന്നാൽ മതി മോളെ നീ കുഴി എണ്ണണ്ട പക്ഷേ നീ എന്റെ കൂടെ ഒന്ന് നിന്നു തരണം... നീ കാര്യം പറയാതെ എങ്ങനെയാ?? അതൊക്ക ഉണ്ട്‌ പെണ്ണെ നിനക്ക് എന്റെ കൂടെ നിൽക്കാനാ പറ്റുമോ ഇല്ലയോ??? മ്മ്... നിൽക്കാം... നിൽക്കാം എന്ന് പറഞ്ഞാൽ പോരാ... കട്ടക്ക് നിൽക്കണം... അതൊക്കെ നിൽക്കാം പെണ്ണെ... നീ പ്ലാൻ ചെയ്യൂ... ഓക്കേ.... എന്തൊക്കെയോ കണക്ക് കൂട്ടി ഗുണിച്ചും ഹരിച്ചും അരുണി ഉറക്കത്തിലേക്ക് വഴുതി വീണു... 🥀🥀🥀🥀🥀🥀🥀🥀🥀🥀 ഇവ സരസ്വതിയെ സഹായിച്ചിട്ട് കുറെ നേരം കിച്ച്നിൽ തന്നെ സംസാരിച്ചിരുന്നു.. ശ്രീയുടെ പഴയ കഥകൾ ഒക്കെ പറഞ്ഞു അവർ ഒരുപാട് ചിരിച്ചു ..... ഉറക്കം വന്നപ്പോൾ അവൾ നേരെ റൂമിലേക്ക് പോയി.... അവിടെ ചെന്നു ഡോർ തുറന്നപ്പോൾ തന്നെ എന്തോ വല്ലാത്ത മിസ്സിംഗ്‌ തോന്നി അവൾക്ക്... എന്തോ അത്രമേൽ പ്രിയപ്പെട്ടതെന്തോ നഷ്ടപ്പെട്ട് പോകുന്ന ഒരു ഫീൽ... ഇവ നിനക്കെന്താ പറ്റിയത്???നിനക്ക് അയാളെ മിസ്സ്‌ ചെയ്യുന്നുണ്ടോ??? പാടില്ലാ... ഇപ്പോൾ നിനക്ക് ഇതൊരു ലേഡീസ് ഹോസ്റ്റൽ അല്ലെങ്കിൽ ഒരു പിജി മാത്രമ... യുകെ ക്ക് പോകുന്നത് വരെ നിൽക്കാൻ ഉള്ള ഒരു ടെമ്പോററി ഷെൽട്ടർ.... അതിനിടയിൽ ആരുമായും ഒരു കമ്മിറ്റിമെന്റും റിലേഷൻസും വേണ്ട... അയാളുമായി പോലും ... അത് തന്നെ പറഞ്ഞു പലയാവർത്തി മനസിനെ പഠിപ്പിച്ചു... പക്ഷെ നാവ് പറയുന്നത് മനസ് അനുസരിക്കാത്തത് പോലെ അവൾക്ക് തോന്നുന്നുണ്ടായിരുന്നു.... ഇല്ല എനിക്ക് മിസ്സ്‌ ചെയ്യില്ല... അതും പറഞ്ഞു... അവൾ തലയിണയിൽ മുഖം പൂഴ്ത്തി കമഴ്ന്നു കിടന്നു.... പക്ഷെ ആ തലയിണക്ക് പോലും അവന്റെ മണം ആയിരുന്നു... തിരിഞ്ഞും മറിഞ്ഞും കിടന്ന അവൾ എപ്പോഴോ ഉറങ്ങി പോയി.. . പിറ്റേന്ന് രാവിലെ അലാറം അടിക്കുന്ന ശബ്ദം കേട്ടിട്ടാണ് അവൾ എഴുന്നേറ്റത്... വാർഡ്രോബിൽ നിന്നും ഒരു ചുരിദാറും എടുത്തു അവൾ ടോയ്‌ലെറ്റിലേക്ക് പോയി... ഫ്രഷ് ആയിട്ട് കിച്ചണിൽ എത്തുമ്പോൾ അവിടെ രാഘവനും സരസ്വതിയും ഉണ്ടായിരുന്നു... . ആഹാ എയർപോർട്ടിൽ പോയിട്ട് അങ്കിൾ ഇത് എപ്പോഴാ വന്നേ??? അവൾ അതും ഓർത്തു കൊണ്ട് പുഞ്ചിരി ച്ചു കൊണ്ട് കിച്ചണിലേക്ക് കയറി ഓരോന്ന് ചെയ്യാൻ തുടങ്ങി.... ശ്രീ അങ്ങ് എത്തി...മോളെ വിളിച്ചു കാണുമല്ലോ അല്ലെ... മ്മ്... അവൾ അയാൾ ചോദിക്കുന്നത് കേട്ടിട്ട് ഞെട്ടലോടെ ഒന്നു മൂളി.... പിന്നീട് ആരും അവനെ കുറിച് പറഞ്ഞതെ ഇല്ല.... ജോലി എല്ലാം കഴിഞ്ഞു മുകളിലേക്ക് പോകുമ്പോഴാണ് എതിരെ നടന്നു വരുന്ന അരുണിയേ കണ്ടത്.... അരുണി ഒന്നും മിണ്ടാതെ താഴേക്ക് നടന്നു പോയി... 🥀🥀തുടരും 🥀🥀 "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #💞 നിനക്കായ് #പ്രതിലിപി കഥകൾ## #📙 നോവൽ #പ്രതിലിപി മലയാളം

അവൾ അവിടെ നിന്ന് നേരെ പോയത് ശ്രീ കുട്ടിയുടെ റൂമിലേക്കാണ്.... അവിടെ ചെല്ലുമ്പോൾ ശ്രീ കുട്ടി ഫോണിൽ കുത്തി കൊണ്ട് കട്ടിലിൽ കിടപ്പുണ്ട്... ശ്രീ കുട്ടി നീ എന്തെടുക്കുവാ??കിടക്കാറായില്ലേ നിനക്ക് ??? ഒന്നുമില്ലടി...ചുമ്മാ... കിടക്കാൻ സമയം ആയിട്ട് വരുന്നു.... എനിക്ക് കുറച്ചു അസ്സയിന്മെന്റ് സബ്ജെക്ട് നോക്കാൻ ഉണ്ടായിരുന്നു.... അതാ കിടക്കാഞ്ഞത്.... അരുണീ നീ വന്നിട്ട് ബാംഗ്ലൂർ വിശേഷങ്ങൾ ഒന്നും പറഞ്ഞില്ലല്ലോ..... എല്ലാം പറ കേൾക്കട്ടെ... എടി അതൊക്കെ പറയാം പെണ്ണെ അതിനു മുൻപ് എനിക്ക് ചില കാര്യങ്ങൾ അറിയാൻ ഉണ്ട്‌... എന്ത് കാര്യങ്ങൾ??? അത് ഞാൻ ഒരു കാര്യം ചോദിച്ചാൽ നീ സത്യം പറയണം... എന്താ നീ ചോദിക്ക് പെണ്ണെ... നിന്നോട് ഞാൻ കള്ളം പറയുമോ???? ഒന്നുമില്ലേലും നീ എന്റെ ഒരേ ഒരു ബെസ്റ്റി അല്ലെ... ബെസ്റ്റി കോപ്പാണ്... എടി കോപ്പേ നിന്റെ ഏട്ടൻ അവളെ കല്യാണം കഴിക്കാൻ പോയപ്പോൾ നിനക്കെങ്കിലും എതിർക്കാൻ മേലായിരുന്നോ?.? നിനക്കറിയാവുന്നതല്ലേ എല്ലാം... എന്നിട്ട്... എന്റെ അരുണീ നീ കാര്യമറിയാതെ സംസാരിക്കരുത്.... എടി ഈ കല്യാണം നേരത്തെ തീരുമാനിച്ചത് ഒന്നുമല്ല... അന്ന് രാവിലെ ഞാനും അമ്മയും കുടുംബ ക്ഷേത്രത്തിൽ തൊഴാൻ വന്നപ്പോൾ അച്ഛൻ കൂട്ടുകാരന്റെ മകളുടെ കല്യാണം ഉണ്ടെന്ന് പറഞ്ഞു പോയത.... അവിടെ ചെന്നപ്പോൾ ഇവളുടെ കല്യാണം മുടങ്ങി... കയ്യിലിരിപ്പു കൊണ്ടായിരിക്കും മുടങ്ങിയത്.... അരുണി അപ്പോഴേ പറഞ്ഞു.. ഏയ്‌.... അതൊന്നും അല്ല.... ഇവളുടെ പപ്പ വലിയ ബിസ്സിനെസ്സ്കാരൻ ആണ്... അത് കൊണ്ട് തന്നെ പൂത്ത ക്യാഷ് ഉണ്ട്‌... എത്രയോ രൂപ സ്ത്രീ ധനമായിരുന്നു പറഞ്ഞിരുന്നത്... എന്തോ ബിസിനെസ്സ് ഇഷ്യൂ കാരണം ആ പണം മുഴുവൻ അയാൾക്ക് കൊടുക്കാൻ പറ്റാതെ വന്നു... അതിന്റെ പേരിൽ അയാൾ കല്യാണത്തിൽ നിന്നും പിന്മാറി... കൂട്ടുകാരന്റെ മകൾക്ക് ഒരു ജീവിതം കൊടുക്കാൻ വേണ്ടി അച്ഛനാണ് ഈ കല്യാണം കൊണ്ടുവന്നത്... ഞാനും അമ്മയും അന്ന് നിങ്ങളുടെ നാട്ടിൽ കുടുംബ ക്ഷേത്രത്തിൽ തൊഴാൻ വന്നിരിക്കുകയായിരുന്നു... അച്ഛൻ വിളിച്ചു കല്യാണക്കാര്യം പറഞ്ഞപ്പോൾ ഞാൻ ആകുന്ന അമ്മയോട് പറഞ്ഞതാ നിന്റെ കാര്യം... പക്ഷേ അച്ഛൻ വാക്ക് കൊടുത്തതുകൊണ്ട് ഒന്നും ചെയ്യാൻ പറ്റാതെയായി... മ്മ്... ഇനി പറഞ്ഞിട്ട് കാര്യം ഇല്ല... വരാൻ ഉള്ളതെല്ലാം വന്നു... നീ നിന്റെ ചേട്ടത്തിയേ കുറിച്ച് പറ... ഏതു ചേട്ടത്തി..?? അവളെയൊക്കെ ആരെങ്കിലും ചേട്ടത്തി എന്ന് വിളിക്കുമോ??? പിന്നെ എന്ന പറയാൻ എന്തിരിക്കുന്നു?? എനിക്ക് അവളെ തീരെ ഇഷ്ടം അയില്ല... വൗ ഞാൻ കേൾക്കാൻ ആഗ്രഹിച്ച വാക്കുകൾ.... (അരുണിമ ആത്മ) അപ്പോൾ മാമിക്കും മാമനും വലിയ ഇഷ്ടമാണല്ലോ അവളെ??? അച്ഛനും അമ്മയ്ക്കും വലിയ ഇഷ്ടമാ.... ....ഞങ്ങൾക്ക് അവളെ കണ്ണെടുത്താൽ കണ്ടുകൂടാ.... അപ്പോൾ കാര്യങ്ങൾ എളുപ്പമായി ഇവ നീ ഒരുങ്ങിയിരുന്നോ നിനക്കുള്ള പണിയുമായി ഞാൻ വരുന്നുണ്ട്.... (അരുണിമ ആത്മ) 🥀🥀തുടരും 🥀🥀 "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #പ്രതിലിപി മലയാളം #📙 നോവൽ #പ്രതിലിപി കഥകൾ## #💞 നിനക്കായ്

പ്രതിലിപിയില്‍ എന്നെ ഫോളോ ചെയ്യൂ, https://pratilipi.app.link/4EZbVoNaD4b വായിക്കൂ.. അറിയാതെ ❤️ #💌 പ്രണയം #📙 നോവൽ #💞 പ്രണയകഥകൾ #pratilipi Malayalam

🥀🥀ഒരു കോൺട്രാക്ട് കല്യാണം 🥀2️⃣1️⃣ ശ്രീ താഴേക്ക് വരുമ്പോഴേക്കും അനൂപ് ബ്രേക്ക്‌ ഫാസ്റ്റ് കഴിച്ചു കഴിഞ്ഞു എഴുനേറ്റിരുന്നു.... അനൂ.. നീ രാവിലേ എത്തിയോ??? ആഹാ... ഞാൻ മാത്രം അല്ല നിന്റെ പെണ്ണുമ്പുള്ളയെ കാണാൻ ഒരാളും കൂടെ ഉണ്ട്... അതാരാ??? അടുക്കളയിൽ ഉണ്ട്... ഇന്നലെ കാണാൻ പറ്റിയില്ല എന്നും പറഞ്ഞു വന്ന വഴിക്ക് തന്നെ ശരണം തരാതെ കൂട്ടി കൊണ്ട് വന്നതാ... മനുഷ്യന് ഉയിരല്ലേ വലുത്....അത് കൊണ്ട് ബസ്സ് സ്റ്റാൻഡിൽ നിന്ന് ബൈക്ക് നേരെ ഇവിടെയാ കൊണ്ട് ചവിട്ടിയത്.... ആര് മിനിയമ്മയോ???ആ എനിക്കൊന്ന് കാണണം ആ മൊതലിനെ രേഖണ്ട് പറയാൻ ഉണ്ട്‌.... അതും പറഞ്ഞു കൊണ്ട് ശ്രീ അടുക്കളയിലേക്ക് ഒരൊറ്റ ഓട്ടം ആയിരുന്നു.. നല്ല ആളാ...ഇന്നലെ റിസപ്ഷന് വരാം എന്നു പറഞ്ഞിട്ട്... പറ്റിയില്ല നീ ഒന്നു ക്ഷെമിക്ക്.. അതല്ലേ ഞാൻ രാവിലെ തന്നെ ഓടി വന്നത്... വേണ്ട എന്റെ ഒരേ ഒരു കല്യാണം അതിന് മിനിയമ്മ ഇല്ലാത്തത് എനിക്ക് നല്ല ഫീൽ ആയി.... അറിയുമോ??? എന്റെ പൊന്നു ശ്രീ കുട്ടാ നീ ഒന്ന് സമാധാന പെട്... ഇന്നലെ എത്താൻ പറ്റിയില്ല.... അതിന് ശിക്ഷ ആയിട്ട് ഞാൻ ഇനി വരുമ്പോൾ എനിക്ക് ചിക്കൻ ബിരിയാണി ഉണ്ടാക്കി തരണം... അതിനെന്താ തരാമല്ലോ.... നിനക്കല്ലാതെ ആർക്ക ഞാൻ ഉണ്ടാക്കി കൊടുക്കണ്ടത്... മതി സംസാരിച്ചു കൊണ്ട് നിന്നത്... വേഗം കഴിച്ചിട്ട് ഇറങ്ങാൻ നോക്കു.. തിരികെ വന്നിട്ട് നിനക്ക് പോകണ്ടേ... അല്ലെങ്കിൽ ഫ്ലൈറ്റ് മിസ്സ്‌ ആകും... സംസാരിച്ചു നിന്ന് ലേറ്റാകുന്നു എന്നു കണ്ടതും രാഘവൻ പറഞ്ഞു... അയ്യോ അത് ശരിയാ... സരസ്വതി യും അതിനെ പിൻ താങ്ങി... അവർ വേഗം ബ്രേക്ക്‌ ഫാസ്റ്റ് കഴിച്ചു കഴിഞ്ഞു ഇറങ്ങി.... മക്കളെ  സൂക്ഷിച്ചു പോകണേ... വഴി മോശമാ.... പോകാൻ നേരം സരസ്വതിയും രാഘവനും അവരോടു പ്രത്യേകം പറഞ്ഞു വിട്ടു... മ്മ്...നോക്കിക്കോളാം... എല്ലാവരോടും യാത്ര പറഞ്ഞു അവർ വേഗം അവിടെ നിന്നും ഇറങ്ങി.... രണ്ടര മണിക്കൂർ യാത്ര ഉണ്ടായിരുന്നു അവിടേക്ക്... എടോ തനിക്ക് വഴി അറിയുമോ?? കുറെ പോയപ്പോൾ ഇവ ശ്രീയോട് ചോദിച്ചു.... നിന്റെ സ്വഭാവം നന്നായി അറിയാവുന്നത് കൊണ്ടാണെന്നു തോന്നുന്നു നിന്റെ അപ്പൻ എനിക്ക് ലൊക്കേഷൻ അയച്ചിട്ടുണ്ടാരുന്നു.... ഓ...അങ്ങനെ ഒക്കെ സംഭവിച്ചോ??? (ഇവ ആത്മ) പിന്നെ കുറച്ചു നേരം അവൾ ഒന്നും മിണ്ടിയില്ല... പിന്നെ.... കുറച്ചു കഴിഞ്ഞതും ഇവ ശ്രീയെ വിളിച്ചു... എന്താ...??? ഞാൻ പറഞ്ഞതൊക്കെ ഓർമയുണ്ടല്ലോ... എന്ത്‌??? അവരുമായി ഒരുപാട് അടുക്കണ്ട... എന്തായാലും നമ്മൾ പിരിയും... എനിക്ക് യുകെ ക്ക് പോകണം... അപ്പോൾ നീ എന്റെ വീട്ടുകാരുടെ അടുത്ത് നല്ല പിള്ള ചമയുന്നുണ്ടല്ലോ??? കുല സ്ത്രീ ചമഞ്ഞു അവരെ എല്ലാം കയ്യിൽ എടുത്തല്ലോ പിന്നെന്താ??? അത് എന്റെ മമ്മി പറഞ്ഞിട്ട.... എന്തോന്ന്??? കെട്ടിച്ച വീട്ടിൽ മര്യാദക്ക് നിൽക്കണം എന്ന്... അയ്യടാ അതൊന്നും അല്ല.. നിനക്ക് ഡിവോഴ്സിന്റെ സമയം വരുമ്പോൾ ഞാൻ വില്ലൻ ആണെന്ന് എല്ലാവരെയും കാണിക്കണം.... അതിനുള്ള സൈക്കോളജിക്കൽ അപ്പ്രോച്ച് അല്ലെ ഇതൊക്കെ.... ... നീ ആളു കൊള്ളാമല്ലോ.... ഓ ഇതൊക്കെ തന്നോട് ആരാ പറയുന്നത്.. താൻ ഇനി എന്തൊക്കെ പറഞ്ഞാലും തന്നെ ഞാൻ സ്നേഹിക്കില്ല.... ഈ കല്യാണം കൊണ്ടുള്ള എന്റെ ഒരേ ഒരു ലക്ഷ്യം എന്റെ യുകെ പോക്കാ... താൻ ഇവിടെ നിന്ന് ഇന്ന് പോകും... ഞാൻ നാളെ എന്റെ വീട്ടിലേക്ക് പോകും പിന്നെ ഇങ്ങോട്ടൊരു തിരിച്ചു വരവില്ല....... ഓ നീ ഏതു കൊത്താഴത്തേക്ക് വേണമെങ്കിലും പൊ.... എനിക്കും നിന്നെപ്പോലെ ഒന്നിന്റെ കൂടെ ജീവിക്കാൻ അത്രയും പോലും താത്പര്യം ഇല്ല... ഞാൻ ഇത്രയും നാൾ സ്വപ്നം കണ്ടത് നിന്നെ പോലെ ഒരു പെണ്ണിനെ അല്ല... എന്റെ അച്ഛൻ പറഞ്ഞതുകൊണ്ട് മാത്രമ ഞാൻ ഈ കല്യാണതിനു സമ്മതിച്ചത് തന്നെ... ഏതു സമയത്താണോ??? ശ്രീ മനസ്സിൽ പറഞ്ഞു.... ശ്രീ പിന്നെ ഒന്നും മിണ്ടാനെ പോയില്ല... കാറിൽ കയറി കുറച്ചു സമയം കഴിയുന്നതിനു മുൻപ് തന്നെ ഇവ ഉറക്കം പിടിച്ചു.... ആരും സംസാരിക്കാൻ ഇല്ലാതെ ശ്രീക്കു നല്ല ബോറാകുന്നുണ്ടായിരുന്നു... കാരണം ഇന്നേ വരെ എവിടെ പോയാലും അനൂപ് കൂട്ട് കാണും അവൻ അങ്ങ് വരെ വർത്തമാനം പറഞ്ഞു കൊണ്ടിരിക്കും.... ഇടക്കെപ്പോഴോ കാറിന്റെ ഡോർ അടക്കുന്ന ശബ്ദം കേട്ടിട്ടാണ് ഇവ ചാടി എഴുന്നേറ്റത്... അപ്പോഴേക്കും സ്ഥലം ഏകദേശം അടുക്കാറായിരുന്നു...... അവൾ നോക്കുമ്പോൾ ശ്രീ ഏതോ കടയിലേക്ക് കയറി പോകുന്നുണ്ടായിരുന്നു... ഇങ്ങേരിത് എവിടെ പോയതാണോ എന്തോ?? ഇവ മനസ്സിൽ ഓർത്തു.. ഉറക്കം കണ്ണിൽ നിൽക്കുന്നത് കൊണ്ട് തന്നെ അവൾ വീണ്ടും മയങ്ങി പോയി... പിന്നെയും ഡോർ അടക്കുന്ന ശബ്ദം കേട്ടതും അവൾ ചാടി എഴുനേറ്റു... താൻ ഇതെവിടെ പോയി?? അവൻ വന്നതും ഇവ ചാടി കയറി ചോദിച്ചു... അതിപ്പോൾ നീ എന്തിനാ അറിയുന്നേ??? നീ കിടന്നുറങ്ങു... ദേഷ്യത്തിൽ ഇത്രയും പറഞ്ഞു അവൻ കാർ പിന്നെയും ലക്ഷ്യസ്ഥാനം കണക്കാക്കി ഓടിക്കാൻ തുടങ്ങി.... 🥀🥀തുടരും 🥀🥀 "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #പ്രതിലിപി കഥകൾ## #പ്രതിലിപി മലയാളം #💞 നിനക്കായ്

🥀🥀ഒരു കോൺട്രാക്ട് കല്യാണം 🥀🥀2️⃣0️⃣ ​സരസ്വതി അടുക്കളയിലേക്ക് പോകാനായി തിരിഞ്ഞു പെട്ടെന്ന് അവൾ പോലും പ്രതീക്ഷിക്കാതെ ശ്രീ ഇവയുടെ കൈയ്യിൽ കരുത്തോടെ പിടിച്ച്  തന്റെ നേർക്ക് വലിച്ചു..... അപ്രതീക്ഷിതമായി നടന്ന ആ നീക്കത്തിൽ ഇവ അവനിലേക്ക് ചാഞ്ഞു പോയിരുന്നു..... ആരെങ്കിലും അവിടേക്ക് വരുന്നതിന് മുൻപ് തന്നെ ഇവയെ വേഗത്തിൽ മുറിയിലേക്ക് വലിച്ചു കയറ്റി ശ്രീ വാതിലടച്ചു കുറ്റിയിട്ടു. .. അവന്റെ ആ ഒരു നോട്ടത്തിൽ തന്നെ ഇവയുടെ ശ്വാസഗതി നിലച്ചുപോയിരുന്നു.... ​അവൻ അവളെ മുറിയുടെ ഭിത്തിയോട് ചേർത്തുനിർത്തി... ആ കണ്ണുകൾ ഇവയുടെ കണ്ണുകളെ അവൾ പോലുമറിയാതെ കൊത്തി വലിച്ചു   ..... അവന്റെ ചൂടുള്ള ശ്വാസനിശ്വാസങ്ങൾ അവളുടെ മുഖത്ത് തട്ടിയപ്പോൾ ഇവയുടെ നെഞ്ച് പടപടാന്ന് മിടിക്കാൻ തുടങ്ങി.... ഇനിയെന്ത് സംഭവിക്കുമെന്ന ഭയവും അതിലുപരി ഒരജ്ഞാതമായ ആകാംക്ഷയും അവളുടെ ഉള്ളിൽ നിറഞ്ഞു..... കൈകകൾ അറിയാതെ വിറക്കാൻ തുടങ്ങി.... എസിയുടെ തണുപ്പിലും അവളുടെ ചെന്നിയിൽ നിന്നു വിയർപ്പ് ഒഴുകാൻ തുടങ്ങി.... അപ്പോഴാണ് അവന്റെ വലതു കയ്യിൽ ഇരിക്കുന്ന ആ ചെറിയ സിന്ദൂരച്ചെപ്പ് അവളുടെ കണ്ണിൽപ്പെട്ടത്... . അതു കണ്ടതും ഒരുനിമിഷം അവളുടെ ഉള്ളിൽ ആശ്വാസം നിറഞ്ഞു.... ​ശ്രീ മെല്ലെ അതിൽ നിന്നും ഒരു നുള്ള് സിന്ദൂരം എടുത്തു.... അവളുടെ സീമന്ത രേഖയിൽ മെല്ലെ അത് ചാർത്തുമ്പോൾ അവന്റെ വിരലുകൾ അവളുടെ നെറ്റിയിൽ മെല്ലെ തൊട്ടു തലോടിയിരുന്നു.... ആ നിമിഷം ലോകം അവിടെ നിശ്ചലമായതു പോലെയാണ് അവൾക്ക് തോന്നിയത്... . അവന്റെ കണ്ണുകൾ അവളുടെ കണ്ണുകളിൽ ആഴ്ന്നിറങ്ങിയിരുന്നു..... ആ നോട്ടത്തിൽ പ്രണയവും അവകാശവും വല്ലാത്തൊരു തീവ്രതയും ഉണ്ടായിരുന്നു.... അവളുടെ സൗന്ദര്യത്തിൽ ലയിച്ചുപോയ ശ്രീയുടെ കണ്ണുകളിൽ അപ്പോൾ ഒരു മായാജാലം തന്നെയായിരുന്നു. ​ ഇനി താൻ പൊക്കോ... ​ ദിവ്യമായ ഒരു നിശബ്ദതയ്ക്ക് ശേഷം ശ്രീ ഇടറിയ ശബ്ദത്തിൽ പറഞ്ഞു. അവന്റെ കൈവിടുവിച്ച് ഇവ പുറത്തേക്ക് കുതിക്കുമ്പോൾ സാരിത്തുമ്പിൽ തടഞ്ഞു വീഴാൻ പോയി... ശ്രീ തടയുന്നതിന് മുൻപ് തന്നെ അവൾ എങ്ങനെയൊക്കെയോ നേരെ നിന്ന് പുറത്തേക്ക് നടക്കാൻ തുടങ്ങി.... താറാവുപോലെ നടന്നുപോയ അവളെക്കണ്ട് ശ്രീയുടെ ചുണ്ടിൽ ഒരു പുഞ്ചിരി വിരിഞ്ഞു.... ആ നിഷ്കളങ്കതയും ആ വെപ്രാളംവും അവന് വല്ലാതെ ഇഷ്ടമായി.... ശ്രീ ചിരിച്ചു കൊണ്ട് കണ്ണാടിയിലേക്ക് നോക്കി മുഫി ചീകാൻ തുടങ്ങി... മനസ്സിൽ മുഴുവൻ ആ കണ്ണുകൾ മാത്രമായിരുന്നു നിറഞ്ഞു നിന്നിരുന്നത്.... ​മ്മ്..... ഇതൊക്കെ അയാൾക്ക് നേരിട്ടു പറഞ്ഞാൽ പോരെ എന്തിനാ ഇങ്ങനെ ഓരോന്ന് കാണിക്കുന്നത്???? മനുഷ്യനെ വശീകരിക്കാൻ... അവന്റെ ഒരു സിന്ദൂരം.... ​പോകുന്ന വഴി അവൾ പിറുപിറുത്തു.... എങ്കിലും അവന്റെ ആ സ്പർശനം അവളുടെ ചർമ്മത്തിൽ ഇപ്പോഴും എരിതീയായി പുകയുന്നുണ്ടായിരുന്നു... ​എന്നിട്ട് നീയെന്താ അവിടെ നിന്ന് ചോദിക്കാത്തത്???? അവൻ പിടിച്ചു നിർത്തിയപ്പോൾ നീ എന്താ മാറി പോകാൻ ശ്രമിക്കാഞ്ഞത്??? ഇവയുടെ മനസ് അവളോട് തന്നെ ചോദിച്ചു... ചെ ശരിയാ... നീ ഇപ്പോൾ പഴയതുപോലെയല്ല ഇവ.... കല്യാണം കഴിഞ്ഞപ്പോൾ സ്വന്തം ലക്ഷ്യങ്ങളൊക്കെ മറന്നോ? ​അവളുടെ ഉള്ളിൽ ആരോ ചോദിക്കുന്നത് പോലെ അവൾക്ക് തോന്നി..... അതിനിടയിൽ സ്റ്റെപ്പ് ഇറങ്ങി താഴെ എത്തിയതൊന്നും അവൾ അറിഞ്ഞതെ ഇല്ല.... ​ഹേയ് മേടം ഇതേതു ലോകത്താണ് നീ? ആ ശബ്ദം കേട്ടതും അവൾ ഞെട്ടി പോയി... ​അനൂപിന്റെ ശബ്ദമാണ് അവളെ സ്വബോധത്തിലേക്ക് കൊണ്ട് വന്നത്.... അനൂപ് പതിവുപോലെ ഭേഷായി ബ്രേക്ക്‌ ഫാസ്റ്റ് കഴിക്കുകയായിരുന്നു.... ​ഇവന് വീട്ടിൽ ചോദിക്കാനും പറയാനും ആരും ഇല്ലേ? രാവിലെ തന്നെ കെട്ടിയെടുത്ത് വന്നോളും....നാശം.... ഇവ മനസ്സിലോർത്തു. ​ നീ ഇപ്പോൾ ചിന്തിക്കുന്നുണ്ടാകും ഇവന് വീട്ടിൽ ചോദിക്കാനും പറയാനും ആരുമില്ലേ രാവിലെ തന്നെ കെട്ടിയെടുത്ത് വന്നല്ലോ എന്നല്ലേ? ​അവൻ പറയുന്നത് കേട്ട് ഇവ ഒന്ന് ഞെട്ടിപ്പോയി. കർത്താവേ, ഇവൻ എങ്ങനെയാ ഇതൊക്കെ കൃത്യമായി മനസ്സിലാക്കുന്നത്? വല്ല മൈൻഡ് റീഡിങ് വശമുണ്ടോ? ഞെട്ടൽ മുഖത്തു കാണിക്കാതെ എന്തായാലും അവൾ അവനെ നോക്കി വെറുതെ ഒന്ന് ചിരിച്ചു കാണിച്ചിട്ട് അടുക്കളയിലേക്ക് വലിഞ്ഞു. ​ അവിടെ മറ്റൊരു ആൾ അവളെ കാത്തിരിപ്പിരിപ്പുണ്ടായിരുന്നു. ആ ഇവ മോളെ, എന്നെ മനസ്സിലായോ? എന്നും ചോദിച്ചുകൊണ്ട് അവർ അവളെ കണ്ടതെ അവളുടെ അടുത്തേക്ക് വന്നു. ​ആളെ മനസ്സിലാകാത്തതുകൊണ്ട് അവൾ ഒന്ന് പരുങ്ങി. കർത്താവെ......എന്തൊരു ചോദ്യമാണിത്? ഇന്നലെ വന്ന പെണ്ണല്ലേ ഞാൻ, അപ്പോൾ തന്നെ മനസ്സിലായോ എന്ന് ചോദിക്കാൻ ഇവർക്ക് തലക്ക് വല്ല ഓളവും ഉണ്ടോ??? (ഇവ ആത്മ) ​ എന്റെ അമ്മയാ... ഇന്നലെ അമ്മ തറവാട്ടിൽ ഉത്സവത്തിന് പോയിരുന്നു.... അത് കൊണ്ട് റിസപ്ഷൻ അറ്റൻഡ് ചെയ്യാൻ പറ്റിയില്ല. തിരിച്ചു വന്നപ്പോൾ മോളെ കാണാൻ ഓടി വന്നതാ.... അവർ പറഞ്ഞു. ​ ഓ ഈ കുരിശിന്റെ അമ്മ ആയിരുന്നോ? അവൾ മനസ്സിൽ ഓർത്തു. ​അപ്പോഴേക്കും പുറകിൽ നിന്നും ശ്രീ ഒരുങ്ങി താഴേക്ക് ഇറങ്ങി വരുന്നുണ്ടായിരുന്നു.... അവൻ നേരെ അടുക്കളയിലേക്കാണ് വന്നത്.... അവന്റെ സാന്നിധ്യം അടുക്കളയിലെ അന്തരീക്ഷത്തെപ്പോലും വല്ലാതെ ഒന്ന് മാറ്റിമറിച്ചു. ​🥀🥀തുടരും 🥀🥀 ​ "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #💞 നിനക്കായ് #പ്രതിലിപി മലയാളം #പ്രതിലിപി കഥകൾ##

🥀🥀ഒരു കോൺട്രാക്ട് കല്യാണം🥀🥀 1️⃣9️⃣ കൺമുന്നിൽ കണ്ട ആ കാഴ്ചയിൽ അവൻ പെട്ടെന്ന് തന്നെ ഡോർ തുറന്ന അതേ സ്പീഡിൽ തന്നെ അവൻ അത് വലിച്ചടച്ചു... ഉള്ളിൽ സരസ്വതിയേ പ്രതീക്ഷിച്ചു നിന്ന ഇവയും, പെട്ടെന്ന് ശ്രീയെ കണ്ട് ഞെട്ടിപ്പോയി.... ​ഇവ... സോറി ഞാൻ അറിഞ്ഞില്ല... ​അവൻ ഡോറിന്റെ പിറകിൽ നിന്ന് ചമ്മലോടെ വിളിച്ചു പറഞ്ഞു.... പുറത്തു നിന്നുള്ള ഇവയുടെ ശബ്ദത്തിൽ ദേഷ്യവും അസ്വസ്ഥതയും കലർന്നിരുന്നു.... ​എടോ, തനിക്ക് ഒന്നു ഡോർ ക്നോക്ക് ചെയ്തിട്ട് വന്നു കൂടെ? അതുമല്ല ഞാൻ ആന്റിയെ ആണ് വിളിച്ചത്... പിന്നെ താൻ എന്തിനാ ഓടി ഇങ്ങോട്ട് വന്നത്.... അമ്മ എന്തോ ആവശ്യത്തിന് അടുത്ത വീട്ടിൽ പോയതാ.... അതാ കോൾ കണ്ടപ്പോൾ ഞാൻ ഓടി വന്നത്.... എന്നും പറഞ്ഞു ഇങ്ങനെയാണോ ഒരു റൂമിലേക്ക് കയറി വരുന്നത്...? ​അവളുടെ ചോദ്യം കേട്ട് ശ്രീ ഒന്ന് പരുങ്ങി. അവളോട് തിരിച്ചൊന്നും പറയാൻ കഴിയാതെ അവൻ ചോദിച്ചു, ഇവ താൻ അമ്മയെ എന്തിനാ വിളിച്ചത്? നീ അത് പറ. ​ അത്... എനിക്ക് ഈ സാരി ഉടുക്കണം. ഞാനിപ്പോൾ എന്ത് ചെയ്യും??? ശ്രീ കുട്ടിയെ വിളിക്കുമോ ഒന്നു ഹെല്പ് ചെയ്യാൻ? ​അവളുടെ ആ ചോദ്യം കേട്ടതും അവൻ ഒന്ന് ചിരിച്ചു.... ആ ബെസ്റ്റ് അതിലും നല്ലത് ആ സാരി ഫാനിൽ കെട്ടിയിട്ട് അതിന്റെ അറ്റത്ത് നീ കയറി തൂങ്ങുന്നതാ... ​ പിന്നെ ഞാനിപ്പോൾ എന്ത് ചെയ്യും? അവളുടെ ശബ്ദത്തിൽ അല്പം പരിഭ്രമം ഉണ്ടായിരുന്നു. ​ അത്... നീ ഒന്നു സഹകരിക്കുകയാണെങ്കിൽ... ​ എന്തോന്നാ...? അവൻ അത്രയും പറഞ്ഞപ്പോഴേക്കും അവൾ ചാടി കേറി ചോദിച്ചു. ​അയ്യോ, അതല്ല നീ സമ്മതിച്ചാൽ ഞാൻ നിന്നെ... ഞാൻ സാരി ഉടുപ്പിക്കാം. ​ താനോ?അവൾ ദേഷ്യത്തോടെയും അവിശ്വാസത്തോടെയും ചോദിച്ചു... ​ഇനി അമ്മ തിരികെ വരാൻ ഒരുപാട് താമസം പിടിക്കും.... നമുക്ക് അങ്ങ് വരെ പോകേണ്ടതല്ലേ? പിന്നെ ഞാൻ ഒരു ബ്യൂട്ടിഷൻ ആണെന്ന് വിചാരിച്ചാൽ മതി.... നിന്റെ കെട്ടിയോൻ ആണെന്ന് വിചാരിക്കണ്ട.... അല്ലെങ്കിലും ഞാൻ നിന്നെ ഒന്നും ചെയ്യാൻ പോകുന്നില്ല... മ്മ്... എങ്കിൽ ശരി... ​കുറച്ചു നേരത്തെ ആലോചനക്ക് ശേഷം അവൾ പറഞ്ഞു.... വേറെ വഴിയില്ലാതെ അവൾ അതിന് സമ്മതം അറിയിച്ചു... ​എങ്കിൽ ആ ബ്ലൗസ് ഒക്കെ വൃത്തിയായി എടുത്തിട്.... എനിക്ക് അങ്ങോട്ട് വരാനാ... നേരത്തെ മിന്നായം പോലെ കണ്ട കാഴ്ച്ചയിൽ അവൻ പറഞ്ഞു.... ഓ വാ, വേഗം... ​ശ്രീ കതകു തുറന്ന് അകത്തു ചെല്ലുമ്പോൾ, ബ്ലൗസ് അണിഞ്ഞ്, സാരിയും ചുരുട്ടി പിടിച്ച് നിൽക്കുന്ന ഇവയെയാണ് കണ്ടത്.... അവളുടെ മുഖത്തെ ചമ്മൽ അവന്റെ ഹൃദയമിടിപ്പ് കൂട്ടി. അവൻ വളരെ ശ്രദ്ധയോടെ സാരിയുടെ അറ്റം തന്റെ കയ്യിലേക്ക് വാങ്ങി.... എന്നിട്ട് ഫ്രണ്ട് ഭാഗം എടുത്തിട്ട് അവളുടെ കയ്യിൽ കൊടുത്തു.... സ്കെർട്ടിന്റെ ഇടയിൽ തിരുകാൻ പറഞ്ഞു... ​അവൾ അത് തിരുകിയതിന് ശേഷം നടന്നതെല്ലാം അവൾക്ക് മാജിക് പോലെയാണ് തോന്നിയത്. പരിചയസമ്പന്നനായ ഒരാളെപ്പോലെ അഞ്ചു മിനിറ്റ് കൊണ്ട് അതിമനോഹരമായി അവൻ അവളെ സാരി ഉടുപ്പിച്ചു.... കണ്ണാടിയിൽ സ്വന്തം രൂപം കണ്ട ഇവ വിസ്മയത്തോടെ ശ്രീയെ നോക്കി... ആഹാ താൻ കൊള്ളാമല്ലോ ഞാൻ വിചാരിച്ചത് പോലെ ഒന്നും അല്ലല്ലോ.... ​അവർ സാരി ഉടുത്തു കഴിഞ്ഞതും സരസ്വതി അവിടേക്ക് വന്നു. ആഹാ, ഇവ മോൾക്ക് നന്നായി സാരി ഉടുക്കാൻ അറിയാമല്ലൊ... ​അതെ... ഇവൾ നന്നായി സാരിപൊക്കെ ഉടുക്കുന്നുണ്ട്... ഞാനും ഓർത്തു... എനിക്കും നന്നായി ഇഷ്ടം ആയി... ഇവ എന്തെങ്കിലും പറയുന്നതിന് മുൻപ് തന്നെ ശ്രീ ഇടക്ക് കയറി പറഞ്ഞു... എന്റെ മോളു സുന്ദരി ആയിട്ടുണ്ട് ... എന്റെ മോൾക്ക് ആരുടെയും കണ്ണു പിടിക്കാതിരിക്കട്ടെ.... സരസ്വതി ആ മുഖത്തേക്ക് നോക്കി പറഞ്ഞു.. ആ സാരിയിൽ അവൾ ഒന്നുടെ സുന്ദരി ആയെന്ന് ശ്രീക്കും തോന്നി.... ​ അമ്മയെ ഞാൻ വിളിച്ചിരുന്നു എവിടെ ആയിരുന്നു?? എന്റെ മോളെ ഈ ചെക്കന് ചക്ക ഉപ്പേരി വല്യ ഇഷ്ടമാ.... അമ്മ ഒരു ചക്ക പറിക്കാൻ അടുത്ത വീടു വരെ പോയതാ.... ശ്രീക്കു നാളെ കുറച്ചു ഉപ്പേരി ഉണ്ടാക്കി കൊടുത്തു വിടാൻ..... സാധാരണ ഞാൻ ഇതെല്ലാം നേരത്തെ ചെയ്തു വെക്കുന്നതാ.... ഇതിപ്പോൾ പോകാൻ പ്ലാൻ ചെയ്തത് പെട്ടെന്ന് ആയിരുന്നല്ലോ.... അതുകൊണ്ട് ഒന്നും സാധിച്ചില്ല... ​സരസ്വതിയുടെ വാക്കുകൾക്ക് മറുപടിയായി ഇവ ഒരു ചെറുചിരിയോടെ തലയാട്ടി. ​ഇനി ലേറ്റ് ആക്കണ്ട.... ഒരു പാട്‌ ദൂരം പോകേണ്ടതല്ലേ?? പോയാൽ മാത്രം പോരല്ലേ തിരിച്ചു വന്നിട്ട് വേണ്ടേ ശ്രീക്കു പോകാൻ... സരസ്വതി ധൃതി വെച്ചു.... മക്കള് വേഗം വാ ബ്രേക്ക്ഫാസ്റ്റ് എടുത്തു വെച്ചിട്ടുണ്ട്... അവർ അതും പറഞ്ഞു താഴേക്ക് നടന്നു. ​സരസ്വതിയുടെ പിന്നാലെ പോകാൻ തുനിഞ്ഞ ഇവയെ ശ്രീ പെട്ടെന്ന് പിടിച്ചു റൂമിലേക്ക് വലിച്ചിട്ട് ആ വാതിൽ ലോക്ക് ചെയ്തു... ​🥀🥀തുടരും 🥀🥀 ​ "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #പ്രതിലിപി കഥകൾ## #പ്രതിലിപി മലയാളം #💞 നിനക്കായ്

🥀🥀ഒരു കോൺട്രാക്ട് കല്യാണം🥀🥀 1️⃣8️⃣ ​എന്താ അങ്കിൾ??? അത് വല്യമ്മച്ചിക്ക്... വല്യമ്മച്ചിക്ക് എന്താ???" ​രാഘവൻ അത്രയും പറഞ്ഞപ്പോഴേക്കും ഇവ ഞെട്ടലോടെ ചോദിച്ചു. നെഞ്ചിൽ ഒരു ആധി പടരുന്നത് അവൾ അറിഞ്ഞു... . കൈകൾ അറിയാതെ നെഞ്ചോട് ചേർന്നു. വല്യമ്മച്ചിക്കെന്താ??? എന്റെ കർത്താവെ.... ​അവളുടെ വെപ്രാളം കണ്ട് രഘുവൻ പതുക്കെ അവളെ ആശ്വസിപ്പിച്ചു. മോളെ, വല്യമ്മച്ചിക്ക് ഒന്നുമില്ല... മോള് പേടിക്കുകയോന്നും വേണ്ട.... വല്യമ്മച്ചിക്ക് ചെറിയൊരു വയ്യായ്ക അത്രേയുള്ളൂ... . അത് കൊണ്ട് എല്ലാവരും ഇപ്പോൾ ഹൈറേഞ്ചിലെ തറവാട്ടിലേക്ക് പോയിരിക്കുകയാണ്.... നിങ്ങൾക്കും അവിടെത്തന്നെയാണ് ഇന്ന് വിരുന്ന് ഒരുക്കിയിരിക്കുന്നത്.... അതുകൊണ്ട് തറവാട്ടിലേക്ക് നിങ്ങളും എത്രയും വേഗം പോകണമെന്ന് പറയാനാണ് ആന്റണി എന്നെ വിളിച്ചത്... ​ മ്മ്... അവൾ ഒന്ന് മൂളി. ഉള്ളിൽ ഒരു ആശ്വാസം തോന്നിയെങ്കിലും വേഗം അവിടെ എത്തണമെന്ന വാശിയിലായി അവൾ.... ​നിങ്ങൾ സമയം കളയാതെ ഇപ്പോൾ തന്നെ ഇറങ്ങിക്കോ ഇനി അധികം സമയം ഇല്ല.... അവിടെ പോയിട്ട് തിരിച്ചു വന്നിട്ട് വേണ്ടേ എയർപോർട്ടിലേക്ക് പോകാൻ... അതെ.... ​ശരി അങ്കിൾ.... ​അവൾ വേഗം മുകളിലേക്ക് കയറി.... റൂമിൽ എത്തുമ്പോൾ ശ്രീ കുളി കഴിഞ്ഞ് തല തുവർത്തിക്കൊണ്ട് നിൽക്കുകയാണ്.... അവൾ അകത്തേക്ക് കയറിയിട്ടും അവൻ ഒന്ന് നോക്കുക പോലും ചെയ്തില്ല.... അവളുടെ സാന്നിധ്യം അവിടെ ഇല്ലാത്ത മട്ടിലായിരുന്നു അവന്റെ നിൽപ്പ്.... ​കർത്താവേ... ഈ മുതൽ തിരിഞ്ഞു പോലും നോക്കുന്നില്ലല്ലോ??? എങ്ങനെയാ ഒന്ന് സംസാരിക്കുന്നത്? ഇവ തന്റെ ആത്മഗതം ഉള്ളിലൊതുക്കി.... പക്ഷേ പറയാതിരിക്കാൻ പറ്റില്ല.... കാരണം പറഞ്ഞില്ലേൽ ഈ സാധനം പെട്ടെന്ന് ഒരുങ്ങില്ലെന്ന് അവൾക്ക് നന്നായി അറിയാം.... വല്യമ്മച്ചിയെ കാണാനുള്ള വെമ്പൽ അവളുടെ ഉള്ളിൽ അലതല്ലി.... ​ ഹേയ്....അവസാനം സഹി കെട്ട് അവൾ തന്നെ വിളിച്ചു. ​ശ്രീ ഒന്ന് തിരിഞ്ഞു നോക്കി.... കണ്ണുകളിൽ നല്ല ദേഷ്യം ഉണ്ടായിരുന്നു.... എന്താ??? ഇനി കോൺട്രാക്ടിൽ വല്ലതും ആഡ് ചെയ്യാൻ ഉണ്ടോ??? അവൻ കടുപ്പത്തിൽ ചോദിച്ചു. ​ഇല്ല...അവൾ ഒന്ന് തടഞ്ഞു. ​ അതെന്തേ???കുറച്ചൂടെ എഴുതി ചേർക്കാൻ മേലായിരുന്നോ??? അവൾ ഒന്നും മിണ്ടിയില്ല... എന്താ നിന്റെ നാവ് ഇറങ്ങി പോയോ??? കുറച്ചു മുൻപ് നല്ല മൂർച്ച ആയിരുന്നല്ലോ?? എന്ന പറ്റി തമ്പുരാട്ടിക്ക്??? ​ഒന്നുമില്ല... അത്... ഡാഡി വിളിച്ചിരുന്നു. ... ഇന്ന് നമ്മുടെ വിരുന്ന് ഹൈറേഞ്ചിൽ വല്യമ്മച്ചിയുടെ അടുത്താണെന്ന്.... വല്യമ്മച്ചിക്ക് സുഖമില്ല, എല്ലാവരും അവിടെയുണ്ട്. ​അത് കൊണ്ട്?? ശ്രീ ഒരു ഭാവം ഭേതവും ഇല്ലാതെ ചോദിച്ചു.... ​ അത്....അങ്കിൾ പറഞ്ഞു നമ്മളോട് വേഗം ഇറങ്ങാൻ... ​ ഓ അതാണോ?? ഞാൻ റെഡിയാണ്, നീ പോയി റെഡി ആകാൻ നോക്ക്.... ശ്രീ അതും പറഞ്ഞ് ഷർട്ടിന്റെ സ്ലീവ് മുട്ടോളം ചുരുട്ടി വെച്ച് അലസമായി റൂമിന് വെളിയിലേക്ക് പോയി.... ​ഇവ സാവധാനം അലമാര തുറന്നു. വിരുന്നിന് ഉടുക്കാൻ വേണ്ടി മാത്രം ശ്രീ നേരത്തെ വാങ്ങി വെച്ചിരുന്ന ആ സാരി പുറത്തെടുത്തു. ബേബി പിങ്ക് നിറത്തിൽ ചെറിയ പൂക്കളുള്ള മനോഹരമായ ജോർജറ്റ് സാരി. അവൻ ഒരുപാട് കടകളിൽ കയറിയിറങ്ങി അവൾക്ക് ചേരുമെന്ന് ഉറപ്പിച്ചു വാങ്ങിയതാണ് അത്. ​ പക്ഷേ, സാരി കയ്യിലെടുത്തപ്പോഴാണ് ഇവ ആ കയ്പേറിയ സത്യം ഓർത്തത്. അവൾക്ക് സാരി ഉടുക്കാൻ അറിയില്ല.... ​കർത്താവെ... ഞാനിപ്പോൾ എന്ത് ചെയ്യും???? ഈ സാധനം എങ്ങനെയ ഉടുക്കുന്നത് എനിക്ക് അറിയില്ലല്ലോ... ​അവൾ ആകെ പരിഭ്രമിച്ചു. താഴെ നിൽക്കുന്ന സരസ്വതി ആന്റിയെ വിളിക്കാം എന്ന് കരുതി ഇവ തന്റെ ഫോൺ എടുത്തു.... കഷ്ടകാലത്തിന് ലിവിങ് റൂമിലെ ടേബിളിൽ വെച്ചിരുന്ന ആന്റിയുടെ ഫോൺ അടിക്കുമ്പോൾ ശ്രീ അവിടെ ഉണ്ടായിരുന്നു. ഇവയുടെ പേര് കണ്ടതും അവൻ കാൾ അറ്റൻഡ് പോലും ചെയ്യാതെ പടികൾ ഓടിക്കയറി മുകളിലേക്ക് വന്നു.... ​വാതിൽ തുറന്ന് അകത്തേക്ക് കയറിയ ശ്രീ കണ്ട കാഴ്ചയിൽ തണുത്തുറഞ്ഞു ഐസ് പോലെയായി പോയി! ​മുന്നിൽ നിൽക്കുന്ന ഇവ! സാരിയുടെ പകുതി ഭാഗം അരയിൽ ചുറ്റിയ നിലയിലാണ്, ബാക്കി ഭാഗം അലങ്കോലമായി തറയിൽ കിടക്കുന്നു..... പല്ലു എങ്ങനെയോ തോളിലേക്ക് ഇടാൻ ശ്രമിച്ച് അവൾ ആകെ വിയർത്തു കുളിച്ചിരിക്കുകയാണ്. ചിതറി കിടക്കുന്ന മുടിയിഴകൾക്കിടയിലൂടെ അവൾ ഒരു പാവത്തെപ്പോലെ അവനെ നോക്കി. താൻ തന്നെ അവൾക്കായി തിരഞ്ഞെടുത്ത ആ സാരിയിൽ, ഒരു പകുതി ഒരുങ്ങിയ രൂപത്തിൽ നിൽക്കുന്ന അവളെ കണ്ടപ്പോൾ അവന്റെ ഉള്ളിലെ ദേഷ്യം അലിഞ്ഞുപോയി. അവളുടെ ആ നിസ്സഹായത കണ്ടപ്പോൾ അവന് ചിരിക്കണോ അതോ ദേഷ്യപ്പെടണോ എന്ന് മനസ്സിലായില്ല. ആ ബേബി പിങ്ക് നിറത്തിൽ അവൾ അത്രമേൽ സുന്ദരിയായിരുന്നു. ​🥀🥀തുടരും 🥀🥀 ​ "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #💞 നിനക്കായ് #പ്രതിലിപി കഥകൾ## #പ്രതിലിപി മലയാളം

ഇവ കരഞ്ഞു കൊണ്ട് ആ സീറ്റിൽ കണ്ണടച്ചു കിടന്നു... പാവം നല്ല സങ്കടം ഉണ്ട്.... (ശ്രീ ആത്മ)... കാർ ഒരു നൂറു മീറ്റർ നീങ്ങിയതും ഇവയുടെ സ്വഭാവം മാറി... സത്യം പറ നിങ്ങൾ രണ്ടും എന്താണ് ഇവിടെ??? കല്യാണം കൂടാൻ വന്നത്.. അനൂപ് പറഞ്ഞു... താൻ കല്യാണം കൂടാൻ വന്നതാ.. സമ്മതിച്ചു... ഞാൻ ഇയാളുടെ കാര്യമാ പറഞ്ഞത്... എന്റെ കൈയിൽ നല്ലത് കിട്ടും അല്ലെങ്കിൽ സത്യം പറഞ്ഞോ??? നിങ്ങൾ രണ്ട് പേരും കൂടെയല്ലേ എന്റെ കല്യാണം മുടക്കിയത്..?? എന്തിന്??? ഞങ്ങൾക്ക് അതിന്റെ ആവിശ്യം എന്താ??? എന്നെ കല്യാണം കഴിക്കാൻ... ബെസ്റ്റ് കെട്ടാൻ പറ്റിയ ചളുക്ക്... (ശ്രീ ആത്മ) താൻ വല്ലതും മൊഴിഞ്ഞായിരുന്നോ??? ഞാൻ ഒന്നും പറഞ്ഞില്ല... ശ്രീയും പറഞ്ഞു... ഇന്ന് ഞായറാഴ്ചയല്ലേ??? ഞങ്ങൾ രണ്ട് പാവങ്ങൾ വെറുതെ വെള്ളമടിച്ചു കൊണ്ട്... അനൂപ് ആരോടുമല്ലാതെ പറയാൻ തുടങ്ങി... വെള്ളമടിക്കാനോ?? അവൾ പെട്ടെന്ന് ഇടക്ക് കയറി ചോദിച്ചു... ഈശ്വര ഇവൻ ഇത് കൊളമാക്കും (ശ്രീ ആത്മ...) അല്ല... ടാങ്കിൽ വെള്ളമടിക്കുബോഴാ ഇവന്റെ അച്ഛന്റെ വിളി.. മോനെ വേഗം ഞാൻ ലൊക്കേഷൻ അയക്കുന്ന സ്ഥലത്തേക്ക് വരാൻ പറഞ്ഞു... അത്രയും നേരം വെള്ളമടിക്കുന്നത് നോക്കിനിന്ന ക്ഷീണം കൊണ്ട് ഞങ്ങളും ഓർത്തു അച്ഛൻ കല്യാണത്തിന് പോയതല്ലേ ഒരു ബിരിയാണി കഴിച്ചു ക്ഷീണം അകറ്റാം എന്ന്... അവിടെ എത്തിയപ്പോഴല്ലേ ഞങ്ങൾ അറിയുന്നത് ബിരിയാണി കഴിക്കാനല്ല കല്യാണം കഴിക്കാനാ അച്ഛൻ വിളിച്ചതെന്ന്.... ഓ എന്ത് നല്ല കഥ... നിനക്ക് വല്ലോ മാഗസിനിലും എഴുതാൻ പൊക്കൂടെ... .. അവന്റെ ഒരു കഥ... ഡോ തന്റെ വായിലെന്താ കോഴി പെറ്റു കിടക്കുന്നോ മിണ്ടാതിരിക്കാൻ.... നീയൊക്കെ കൂടെയല്ലേ സേവിച്ഛനുമായുള്ള എന്റെ കല്യാണം മുടക്കിയത്...എന്നിട്ട് വലിയ ത്യാഗി ആയിരിക്കുന്നു... ഇപ്പോൾ നീ എല്ലാവരുടെയും മുൻപിൽ വലിയ ആളായി... നിന്റെ തനി സ്വഭാവം ഞാൻ എല്ലാവരോടും പറയണ്ട തായിരുന്നു... ശ്രീ അതിനൊന്നും മറുപടി പറയാനേ പോയില്ല... അവൾ ഓരോന്ന് പറഞ്ഞു കൊണ്ടേ ഇരുന്നു..... അയ്യോ ഈ സൗണ്ട് മെഷീന്റെ സ്വിച് എവിടെ ആണെന്ന് അറിഞ്ഞിരുന്നേൽ ഒന്ന് ഓഫ്‌ ചെയ്യാമായിരുന്നു... അല്ലെങ്കിൽ വീട്ടിൽ എത്തുന്നത് വരെ ഇതിങ്ങനെ കേട്ടു കൊണ്ടേ ഇരിക്കണമല്ലോ ഈശ്വരാ... (അനൂപ് ആത്മ ) താൻ വല്ലതും പറഞ്ഞോ?? അനൂപിന്റെ ആത്മഗതം അൽപ്പം ഉച്ചത്തിൽ ആയി പോയത് കൊണ്ട് അവൾ അത് വൃത്തിയായിട്ട് കേട്ടു   ... അയ്യോ ഇല്ല ഞാൻ ഒന്നും പറഞ്ഞില്ല..  യു കണ്ടിന്യു... അല്ലെങ്കിൽ ആ ഫ്ലോ അങ്ങ് പോകും... ഹോ എന്റെ കർത്താവെ എന്തൊരു തലേലെഴുത്ത എന്റെ.... കെട്ടി ഇല്ലങ്കിൽ ഇല്ല എന്നെ ഉള്ളായിരുന്നു.. ഇപ്പോൾ ഇവനെ തന്നെ കർത്താവെ....എനിക്ക് ഇവന്റെ കൂടെ ജീവിക്കുന്ന കാര്യം അയ്യോ ഓർക്കാൻ വയ്യ... ഇതിലും ഭേദം എന്നെ അങ്ങ് എടുക്കുന്നതായിരുന്നു... അത് പറഞ്ഞപ്പോൾ ശ്രീ പെട്ടെന്ന് അവളുടെ വാ പൊത്തി.... . അത് കഴിഞ്ഞപ്പോഴാണ് അവൻ എന്താ ചെയ്തതെന്ന് അവനു ബോധം വന്നത്.. ഇവയും വല്ലാതായി പോയി... സോറി ഞാൻ അറിയാതെ... പിന്നെ അവളും ഒന്നും മിണ്ടിയില്ല.... ചേ... അവൻ അവളുടെ മുഖത്ത് പോലും നോക്കാതെ പുറത്തേക്ക് നോക്കി ഇരുന്നു... അര മണിക്കൂറത്തേ യാത്രക്ക് ശേഷം അവർ വൈശാഖം എന്ന ബോർഡ്‌ വെച്ച വീടിനു മുൻപിൽ കൊണ്ടു കാർ നിർത്തി... അത്യാവശ്യം വലിപ്പമുള്ള ഒരു സാധാരണ വീടായിരുന്നു അത്... പഴയ വീട് പുതുക്കി പണിതതാണെന്ന് ഒറ്റ നോട്ടത്തിലെ മനസിലാകും... മുറ്റത്തു ഒരു തുളസി തറ.. കർത്താവെ ഇതിനൊക്കെ തിരി തെളിക്കാൻ ഇവരിനി എന്നോട് വല്ലതും പറയുമോ??? പോകുന്ന വഴി തുളസി തറ കണ്ടതെ അവൾ മനസ്സിൽ ഓർത്തു... സ്വപ്നത്തിൽ പോലും വിചാരിച്ചില്ല ഇങ്ങനെ ഒരാളെ കല്യാണം കഴിക്കേണ്ടി വരുമെന്ന്.. കർത്താവെ നീയേ കുരിശിൽ കയറി എന്നെ കൂടെ കൂട്ടേണ്ട യാതൊരു കാര്യവും ഇല്ലായിരുന്നു... ഇതൊരുമാതിരി മറ്റേടത്തെ പരുപാടി ആയി പോയി... അതെങ്ങനെയാ മലയാളികൾ അങ്ങനെ ആണല്ലോ.... നമുക്ക് ഒരു പ്രോബ്ലം ഉണ്ടായാൽ മറ്റുള്ളവരും അത് അനുഭവിച്ചറിയണമല്ലോ.... എന്തായാലും തോളിൽ എടുത്തു വെച്ചു... ഇനി ചുമക്കുക തന്നെ.... അല്ലാതെ നിവർത്തി ഇല്ലല്ലോ... അപ്പോഴാണ് കുറച്ചപ്പുറത്തു മാറി രണ്ട് അസ്ഥി തറകൾ അവളുടെ കണ്ണിൽ പെട്ടത്.... ഇതൊക്കെ ആരുടെ ആണോ എന്തോ??? ഇത് വല്ലോ ആത്മക്കളെയും ആവാഹിച്ചു വെച്ചിരിക്കുന്ന സ്ഥലമാണോ എന്തോ?? കർത്താവെ എന്നെ മാത്രം  കാത്തോണേ... എന്റെ പരിശുദ്ധതമാവേ എന്നെ കാത്തോണേ.... അവൾ കാറിലിരുന്ന് ഇത്രയും കാടു കയറി ആലോചിച്ചു കഴിഞ്ഞപ്പോഴേക്കും ശ്രീ കാറിൽ നിന്നും ഇറങ്ങി.... എടാ ശ്രീക്കുട്ടി ഒന്നും വിളിച്ചു പറയാതെ നോക്കിക്കോണെ.... ഫ്രണ്ടിൽ ഇരുന്ന അനൂപിനോട് ആരും കേൾക്കാതെ ഇത്രയും പറഞ്ഞിട്ട് അവൾക്ക് ഇറങ്ങാനായി ആ സൈഡിലെ ഡോർ തുറന്നു കൊടുത്തു... മോളെ വലതു കാൽ വെച്ചിറങ്ങണേ രാഘവൻ വന്നു പറഞ്ഞു... രാഘവൻ അവർക്കു മുൻപ് തന്നെ വീട്ടിൽ എത്തിയിരുന്നു...   രാഘവൻ വിളിച്ചുപറഞ്ഞു ഇതിനകം തന്നെ അയാളുടെ ചേട്ടനും മറ്റു ബന്ധുക്കളും എത്തിയിരുന്നു... എല്ലാവരും തന്നെ പെൺകുട്ടിയെ കാണാൻ അക്ഷമരായി തന്നെ നിൽക്കുകയായിരുന്നു.  അവൾ വലതു കാൽ വെച്ചിറങ്ങി ശ്രീയുടെ കയ്യും പിടിച്ചു സിറ്റ് ഔട്ടിലേക്ക് കയറുമ്പോൾ ആരതിയും നിലവിളക്കുമായി അവന്റെ അമ്മയും പെങ്ങളും അവിടെ തന്നെ നിൽപ്പുണ്ടായിരുന്നു.... അവരുടെ കൂടെ തന്നെ കുറെ അമ്മായിമാരും... അവരുടെയൊന്നും നോട്ടം അവൾക്ക്   അത്രയ്ക്ക് ഇഷ്ടപ്പെട്ടില്ലെങ്കിലും സാഹചര്യം കണക്കിലെടുത്ത് ആരെയും മൈൻഡ് ആക്കാതെ അവിടെത്തന്നെ നിന്നു.... അവന്റെ അമ്മ ആരതി ഉഴിയുമ്പോഴും നിലവിളക്ക് കയ്യിൽ കൊടുക്കുമ്പോഴും ശ്രീ കുട്ടി മറ്റെന്തോ ചിന്തയിൽ ആയിരുന്നു... ഇവള് ക്രിസ്ത്യൻ ആയിരുന്നോ???? ഇവളെ ഞാൻ എവിടെയോ???? ഈ പെണ്ണ്... ..ഈ..അ..... അമ്മേ എന്ന് വിളിക്കുന്നതിന്‌ മുൻപ് തന്നെ അനൂപ് ആരും ശ്രദ്ധിക്കാതെ വാ പൊത്തി പിടിച്ചു അവളെ അവിടെ നിന്നും പൊക്കി വീടിന്റെ ബാക്കിലേക്ക് പോയി.... അനൂപേട്ടാ ആ പെണ്ണ്... അവൻ പൊത്തി പിടിച്ച വായിലെ പിടി വിട്ടതും അവൾ ചോദിച്ചു... . അത് തന്നെ...നീ ഉദ്ദേശിക്കുന്ന അവള് തന്നെ... ഏട്ടാ ഇവളെങ്ങനെ കറക്റ്റ്... അറിയില്ല..... ഇതിനാണ് ദൈവം ഉണ്ട് ഉണ്ട് എന്ന് പറയുന്നത്.... നീ ഇനി ഇതൊക്കെ ഉറക്കെ വിളിച്ചു പറഞ്ഞു ഒരു പ്രശ്നം ഉണ്ടാക്കരുത്.. ഒരു പെണ്ണിന്റെ ലൈഫ് അല്ലേ... പെണ്ണോ... അനൂപേട്ടാ എന്റെ വായിൽ നിന്ന് നല്ല തെറിയ വരുന്നത്... ഇവളെ ഒക്കെ പെണ്ണിന്റെ കൂട്ടത്തിൽ ആരെങ്കിലും പെടുത്തുമോ?? പോട്ടെ.. എടി ആ പെണ്ണിന്റെ ബുദ്ധി ഇല്ലാത്ത പ്രായത്തിൽ ചെയ്തതല്ലേ... അത് വിട്ടേരെ . ഇപ്പോൾ അതിലും മച്ചുരിറ്റി ഒക്കെ ആയിട്ടുണ്ട്... ആ കണ്ടറിയാം... നീ ഇപ്പോൾ ഒന്നു മിണ്ടാതിരുന്നാൽ മതി... ഒന്നാമത് അവളുടെ കല്യാണം നിശ്ചയിച്ചുറപ്പിച്ചത് മുടങ്ങി പോയി... അതിന്റെ ഗ്യാപ്പിലല്ലേ ശ്രീ അതിനെ കെട്ടിയത്... ഇനി ഇവർ തമ്മിൽ നേരത്തെ പരിചയം ഉണ്ടന്ന് അറിഞ്ഞാൽ നാട്ടിൽ പല കഥകളും പരക്കും... അത് കൊണ്ട വെറുതെ എന്തിനാ.. നമ്മളായിട്ട്... ഒരു പ്രശ്നത്തിന് പോകുന്നത്.... അവൾ ഹാപ്പി ആണെങ്കിലും അല്ലെങ്കിലും അവന്റെ ഭാര്യയായി ഇവിടെ വന്നില്ലെ... അത് ശരിയാ...ഞാൻ മിണ്ടാതിരുന്നോളാം അത് പോരെ.... മ്മ്.. മതി നീ പൊക്കോ.. വളുടെ കവിളിൽ തട്ടി അകത്തേക്ക് പറഞ്ഞു വിട്ടു.. ശ്രീ കുട്ടി അടുക്കള വാതിലിൽ കൂടെ അവൾ അകത്തേക്ക് കയറി... അകത്ത് ചെല്ലുമ്പോൾ ഹാളിൽ തകൃതിയായി പാലും പഴവും കൊടുപ്പ് നടക്കുകയാണ്... പാലും  പഴവും കൊടുക്കാൻ പറ്റിയ സാധനം ഇതിനാണോ പറയുന്നത് പാല് കൊടുത്ത കൈക്ക് തന്നെ കൊത്തി എന്ന്... ആയിരിക്കും... ശ്രീക്കുട്ടി അതും മനസ്സിൽ ഓർത്തു അകത്തേക്ക് കയറി... ശ്രീകുട്ടാ മോളു പാല് കൊടുക്കുന്നില്ലേ.... രാഘവൻ അവളോട്‌ ചോദിച്ചു... അയ്യോ ഞാൻ കുഞ്ഞല്ലേ നമുക്ക് അതൊന്നും പറഞ്ഞിട്ടില്ല... എന്റെ ശ്രീ കുട്ടാ നീ വന്നു പാലും പഴവും കൊടുക്ക്... പാലും പഴവും കൊടുപ്പ് കഴിഞ്ഞതും പിന്നെ പുതു പെണ്ണിന്റെ ചുറ്റും വന്നവരെല്ലാം കൂടി   ..... അതേ കുട്ടിയുടെ പേര് എന്താണെന്ന പറഞ്ഞത്???? കൂട്ടത്തില് ഒരു അമ്മായി ചോദിച്ചു.... ഇവാനിയ... ഇവാനിയ അന്ന ആന്റണി.... അപ്പോൾ കൊച്ച് നസ്രാണി ആണോ??? അവിടെ ഇരുന്ന ഒരു അമ്മച്ചി ചോദിച്ചു... ആ ചോദ്യം ഇഷ്ടപ്പെട്ടില്ലേലും അവൾ തികട്ടി വന്ന രോക്ഷം മനസ്സിൽ ഒതുക്കി... അതെ നസ്രാണി ആണല്ലോ.. അതിപ്പോൾ എന്റെ വേഷം കണ്ടിട്ട് നിങ്ങൾക്ക് മനസ്സിലായില്ലേ??? ശ്രീയുടെ അമ്മ അവന്റെ കല്യാണം കഴിഞ്ഞു എന്നല്ലാതെ ഒന്നും പറഞ്ഞില്ല.... പിന്നെ ഈ വേഷം കണ്ടിട്ട് എന്ത് ജാതിയാണെന്ന് മനസ്സിലാക്കാനുള്ള വിവരമൊന്നും ഞങ്ങൾക്കില്ല... അവർ എന്തോ അവളെ കുത്തിയത് പോലെ സംസാരിച്ചു... അപ്പോൾ നിന്റെ കല്യാണം മുടങ്ങിയതെങ്ങനെയാ??? ഈ പേരമ്മ...... രാഘവേട്ടാ നിങ്ങൾ അങ്ങോട്ട് ഒന്ന് പോ ആ കുട്ടിയെ അവരെല്ലാവരും  കൂടെ ഇന്ന് കൊല്ലും... ശ്രീയുടെ അമ്മ രാഘവനോട് പറഞ്ഞു... നിങ്ങൾ സത്യത്തിൽ പെണ്ണിനെ കാണാൻ വന്നതാണോ അതോ ഇവിടെ ഒരു കുടുംബ കലഹം ഉണ്ടാക്കുന്നത് കാണാൻ വന്നതാണോ?? സത്യത്തിൽ നിങ്ങൾക്ക് എന്തൊക്കെയാണ് അറിയേണ്ടത്നി??? നിങ്ങളുടെ സ്വന്തംമക്കൾ ആണെങ്കിൽ നിങ്ങൾ ഇങ്ങനെ ചോദിക്കുമോ?? എല്ലാവർക്കും അറിയേണ്ടത് അറിഞ്ഞെങ്കിൽ പോകാം ആർക്കും ആരെയും ഇവിടെ ആവശ്യമില്ല... വിശേഷമറിയാൻ വന്നിരിക്കുന്നു... രാഘവന് നല്ല ദേഷ്യം വരുന്നുണ്ടായിരുന്നു..... രാഘവൻ അത്രയും കടിപ്പിച്ചു പറഞ്ഞതും എല്ലാവരും സൈലന്റ് ആയി..... ഇവ മോളെ നീ അകത്തേക്ക് പൊക്കൊളു ഇവരുടെ അടുത്ത് ഇരിക്കണമെന്നില്ല.... ശ്രീ കുട്ടി നീ കുട്ടിയെ ശ്രീയുടെ റൂം കാണിച്ചു കൊടുക്ക്... എന്നിട്ട് ആ ഡ്രസ്സ്‌ മാറ്റാൻ ഹെല്പ് ചെയ്യണേ... ശ്രീയുടെ അമ്മ പറഞ്ഞു... പിന്നെ മോളെ ഒരു മിനിറ്റ്.. ശ്രീക്കുട്ടി നീ ഇങ്ങു വന്നെ ഒരു കാര്യം മറന്നു പോയി..... എന്താ അമ്മേ??? ശ്രീ കുട്ടി മോളെ നിന്റെ ഒരു ചുരിദാർ ആ കുട്ടിക്ക് എടുത്തു കൊടുക്ക്  തത്ക്കാലം... എനിക്കൊന്നും വയ്യ... അവൻ എന്നെ പോലും കൂട്ടാതെ കല്യാണം കഴിച്ചതല്ലേ... അപ്പോൾ അവന്റെ കെട്ടിവൾക്ക് ഡ്രസ്സ്‌ വാങ്ങണ്ടത് അവന്റെ ചുമതല ആണ്... അവൻ അങ്ങോട്ട് വാങ്ങി കൊടുക്കട്ടെ.. എടീ അവൻ മനപ്പൂർവം കല്യാണം കഴിക്കാൻ ഒന്നും പോയതല്ലല്ലോ സംഭവിച്ചു പോയതല്ലേ നീ ഒന്ന് ക്ഷമിക്കു ഇപ്പോൾ... . ഇപ്പോൾ ഇതും മനപ്പൂർവ്വം സംഭവിക്കുന്നത് അല്ലെന്ന് വിചാരിച്ചാൽ മതി എന്റെ പോന്നു മോളല്ലേ.. ഇന്നൊരു ദിവസം... നാളെ നമുക്ക് എല്ലാം വാങ്ങിക്കാം... വേണെങ്കിൽ അവൻ നിനക്കും വാങ്ങി തരും... എന്റെ ചക്കര മോളല്ലേ... അമ്മകുട്ടി അങ്ങ് പതപ്പിക്കുവാണല്ലോ... മോളെ ആ മോളു വലിയ ഒരു വീട്ടിലെയാ... ഇപ്പോൾ ആ കൊച്ചിന്റെ അപ്പന് എന്തോ പ്രശ്നം വന്നത് കൊണ്ട ആ സ്ത്രീധനം കൊടുക്കാൻ പറ്റാഞ്ഞത്... ആ പണം കൊടുക്കാഞ്ഞത് കൊണ്ട ആ ചെക്കൻ ഇട്ടേച്ചു പോയതും... അത് കൊണ്ട് നമ്മൾ ആ കൊച്ചിനെ നന്നായി നോക്കണ്ടേ?? എന്റെ പോന്നു മോളല്ലേ ഒരു ഡ്രസ്സ്‌ എടുത്തു കൊടുക്ക്... ആ ഇന്നൊരു ദിവസത്തേക്ക് നാളെ അവനോടു വാങ്ങി കൊടുക്കാൻ പറഞ്ഞേക്കണം... മ്മ്.. ഞാൻ പറയാം... ശ്രീക്കുട്ടി റൂമിൽ ചെന്ന് ഒരു കോട്ടൺ ടോപ്പും പലാസ പാന്റും എടുത്തു കൊടുത്തു.... ഇന്ന് ഒറ്റ ദിവസം ഞാൻ വീണ്ടും പറയുന്നു.. എന്റെ പൊന്നേ  ആയിക്കോട്ടെ... ഞാൻ അവനോട് പറയാം... ഇതിപ്പോൾ എന്തിനാ എന്റെ കയ്യിൽ തരുന്നത്???നീ തന്നെ കൊടുത്തവരെ... നീ പോയൊന്നു ഹെല്പ് ചെയ്യ്... ഹോ എന്തൊരു കഷ്ടമാ.. ഞാൻ എന്തൊക്കെയാ ഈ ചെയ്യണ്ടത്??? എടി ഇതൊക്കെ ചെയ്യണ്ടത് നാത്തൂൻ എന്ന നിലയ്ക്ക് നിന്റെ കടമയാണ്.. ആ പെണ്ണ് അന്യ ഒന്നും അല്ലല്ലോ.. നിന്റെ ഏട്ടന്റെ ഭാര്യ... അതായത് നിന്റെ ഏട്ടത്തിയമ്മാ... ഏട്ടത്തിയമ്മ എന്നോട് പേരു ചുമ്മാ വിളിക്കുന്നതല്ല... അമ്മ  കഴിഞ്ഞാൽ അല്ലെങ്കിൽ അമ്മയോടൊപ്പം ഒരു വീട്ടിൽ അവൾക്കും അവകാശം ഉണ്ട്... . അതെ ഉത്തരവാദിത്തങ്ങളും മനസ്സിൽ ആയോ... മ്മ്... എങ്കിൽ പോയി അതിനെ സഹായിക്. ശരി അമ്മ തമ്പുരാട്ടി... ശ്രീ കുട്ടി അതും കൊണ്ട് ഹാളിലേക്ക് നടന്നു... ഹാളിൽ ഇവയും ശ്രീയും മാത്രമേ ഉണ്ടായിരുന്നുള്ളൂ ശ്രീയെ രൂക്ഷമായ ഒരു നോട്ടം നോക്കിയശേഷം അവൾ മുകളിലേക്ക് നടന്നു.... ഏയ്‌... താൻ വരുന്നില്ലേ??? ഞാൻ ഹെല്പ് ചെയ്യാം ഡ്രസ്സ്‌ ചേഞ്ച്‌ ചെയ്യാൻ... വരൂ... അവളുടെ സ്നേഹത്തോടെ ഉള്ള വിളി കേട്ടു അനൂപും ശ്രീയും അത്ഭുതത്തോടെ നോക്കി... ഇവ ആരെയും നോക്കാതെ അവളുടെ പിറകെ പോയി.. 🥀🥀തുടരും 🥀🥀 എല്ലാവരും റിവ്യൂസ് റേറ്റിംഗ് മറക്കാതെ ഇടണേ... പ്ലീസ്.... ഇതിന്റെ ബാക്കി വായിക്കാനായി "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_ഷെയർ ഈ ലിങ്കിൽ ക്ലിക്ക് ചെയ്യൂ.... #പ്രതിലിപി #പ്രതിലിപി മലയാളം #പ്രതിലിപി കഥകൾ## ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി!