🍃🍃🌼🍃🍃 બાળ ચરીત્ર...      વળી એક સમયે ધર્મદેવ સહિત રામ પ્રતાપભાઈ એકાદશીના દિવસે રાત્રીનું જાગરણ કરીને આંબલી નીચે ચોતરા ઉપર બેસીને ભગવાનનું ભજન કરતા હતા. તે સમયે આંબલીનાં પત્ર ઉપરથી ખરવા માંડયાં. તે જોઈને ધર્મદેવના અંતઃકરણમાં સંકલ્પ થયો જે, હવે એક માસ સુધી નિરંતર આ પત્રને વાળી નાખશું અને પાછાં કેટલાંય પડશે અને આ ચોતરા ઉપર ચોખ્ખું નહીં રહે, એવો પોતાના પિતાનો સંકલ્પ અંતર્યામીપણે જાણીને મહારાજ એમ ધારતા હતા કે, હવે તો આ પત્ર ખરવાં બંધ થઇ જાય તો ઠીક. એમ કરતાં સવાર થયું એટલે તો સર્વે બીજાં માણસો પોતપોતાના ઘેર ગયાં. અને ધર્મદેવ તથા મોતી તરવાડી એ બન્ને જણ કોઈ કારણસર ગામ નવાબગંજ ગયા અને રામપ્રતાપભાઇ તો પહેલવાન સહિત નારાયણ સરોવરમાં સ્નાન કરવા ગયા. અને સુવાસિનીબાઈ પોતાના હાથમાં સાવરણી લઈને ઘરમાંથી કચરો કાઢવા લાગ્યાં. અને ભક્તિમાતા ગાય દોવા ગયાં અને ઘનશ્યામ મહારાજ તો ત્યાં આંબલી નીચે બેસી રહ્યા. તે સમયે વેણીરામ સહિત સુખનંદન આવીને સમીપે બેસતા હતા. તે સમયે આંબલી ઉપરથી જુનાં પત્ર બધાં એકદમ ખરી પડયાં. અને તત્કાળ તે આંબલી ઉપર બધાંયે નવાં પત્ર આવતાં હતાં. તે વખતે સર્વે પુરવાસી જનોને એકબીજાના કહેવાથી ખબર પડી. ત્યારે તે ચરિત્ર જોવા માટે ધર્મદેવના ઘરે આવ્યાં. અને તે સમયે ભક્તિમાતા સહિત સુવાસિનીબાઈ પણ ત્યાં આવ્યાં. ત્યાં તોતે આંબલીનાં જુનાં પત્ર બધાંય હેઠે પડેલાં જોયાં. અને વળી આંબલી ઉપર જુએ તો બધાં નવાં પત્ર દીઠાં. એમ દેખતાં સતાં સર્વે વાર્તા કરવા લાગ્યાં જે, હે ભાઈ! કાલે તો આ બધાંય જુનાં પત્ર ઉપર હતાં અને એકદમ ખરી પડીને નવાં ક્યાંથી એટલા સમયમાં આવી ગયાં ? એમ એક બીજાને વાર્તા કરે છે એટલામાં તો વળી ઘનશ્યામ મહારાજે પ્રેરેલો વાયુ વંટોળિયા રૂપે આવ્યો. તે આંબલી નીચે પડેલાં પત્રને પોતાના વેગમાં ચડાવીને લઇ ગયો. ત્યારે તે જગા બધી સાફ થઇ ગઈ. તે ચરિત્ર જોઈને સર્વે મહાવિસ્મય પામતાં હતાં. તે સમયે ગામ નવાબગંજથી ધર્મદેવ, મોતી તરવાડી સહિત આવીને પૂછવા લાગ્યા જે આ શું થયું ? ત્યારે ઘનશ્યામ મહારાજ બોલ્યા જે, હે પિતા ! ગઇ કાલે તમારા મનમાં પત્ર સારૂં સંકલ્પ થયો હતો તે જાણીને, અમોએ આ ઉપાય કર્યો છે. તે હવે આપણે એક વર્ષ સુધી પાન નહિ ખરે. તેવું સાંભળીને બહુ રાજી થયાં.                     🍃🍃🌼🍃🍃 #🙏 સ્વામિનારાયણ મંદિર #✋ જય સ્વામીનારાયણ ##જય સ્વામિનારાયણ #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #અનાદિમુક્તરાજ શ્રી અબજીબાપા