*💘നീയില്ലാ ജീവിതം💘2⃣*          _ഭാഗം.76_ ✍ Mubashira MSKH പക്ഷെ ഈ അവസരത്തിൽ റൂമിലേക്ക് കയറി ചെന്ന് വെറുതെ ഒരു സീൻ ക്രിയേറ്റ് ചെയ്യണോ എന്നാലോജിച്ച് നമ്മള് അവിടെ തന്നെ നിന്ന് തല പുകച്ചതും പെട്ടെന്ന് റൂമിന്റെ വാതിൽ തുറന്ന് ഉണ്ടക്കണ്ണി നമ്മളെ കോളറിൽ പിടിച്ച് അകത്തേക്ക് വലിച്ച് ഡോർ കൊട്ടിയടച്ചു... ★★★★★★★★★★★★★★★★★★★★ 【അപ്പു】 ആഷുവും അർഷിയും കൂടി കാണിച്ച് കൂട്ടുന്നത് കണ്ടിട്ട് അന്തം വിട്ടാണ് ഞാനും ദിലുവും നിന്നത്... അർഷിന്റെ മേലിൽ കിടന്നോണ്ട് നിന്ന ആഷു ദിലൂനെ കണ്ടിട്ട് പെട്ടെന്ന് എണീറ്റ് ഓന്റെ മടിയിൽ ഇരുന്നപ്പോഴാണ് നമ്മള് അങ്ങോട്ട് വന്നത്... ഞങ്ങളെ കണ്ടിട്ട് രണ്ടും ആകെ ചമ്മി നാറിയിട്ടുണ്ടെങ്കിലും ആഷു അർഷിയെ നോക്കി കണ്ണുരുട്ടിയിട്ട് മെല്ലെ അവിടന്ന് സ്‌കൂട്ടായി റൂമിലേക്ക് പോയത് കണ്ട് ഓൻ പൊരിഞ്ഞ ചിരിയായിരുന്നു... ഞങ്ങള് ഓനെ ശ്രദ്ധിക്കുന്നുണ്ടെന്ന് കണ്ടപ്പോ ഓൻ വേഗം ചിരി നിർത്തി റൂമിലേക്ക് കേറി പോകാൻ വേണ്ടി നിന്നിട്ട് എന്തൊക്കെയോ ചിന്തിച്ചോണ്ട് അതിന്റെ പുറത്ത് തന്നെ നിന്നു... അത് കണ്ട് ഞങ്ങളും കരുതി ഇവനെന്താപ്പോ അകത്തേക്ക് കയറാതെ അവിടെ തന്നെ നിൽക്കുന്നതെന്ന്... അപ്പോ തന്നെ ഡോർ തുറന്ന് ആഷു ഓനെ റൂമിലേക്ക് വലിച്ചോണ്ട് പോയി ഡോർ കൊട്ടിയടക്കുന്നത് കണ്ടതും ഞാനും ദിലുവും ഒരുപോലെ തൊള്ളേം തുറന്ന് അന്തം വിട്ട് പരസ്പരം മുഖത്തേക്ക് നോക്കിയിട്ട് പെട്ടെന്ന് പൊട്ടിച്ചിരിച്ചു... എന്നിട്ട് ആഷു അർഷിയെ വലിച്ചോണ്ട് പോയത് ഓർത്ത് ചിരിച്ചിട്ട് നമ്മള് ദിലുവിന്റെ നേരെ ഹൈ ഫൈ കാണിച്ചതും ആ ചിരിയിൽ ഓള് അറിയാതെ തന്നെ എനിക്ക് കൈ തന്ന് പൊട്ടിച്ചിരിച്ചു... അപ്പൊ എന്നോട് ഓള് ചിരിച്ചോണ്ട് എന്തൊക്കെയോ പറയാൻ തുനിഞ്ഞെങ്കിലും പെട്ടെന്ന് എന്തോ ഓർമ്മ വന്ന പോലെ ഓള് ചിരി നിർത്തി നമ്മളിൽ നിന്ന് മുഖം തിരിച്ചു... അത് കണ്ട് നമ്മളൊന്ന് ലൈറ്റ് ആയിട്ട് പുഞ്ചിരി തൂകി ഓളെ അടുത്തേക്ക് പോകാൻ നിന്നതും ഓള് താഴേക്ക് ഇറങ്ങി പോയിരുന്നു... 'പോട്ടെ... എത്ര കാലം ഓള് എന്നിൽ നിന്ന് ഇങ്ങനെ അകന്ന് പോകുമെന്ന് എനിക്ക് ഒന്ന് കാണണം... താഴെ അവൾക്ക് വേണ്ടി ഒരു ചെറിയ വലിയ ബോംബ് തന്നെ പൊട്ടിക്കാൻ കാത്ത് നിൽക്കാണ് നമ്മളെ അമ്മായിയപ്പൻ... അതോണ്ട് ഇനി അവൾക്ക് എന്നിൽ നിന്ന് അകലാൻ ഒരു രക്ഷയുമില്ല... വൈകാതെ ഓളെ ഞാൻ എന്റെ പെണ്ണാക്കി മാറ്റും....' എന്നൊക്കെ ചിന്തിച്ചോണ്ട് നമ്മള് അവിടെ നിന്നിട്ട് ഓള് പോകുന്നത് നോക്കി ഒന്ന് ചിരിച്ചിട്ട് അർഷിന്റെ റൂമിന്റെ നേരെ മുഖം തിരിച്ചു... ഡോർ ലോക്കാണെന്ന് കണ്ടതും നമ്മള് ഉള്ളിലൊരു അടക്കിപിടിച്ച കള്ളച്ചിരി പാസാക്കി കൊണ്ട് താഴേക്ക് ഇറങ്ങി ചെന്നു... ★★★★★★★★★★★★★★★★★★★★ 【ആഷു】 നമ്മള് റൗഡിയെ വലിച്ച് റൂമിന്റെ അകത്തേക്ക് ആക്കിയിട്ട് വാതില് അടച്ചതും ചെക്കൻ ആകെ ഞെട്ടി പണ്ടാറടങ്ങി നമ്മളെ കണ്ണും മിഴിച്ച് നോക്കി നിൽപ്പുണ്ട്... എന്തായാലും ഓനെ അങ്ങനെ വെറുതെ വിടാൻ നമ്മള് ഉദ്ദേശിച്ചിട്ടില്ലാത്തത് കൊണ്ട് തന്നെ നേരത്തെ നിർത്തി വെച്ചതിൽ നിന്ന് നമ്മള് വീണ്ടും തുടങ്ങി... നമ്മള് ഓനെ ഒരർത്ഥം വെച്ച മട്ടിൽ നോക്കി കൊണ്ട് ഓന്റെ അടുത്തേക്ക് നടന്നതും ഓൻ അതിന് അനുസരിച്ച് പിറകോട്ട് നീങ്ങി പോകാൻ തുടങ്ങി... അത് കണ്ടപ്പോ സത്യം പറഞ്ഞാൽ നമ്മക്ക് ചിരിയാണ് വന്നത്... ഓൻ നമ്മളെ പേടിച്ച് പിറകോട്ട് പോകുന്നത് കാണുമ്പോ ആരായാലും ചിരിച്ച് പോകില്ലേ... അതോണ്ട് നമ്മള് ഓനെ നോക്കി വയറ് പൊത്തി പിടിച്ച് ഹലാക്കിലെ ചിരി പാസാക്കി കൊണ്ടിരുന്നു... എന്നിട്ട് ഓന്റെ മുഖത്തേക്ക് വിരല് ചൂണ്ടി കൊണ്ട് പറയാൻ വാക്കുകൾ കിട്ടാതെ നമ്മള് വിക്കി വീണ്ടും പൊട്ടിച്ചിരിക്കുന്നത് കണ്ടിട്ട് ചെക്കൻ നമ്മളെ ഒന്ന് തുറിച്ച് നോക്കി... അത് കണ്ട് നമ്മള് ചിരി അടക്കി പിടിച്ച് ഡീസന്റ് ആകാൻ നോക്കിയെങ്കിലും ഓൻ പിന്നിലേക്ക് പോയത് ആലോജിച്ച് നമ്മള് വീണ്ടും പൊട്ടിച്ചിരിച്ചു... അപ്പൊ തന്നെ റൗഡി നമ്മളെ കൈ പിടിച്ച് വലിച്ച് ഓന്റെ അടുത്തേക്ക് നിർത്തി... പെട്ടെന്ന് പ്രതീക്ഷിക്കാതെ നടന്ന അറ്റാക്ക് ആയോണ്ട് നമ്മള് ആദ്യമൊന്ന് പകച്ചെങ്കിലും പിന്നെ ആ പേടിയൊന്നും പുറത്ത് കാണിക്കാതെ ഓനെ നോക്കി ഒന്ന് ഇളിച്ച് കൊടുത്തു... അപ്പോഴും നമ്മളെ ഹാർട്ട് ബീറ്റ് വല്ലാത്ത രീതിയിൽ കുതിച്ചുയർന്ന് പോകുന്നുണ്ടായിരുന്നു... "കുറെ നേരായല്ലോ നീ തുടങ്ങിയിട്ട്... എന്താടി നിനക്ക് വേണ്ടേ...?" എന്ന് നമ്മളെ കയ്യിലെ പിടി മുറുക്കി കൊണ്ട് റൗഡി കുറച്ച് കലിപ്പിൽ നമ്മളോട് ചോദിച്ചതും നമ്മളൊന്ന് എരിവ് വലിച്ചിട്ട് ഇടങ്കണ്ണിട്ട് ഓനെ നോക്കി സൈറ്റടിച്ചു... അത് കണ്ടപ്പോ തന്നെ ഓൻ നമ്മളിലെ പിടി വിട്ടിട്ട് മുഖം തിരിച്ച് നിന്നു... അത് കണ്ട് നമ്മള് ചിരി അടക്കി പിടിച്ചോണ്ട് ഓന്റെ മുഖം നമ്മളെ നേർക്ക് തിരിച്ച് വെച്ച് ഓന്റെ കണ്ണിലേക്ക് തന്നെ നോക്കി നിന്നു... അത് കണ്ടിട്ട് ഓൻ നമ്മളെ സൂക്ഷിച്ച് നോക്കി നെറ്റി ചുളിച്ചോണ്ട് നമ്മളെ കൈ ഓന്റെ കവിളിൽ നിന്ന് എടുത്ത് അവിടന്ന് പോകാൻ നിന്നതും നമ്മള് ഓടി ഓന്റെ മുന്നിൽ കേറി നിന്ന് രണ്ട് കയ്യും നീട്ടി... "അങ്ങനെയങ്ങ് പോയാലെങ്ങനെയാ ശരിയാകാ...? ഞാൻ ഇതുവരെ ഇയാൾക്ക് പനിഷ്മെന്റ് തന്നിട്ടില്ല... അത് എന്റെ കയ്യീന്ന് വാങ്ങിക്കാതെ ഇങ്ങള് ഇവിടന്ന് പോകാമെന്ന് എന്റെ റൗഡി ബേബി വിചാരിക്കണ്ടട്ടോ..." എന്ന് നമ്മള് പറഞ്ഞതും ഓൻ ഓന്റെ അരയിൽ കൈ വെച്ച് മുഖം തിരിച്ച് നിന്നിട്ട് ഒന്ന് നെടുവീർപ്പിട്ട് നമ്മളെ മുഖത്തേക്ക് തിരിഞ്ഞു നോക്കി... ഓന്റെ നോട്ടം കണ്ടിട്ട് നമ്മള് നല്ല പ്രസന്നമായ ഒരു ചിരി പാസാക്കി കൊടുത്തതും ഓൻ പറയുന്നത് കേട്ട് നമ്മളെ വയറിലൂടെ ഒരു കാളലങ്ങ് കേറി പോയി... "ഓകെ... നിന്റെ പണിഷ്മെന്റ് എന്താന്ന് വെച്ചാ നടക്കട്ടെ... അത് എന്താന്ന് നീ പറയാതെ തന്നെ എനിക്ക് അറിയാം... അതോണ്ട് നീ തന്ന് ബുദ്ധിമുട്ടണമെന്നില്ല... ഞാൻ തന്നോളാം... പോരെ...?" എന്ന് പറഞ്ഞ് ഓൻ നമ്മളെ നോക്കി പുഞ്ചിരിച്ചോണ്ട് സൈറ്റടിച്ചപ്പോ നമ്മള് തൊള്ളേം തുറന്ന് ഓനെ നോക്കി കൊണ്ട് ഒരു അവിഞ്ഞ ചിരി പാസാക്കി കൊടുത്തു... അത് കണ്ടിട്ട് ഓൻ നമ്മളെ അടുത്തേക്ക് പതിയെ നടന്നടുക്കാൻ തുടങ്ങിയതും നമ്മള് പിറകിലേക്ക് നീങ്ങി ചെന്നു... സത്യം പറഞ്ഞാൽ ഇവന് എന്താ കൊടുക്കേണ്ടത് പണിഷ്മെന്റ് ആയിട്ടെന്ന് എനിക്ക് ഒരു ഐഡിയയും ഇല്ലെന്നു... ഇപ്പൊ ഓൻ പറയുന്നത് കേട്ടിട്ടും ഓന്റെ വരവ് കണ്ടിട്ടും ആണെങ്കിൽ നെഞ്ചിലെ ഡിജെ സോങ് നമ്മളെ കാതിൽ വരെ മുഴങ്ങി കേൾക്കുന്നുണ്ട്... "അ... അതേയ്... ഞാൻ... ഞാൻ അതൊന്നുമല്ല... പണിഷ്മെന്റ് ആയിട്ട്... വിചാരിച്ചേ..." എന്നൊക്കെ എങ്ങനെയൊക്കെയോ പതറി കൊണ്ട് നമ്മള് പറഞ്ഞ് തീർത്തതും ഓൻ പറയുന്നത് കേട്ട് വീണ്ടും നമ്മളെ വയറ് കാളി... "പക്ഷെ ഞാൻ അതാണ് പണിഷ്മെന്റ് ആയിട്ട് വിചാരിച്ചത്... അതോണ്ട് എന്തായാലും വിചാരിച്ച സ്ഥിതിക്ക് ഞാൻ അതങ്ങ് നടപ്പാക്കാൻ തീരുമാനിച്ചു..." ഓൻ അത് പറഞ്ഞ് തീർന്നപ്പോഴേക്കും നമ്മള് പിന്നിലേക്ക് നീങ്ങി ചെന്ന് സോഫയിൽ ഇരുന്നിരുന്നു... അത് കണ്ടപ്പോ ഓൻ കീഴ്ചുണ്ട് കടിച്ച് വിട്ടിട്ട് ഒരു ചിരി പാസാക്കി നമ്മളെ അടുത്തേക്ക് നീങ്ങി വന്നു... നമ്മള് കയ്യും കാലും വിറച്ചോണ്ട് ഓനെ ഒന്ന് ദയനീയമായി നോക്കി വേണ്ടെന്ന് തലയാട്ടി തല ചെരിച്ചപ്പോ സോഫയിലെ പില്ലോ നമ്മളെ കണ്ണിൽ പെട്ടു... അപ്പൊ തന്നെ അത് കയ്യിലെടുത്തിട്ട് ഓൻ നമ്മളെ നേർക്ക് വന്നതും പില്ലോ കൊണ്ട് ഓനെ നമ്മള് പൊതിരെ തല്ലി... ഓൻ നമ്മളോട് അടങ്ങി നിൽക്കാൻ ഒക്കെ പറഞ്ഞെങ്കിലും കിട്ടിയ ചാൻസ് അല്ലെ എന്ന് കരുതി നമ്മള് നമ്മളെ ദേഷ്യം തീരുന്ന വരെ ഓനെ അടിച്ചു... അപ്പൊ തന്നെ ഓൻ അത് നമ്മളെ കയ്യിൽ നിന്ന് പിടിച്ച് വാങ്ങിയിട്ട് നമ്മളെ അത് വെച്ച് തിരിച്ച് അടിക്കാൻ തുടങ്ങി... റൗഡി കോന്തൻ നമ്മള് അടിച്ചതിനേക്കാൾ നല്ല ഊക്കിലാണ് നമ്മളെ തല്ലുന്നത്... അതോണ്ട് അരിശം മൂത്തപ്പോ നമ്മള് അവിടെ ഉണ്ടായിരുന്ന വേറെ ഒരു പില്ലോ എടുത്ത് അവനെയും തിരിച്ചു തല്ലാൻ തുടങ്ങി... അല്ലാ പിന്നെ ഈ ആഷൂനോടാ ഓന്റെ കളി... ലാസ്റ്റ് തല്ലി തല്ലി ആ പില്ലോന്റെ ഉള്ളിലുള്ള പഞ്ഞിയും തെർമോകോൾ ബോൾസും ഒക്കെ പുറത്തേക്ക് വന്ന് പാറി കളിച്ചു... എന്നിട്ടും ഈ റൗഡി കോന്തൻ നമ്മളെ അടിക്കുന്നത് നിർത്താത്തത് കണ്ടപ്പോ നമ്മള് ഓന്റെ താടി പിടിച്ച് ഒരു വലിയങ്ങ് കൊടുത്തു... അതിന് ഓൻ നിന്നിടത്ത് നിന്ന് രണ്ട് ചാട്ടം ചാടിയിട്ട് നമ്മളെ രൂക്ഷമായി നോക്കി അടുത്തേക്ക് വന്നതും നമ്മള് ഓടി ചെന്ന് ടേബിളിൽ ഉണ്ടായിരുന്ന ഗ്ലാസ്സിലെ വെള്ളമെടുത്ത് ഓന്റെ മുഖത്തേക്ക് ഒഴിച്ചു... കൃത്യം ഓന്റെ മോന്തയിൽ തന്നെ അത് ചെന്ന് ലാന്റായതും ചെക്കൻ ഓന്റെ മുഖം തുടച്ചിട്ട് *ഡി ഉണ്ടക്കണ്ണി...* എന്ന് അലറി നമ്മളെ അടുത്തേക്ക് വരുന്നത് കണ്ട് നമ്മള് ഹലാക്കിലെ ചിരി ആയിരുന്നു... പക്ഷെ റൗഡി അതിലൊന്നും നിർത്താതെ നമ്മളെ അടുത്തേക്ക് വന്നിട്ട് ടേബിളിൽ ഉണ്ടായിരുന്ന ജഗ് എടുത്ത് നമ്മളെ നോക്കി... നമ്മള് അപ്പൊ തന്നെ ചിരി നിർത്തി ഓനെ നോക്കി വേണ്ടെന്ന് തലയാട്ടി... "അർഷിക്കാ... വേണ്ടാ... സോറി... ഇനി ഞാൻ അങ്ങനെ ചെയ്യൂലാ... പ്ലീസ്... അത് ഒഴിക്കരുത്... പ്ലീസ്... പ്ലീ.......................സ്..." ലാസ്റ്റിലെ നമ്മളെ പ്ലീസിന് എന്താ ഇത്രക്ക് നീളം എന്നാണോ നോക്കുന്നെ...? ആ റൗഡിയോട് നമ്മള് കെഞ്ചിയിട്ടും ഓൻ അത് കേട്ട ഭാവം നടിക്കാതെ നമ്മളെ നേർക്ക് അതൊഴിച്ചപ്പോ അറിയാതെ നീണ്ട് പോയതാ ആ പ്ലീസ്... ആ റൗഡി കോന്തൻ നനഞ്ഞതിനേക്കാൾ നന്നായിട്ട് നമ്മളിപ്പോ നനഞ്ഞിട്ടുണ്ട്... നനഞ്ഞു എന്ന് പറയാൻ പറ്റില്ല കുളിച്ചു... നമ്മളെ ഈ കോലം കണ്ടിട്ട് ആണെങ്കിൽ ആ ഹംക്ക് ഹലാക്കിലെ ചിരിയാണ് ചിരിക്കുന്നത്... 'നമ്മളെ ഈ കോലത്തിൽ ആക്കിയിട്ട് നിന്ന് കിണിക്കാണല്ലേ... കാണിച്ച് തരാ റൗഡി ഈ ആഷു ആരാണെന്ന്...' എന്നൊക്കെ നമ്മള് മനസ്സിൽ പറഞ്ഞോണ്ട് വയറ് പൊത്തി ചിരിക്കുന്ന നമ്മളെ റൗഡിന്റെ അടുത്തേക്ക് ചെന്ന് ഓന്റെ കയ്യും പിടിച്ച് ബാത്റൂമിലേക്ക് കയറി ചെന്നു... അപ്പോഴും ഈ കോപ്പ് ചിരി നിർത്താതെ നാളെ നോക്കി ഭയങ്കര ചിരിയിലാണ്... "നിന്നെയിപ്പോ കണ്ടാൽ ശരിക്കും നനഞ്ഞ കോഴിയെ പോലെയുണ്ട്..." എന്ന് പറഞ്ഞ് ആ റൗഡി വീണ്ടും നമ്മളെ കളിയാക്കി ചിരിച്ചു... അത് കണ്ടിട്ടാണേൽ നമ്മക്ക് എരിഞ്ഞ് കേറി വരാണ് ദേഷ്യം... "ആണോ...? എന്നാലേ നനഞ്ഞ റൗഡിയെ ഞാൻ ഇനി കാണിച്ച് തരാട്ടോ..." എന്ന് പറഞ്ഞ് ഓനെ പിടിച്ച് പിറകിലേക്ക് തള്ളിയതും ഓൻ ചുവരിൽ ചെന്നിടിച്ച് അവിടെ സ്റ്റിക്കറായി നിന്നു... അപ്പൊ തന്നെ നമ്മള് ഓടി ചെന്ന് ഷവർ അങ്ങ് ഓണാക്കിയതും നല്ല തണുത്ത വെള്ളം അവന്റെ തലയിലൂടെ ഒലിച്ചിറങ്ങിയപ്പോ ചെക്കൻ ഫ്രീസായ പോലെ ഒരു സെക്കന്റ് സ്തംഭിച്ച് നിന്നിട്ട് മുഖം തുടച്ച് നമ്മളെ നോക്കി.... അത് കണ്ടപ്പോ നമ്മക്ക് ഉണ്ടായ ഒരു സന്തോഷം... ശോ പറഞ്ഞറിയിക്കാൻ കഴിയുന്നില്ലന്നെ... അതോണ്ട് നമ്മള് ഓനെ നോക്കി കൊഞ്ഞനം കുത്തി കൊണ്ട് ഇപ്പൊ എങ്ങനെയുണ്ടെന്ന മട്ടിൽ പുരികം പൊക്കിയതും ഓൻ വായിൽ ഉണ്ടായിരുന്ന വെള്ളം നമ്മളെ മുഖത്തേക്ക് നീട്ടി തുപ്പി ചിരിച്ചു... ആ റൗഡി കോപ്പ് അപ്രതീക്ഷിതമായി ചെയ്ത കാര്യം ആയോണ്ട് നമ്മള് തൊള്ളേം തുറന്ന് നമ്മളെ അടിമുടി നോക്കി ഓനെ രൂക്ഷമായി നോക്കിയിട്ട് *റൗഡി* എന്ന് അലറി ഓന്റെ അടുത്തേക്ക് ചെന്നു... അപ്പൊ തന്നെ ഓൻ നമ്മളെ പിടിച്ച് വലിച്ച് ആ ശവറിന്റെ ചോട്ടിൽ നിർത്തി... നമ്മള് ഓന്റെ കയ്യിൽ നിന്ന് കുതറി മാറാൻ കുറെ നോക്കിയെങ്കിലും അത് നടക്കാഞ്ഞത് കണ്ടപ്പോ എന്തായാലും നനഞ്ഞു ഇനി കുളിച്ച് കേറാമെന്ന മട്ടിൽ നമ്മള് അടങ്ങി നിന്ന് ഓന്റെ മുഖത്തേക്ക് ഒന്ന് തലയുയർത്തി നോക്കി... ഇപ്പൊ ഞങ്ങള് രണ്ട് പേരും ശവറിന്റെ ചോട്ടിൽ നിന്നോണ്ട് പരസ്പരം മുഖത്തോട് മുഖം നോക്കി നിൽക്കാണ്... ഓൻ നമ്മളെ തന്നെ നോക്കി കൊണ്ട് അടുത്തേക്ക് വന്നിട്ട് നമ്മളെ ചുവരിനോട് പറ്റിച്ച് നിർത്തി നമ്മളെ രണ്ട് സൈഡിലും ഓന്റെ കൈ കുത്തി നിർത്തി... എന്നിട്ട് ഒരു കള്ളച്ചിരി പാസാക്കി കൊണ്ട് ഓൻ നമ്മളെ നേർക്ക് മുഖം അടുപ്പിച്ച് കൊണ്ട് വന്നതും ഓൻ ചെയ്ത പോലെ തന്നെ നമ്മളെ വായിൽ ഉണ്ടായിരുന്ന വെള്ളം നല്ല അന്തസായി ഓന്റെ മുഖത്തേക്ക് തുപ്പി... അത് നമ്മളിൽ നിന്ന് പ്രതീക്ഷിക്കാത്തോണ്ട് തന്നെ റൗഡി കണ്ണടച്ച് അങ്ങനെ പ്രതിമ കണക്കെ നിൽക്കുന്നത് കണ്ടിട്ട് നമ്മള് വാ പൊത്തി പിടിച്ച് ചിരിച്ചു... നമ്മളെ ചിരി കേട്ടപ്പോ ഓൻ പതിയെ കണ്ണ് തുറന്ന് നമ്മളെ മുഖത്തേക്ക് നോക്കിയതും നമ്മള് ചിരി കടിച്ച് പിടിച്ച് നിന്നു... "എന്റെ മുഖത്തേക്ക് വെള്ളം തുപ്പിയില്ലേ അതോണ്ടാ ഇപ്പോ ഇങ്ങളെ മുഖത്തേക്കും ഞാൻ വെള്ളം തുപ്പിയത്..." എന്ന് പറഞ്ഞ് നമ്മള് വാ പൊത്തി പിടിച്ച് ചിരിച്ചപ്പോ ഓൻ ഓഹോ എന്ന മട്ടിൽ പുരികം പൊന്തിച്ചിട്ട് പെട്ടെന്ന് നമ്മളെ എടുത്ത് ഓന്റെ തോളിലേക്കിട്ടു... അത് കണ്ട് നമ്മള് പകച്ച് പണ്ടാറടങ്ങി ഓനോട് നമ്മളെ താഴെയിറക്കാൻ പറഞ്ഞപ്പോ റൗഡി അതൊന്നും കേൾക്കാത്ത മട്ടിൽ നമ്മളെ കൊണ്ട് പോയി ബാത് ടബ്ബിലേക്ക് ഒരൊറ്റ ഇടലായിരുന്നു... നമ്മള് മുങ്ങി പൊന്തി അവസാനം അതിന്റെ വക്കിൽ പിടിച്ചോണ്ട് അവിടെയിരുന്ന് ആ റൗഡിയെ തുറിച്ച് നോക്കി... നമ്മളെ നോട്ടം കണ്ടിട്ട് ഓൻ ഒന്ന് പുച്ഛിച്ച് ചിരിച്ചിട്ട് കയ്യിലെ പൊടി തട്ടുന്ന പോലെ തട്ടി നമ്മളോട് എണീറ്റ് പോകാൻ പറഞ്ഞു... "എണീറ്റ് പോടി ഉണ്ടക്കണ്ണി... ഇനി ഇമ്മാതിരി വേലത്തരവും കൊണ്ട് എന്റെ മുന്നിലേക്ക് എങ്ങാനും വന്നാലുണ്ടല്ലോ അന്ന് നീ ചാടി ചാകാൻ പോയ ആ പാലത്തിന്റെ മോളിൽ നിന്നാകും നിന്നെ അടുത്തത് ആയിട്ട് കൊണ്ടിടാൻ പോകുന്നത്... ഓർത്തോ..." എന്നൊക്കെ ഓൻ പറയുന്നത് കേട്ട് നമ്മള് ബാത് ടബ്ബിൽ ഇരുന്നോണ്ട് തന്നെ കയ്യും കെട്ടി ഓനെ തുറിച്ച് നോക്കി പുച്ഛിച്ചിട്ട് മുഖം തിരിച്ചു... "ഡി കോപ്പേ... നിന്നോടാ പറഞ്ഞേ എണീറ്റ് പോകാൻ... എനിക്ക് ഒന്ന് ഫ്രഷാകണം... ഏതായാലും നനഞ്ഞു ഇനിയങ്ങ് കുളിച്ച് കയറണം... നീ പോയേ..." 'ഓഹോ... ഇത്രയൊക്കെ ആയതും പോര ഇനി നിനക്ക് ഞാൻ ഇവിടന്ന് പോയിട്ട് നീരാടണം അല്ലെ... നിന്നെ ഞാൻ നന്നായിട്ട് കുളിപ്പിച്ച് തരാ... നീയെങ്ങനെയാ കുളിക്കുന്നത് എന്ന് എനിക്കൊന്ന് കാണണം...' "സോറി റൗഡി ബേബി... എന്തായാലും ഇത്രയൊക്കെ ആയ സ്ഥിതിക്ക് എനിക്ക് ഇവിടന്ന് എണീറ്റ് പോകാൻ മനസ്സില്ല... എന്റെ മുന്നിൽ നിന്ന് കുളിക്കാൻ പറ്റുമെങ്കിൽ താൻ കുളിച്ചാൽ മതി... അല്ലെങ്കിൽ കുളിക്കണ്ട..." "ഹോ... അപ്പോ നീ കുളി സീൻ കാണാൻ വേണ്ടി ഇരിക്കാണല്ലേ... നിനക്ക് ഞാൻ കാണിച്ച് തരാടി എന്റെ കുളി സീൻ... ഇറങ്ങി പോടി പോത്തെ...." "എന്തൊക്കെ പറഞ്ഞ് ഒച്ച വെച്ചിട്ടും ഒരു കാര്യവുമില്ല റൗഡി... ഞാൻ എണീറ്റ് പോകില്ലെന്ന് പറഞ്ഞാൽ എണീറ്റ് പോകില്ല..." "ഓഹോ... അപ്പൊ നീ രണ്ടും കല്പിച്ചാണല്ലേ...?" "ഞാൻ രണ്ട് മാത്രല്ല എല്ലാം കൽപ്പിച്ച് തന്നെയാ ഇരിക്കുന്നെ... വാചകമടിക്കാതെ കുളിക്കുന്നുണ്ടേൽ കുളിക്ക്... ഇല്ലേൽ ഇറങ്ങി പോ...." എന്ന് നമ്മള് ഓനെ പിരി കേറ്റി വിട്ടോണ്ട് പറഞ്ഞതും ചെക്കൻ നമ്മളെ തുറിച്ച് നോക്കി കൊണ്ട് ഓന്റെ ഷർട്ടിന്റെ ബട്ടൻസ് അഴിച്ച് ഷർട്ട് നിലത്തേക്ക് അഴിച്ചിട്ടു... അത് കണ്ട് നമ്മള് ഒരല്പം പതറി കൊണ്ട് ഓനെ നോക്കി ചിരിച്ചപ്പോഴേക്കും ഓൻ ഓന്റെ ടീഷർട്ട് ഊരി കഴിഞ്ഞിരുന്നു... അതും കൂടി ആയപ്പോഴേക്കും നമ്മളെ കണ്ണ് രണ്ടും തള്ളി പുറത്തേക്ക് വന്നിട്ടുണ്ട്... ഓന്റെ വെളുത്ത സിക്സ് പാക്ക് ബോഡി നനഞ്ഞ് നിൽക്കുന്നത് കണ്ടപ്പോ തന്നെ നമ്മള് വേഗം മുഖം തിരിച്ച് ഓനെ ഇടങ്കണ്ണിട്ട് നോക്കി... ഓന്റെ ആ നിൽപ് കൊണ്ട് തൊണ്ടയിലെ വെള്ളമൊക്കെ വറ്റി വരണ്ട് ഒരു കഥയായിട്ടുണ്ട്... നമ്മള് ഇടങ്കണ്ണിട്ട് നോക്കുന്നത് കണ്ടിട്ട് ആണേൽ ഓൻ നമ്മളെ തന്നെ കണ്ണിമ വെട്ടാതെ നോക്കി കൊണ്ട് ഓന്റെ ജീൻസിന്റെ ബട്ടൺ ഊരി... അത് കാണേണ്ട താമസം സ്വിച്ചിട്ട പോലെ ഒരൊറ്റ എണീക്കൽ ആയിരുന്നു നമ്മള്... എന്നിട്ട് ഓന്റെ ഭാഗത്തേക്ക് നോക്കാതെ വേഗം ബാത് ടബ്ബിൽ നിന്നിറങ്ങി തിരിഞ്ഞ് നോക്കാതെ റൂമിലേക്ക് പോകാൻ നിന്നെങ്കിലും ആ റൗഡി അപ്പോഴേക്കും നമ്മളെ കൈ പിടിച്ച് വലിച്ച് ഓന്റെ മുന്നിലേക്ക് നിർത്തി... "ഹ... എങ്ങോട്ടാ നീ പോകുന്നേ...? നിനക്ക് അല്ലെ ഞാൻ കുളിക്കുന്നത് കാണണമെന്ന് പറഞ്ഞത്... അത് കണ്ടിട്ട് പോടി.. " എന്ന് ഓൻ പറഞ്ഞപ്പോ തന്നെ നമ്മള് ഓന്റെ മുഖത്തേക്ക് പകച്ച് പണ്ടാറടങ്ങി നോക്കി കൊണ്ട് വേണ്ടെന്ന് തലയാട്ടിയിട്ട് ഓന്റെ കയ്യിൽ നിന്ന് നമ്മളെ കൈ വിടുവിച്ചതും ചെക്കൻ ഓന്റെ ജീൻസിന്റെ സിപ് അഴിച്ചു... അതിന്റെ ശബ്ദം കേട്ടതും വാണം വിട്ട പോലെ ഒരൊറ്റ പാച്ചിൽ ആയിരുന്നു നമ്മള് റൂമിലേക്ക്... അത് കണ്ടിട്ട് ആ റൗഡി അവിടെ നിന്ന് നല്ലോണം കിണിക്കുന്നുണ്ട്... റൂമിൽ എത്തിയതും നമ്മള് ബാത്റൂമിന്റെ വാതിലടച്ച് നെഞ്ചിൽ കൈ വെച്ചോണ്ട് ഒന്ന് നെടുവീർപ്പിട്ടു... ആ റൗഡി കോന്തൻ കാരണം നമ്മള് ഇന്ന് അറ്റാക്ക് വന്ന് ചത്ത് പോയേനെ... 'അയ്യേ... ആ റൗഡിക്ക് ഒരു നാണവുമില്ലേ...? നമ്മളെ മുന്നിൽ അഴിച്ചിട്ട് നിൽക്കാൻ ഒരുങ്ങാ എന്നൊക്കെ പറഞ്ഞാൽ... അയ്യേ... അല്ലെങ്കിലും ഓനെ പറഞ്ഞിട്ടും വല്യ കാര്യമൊന്നും ഇല്ലല്ലോ ഓനെ പിരി കേറ്റി വിട്ട് ഓരോന്ന് ചെയ്യിപ്പിച്ചതും നമ്മള് അല്ലെ... ഭാഗ്യത്തിന് ചെക്കന്റെ ചാരിത്ര്യം ഒന്നും നമ്മളെ കൊണ്ട് നഷ്ടമായില്ലല്ലോ അത് തന്നെ സമാധാനം...' എന്നൊക്കെ മനസ്സിൽ പറഞ്ഞ് ചിരിച്ചോണ്ട് നമ്മള് കബോഡിൽ നിന്ന് ഒരു ഡ്രസ് എടുത്ത് ഡ്രസിങ് റൂമിലേക്ക് കയറി... ★★★★★★★★★★★★★★★★★★★★ 【ദിലു】 നമ്മള് താഴേക്ക് ഇറങ്ങി വന്നപ്പോ പാർട്ടിക്കുള്ള ഒരുക്കങ്ങൾ നടത്താണ് നമ്മളെ അമീഗോസ്... നമ്മളെ കണ്ടപ്പോ നമ്മളോട് പോയി റെസ്റ്റ് എടുക്കാൻ അവന്മാര് പറഞ്ഞെങ്കിലും നമ്മള് അത് കേൾക്കാത്ത മട്ടിൽ അവരെ കൂടെ കൂടി അവരെ സഹായിച്ചു... അപ്പൊ യാസി ഓരോ ചളി പറഞ്ഞോണ്ട് ഞങ്ങളെ ഓരോരുത്തരേയും വെറുപ്പിച്ച് കൊല്ലായിരുന്നു... സഹിക്കാൻ കഴിയാതെ വന്നപ്പോ ഓനെ ഞങ്ങൾ ഒക്കെ കൂടി ചേർന്ന് പൊങ്കാല ഇട്ടപ്പോ ഓൻ അടങ്ങി നിന്നു... അത് കണ്ട് ഞങ്ങള് പൊട്ടിച്ചിരിക്കുമ്പോഴായിരുന്നു ആ പൊറിഞ്ചു ഞങ്ങളെ അടുത്തേക്ക് വന്നത്... ഓനെ കണ്ടതും നമ്മള് അപ്പൊ തന്നെ അവരെ അടുത്ത് നിന്ന് പോയി ട്രീ ഹൗസിൽ കേറി ഇരുന്നു... അത് കണ്ട് ഓൻ താഴെ നിന്ന് നമ്മളെ തന്നെ കണ്ണിമ വെട്ടാതെ നോക്കി പുഞ്ചിരിക്കുന്നത് കണ്ടപ്പോ നമ്മള് മുഖം തിരിച്ച് കളഞ്ഞ് അവന്റെ കൺ വെട്ടത് കാണാത്ത വിധത്തിൽ അപ്പുറത്തേക്ക് ചെന്നിരുന്നു... എന്നിട്ട് ആ മരത്തിലേക്കൊക്കെ കണ്ണോടിച്ച് ആകാശത്തിലെ മേഘങ്ങളെയൊക്കെ നോക്കി നേരെ മാൻഷനിലേക്ക് നോട്ടം തെറ്റിച്ചു... അപ്പൊ അവിടെ പുറത്ത് ഗാർഡൻ ഏരിയയിൽ നിൽക്കുന്ന അല്ലുവിനെയും ഇജുവിനെയും കണ്ടപ്പോ നമ്മളൊന്ന് ചിരിച്ചോണ്ട് അവിടന്ന് എണീറ്റു... *"ഡാ... ഇജൂ... എല്ലാം മുകളിൽ നിന്ന് ഒരാൾ കാണുന്നുണ്ടെന്ന് മറക്കല്ലേ..."* എന്ന് നമ്മള് വിളിച്ച് കൂവിയതും ഓനും അല്ലുവും പെട്ടെന്ന് നമ്മളെ തിരിഞ്ഞ് നോക്കിയിട്ട് ഒരു അവിഞ്ഞ ചിരി പാസാക്കി തന്നു... നമ്മളെ കൂവൽ കേട്ടപ്പോ തന്നെ ബാക്കിയുള്ളവന്മാരും അവരെ അടുത്തേക്ക് ചെന്ന് നോക്കിയിട്ട് രണ്ടിനെയും ഒരുമിച്ച് കണ്ടതിൽ അവരെ കളിയാക്കി എന്തൊക്കെയോ കമന്റിട്ട് കൊല്ലുന്നുണ്ട്... നമ്മള് അത് കണ്ട് ചിരിച്ചോണ്ട് താഴേക്ക് ഇറങ്ങി പോകാൻ വേണ്ടി തിരിഞ്ഞപ്പോഴാണ് നമ്മളെ പിറകിൽ കൈ കെട്ടി നമ്മളെ നോക്കി നിൽക്കുന്ന ആ പൊറിഞ്ചുവിനെ കണ്ടത്... ഓനെ കണ്ടപ്പോ തന്നെ നമ്മളെ മുഖത്ത് ഉണ്ടായിരുന്ന ചിരി മാഞ്ഞ് പോയി പകരം മുഖം കനപ്പിച്ച് വെച്ചോണ്ട് ഓനെ മറികടന്ന് പോകാൻ നിന്നു... അപ്പോഴേക്കും ഓൻ നമ്മളെ മുന്നിൽ ഒരു വഴിമുടക്കിയായി വന്ന് നിന്നിരുന്നു... ഓനെ മൈൻഡ് ചെയ്യാതെ ഓന്റെ സൈഡിലൂടെ പോകാൻ നിന്നപ്പോ ഓൻ അങ്ങോട്ടും മറ്റേ സൈഡിലൂടെ പോകാൻ നിന്നപ്പോ അങ്ങോട്ടും ഓൻ നീങ്ങി വരുന്നത് കണ്ട് നമ്മള് ഓനെ തുറിച്ച് നോക്കി... "എനിക്ക് എന്റെ ഇഷൂട്ടിയോട് മനസ് വിട്ട് ഒരു ടു മിനിറ്റ്‌സ് സംസാരിക്കണം... എനിക്ക് പറയാനുള്ളത് കേട്ടിട്ട് നീ ഇവിടന്ന് പോയാൽ മതി..." എന്ന് ഓൻ നല്ല സോഫ്റ്റിൽ നമ്മളെ നോക്കി പറഞ്ഞതും നമ്മള് പല്ലിറുമ്മി ഓനെ നോക്കിയിട്ട് ഓനെ പിറകിലേക്ക് തള്ളി മാറ്റി... "എനിക്ക് നീ പറയുന്നത് ഒന്നും കേൾക്കണ്ടെങ്കിലോ..." എന്ന് അട്ടഹസിച്ച് നമ്മള് ഓനെ മാറി കടന്ന് സ്റ്റെപ് ഇറങ്ങാൻ നിന്നതും... "ഓകെ... കേൾക്കണ്ട... ഒടുക്കം എല്ലാം അറിയുമ്പോ എന്താ എന്നോട് ഇതൊന്നും പറയാഞ്ഞത് എന്നൊക്കെ ചോദിച്ചോണ്ട് എന്റെ അടുത്തേക്ക് വന്നേക്കരുത്... കേട്ടല്ലോ..." എന്ന് ഓൻ പറയുന്നത് കേട്ട് നമ്മള് അവിടെ നിന്നോണ്ട് ഓനെ തിരിഞ്ഞ് നോക്കി... അപ്പൊ ഓൻ ഒന്ന് നെടുവീർപ്പിട്ട് നമ്മളെ നോക്കി പുഞ്ചിരിച്ചപ്പോ നമ്മള് തിരിച്ച് ഓന്റെ അടുത്തേക്ക് തന്നെ നടന്നടുത്തു... "എന്താ ഇനി നിനക്ക് പറയാനുള്ളത്...?" "ഇങ്ങനെ കുരച്ച്‌ ചാടാതെ നല്ല മയത്തിൽ എന്നോട് ചോദിച്ചാൽ ഞാൻ പറഞ്ഞ് തരാം..." എന്ന് ഓൻ പറഞ്ഞ് മുഖം തിരിച്ചപ്പോ നമ്മള് പല്ലിറുമ്മി ഓനെ നോക്കി തിരിച്ച് നടക്കാൻ ഒരുങ്ങിയതും പെട്ടെന്ന് ഓൻ നമ്മളെ കൈ പിടിച്ച് വലിച്ച് ഓന്റെ അടുത്തേക്ക് ചേർത്ത് നിർത്തി... അത് കണ്ട് നമ്മള് പകച്ച് പണ്ടാറടങ്ങി ഓനെ കണ്ണും മിഴിച്ച് നോക്കി നിന്നതും നമ്മളെ ഹാർട്ട് ബീറ്റൊക്കെ വേഗത്തിൽ കുതിച്ചുയർന്ന് നമ്മളെ വയറിനുള്ളിൽ പറഞ്ഞറിയിക്കാൻ പറ്റാത്ത ഒരു ഫീല് അനുഭവപ്പെട്ടു... നമ്മള് ഓനെ കണ്ണിമ വെട്ടാതെ നോക്കുന്നത് പോലെ ഓൻ തിരിച്ചും നമ്മളെ നോക്കി നിന്നതും ഓൻ നമ്മളെ ചുണ്ടിലേക്ക് നോക്കി കൊണ്ട് പതിയെ ഓന്റെ മുഖം നമ്മളിലേക്ക് അടുപ്പിച്ച് കൊണ്ട് വന്നു... ഓന്റെ കയ്യിൽ നിന്ന് കുതറി മാറാൻ കഴിയാതെ നമ്മള് ഒരു പ്രതിമ കണക്കെ അങ്ങനെ ഓന്റെ മുന്നിൽ നിന്ന് കൊടുത്തോണ്ട് പതിയെ കണ്ണുകൾ ഇറുക്കിയടച്ചു... *"ഡാ ദിലൂ.... എല്ലാം താഴെ നിന്ന് ഞങ്ങള് കാണുന്നുണ്ടെന്ന് മറന്നേക്കല്ലേ..."* പെട്ടെന്ന് ഇജുവിന്റെ ശബ്ദം നമ്മളെ കാതുകളിലേക്ക് അങ്ങനെ തുളച്ച് കേറിയപ്പോഴാണ് നമ്മള് കണ്ണ് തുറന്നത്... എന്നിട്ട് ശബ്ദം കേട്ട ഭാഗത്തേക്ക് തല ചെരിച്ച് ഞങ്ങള് നോക്കിയപ്പോ ഇജുവും അല്ലുവും സച്ചുവും യാസിയും കൃഷും ഡെവിയും സിദുവും നമ്മളെ ഐഷുമ്മയും ബേബിയും രണ്ട് അങ്കിൾസും ആന്റീസും എന്തിന് ഏറെ പറയുന്നു നമ്മളെ ഗ്രാൻഡ്‌മായും അടക്കം ഞങ്ങളെ നോക്കി കൊണ്ട് താഴെ നിൽപ്പുണ്ട്... ആഷുവിന്റെയും നമ്മളെ പുന്നാര ബ്രോന്റെയും ഒരു കുറവേ അവിടെയുള്ളൂ.. ബാക്കിയുള്ള എല്ലാവരും ആയി... അവരെ കണ്ടപ്പോ തന്നെ നമ്മള് ഈ പൊറിഞ്ചുവിന്റെ കൈ നമ്മളിൽ നിന്ന് വിടുവിക്കാൻ നോക്കിയെങ്കിലും ഓൻ അവരൊന്നും എനിക്ക് പ്രശ്നമല്ല എന്ന മട്ടിൽ നമ്മളെ നോക്കി കൊണ്ട് ഓനിലേക്ക് കുറച്ചൂടി അടുപ്പിച്ച് നിർത്തി... "ഡാ ACP സാറേ... പബ്ലിക് ആയിട്ട് ഇതൊന്നും വേണ്ടാട്ടോ... ഇവിടെ എട്ടും പൊട്ടും തിരിയാത്ത പിഞ്ചു കുഞ്ഞുങ്ങൾ ഉള്ളതൊന്നും മറന്ന് പോകരുത്..." ഡെവി. "നീ പിഞ്ചു കുഞ്ഞാണല്ലേ...?" എന്ന് തിരിച്ച് സിദു ചോദിച്ചപ്പോ ചെക്കൻ അതേ എന്ന് തലയാട്ടി കൊണ്ട് വിരലൂമ്പി കണ്ണുകൾ തുടരെ തുടരെ ചിമ്മി... അത് കണ്ട് എല്ലാരും കൂടി ചിരിക്കുന്നത് കണ്ട് നമ്മള് ഒന്ന് ചെറുതായി പുഞ്ചിരി തൂകിയതും ആ പൊറിഞ്ചു പെട്ടെന്ന് നമ്മളെ നേരെ തിരിഞ്ഞു നോക്കി... ഓന്റെ നോട്ടം കണ്ടപ്പോ തന്നെ നമ്മള് ചിരി വിഴുങ്ങി ഓനിൽ നിന്ന് മുഖം തിരിച്ചതും ഓൻ നമ്മളെ കവിളിൽ നല്ല അഡാർ കിസ്സടിച്ചു... അത് കിട്ടിയ ഷോക്കിൽ നമ്മള് കണ്ണും മിഴിച്ച് ഓനെ നോക്കി... *"ഡാ ACP നമ്മളെ സിങ്കക്കുട്ടിയെ കിസ്സടിച്ചെടാ...."* എന്ന ക്രിഷിന്റെ അലർച്ച കേട്ടതും നമ്മള് കവിളിൽ കൈ വെച്ച് താഴോട്ട് നോട്ടം തെറ്റിച്ചു... അപ്പോ തന്നെ എല്ലാരും കണ്ണ് പൊത്തി പിടിച്ചോണ്ട് അവിടന്ന് സ്ഥലം കാലിയാക്കിയിരുന്നു... അത് കണ്ട് നമ്മള് തിരിച്ച് ആ കോപ്പിനെ നോക്കിയപ്പോ ഓൻ നമ്മക്ക് സൈറ്റടിച്ച് കാണിച്ച് തന്നു... "ഇപ്പോഴത്തേക്ക് ഇത്രയുള്ളൂ... ബാക്കി പിന്നെ തരാട്ടോ ഇഷൂട്ടി...." എന്ന് പറഞ്ഞ് ചിരിച്ചോണ്ട് നമ്മളെ കവിളിൽ പിച്ചി കൊണ്ട് ഓൻ അവിടന്ന് ഇറങ്ങി പോയപ്പോ നമ്മളെ ചുണ്ടിലും അറിയാതെ ഒരു ചിരി വിരിഞ്ഞു... പക്ഷെ അടുത്ത സെക്കന്റിൽ തന്നെ അത് എന്റെ മുഖത്ത് നിന്ന് മാഞ്ഞ് പോകേം ചെയ്തു... 'അപ്പുവിന് എന്തൊക്കെയോ എന്നോട് പറയാനുണ്ട്... പക്ഷെ അത് തുറന്ന് പറയാൻ അവന് ഒരു അവസരം കിട്ടുന്നില്ല... ഇനി നമ്മളെ കുറിച്ച് വല്ലതും അവൻ അറിഞ്ഞ് കാണോ... നോ... അതിന് സാധ്യത ഇല്ല... അത് അറിഞ്ഞിരുന്നേൽ അവന്റെ റിയാക്ഷൻ ഇങ്ങനെ ആകില്ല... ചിലപ്പോ എന്നെ കളിപ്പിക്കാൻ വേണ്ടി വെറുതെ ഓരോന്ന് പറഞ്ഞ് ഉണ്ടാക്കിയതാകും ആ പൊറിഞ്ചു... ഇപ്പൊ തന്നെ എന്നോട് എന്തോ പറയാനുണ്ടെന്ന് പറഞ്ഞിട്ട് എന്താ അവൻ കാണിച്ച് കൂട്ടിയത്... അതോണ്ട് അവൻ വെറുതെ പറയുന്നത് തന്നെയാ...' എന്നൊക്കെ ചിന്തിച്ചോണ്ട് ഒന്നും നടന്നിട്ടില്ലെന്ന മട്ടിൽ നമ്മള് താഴേക്കിറങ്ങി അവരെ കൂടെ ഗാർഡനിൽ ചെന്നിരുന്നു... അപ്പൊ നമ്മളെ നോക്കി അവരൊക്കെ കൂടി അടക്കി പിടിച്ച് ചിരിക്കുന്നതൊക്കെ കണ്ടിട്ട് നമ്മള് അവരെ തുറിച്ച് നോക്കിയതും അവരൊന്നും കണ്ടില്ലായെ എന്ന മട്ടിൽ മുഖം തിരിച്ചു... അവരെ എക്സപ്രഷൻസ് ഒക്കെ കണ്ടിട്ട് നമ്മള് ഒന്ന് ചിരിച്ചിട്ട് തല ചെരിച്ച് നോക്കിയതും നമ്മളെ കൂടെ വന്നിരിക്കുന്ന ആ പൊറിഞ്ചുവിനെകണ്ട് നമ്മള് പെട്ടെന്ന് മുഖം തിരിച്ച് അവിടന്ന് എണീറ്റ് പോകാൻ നോക്കി... പക്ഷെ ഓൻ അപ്പോഴേക്കും നമ്മളെ കയ്യിൽ പിടിച്ചോണ്ട് നമ്മളെ അവിടെ തന്നെ ഇരുത്തിച്ചിരുന്നു... പിന്നെ ഇതൊക്കെ കണ്ടോണ്ട് ബേബിയും ഐഷുമ്മയും ഉള്ളതോണ്ട് നമ്മള് അധികം ബലം പിടിക്കാതെ ഓന്റെ കയ്യിൽ നിന്ന് നമ്മളെ കൈ വിടുവിച്ചിട്ട് അവിടെ തന്നെ ഇരുന്നു... അപ്പൊ ആഷു ഡ്രസ് ഒക്കെ ചേഞ്ച് ചെയ്ത് ഞങ്ങളെ അടുത്തേക്ക് വന്ന് ഇരിക്കുന്നത് കണ്ടതും നമ്മള് നെറ്റി ചുളിച്ച് ഓളെ നോക്കിയിട്ട് പിന്നെ എന്തോ ഒന്ന് ഓർത്തിട്ട് തലയാട്ടി ചിരിച്ചോണ്ട് പിന്നാലെ വരുന്ന നമ്മളെ ബ്രോയിലേക്ക് നോട്ടം തെറ്റിച്ചു... അവൻ വന്ന പാടെ ആഷുവിന്റെ അടുത്തുള്ള സീറ്റിൽ ഇരുന്നിട്ട് എല്ലാവരിലേക്കും നോട്ടം തെറ്റിച്ചപ്പോഴും നമ്മളെ നോട്ടം അവരെ രണ്ട് പേരുടെയും മുഖത്ത് ആയിരുന്നു... അവരെ കാണുമ്പോ തന്നെ നമ്മളെ കണ്ണിലേക്ക് ഓടി വരുന്നത് സോഫയിൽ കിടക്കുന്ന ആ സീനാണ്... അർഷി എല്ലാവരെയും നോക്കി കൊണ്ട് ഒടുക്കം ആ നോട്ടം നമ്മളിൽ വന്ന് നിർത്തിയപ്പോ നമ്മള് ചിരി കടിച്ച് പിടിച്ചോണ്ട് തലയാട്ടി... അത് കണ്ട് ഓൻ നമ്മളിൽ നിന്ന് പെട്ടെന്ന് മുഖം തിരിക്കുന്നത് കണ്ടിട്ട് നമ്മക്ക് വീണ്ടും ചിരി പൊട്ടിവന്നു... പക്ഷെ ആ ചിരി പുറത്തേക്ക് വരുന്നതിന് മുമ്പ് തന്നെ ബേബി പറയുന്ന കാര്യം കേട്ടതും എന്നിലെ ചിരി മാഞ്ഞ് പോയി പകരം ഒരു അന്താളിപ്പോടെ നമ്മള് ആ പൊറിഞ്ചുവിലേക്കും നമ്മളെ ബ്രോയിലേക്കും തിരിച്ചു.... (തുടരും) *********************************************** സോറി... സോറി... സോറി... സോറി... സോറി... സോറി... സോറി... സോറി.... സോറി... സോറി... സോറി.... ഈ പാർട്ട് പോസ്റ്റാൻ വൈകിയതിൽ ഒരായിരം വട്ടം സോറി... ഈ പാർട്ട് പെട്ടെന്ന് എഴുതി തീർത്തത് ആണ് അതോണ്ട് തെറ്റുകൾ ഉണ്ടാകും... നമ്മള് ഇത്തിരി ബിസി ആയിരുന്നു ഇന്ന്... നമ്മളെ കസിന്റെ കല്യാണമാണ് അടുത്ത ആഴ്‌ച... അതോണ്ട് അതിന്റെ തിരക്കിലാണ് നമ്മള്... അടുത്ത പാർട്ട് ഇൻഷാ അല്ലാഹ് നാളെ രാത്രി 9 മണിക്ക് പോസ്റ്റാട്ടോപോസ്റ്റാട്ടോ...
📙 നോവൽ - ShareChat
82.3k കണ്ടവര്‍
5 ദിവസം
മറ്റു ആപ്പുകളില്‍ ഷെയറാം
Facebook
WhatsApp
ലിങ്ക് കോപ്പി ചെയ്യാം
ഡിലീറ്റ് ചെയ്യാം
Embed
ഞാന്‍ ഈ പോസ്റ്റ്‌ റിപ്പോര്‍ട്ട് ചെയ്യാന്‍ കാരണം.....
Embed Post