‎*•།आजचे_ऐतिहासिक_शिवदिनविशेष།•* ‎📜 २७ डिसेंबर इ.स.१६८१ ‎दुर्गादास राठोड यांचे पत्र! ‎अकबर व कवी कलश यांचा पुढे बराच पत्रव्यवहार झाला. त्यात कोठेही या गोष्टीचा उल्लेख नाही. मात्र छत्रपती संभाजी महाराजांचा उघड अपमान करणारा, इथे येऊन बादशहा होण्याचे व बादशाही निर्माण करण्याचे विचारात असलेला हा कर्तृत्वहीन कफल्लक, निर्बुद्ध शहजादा कवी कलशाची मात्र कशी स्तुती करतो, ते पुढे येईलच. दुर्गादास राठोड यांचे पत्र म्हणजे अकबर हा स्वतःस कसा बादशहा समजत होता याची कल्पना येते. "तळकोकणातील बातम्यांवरून शहजाद्यांना (अकबराला) कळले की, तुमचा नोकर नारो कान्हेरे हा चौल परगण्याच्या आपटे गावाहून निघून दापोली या गावी येऊन राहीला आहे. दंडाराजपुरीची प्रजा तेथून (दंडाराजपुरी) पळून चौलच्या आश्रयाला येत आहे. नारो कान्हेरे हा या प्रजेला लुटतो. लोकांची मालमत्ता घेऊन त्यांना (लोकांना) तो तुमच्याकडे पाठवितो. चौलचा रहिवासी विठोजी याच्या नावा, तांदूळ आणि गुरेढोरे तुमच्या माणसांनी धरली आहेत. अशा गोष्टींमुळे प्रजा हैराण होते. या पत्राबरोबर हलकार्‍याकडून आलेले हे बातमीपत्रही पाठवीत आहे.‌ त्यावरून सर्व हकीकत कळून येईल. आज्ञा (अकबराची) झाली आहे की, तुम्ही दापोलीहून आपले माणसे काढून घ्यावीत, आणि लोकांची मालमत्ता घेण्यात आली आहे, ती कोकणचा दिवाण करीमबेग याच्या द्वारे त्या लोकांना परत करण्यात यावी. प्रजेपैकी कुणालाही पीडा देण्यात येऊ नये अशी ताकीद तुम्ही यापुढे द्यावी. याप्रमाणे अंमल केल्याची हकीकत आपण कळवावी. म्हणजे बादशहा (अकबर) समोर मांडण्यात येईल. राज्यारोहण शक (जुलूसेवाला म्हणजे अकबराच्या राज्यारोहणाचा एक बारा, जिल्हज महिण्याची सव्वीस तारिख.") वरील पत्राचा विचार केला तर मराठ्यांच्या दारात आलेला, स्वतःस बादशहा समजणारा, पत्रावर राज्यारोहण शक लिहिणारा शहजादा अकबर, "बादशहा" होण्याची चालून आलेली संधी कशी सोडील. ‎ ‎📜२७ डिसेंबर इ.स.१६८३ ‎कॅप्टन रिचर्ड केग्वीननेे लंडनच्या राजास (दुसरा चार्ल्स) पाठविलेले पत्र! ‎जनतेच्या व सैन्याच्या एकमताने निवडून हीज मॅजेस्टिकच्या नावाने मुंबई बेट ताब्यात घेतले.‌केजविनने छत्रपती संभाजी महाराजांना पत्र लिहून कळविले. कॅप्टन रिचर्ड केग्वीनच्या हातात मुंबईची सत्ता आली. त्यानंतर केजविनने इंग्रज आणि छत्रपती संभाजी महाराज यांचे संबंध कसे आहेत, आपले धोरण काय ठेवले पाहिजे हे लंडनला कळविले. त्यात त्याने छत्रपती संभाजी महाराजांनी पोर्तुगिजांशी केलेल्या लढाईचा त्यात ख्रिश्चन लोकांची केलेली हत्या वगैरे गोष्टीबाबतच्या चर्चा केली आहे. "आपल्याकडून छत्रपती संभाजी महाराज ४००  पिंपे दारु (तोफेला लागणारा दारुगोळा) ६०  मोठ्या तोफा, ४ हजार पौंड करील, ४०० यार्ड जाड कापड, १५० लहान जहाजे आणि मोठ्या जहाजाची मागणी करीत आहेत". नाहीतर ते "पोर्तुगिजांप्रमाणे आपलीही दुर्दशा करु" असे म्हणत आहेत. पण आम्ही या मागणीचा विचार केला नाही. शत्रूचे ३० हजार सैन्य आमच्या भोवती पसरले आहे. आमच्याकडे शिबंदी कमी आहे. मोगलांनी छत्रपती संभाजी महाराजांचा वकील कैद केला होता. त्याला ते ठार मारणार होते. पण आम्ही त्याला ताब्यात घेऊन छत्रपती संभाजी महाराजांकडे पाठविले". ‎ ‎📜 २७ डिसेंबर इ.स.१६८७ ‎हरजीराजेंनी मोगल व इंग्रजांना दहशत रहावी म्हणून लुटालुटीचा आदेश! ‎मोगली हल्ल्यांना कडवा प्रतिकार करण्यासाठी हरजीराजे सिद्ध झाले. गोवलकोंड्याच्या कुतुबशाहितील प्रदेशावर त्यांची आक्रमणे चालू होतीच. त्यासाठी विठ्ठल पिलाजीपंत, गोपाळ दादाजी पंडीत, गोमाजी गायकवाड यांना बरोबर घेऊन त्यांनी अर्काटला वेढा घातला. मोगली सैन्याला हुसकावून लावून अर्काट जिंकले भयग्रस्त परिस्थिती निर्माण झाली.‌ कांजीवरम शहरातील लोक भितीने पळून गेले.मद्रासचे आसपास लुट सुरू झाली.इंग्रजांचा फोर्ट जार्ज किल्ला आता मराठे घेणार या भितीने इंग्रजांची गाळण उडाली. त्यानुसार त्यांनी कावेरीपाक (कावेरीपट्टण) सैदापूर लुटले. कावेरीपाकची कापसाची वखार जाळून टाकली. मराठ्यांचे २० हजार सैन्य कांजीवरमला तळ देऊन राहिल्याचे मद्रासकर आपले पत्रातून लिहीतात. संताजी भोसले यांस हरजीराजेंनी या कामी मदतीस बोलावले होते. पण त्याने येण्यास आणि पैसा पुरविण्यास विरोध केल्यावर त्याच्या ताब्यातील प्रदेशातील हल्ला केला जाईल असा दम दिल्यावर त्याने मदत करण्याचे कबूल केले. ‎ ‎📜 २७ डिसेंबर इ.स.१७१२ ‎सन १७१०-१२ सुमारास आंग्रे समुद्रावर अशाप्रकारे प्रबळ झाले होते की हिंदुस्थानातीलचं नव्हे तर युरोपियन सत्तांना देखील भारी होऊन राहिले आहेत असे गोव्याचा व्हाईसरॉय पोर्तुगालला आपल्या राजाला लिहिलेल्या पत्रात म्हणतो - ‎'महाराज, आन्र्यांनी सांप्रत उत्तर समुद्र किनाऱ्यावर लुटालूटीची मोहीम सुरु केली आहे. त्यांना ते शक्य आहे, कारण काही बंदरांचा त्यांना आश्रय मिळतो. केवळ हिंदुस्थानातील सत्तांशीच नव्हे तर युरोपियन सत्तांशी देखील त्यांच्या कुरापती चालू आहेत. त्यांनी एवढे मोठे सामर्थ्य संपादन केले आहे, की सगळीकडे त्यांचा दरारा चालू आहे. त्यांच्याशी तह करणे आता केवळ अशक्य झाले आहे असे नाही, तर त्यांची गोष्ट काढणे देखील आता कठीण होऊन बसले आहे. आता फक्त एकच मार्ग उरला आहे आणि तो म्हणजे, त्यांच्याशी युद्ध करून त्यांना नष्ट करण्याचा. न झाल्यास अवघ्याच वर्षांत सर्व राष्ट्रांना ते भारी होऊन राहतील, त्यांना नेस्तनाबूत कसे करता येईल ह्या विचारा शिवाय मला दुसरा कोणताच विचार सुचत नाही. तहाचा विचार तर आता सोडून दिलेला बरा... ‎गोवा, २७/१२/१७१२ ‎ ‎📜 २७ डिसेंबर इ.स.१७४० ‎मराठ्यांची दक्षिण स्वारी : पोर्टो नोवोवर विजय ‎“ मंगळवार २७ डिसेंबर १७४० , हेरखात्याने सांगितल्याप्रमाणे ६ मराठे घोडेस्वारांची तुकडी कडलोर च्या पश्चिमेला नजरेस पडली. आपल्या सैनिकांची एक तुकडी त्यांच्या हालचालींवर नजर ठेवण्यास पाठवली आहे. ‎त्याच दिवशी संध्याकाळी ५० ते ६० मराठे घोडेस्वार बहोर गावच्या बाजूला दिसून आले , बंदुकीचे बार उडवल्यानंतर ते माघारी फिरले. परंतु बहोर आणि आसपासचा प्रदेश त्यांनी उध्वस्थ केला. २८ ला सकाळी मराठे येत असल्याची खबर लागून लोक पोंडीचेरी कडे आश्रयाला येऊ लागले. त्यांची फौज विल्लीनाल्लूर , ओळूकराई पर्यंत पोचली असून वाटेत भेटणाऱ्या सर्वाना लुटत आहेत. सकाळी ९ वाजता गवर्नर ने फौजेची एक तुकडी ओळूकराईला पाठवली . बरोबर मुत्तया पिल्लई आणि ५० स्थानिक सैनिकांची एक फळीही दिली.परंतु हे तिथे पोचण्याआधीच मराठे ओळूकराई मधून वळूदावूर कडे निघून गेले होते. पाठवलेली सैनिकांची तुकडी माग्ग पोन्डिचेरी ला माघारी परतली. ‎पोर्टो नोवो अर्थात आताचे परंगीपेत्ताई येथून आलेल्या पत्रात मराठ्यांचा असा उल्लेख येतो :- २४ डिसेंबर रोजी २००० मराठे तिरुअन्नमलै वरून त्रिचीकडे जाण्यासाठी निघाले. दक्षिणेकडे त्यागदुर्गमपर्यंत येऊन त्यांनी आपली दिशा पूर्वेकडे वृन्दाचालाम कडे वळवली. तिरुअन्नमलै ते वृन्दाचालाम हे अंतर ५० मैल आहे, मराठ्यांनी मारलेला दक्षिणेकडचा वळसा पकडून रात्री ६० मैलाचे अंतर कापून ते वृन्दाचालाम ला मुक्कामी पोचले. दुसर्या दिवशी सकाळी वृन्दाचालाम वरून मराठे निघाले आणि दुपारी पोर्टो नोवो ला पोचले. संपूर्ण ११० मैलाचे अन्तर मराठ्यांनी दीड दिवसात पूर्ण केले. मराठ्यांनी पोर्टो नोवो च्या पश्चिमेकडील २ मैलावर असलेले चित्रचावडी हस्तगत केल, ५०० घोडेस्वार त्यानंतर डच वखारीकडे वळले. वाखारीचे प्रवेशद्वार आधीच बंद केले होते. गावामध्ये थांबलेल्या १००० घोदेस्वरांपैकी ५०० उत्तरेकडून वखारीजवळ आले. मराठ्यांनी प्रवेशद्वार तोडण्याचा प्रयत्न चालू केला. शिडी लावून वखारीत घुसण्यात काही मराठे यशस्वी झाले. त्यांनी आतून प्रवेशद्वार उघडल्याने १००० मराठ्यांची तुकडी आतमध्ये आली. ‎ ‎📜 २७ डिसेंबर इ.स.१७६० ‎नानासाहेब पेशवे यांच्यावर दुसरा आरोप केला जायचा तो म्हणजे पानिपतवर मराठ्यांचा चुरडा उडत असताना त्यांनी आपल्या 'आनंदाकरता' इथे दुसरे लग्न केले. हा आरोपही पूर्णतः बिनबुडाचा आहे. फेब्रुवारी १७६० मध्ये उदगीरला निजामाचा पराभव झाला खरा. परंतु निजामाने कबूल केलेल्या खंडणीला वाटाण्याच्या अक्षता लावल्या. उत्तरेत भाऊसाहेब अब्दालीच्या मोहिमेत गुंतले होते. याच सुमारास दक्षिणेत हैदरअलीनेही उचल खाल्ली. या दोन्ही मोहिमा चालवण्यासाठी पाण्यासारखा पैसा खर्च होत होता. मोहिमेच्या वेळी होणाऱ्या खर्चासाठी पेशवे सावकारांकडून कर्ज घेत असत. परंतु, आता निजामाच्या मोहिमेनंतर मराठी सैन्य तडक उत्तरेकडे रवाना झाले. त्यांचा पगारही थकलेला होता. निजामानेही खंडणी न दिल्याने पेशव्यांना सावकारांची देणी देता येत नव्हती आणि यामुळेच भाऊसाहेब पानिपतावर असतानाच सावकारांनी कर्ज देण्याचे बंद करून टाकले. पेशवे मोठ्या आर्थिक विवंचनेत सापडले. उत्तरेतील एकाही सरदाराने भाऊसाहेबांना एका पैशाचीही मदत केली नाही. म्हणून सदाशिवरावभाऊ वेळोवेळी पुण्याला नानासाहेब पेशव्यांकडे पैशाची मागणी करत होते. अखेरीस पैशावाचून खूप मोठे नुकसान होत आहे हे पाहताच, पैठणकर नाईक-वाखरे सावकारांनी कर्ज देण्याचे मान्य केले. परंतु एका अटीवर... त्यांनी आपल्या मुलीचा, राधाबाईंचा पेशव्यांशी विवाह झाला तरच मदत करण्याची तयारी दर्शवली. अखेरीस पाऊण लक्ष मराठी सैन्याच्या भल्यासाठी  मार्गशीर्ष वद्य षष्ठी शके १६८२ विक्रमनाम संवत्सरी, शनिवारी ‎म्हणजेच दि. २७ डिसेंबर १७६० या दिवशी हिरडपूर येथे नानासाहेबांचे आणि नऊ वर्षांच्या राधाबाईंचा विवाह झाला. नानासाहेबांनी आपला दुसरा विवाह केला. या विवाहानंतर एका आठवड्याच्या आतच श्रीमंत नानासाहेब पेशवे चाळीस हजार फौज आणि पैसा घेऊन पानिपतच्या रोखाने निघाले!! ‎ ‎*≈≈≈≈≈≈≈≈≈≈≈≈≈≈≈≈≈≈≈≈* ‎*आपल्या राजा शिवछत्रपती Whatsapp समुहामध्ये सामील होण्यासाठी खाली दिलेल्या लिंकवर क्लिक करून आपले नाव आणि पत्ता सांगा आपल्याला समुहामध्ये सामील केले जाईल..*👇👇 ‎*♠️ अजय सोनवणे* ‎https://wa.me//918605494249 #🙏शिवदिनविशेष📜 #🚩शिवराय ‎*≈≈≈≈≈≈≈≈≈≈≈≈≈≈≈≈≈≈≈≈≈* ‎*WhatsApp ग्रुप लिंक* ‎*།། राजा शिवछत्रपती །། इतिहास माझ्या राज्याचा समुह क्र.०१* ‎https://chat.whatsapp.com/EBOf3f2DDie3q5GrvcKYNA ‎ ‎*།། राजा शिवछत्रपती །། इतिहास माझ्या राज्याचा समुह क्र.०२* ‎https://chat.whatsapp.com/F0OcXttE6x1LrWYF9eqWdb ‎*≈≈≈≈≈≈≈≈≈≈≈≈≈≈≈≈≈≈≈≈≈≈* ‎*-----------☆★۩۞۩★☆-----------* ‎*राजा शिवछत्रपती, इतिहास माझ्या राज्याचा* ‎*महाराष्ट्र राज्य* ‎*-----------☆★۩۞۩★☆-----------* ‎*जय जगदंब जय जिजाऊ* ‎  *जय शिवराय जय शंभूराजे* ‎           *जय गडकोट* ‎       *!! हर हर महादेव !!* ‎ #🙏आई एकविरा 🙏 #☘️हर हर महादेव🙏🏼 #🚩छत्रपती संभाजी महाराज स्टेटस🙏