ശിവപരിണയം ❤ Part 17 (ii) ഇപ്പോൾ തന്നെ താമസിച്ചു... ഞാൻ ക്ലാസ്സിലേക്ക് പോട്ടെ... പോകുന്നതിന് മുമ്പ് വിഷ്ണുവേട്ടനെ ഒരു വട്ടം നോക്കി ഞാൻ ക്ലാസിലേക്ക് നടന്നു... കുതിർന്ന ശരീരവും അതിലേറെ കുതിർന്ന മനസുമായി... എല്ലാ കാര്യവും കാർത്തുവിനോട് പറഞ്ഞു ഇരിക്കുമ്പോഴാണ് രാവിലെ കൊടുത്ത internal sign ചെയ്യാൻ ഉച്ചയ്ക്ക് എനോട് ഡിപ്പാർട്മെന്റിലേക്ക് ചെല്ലാൻ മിസ്സ്‌ പറഞ്ഞത്.... എന്ത് കൊണ്ടോ.. വിഷ്ണുവേട്ടനെ നോക്കാൻ ഒരു മടി പോലെയായിരുന്നു അപ്പോൾ മനസ്സിൽ.... ഉച്ചയ്ക്ക് ഡിപ്പാർട്മെന്റിലേക്ക് ചെന്നപ്പോൾ അവിടെയാരുമില്ലായിരുന്നു.... എന്നാൽ sign ചെയ്യേണ്ട പേപ്പർ ടേബിളിലുണ്ട്... അതെടുത്തു എന്റെ പേരിന് നേരെ ഞാൻ sign ചെയ്‌തു പുറത്തേക്കു പോകാൻ തുടങ്ങിയപ്പോളാണ് പുറത്ത നിന്നും വിഷ്ണുവേട്ടൻ അകത്തേക്ക് വരുന്നത് കണ്ടത്... എന്നെ കാണുന്നതിന് മുമ്പ് ഞാൻ പെട്ടെന്ന് അവിടത്തെ ഡിപ്പാർട്മെന്റ് ലൈബ്രറിയുടെ ഉള്ളിലേക്ക് പോയി.... കുറച്ച് നേരം അവിടെ തന്നെ നിന്നു... പോയോ ഇല്ലയോ എന്ന് അറിയാൻ വേണ്ടി പുറത്തേക്കു എത്തി നോക്കിയപ്പോൾ അവിടെയെങ്ങും കണ്ടില്ല..... ഇത് എവിടെ പോയി എന്ന് ആലോചിച്ചു തിരിഞ്ഞതും കറക്റ്റ് എന്റെ പിന്നിൽ നിക്കുന്നു... പെട്ടെന്ന് പിന്നിൽ ഒരാളെ കണ്ടപ്പോൾ തന്നെ നെഞ്ചത്ത് കൈ വച്ച് പോയി... പിടിക്കപ്പെട്ടെങ്കിലും ഒരു വളിച്ച ചിരി എന്റെ മുഖത്തു വന്നു... നീ എന്താ ഒളിച്ചു കളിക്കുവാണോ ഇവിടെ.. ഏയ്. .അല്ല.. ഞാൻ ഇവിടെ ബുക്ക്‌ നോക്കാൻ വന്നതാ.. എന്ന് പറഞ്ഞു ഏതോ ഒരു ബുക്ക്‌ ഞാൻ തുറന്നു നോക്കി നിന്നു... ഒരു കോപ്പും മനസിലാവുനില്ലല്ലോ ഇതിലെ.... ബുക്കിൽ നിന്നും ഒളികണ്ണിട്ടു വിഷ്ണുവേട്ടന്റെ മുഖത്തു നോക്കി.... എന്തിനാ രാവിലെ കരഞ്ഞത്... പ്രദീഷിച്ച ചോദ്യമായിരുന്നു.. പക്ഷെ അതിനുള്ള ഉത്തരം എനിക്ക് പോലും അറിയില്ല.. ഞാൻ കരഞ്ഞില്ല.... അത്‌.. മഴ തുള്ളി തെറിച്ചതാവും... മഴ തുള്ളി ഏത് നിന്റെ കണ്ണീർ ഏത് എന്നൊക്കെ തിരിച്ചു അറിയാനുള്ള കഴിവൊക്കെ എനിക്ക് ഉണ്ട്.. അതെന്താ.. രണ്ടും രണ്ട കളർ ആണോ... എന്റെ നാവിൽ നിന്നും അങ്ങനെ ഒരു ഉത്തരം വന്നപ്പോൾ മറുപടിയായി ഒരു വഴക്ക് പ്രധീക്ഷിച്ചു എങ്കിലും ഒന്നും ഉണ്ടായില്ല... ചുമ്മാ നോക്കി നിന്നതല്ലാതെ... ആരോ ഡിപ്പാർട്മെറ്റിലേക്ക് വരുന്നത് കണ്ടു ഞാൻ എത്തി നോക്കി.. .വേറെയാര് മണിയടി സാറ് തന്നെ.... അതുകൂടെ കണ്ടപ്പോൾ പിന്നെ പുറത്ത ഇറങ്ങാൻ തോന്നിയില്ല... പറയ്.. എന്തിനാ കരഞ്ഞത്... വീണ്ടും ആ ചോദ്യം വന്നപ്പോൾ ഉത്തരം പറയാൻ ആവാതെ ഞാൻ നിന്നു... അത്‌..... പെട്ടെന്നാണ് പുറത്ത നിന്ന് ഒരാളുടെ ശബ്‌ദം കേട്ടത്.. excuse me... ഫൈനൽ ഇയർ പഠിക്കുന്ന ശിവന്യ ഒന്ന് കാണാൻ പറ്റുമോ... ഇതിപ്പോ ആരാ എന്നെ ചോദിക്കാൻ... ആരാ അത്‌... വിഷ്ണുവേട്ടൻ ആയിരുന്നു.. അറിയില്ല... ആരാണ് എന്ന് അറിയാൻ വേണ്ടി അവിടെ നിന്നും ഒരു ബുക്കും എടുത്തു ഞാൻ പുറത്ത ഇറങ്ങി.. പിന്നാലെ വിഷ്ണുവേട്ടനും... സാമാന്യം കാണാൻ തരക്കേടില്ലാത്ത ഒരു ചെറുപ്പക്കാരൻ.. അയാൾ എന്റെ അടുത്തേക്ക് വന്നു... ശിവാ നീ ഇവിടെ ഉണ്ടായിരുന്നോ... വളരെ പരിചയമുള്ളത് പോലെ എന്നെ നോക്കി സംസാരിച്ചപ്പോൾ ഒരു പരിചയവുമില്ലാതെ ഞാൻ നിന്നു... ആരാ.. ആഹാ.. Best.. നീ എന്നേ മറന്നുവല്ലേ... ആ സമയം അവിടെ ഉണ്ടായിരുന്ന വിഷ്ണുവേട്ടന്റെയും ഒപ്പം മണിയടി സാറിന്റെയും ശ്രദ്ധ എന്നിൽ ആയിരുന്നു... എനിക്ക് മനസിലായില്ല.. ശരി.. അപ്പോൾ നീ എന്നേ മറന്നുവല്ലേ.. മാങ്ങാഭരണി... അവസാനത്തെ ആ മാങ്ങാഭരണി പതുക്കെയാണ് പറഞ്ഞത്.. പക്ഷെ വിഷ്ണുവേട്ടൻ കേട്ടു എന്ന് തോന്നി...എന്നാൽ ആ വാക്ക് കേട്ടപ്പോളാണ് എന്റെ മുമ്പിൽ നിക്കുന്ന മഹാൻ ആരാണ് എന്ന് എനിക്ക് കത്തിയത്... ശരത്... ഹാവു.. അവസാനം ഓർമ വന്നു... എന്നെ ആ പേര് വിളിക്കാൻ നീ മാത്രമല്ലേയുള്ളൂ.... ശരത് എന്റെ പിന്നിൽ നിന്നിരുന്ന വിഷ്ണുവേട്ടനെ നോക്കി... sorry സർ.. പെട്ടെന്ന് ഇവളെ കണ്ടപ്പോൾ പരിസരം മറന്നു സംസാരിച്ചതാ.... ഞാൻ തിരിഞ്ഞു നോക്കി.... എന്തായാലും പരിചയപ്പെടുത്താൻ തോന്നി.. നന്ദേട്ടൻ കല്യാണം കഴിക്കാൻ പോകുന്ന കുട്ടിയുടെ ഏട്ടനാണ് പിന്നെ...... വിഷ്ണുവേട്ടൻ എന്നെ നോക്കി.... എന്റെ ആരെല്ലാമൊക്കെയാണ് പറയണം എന്നുണ്ടെങ്കിലും എല്ലാം ഉള്ളിൽ ഒതുക്കി.. പിന്നെ എന്റെ ക്ലാസ്സ്‌ ട്യൂട്ടറും.... വിഷ്ണു സർ.... വിഷ്ണുവേട്ടന്റെ കണ്ണുകൾ എന്റെ നേർക്ക് വന്നത് ഞാൻ അറിഞ്ഞു... ആഹാ .അപ്പോൾ നമ്മൾ ബന്ധുക്കളാണ് . എന്ന് പറഞ്ഞു ശരത് വിഷ്ണുവേട്ടന് നേരെ കൈ നീട്ടി.... വിഷ്ണുവേട്ടനും കൈ കൊടുത്തു.. പക്ഷെ ആ മുഖത്തെ തെളിച്ച കുറവ് ഞാൻ അറിഞ്ഞു.... ഞാൻ ശരത്... ശിവയുടെ അപ്പച്ചിയുടെ മകനാണ്.... സർവോപരി.... എന്നെ ഒന്ന് നോക്കി.. അവൻ അവസാനം പറഞ്ഞു.. സർവോപരി ഇവളുടെ ഭാവി വരനും... ആ വാക്കുകൾ കേട്ട് ഞാൻ ഞെട്ടി അവനെ നോക്കി ... അതിലേറെ ഞെട്ടലോടെ വിഷ്ണുവേട്ടൻ എന്നെ നോക്കി... എന്നാൽ കുടിച്ച കൊണ്ടിരുന്ന ചായ മണ്ടയിൽ കയറി ചുമച്ചു കൊണ്ട് എല്ലാവരെയും ഒരു പോലെ ഞെട്ടലോടെ നോക്കി നമ്മുടെ മണിയടി സാറും ************************************************** ഇന്നും രണ്ട പാർട്ടാണ്.. എല്ലാം ഒരുമിച്ചു പോസ്റ്റാൻ കാരണവർ സമ്മതിക്കുനില്ല.... ഡെയിലി പോസ്റ്റ്‌ ചെയ്യാൻ സാധിക്കാത്തതിന്റെ കാരണം മനസിലാക്കി കൂടെ നിന്ന് സപ്പോർട്ട് തരുന്ന എല്ലാ നല്ല വായനക്കാർക്കും നന്ദി... ഈ പാർട്ടിനെ കുറിച്ചുള്ള നിങ്ങളുടെ അഭിപ്രായം പറയാം... അഞ്ചു കൃഷ്ണ ❤ #📙 നോവൽ
19.8k കണ്ടവര്‍
11 ദിവസം
മറ്റു ആപ്പുകളില്‍ ഷെയറാം
Facebook
WhatsApp
ലിങ്ക് കോപ്പി ചെയ്യാം
ഡിലീറ്റ് ചെയ്യാം
Embed
ഞാന്‍ ഈ പോസ്റ്റ്‌ റിപ്പോര്‍ട്ട് ചെയ്യാന്‍ കാരണം.....
Embed Post