My boss.. 26 ആദമിന്റെ ചിരി കേട്ട് കൊണ്ടാണ് നിഹ ഉറക്കമുണരുന്നത്..... ആദമിന്റെ തൊട്ടരികിൽ കിടക്കുവായിരുന്നു....നിഹ അവന്റെ ചിരി കേട്ട് അവളവനെ തന്നെ നോക്കിയിരുന്നു.... ഇയാൾക്കിതെന്താ വട്ടായോ..?? എന്തിനാ ഇങ്ങനെ ചിരിക്കുന്നത്...നിഹ മനസ്സിൽ പറഞ്ഞു... അതേ.. സാർ.. സാറെന്തിനാ ഇങ്ങനെ ചിരിക്കുന്നത്... സാറിന് വട്ടായോ.. അല്ല ഇന്നലെ രാത്രി അമ്മാതിരി വട്ടത്തരങ്ങൾ ആയിരുന്നല്ലോ പറഞ്ഞത് അത് കൊണ്ടു ചോദിച്ചു പോയതാ.... അവന്റെ തുറിച്ചു നോട്ടം കണ്ടു നിഹ പറഞ്ഞൊപ്പിച്ചു.... നിഹാ.. നിനക്കറിയോ ഞാനൊരു സ്വപ്‌നം കണ്ടു്..... ആ സ്വപ്നത്തിൽ എന്തൊക്കെയാ നടന്നതെന്ന് അറിയോ നിനക്ക്.. ക്ലൈമാക്സ്‌ അടിപൊളിയാ.. അവസാനം നമ്മൾ എന്റെ വീട്ടിലെത്തി.. ആദം ഇപ്പഴും ആ സ്വപ്നത്തിൽ നിന്നും മുക്തനായിട്ടില്ല.. ആണോ.. എന്നാൽ പറ..ആ വഴിയിൽ കൂടെ നമുക്ക് പോയാല്ലോ.. അപ്പോ വീട്ടിൽ എത്തുല്ലോ... പറയട്ടെ... ഹ്മ്മ്..പറയെന്ന്.. ചിലപ്പോൾ ആ സ്വപ്നത്തിൽ വല്ല ക്ലൂവും ഉണ്ടെങ്കിലോ..?? നിഹ ആകാംഷയോടെ പറഞ്ഞു..അങ്ങനെ ആദം തന്റെ സ്വപ്നം മുഴുവൻ പറയാൻ തുടങ്ങി... രാവിലെ എഴുന്നേറ്റത് മുതലുള്ള റൊമാൻസ് തൊട്ട് അങ്ങ് വീട്ടിലെത്തികഴിഞ്ഞുള്ള റൊമാൻസ് വരെ പറഞ്ഞു അവൻ നാക്കു വായിലേക്കിട്ടില്ല  അതിന് മുന്നേ സ്വിച്ചിട്ടപോലെ നിഹ ചിരിക്കാൻ തുടങ്ങി... ആ ചിരി മിനിട്ടുകളോളം നീളുന്നത് കണ്ടതും അവനു ദേഷ്യം വരാൻ തുടങ്ങി .... എന്റെ സാറെ സ്വപ്നം കാണാൻ വല്യ ചിലവൊന്നും ഇല്ലെന്ന്  അറിയാം.. എന്നുവെച്ചു  സ്വപ്നം കാണുന്നതിന് ഒരു പരിധി ഇല്ലേ.. ശോ ആ പാമ്പ് കടിച്ചു ആ പാമ്പ് തിരികെ വന്നു വിഷം ഇറക്കി പോവുക എന്നൊക്കെ വെച്ചാൽ ഇതെന്തുവാ നാഗിൻ സീയ്യലിന്റെ മലയാളം വേർഷൻ ആണോ...??എനിക്ക് ചിരിക്കാൻ വയ്യേ... ശോ...എന്നാലും എനികിതെന്തിന്റെ കേടായിരുന്നു സാറിന് വേണ്ടി മണിക്കൂറുകളോളം ശയനപ്രദക്ഷിണം നടത്തുക... അതിനേക്കാൾ ബേധം വിധിയെന്ന് കരുതി വിധവയാവുക എന്നതായിരുന്നു... എങ്കിൽ വിധവ പെൻഷനെങ്കിലും കിട്ടുമോന്ന് നോക്കായിരുന്നു...എന്നാലും ഞാൻ പറഞ്ഞ ആ ഇമോഷണൽ ഡയലോഗേ.. ചത്താലും ഞാനത് പറയുമെന്ന് സാറിന് തോന്നുന്നുണ്ടോ...??? എന്റെ ജീവനാ എന്റെ പ്രാണനാ പിന്നെ എന്തുവാ...എന്തായാലും സ്വപ്നം വെറൈറ്റി ആയിട്ടുണ്ട്....അത്രയും പറഞ്ഞുകൊണ്ട്  അവൾ  ചിരി അടക്കി പിടിച്ചു എഴുന്നേറ്റ് തന്റെ സാരിയും ചുറ്റി ആ പഴയ കെട്ടിടത്തിൽ നിന്നും ഇറങ്ങി പുറത്തേക്ക് നടക്കുന്ന നിഹയെ കണ്ടു ആദം പല്ലു ഞെരിച്ചു... ഛെ.. ഈ കുരിപ്പിനോട് പറയേണ്ടിയിരുന്നില്ല.. ആകെ നാണക്കേടായി... ആദം ഇരുന്നിടത്തു നിന്നു ഓരോന്ന് ചിന്തിച്ചു.. സാർ...  സ്വപ്നത്തിന്റെ ബാക്കി കാണുവാണോ... അതൊക്കെ വീട്ടിലെത്തിയിട്ട് കണ്ടാൽ പോരെ.. ഇപ്പോ സാർ ഒരു കാര്യം ചെയ്യ് ആ കാവിലേക്കുള്ള വഴി ഒന്ന് ഓർത്തു നോക്കിക്കേ... നമുക്ക് സ്വപ്നത്തിലെ റൂട്ട് പിടിച്ചു നോക്കാം അല്ലെ.. ചിലപ്പോൾ മുന്നിൽ വഴി തെളിഞ്ഞാലോ...പിന്നെ സാറെ ഒരു കാര്യം പാമ്പിനെ ചവിട്ടി കടിയും കൊണ്ട് വന്നാൽ എന്നെകൊണ്ട് ഒന്നും ചെയ്യാൻ പറ്റില്ല... അതൊന്നു ഓർത്തു വെക്കുന്നത് നല്ലതാ.. അതല്ല ഞാൻ ആലോചിക്കുന്നത് സാറിന്റെ മനസ്സറിഞ്ഞു സ്വപ്നത്തിലും സാറിന് ഇജ്ജാതി റൊമാൻസ് സമ്മാനിച്ച സ്വപ്നദേവതയുടെ ആ മനസ്സാണ്...‌ സാറ് അത് ഒരിക്കലും കാണാതെ പോവരുത്...ഏതായിരുന്നു സാറെ ആ വാഷ്റൂം റൊമാൻസിലെ ബിജിഎം... ആ.  എൻ വിണ്ണിലെ താരമേ എന്നുമെൻ നെഞ്ചിലെ ശ്വാസമേ...നല്ല സോങ് സെലെക്ഷൻ ഉള്ള സ്വപ്ന ദേവത.... അതും പറഞ്ഞു ചിരി അടക്കി പിടിച്ചു നിൽക്കുന്ന നിഹയെ കണ്ടു് ആദമിന് ദേഷ്യം അടക്കാനായില്ല.. അവൻ മുഷ്ടി ചുരുട്ടി പിടിച്ചു ദേഷ്യം നിയന്ത്രിച്ചു..അവൻ തന്റെ ഷർട്ട് എടുത്ത് ധരിച്ചു നിഹയെ ശ്രദ്ധിക്കാതെ അവിടുന്ന് ഇറങ്ങി നടന്നു.. നിഹ ആണെങ്കിൽ അവനിട്ട് ചൊറിയാൻ ഒരു ടോപ്പിക്ക് കിട്ടിയതിന്റെ ആത്മ സംതൃപ്തിയോടെ നിൽകുമ്പോഴാണ് അവൻ തന്നെ കൂട്ടാതെ ദൃതിയിൽ പോവുന്നത് കാണുന്നത്.. സാർ.. സാർ ആള് കേറിയില്ല... ഞാനും ഉണ്ടെന്ന്.. എന്നെ കൂട്ടാതെ പോയാൽ എങ്ങനെ ശരിയാവും..പാമ്പ് കടിച്ചാൽ ആര് നെഞ്ച് പൊട്ടി കരയും ആര് ശയന പ്രദക്ഷിണം നടത്തും... നിഹാ അവനു പിന്നാലെ വെച്ചു പിടിച്ചു കൊണ്ട് പറഞ്ഞു....ആദം ദേഷ്യം കടിച്ചമർത്തി മുന്നോട്ട് നടന്നു... കുറച്ചു നേരം നിഹാ മിണ്ടാതെ നടന്നു.. ശേഷം വീണ്ടും അവനെ ചൊറിയാമെന്ന് കരുതി വാ തുറന്നു.. ദേ പാമ്പ്..നിഹ പെട്ടെന്ന് പറയുന്നത് കേട്ടതും ആദം പെട്ടെന്ന് നടത്തം നിർത്തി ചുറ്റും നോക്കി.. അവിടെ ഒന്നും ഇല്ലെന്ന് കണ്ടതും അവൾ തന്നെ പറ്റിച്ചതാണെന്ന് മനസിലായ ആദം ദേഷ്യം കടിച്ചു പിടിച്ചു പിടിച്ചു നടത്തം തുടർന്നു... കുറച്ചു കഴിഞ്ഞു നിഹാ വീണ്ടും തുടങ്ങി.. അയ്യോ പാമ്പേ കടിക്കല്ലേ.. അയ്യോ പാമ്പേ കടിക്കല്ലേ...അയ്യേ പാമ്പേ കടിക്കല്ലേ.. ഒരു പ്രത്യേക ഈണത്തിൽ അവൾ അതു പറയുന്നത് കേട്ടതും ആദം നടത്തം അവസാനിച്ചു അവൾക്ക് നേരെ തിരിഞ്ഞു... അവന്റെ കണ്ണിലെ അഗ്നി കണ്ടതും നിഹ ജീവനും കൊണ്ട് ഓടി ശേഷം മുന്നിൽ കണ്ട കുഞ് മരത്തിലേക്ക് വലിഞ്ഞു കയറി... ഇവളിതെവിടെ പോയി എന്നറിയാതെ ആദം ചുറ്റും നോക്കിയപ്പോൾ ശ്.. ശ്.... എന്നൊരു ശബ്ദമാണ് കേൾക്കുന്നത്.... ഇനി പാമ്പ് വല്ലതുമാണോ എന്നറിയാൻ അവൻ ചുറ്റും നോക്കി.... സാർ.. ഇവിടെ.. ഇവിടെ... അന്നേരമാണ് ആദം മരത്തിനു മുകളിലേക്ക് നോക്കുന്നത്... സോറി സാർ... തന്റെ ഇരു ചെവിയിലും പിടിച്ചു കൊണ്ട് സോറി പറയുന്നവളെ കണ്ടതും അവനു ചിരിയാണ് വന്നത്... എന്നാലും ഗൗരവം നടിച്ചു മരത്തിന്റെ ചില്ല കുലുക്കി അവളെ വീഴ്ത്താൻ നോക്കിയെങ്കിലും കുരിപ്പ് എങ്ങനെയൊക്കെയോ പിടിച്ചു നിന്നു... അവസാനം ആദം പെട്ടെന്ന് തോന്നിയ ബുദ്ധിയിൽ ദേ പാമ്പെന്ന് പറഞ്ഞു നാക്ക് വായിലേക്കിട്ടില്ല അവൾ മരത്തിൽ നിന്നും ഒരൊറ്റ ചാട്ടമായിരുന്നു.... താൻ താഴെ വീണു നടുവൊടിഞ്ഞെന്ന് കരുതി ഇരിക്കുവായിരുന്നു അവൾ .. പിന്നീടാണ് മനസ്സിലാവുന്നത് താൻ നേരെ ചെന്ന് ലാൻഡ് ചെയ്തത് അവന്റെ കയ്യിലേക്കാണെന്ന്... തന്നെയും കയ്യിലെന്തി നടക്കുന്ന അവനെ കണ്ടപ്പോൾ നല്ല പേടിയുണ്ടായിരുന്നു.. ഇനിയിപ്പോ വല്ല പൊട്ടകിണറ്റിലും കൊണ്ട് പോയി തള്ളിയാലൊന്ന് ആലോചിച്ചു... ഭാഗ്യം വിചാരിച്ചത് പോലെ ഒന്നും നടന്നില്ല...ഒടുവിൽ ഒരു അരുവിയുടെ മുൻപിൽ എത്തിയതും അവനവളെ താഴെ ഇറക്കി....മുഖമൊക്കെയും കഴുകി ക്ഷീണം മാറ്റി തൊട്ടരികിലെ നീരുറവയിൽ നിന്നും വെള്ളവും കുടിച്ചു ഇരുവരും അരുവിയോട് ചേർന്നുള്ള പാറകെട്ടിൽ നിന്നു കാറ്റുകൊള്ളുകയാണ്... ഒപ്പം നിഹ എന്തൊക്കെയോ ശബ്ദം ഉണ്ടാക്കി അതിന്റെ എക്കോ ശബ്ദം കേട്ട് ആസ്വതിക്കുകയാണ്... ആദം ഇളം കാറ്റും കൊണ്ട് ആണെങ്കിൽ പാറയുടെ മേലെയായി ആകാശത്തിലേക്ക് നോക്കി കിടക്കുവാണ്.... ഒന്ന് മിണ്ടാതിരിക്കുന്നുണ്ടോ??  കുയിലിന്റെയും കുരുവിയുടെയും ശബ്ദം ഉണ്ടാക്കി കളിക്കുന്ന നിഹയെ നോക്കി ആദം പറഞ്ഞപ്പോൾ നിഹാ അവനെ നോക്കി പുച്ഛിച്ചു.. സാറിനെന്തറിയാം.. ഈ ശബ്ദം കേട്ട് ആരെങ്കിലും ഇങ്ങോട്ട് വന്നാൽ നമുക്ക് രക്ഷപെടാല്ലോ എന്നോർത്തു ഞാൻ ചെയ്യുന്നതല്ലേ.. അല്ലേലും സാറിനോട് ഇതൊക്കെ പറഞ്ഞിട്ടെന്ത് കാര്യം...ഇന്നലെ സ്വപ്നം കാണുന്ന കൂട്ടത്തിൽ ഇവിടെ വല്ല ആപ്പിളിന്റെ മരമോ ഓറഞ്ചിന്റെ മരമോ ഒക്കെ ഉണ്ടോന്ന് കൂടി കാണായിരുന്നില്ലേ.... എങ്കിൽ നമുക്ക് അങ്ങോട്ട് പോവായിരുന്നില്ലേ... നിഹയുടെ പറച്ചിൽ കേട്ട് ആദം എഴുന്നേറ്റിരുന്നു... നമ്മൾ ഉള്ളത് കശ്മീരിലെ ഏതോ വനത്തിൽ ആണല്ലോ അല്ലെ.. അപ്പൊ പിന്നെ ആപ്പിളും ഓറഞ്ചും ഒക്കെയും ഉറപ്പായും കാണും ആദം അവളെ തിരിച്ചു പുച്ഛിച്ചു. അല്ല പിന്നെ കടിച്ചപാമ്പിനെ കൊണ്ട് വിഷം ഇറക്കിപ്പിക്കുന്ന ദൈവങ്ങൾ ഉള്ള കാടാണിത്...ഇവിടെ ആപ്പിൾ അല്ല ചിലപ്പോൾ പണം കയ്ക്കുന്ന മരം വരെ ഉണ്ടാവും... സാർ ഒന്നുകൂടെ ഉറങ്ങി ഒരു സ്വപ്നം കൂടി കണ്ടു നോക്കിക്കേ...... അവൾ തനിക്കിട്ട് കൊട്ടിയതാണെന്ന് മനസ്സിലായ ആദം ഒന്നും അറിയാത്ത പോലെ തന്റെ കാല് നീട്ടി അവളെ വെള്ളത്തിലെക്ക് വീഴ്ത്താൻ നോക്കി... നിഹയാണെങ്കിൽ താൻ വീണു എന്നു കരുതി കണ്ണുറുക്കി അടച്ചു നിൽക്കുകയാണ്.... തന്റെ വലത് കയ്യിൽ അവൻ പിടിത്തമിട്ടിട്ടുണ്ടെന്ന് മനസ്സിലായ അവൾ നേരിയ ആശ്വാസത്തോടെ കണ്ണു തുറന്നു... അവൻ കൈ വിട്ടാൽ അവൾ താഴെ വീഴും എന്ന അവസ്ഥയിൽ ആണുള്ളത്...പിടിക്ക് എന്നപോലെ അവൾ തന്റെ മറ്റേ കൈ അവനു നേരെ നീട്ടിയതും അവന്റെ മുഖത്ത് ഒരു തരം ചിരി വിരിഞ്ഞു....അവൻ നേരത്തെ പിടിച്ച കയ്യിൽ നിന്നുള്ള പിടികൂടി അയച്ചതും നിഹ വെള്ളത്തിലേക്ക് മലർന്നടിച്ചു വീണു... അവസരം കിട്ടിയാൽ നീയെന്റെ തലയിൽ കയറി നിരങ്ങും അല്ലെടീ....ഇടിയറ്റ്.... കുറച്ചു നേരം അവിടെ കിടക്ക്...കയ്യിൽ ഫോൺ ഉണ്ടായിരുന്നേൽ ഇപ്പോ ഞാനൊരു ബിജി എം ഇട്ടു തന്നേനെ.. എന്താണെന്നോ എൻ കരളിൽ താമസിച്ചാൽ മാപ്പ് തരാം രാക്ഷസി സമ്മതമായ് ചേർന്ന് നിന്നാൽ ഉമ്മ തരാം രാക്ഷസി..... വെള്ളത്തിൽ കിടന്നു കൈകാലിട്ടടിക്കുന്ന നിഹയെ നോക്കി ആദം മുകളിലെ പാറയിൽ ഇരുന്നു കൊണ്ട് പറഞ്ഞു.. സാർ.. സാറെന്നെ രക്ഷിക്ക്..എനിക്ക് നീന്താൻ അറിയില്ല.. സത്യമായിട്ടും അറിയില്ല.. നിഹ വെള്ളത്തിൽ നിന്നു വിളിച്ചു പറഞ്ഞു.. അറിയില്ല... എങ്കിൽ ഇതോടെ പഠിച്ചോളും...ആദം പരിഹാസരൂപേണ പറഞ്ഞു... സാർ സത്യായിട്ടും അറിയില്ല.. ഞാൻ മരിച്ചു പോവുട്ടോ..അവൾ മുങ്ങി താഴുന്നതിനിടയിൽ നിഹ പറഞ്ഞു.. എന്റെ നിഹാ ഇങ്ങനെയൊക്കെയല്ലേ നീന്താൻ പഠിക്കുന്നത്...നീ നീന്താൻ പഠിക്ക് അതുവരെ ഞാനിത്തിരി കാറ്റു കൊള്ളാം... സാർ.. സാർ എന്നും പറഞ്ഞു അവൾ വെള്ളത്തിലേക്ക് മുങ്ങി താഴ്ന്നു.. കള്ളീ നിന്റെ അടവൊന്നും എന്റെ അടുത്ത് നടക്കില്ല..ഇന്നലെ കഷ്ടപ്പെട്ട് ഉണക്കിയ ഷർട്ടും പാന്റും ആണിത്..വെള്ളത്തിൽ ചാടി ഞാനത് വീണ്ടും നനച്ചുകളയുമെന്ന് നിനക്ക് തോന്നുന്നുണ്ടോ... എന്നും പറഞ്ഞു അവൻ വീണ്ടും പാറയിൽ കണ്ണടച്ച് കിടന്നു.. ഇനിയിപ്പോ അവൾക്ക് ശരിക്കും നീന്താൻ അറിയില്ലേ എന്നൊരു ചിന്ത അവനിൽ ഉണ്ടായി..... ഹേയ് അതവളുടെ അടവാണ്.... അടവിറക്കാൻ അവളെ കഴിഞ്ഞേ ഈ ഭൂലോകത്തു മറ്റാരും ഉള്ളു..ശോ ഇത്രേം നേരം തന്റെ ചെവി തിന്നുവായിരുന്നില്ലേ.. എന്നാലും ഇന്നലെ കണ്ട സ്വപ്നം അത് ശരിക്കും നടന്നിരുന്നുവെങ്കിലെന്ന് അറിയാതെ ആഗ്രഹിച്ചു പോകുവാ.. സ്വപ്നത്തിൽ ആ പെണ്ണിന് എന്തൊരു സ്നേഹം ആയിരുന്നു...ഇതിപ്പോ ഇന്നലെ രാത്രി ഐ ലവ് യൂ പറഞ്ഞ ഓർമപോലും ഇല്ലല്ലോ ആ കുരിപ്പിനു എന്നും മനസ്സിൽ പറഞ്ഞു അവൻ വീണ്ടും കണ്ണടച്ച് കിടന്നുവെന്നല്ലാതെ അവന്റെ മനസ് അസ്വസ്ഥതമായിരുന്നു.. അവൻ എഴുന്നേറ്റിരുന്നു വെള്ളത്തിലേക്ക് നോക്കിയപ്പോൾ അവിടെ എവിടെയും നിഹയെ കാണുന്നില്ല... ഒരു നിമിഷം അവന്റെ മനസ്സിൽ വല്ലാത്തൊരു ഭയം ഉടലെടുത്തു.. ഷർട്ട് ഊരി മാറ്റി മറുത്തൊന്നും ആലോചിക്കാതെ വെള്ളത്തിലേക്ക് എടുത്ത് ചാടി... വെള്ളത്തിനടിയിൽ മുങ്ങി താഴ്ന്നു അവൻ അവിടം മുഴുവൻ അവളെ അന്വേഷിച്ചു... നിഹാ..."!!!!!!!!!""നീ എവിടെയാ...അവൻ ഉറക്കെ വിളിച്ചു... അവൾ വിളികേട്ടില്ല.... അവൾക്ക് വല്ലതും പറ്റിക്കാണുമോ എന്ന ചിന്തയിൽ അവൻ ആകെ തകർന്നു പോയി..നിമിഷങ്ങൾ കടന്നു പോയ്കൊണ്ടിരുന്നു അവൾ അവിടെ എവിടെയും ഇല്ല എന്നു തോന്നലിൽ അവൻ വെള്ളത്തിൽ നിന്നും തിരികെ വന്നു ഒരു ചെറിയ പാറയ്ക്ക് മേലെ ഇരുന്നു... ഇരു കാലിലും കൈമുട്ടൂന്നി മുഖം താഴ്ത്തി മുടിയിൽ കൊരുത്തു വലിക്കുന്ന ആദമിന്റെ പിറകിൽ നിഹ വന്നു നിന്നു .... ഇപ്പൊ ഞാനൊരു ബിജിഎം ഇടട്ടെ സാർ... തന്റെ കാതോരം പതിയുന്ന നിഹയുടെ ശബ്ദം കേട്ടതും ആദം തിരിഞ്ഞു നോക്കി... തന്നെ നോക്കി വിജയീ ഭാവത്തിൽ പുരികം പൊക്കുന്ന നിഹയുടെ കവിളിൽ അവന്റെ കൈ അമർന്നു... അവന്റെ മുഖം വലിഞ്ഞു മുറുകി ഒപ്പം അവളുടെ കവിളിൽ പിടിച്ച പിടി മുറുകി....അവൾ വേദനകൊണ്ട് പുളഞ്ഞു പോയെങ്കിലും ഒരക്ഷരം മിണ്ടിയില്ല....അവളുടെ കണ്ണു നിറയുന്നത് കണ്ടതും ദേഷ്യത്തോടെ അവളെ വെള്ളത്തിലേക്ക് പിടിച്ചു തള്ളി അവൻ തന്റെ ഷർട്ടും എടുത്തിട്ട് അവിടുന്ന് നടന്നു.... നിഹ വെള്ളത്തിൽ നിന്നും എഴുന്നേറ്റ് തന്റെ നിറഞ്ഞ കണ്ണുകൾ അമർത്തി തുടച്ചു അവന്റെ പിന്നാലെ നടന്നു...കുറച്ചു ദൂരം പിന്നിട്ടതും ആദം നടത്തം നിർത്തി ഒരു മരത്തിനു കീഴെ വന്നിരുന്നു .. പുറത്ത് കടക്കാൻ ഒരു വഴിയും കാണുന്നില്ലല്ലോ എന്നോർത്ത് അവനു ദേഷ്യവും സങ്കടവും ഒരുമിച്ചു വന്നു.. അതിന്റെ കൂടെ നിഹയുടെ ആ പ്രവർത്തിയും കൂടി ആയപ്പോൾ ശരിക്കും തളർന്നു പോയിരുന്നു....അവൻ നിഹയെ ശ്രദ്ധിക്കാതെ അവിടെ ഇരുന്നു.. നിഹാ വെള്ളത്തിൽ വീണതിനാൽ തണുത്തു വിറയ്ക്കുന്നുണ്ട്...പേടിയോടെ അവളവന്റെ അരികിൽ വന്നിരുന്നു... അന്നേരം ആദം തന്റെ ഷർട്ട് ഊരി മാറ്റി ദേഷ്യത്തിൽ അവൾക്ക് നേരെ എറിഞ്ഞു അവിടെ നിലത്തു മലർന്നു കണ്ണടച്ച് കിടന്നു.. നിഹ അവന്റെ ഷർട്ട് എടുത്തിട്ട് അവനെയും നോക്കി അതുപോലെ ഇരുന്നു... ഡ്രാക്കുളയ്ക്ക് വിഷമം ആയെന്ന് തോന്നുന്നു...അതിന് മാത്രം ഇയാൾക്ക് എന്നോട് ഇഷ്ടം ഉണ്ടോ.... ഉണ്ടെങ്കിൽ എന്നെ തള്ളിയിടുമ്പോൾ ഇതൊന്നും ഓർത്തില്ലേ...നിഹാ അവന്റെ മുഖത്തേക്ക് നോക്കിയിരുന്നു കൊണ്ട് ഓരോന്ന് ചിന്തിച്ചുകൊണ്ടിരുന്നു .. ആദം കണ്ണടച്ചതെയുള്ളൂ... നിഹയുടെ നിലവിളി കേട്ടാണ് അവൻ കണ്ണു തുറക്കുന്നത്..... ആദം എഴുന്നേൽക്കുന്നതിനു മുൻപേ നാലഞ്ചു പേര്  വന്നു ചുറ്റിനും നിന്നു.... ഒരുത്തന്റെ കയ്യിൽ തോക്ക് ഉണ്ടായിരുന്നു....ആദം എഴുന്നേറ്റു നിന്നു എന്തെങ്കിലും ചെയ്യുന്നതിന് മുൻപേ അവന്മാർ തോക്ക് ചൂണ്ടി അവനെ അനങ്ങാൻ പറ്റാത്ത വിധത്തിൽ ആക്കി.. ഒറ്റ നോട്ടത്തിൽ തന്നെ അത് കാട്ടു കള്ളന്മാർ ആണെന്ന് ആദത്തിന് മനസ്സിലായി...അതിലൊരുത്തൻ നിഹയുടെ കയ്യിൽ കയറി പിടിച്ചു അവളെ വല്ലാത്ത ഭാവത്തിൽ നോക്കിയതും ആദത്തിന്റെ മുഖം വലിഞ്ഞു മുറുകി.. ആദം അവന്മാരിൽ നിന്നും കുതറി മാറി നിഹയുടെ കയ്യിൽ പിടിച്ചവന് നേരെ ആഞ്ഞു ചവിട്ടി.. അന്നേരം അവൻ ദൂരേക്ക് തെറിച്ചു വീണു...ആദം നിഹയെ ചേർത്തു പിടിച്ചു....നിഹാ പേടിയോടെ അവന്റെ നെഞ്ചിലേക്ക് പതുങ്ങി....അടുത്ത നിമിഷം ബാക്കിയുള്ളവർ ഇരുവരെയും ഒരുമിച്ചു വളഞ്ഞു... അവളെയിങ് വിട്ടു താ.... അവന്മാർ  ആദത്തിന് നേരെ തോക്ക് ചൂണ്ടി കൊണ്ട് പറഞ്ഞു... ഇല്ലെങ്കിൽ...??? ആദം ഒട്ടും പതറാതെ ചോദിച്ചു.... ഇല്ലെങ്കിൽ നിന്നെ കൊന്നിട്ട് അവളെ ഞങ്ങളിങ്ങു കൊണ്ട് പൊയ്ക്കോളാം.. ഇത് കേട്ടതും ആദത്തിന്റെ മുഖത്ത് പുച്ഛചിരി വിരിഞ്ഞു....നിഹയ്ക്ക് ശരിക്കും ഭയം തോന്നി.... ഇയാള് ഇവിടെ മാസ്സ് കാണിച്ചു എന്നെ കൊലയ്ക്ക് കൊടുക്കുന്ന തോന്നുന്നത്...  ഇവിടെ ശക്തിയല്ല വേണ്ടത് ബുദ്ധിയാണെന്ന് അവൾക്ക് തോന്നി...അവളുടെ ഉള്ളിലെ ഒരു കുരുട്ടുബുദ്ധി പ്രവർത്തിച്ചു .... നിങ്ങൾ ആരാ...?? നിങ്ങൾക്ക് എന്താ വേണ്ടത്..???നിഹാ പേടിയോടെ ചോദിച്ചു.. ഞങ്ങൾ കൊള്ളക്കാരാണ്.. നിങ്ങളെ കൊള്ളയടിക്കാൻ വേണ്ടി വന്നതാ.. നിങ്ങളുടെ കയ്യിൽ ഒന്നും ഇല്ലല്ലോ അപ്പൊ പിന്നെ സുന്ദരിയായ നിന്നെ അങ്ങ് കിട്ടിയാൽ മതിയെന്ന് തോന്നി....ഒരുത്തൻ വഷളൻ ചിരിയോടെ പറഞ്ഞു... അവന്റെ ആ പറച്ചിൽ കേട്ട് ആദം പല്ലു ഞെരിച്ചു... അയ്യോ കൊള്ളക്കാരൻ ചേട്ടാ.. പ്ലീസ് എന്നെ ഒന്നും ചെയ്യരുത്.. നിങ്ങൾക്ക് വേണ്ടത് പണം അല്ലെ... ഞങ്ങളെ വെറുതെ വിട്ടാൽ ഞാൻ നിങ്ങൾക്ക് ഒരു കോടി രൂപ തരാം...നിഹ നമ്പരിറക്കി നിഹ പറഞ്ഞത് കേട്ട് അവന്മാർ ഞെട്ടി ഒപ്പം ആദവും... എത്ര തരുമെന്ന പറഞ്ഞത്..??ഒരുത്തൻ കേട്ടത് വിശ്വസിക്കാനാവാതെ ചോദിച്ചു.. ഒരു കോടി..വൺ സി ആർ.... അത് കേട്ടതും അവന്മാർ പരസ്പരം മുഖത്തോട് മുഖം നോക്കി.. നീയെന്താ ഞങ്ങളെ വിഡ്ഢിയാക്കുവാണോ..  നിന്റെ കയ്യിൽ എവിടെയാ പണമുള്ളത് .. എന്റെ കയ്യിൽ ഇപ്പൊ പണം ഇല്ല...പക്ഷേ ഞങ്ങളുടെ വണ്ടിയിൽ പണം ഉണ്ട്..ഇത് ആരാണെന്നാ നിങ്ങളുടെ വിചാരം പ്രമുഖ ബിസിനസ് ഗ്രൂപ്പ്‌ ആയ aj ഗ്രൂപ്പിന്റെ ഓണറും എം ഡിയും കൂടിയാണ്... ഇദ്ദേഹത്തിന് ഒരു കോടി നിസാരമാണ്.....ഞങ്ങൾ ഒരു അപകടത്തിൽ പെട്ട് ഈ കാട്ടിൽ പെട്ടു പോയതാ....ഞങ്ങളെ തിരികെ ഞങളുടെ വണ്ടിയുടെ അവിടെ എത്തിച്ചാൽ ഞാൻ നിങ്ങൾക്ക് പണം തരും.. എനിക്ക് പണത്തിനേക്കാൾ വലുത് എന്റെ ജീവനാ... നിഹാ തട്ടിവിട്ടു.. എവിടെയാ നിങ്ങളുടെ വണ്ടി ഉള്ളത്..?? അത് ഞാൻ പറയില്ല...എന്നിട്ട് ഞങ്ങളെ കൊന്നിട്ട് നിങ്ങൾക്ക് പണം എടുക്കാനല്ലേ... എന്നാൽ കേട്ടോ പെട്ടി തുറക്കാൻ ദേ എന്റെ കേട്ടിയൊന്റെ ഫിംഗർ വേണം...പെട്ടി ഫിംഗർ ലോക്കാണ്.... ഇനിയിപ്പോ അങ്ങേരുടെ ഫിംഗർ കട്ട്‌ ചെയ്ത് കൊണ്ട് പോവാന്ന് കരുതണ്ട അത് വർക്ക്‌ ആവില്ല... നിഹയുടെ പറച്ചിൽ കേട്ട് ആദം ഒരു നിമിഷം തന്റെ വിരലിലേക്ക് നോക്കിപോയി.. ഈ പെണ്ണ് ഇതെന്തൊക്കെയാ പറയുന്നത്.. ഇത് കേട്ട് ഇവന്മാർ എന്റെ വിരൽ വെട്ടിക്കൊണ്ട് പോവുന്ന തോന്നണേ.. നിഹാ നീ എന്തൊക്കെയാ ഈ പറയുന്നത് ആദം അവളെ നോക്കി പേടിപ്പിച്ചു.... ഇച്ചായാ നിങ്ങൾ ഒന്നും പറയണ്ട എനിക്ക് വലുത് എന്റെ ജീവനാണ്...ഒരു കോടി പോണേൽ പോട്ടെ..എന്റെ ജീവൻ തിരിച്ചു കിട്ടിയാൽ ഞാൻ ചിലപ്പോൾ ഈ കൊള്ളക്കാരൻ ചേട്ടന്മാർക്ക് രണ്ടു കോടി വരെ കൊടുതെന്ന് വരും.. നിഹ പറയുന്നത് കേട്ടപ്പോൾ അവന്മാരുടെ മനസ്സിൽ നിഗൂഢമായ ചിരി വിരിഞ്ഞു.. പണം കിട്ടി കഴിഞ്ഞാൽ ഇവനെ കൊന്നു ഈ പെണ്ണിനേയും കൊണ്ട് രക്ഷപെടാം എന്ന ഉദ്ദേശത്തോടെ അവന്മാർ നിഹ പറഞ്ഞതിനു സമ്മതം മൂളി ഇരുവരെയും കൊണ്ട് തങ്ങളുടെ വണ്ടിക്കരികിലേക്ക് നടന്നു....കുറച്ചു ദൂരം പിന്നിട്ടതും നിഹയെയും ആദമിനെയും അവരുടെ വണ്ടിയിൽ കയറ്റി... വണ്ടി അവിടുന്ന് നീങ്ങി തുടങ്ങി.... ആദം നിഹയും അടുത്തടുത്താണ് ഇരുന്നിട്ടുള്ളത്..ഇരുവരുടെയും തൊട്ടരികിൽ ഓരോ ഗുണ്ടകളും ഉണ്ട്... ആദം നിഹയെ ചേർത്തു പിടിച്ചിട്ടുണ്ട്... വണ്ടി കാടും കടന്നു ഇടുങ്ങിയ വഴിയിലൂടെ സഞ്ചരിച്ചു തുടങ്ങി..ഒടുവിൽ വണ്ടി മെയിൻ റോഡിലേക്ക് കടന്നുവെന്ന് തോന്നിയതും നിഹ തന്റെ ബുദ്ധി പിന്നെയും പ്രവർത്തിപ്പിച്ചു... അയ്യോ ഇച്ചായാ.. എനിക്ക് ഛർദിക്കണം.. എനിക്ക് ഇപ്പോ ഛർദിക്കണം.. ഇവരോട് വണ്ടി നിർത്താൻ പറ ഇല്ലെങ്കിൽ ഞാൻ ദേ ഈ കൊള്ളക്കാരൻ ചേട്ടന്റെ ദേഹത്തു ഛർദിക്കും എന്നു പറഞ്ഞു നിഹ നിലവിളിക്കാൻ തുടങ്ങി....ആദം നിഹയെ നോക്കിയപ്പോൾ അവളുടെ മുഖത്ത് എന്തൊ ഒരു കള്ളത്തരം..ആദത്തിന് സംഭവം പിടികിട്ടി... നിഹാ വണ്ടിയിൽ ഛർദിക്കുന്നത് പോലെ ചെയ്തു...അന്നേരം അവന്മാർ വണ്ടി നിർത്തി നിഹയോട് വണ്ടിയിൽ നിന്നും ഇറങ്ങി ഛർദിക്കാൻ പറഞ്ഞു.. നിഹ ഇറങ്ങി കൂടെ രണ്ടു പേരും... നിഹാ ഇല്ലാത്ത ഛർദി വരുത്തിക്കാൻ ശ്രമിച്ചു... ഇച്ചായാ ഒന്നിങ്ങു വന്നേ എനിക്ക് വയ്യേ ഒന്ന് പുറം തടവി തന്നെ.. ഇല്ലേൽ ഞാനിപ്പോ ചത്തു പോകുവേ...നിഹാ നിലവിളിച്ചു..... അതിന് നീ ഛർദിച്ചില്ലല്ലോ.. പിന്നെന്തിനു പുറം തടവണം.....ഒരുത്തൻ ചോദിച്ചു അതൊക്കെ നിങ്ങൾക്കെന്തിനാ... നിഹാ അവനോട് തിരിച്ചു ചോദിച്ചു... എന്നിട്ട് വീണ്ടും നിലവിളിച്ചു.. ഞങൾ തടവിയാൽ പോരെ ....??മറ്റൊരുത്തൻ ചോദിച്ചു അമ്പട പുളുസു ആ വേല കയ്യിൽ വെച്ചാൽ മതി.. നിങ്ങൾക്ക് പണം കിട്ടിയാൽ പോരെ.. എനിക്ക് എന്റെ ഇച്ചായൻ തന്നെ പുറം തടവി തരണം.. ഇതൊക്കെ കേട്ട് ആദത്തിന് ചിരി വരുന്നുണ്ട്... അവൻ ചിരി കടിച്ചു പിടിച്ചു നിന്നു.. ഓ.. എന്താണെന്ന് വെച്ചാൽ പോയി ചെയ്യെടോ... വണ്ടിയിലിരിക്കുന്ന ഗുണ്ടാ നേതാവ് ആദത്തെ നോക്കി പറഞ്ഞു...ആദം വണ്ടിയിൽ നിന്നും ഇറങ്ങി നിഹയുടെ അരികിൽ വന്നു നിന്നു പുറം തടവാൻ തുടങ്ങി.... ഇച്ചായാ അവന്മാർ എന്ത് കാണാൻ നിൽക്കുവാ.. അവന്മാരെ കാണുമ്പോൾ എനിക്ക് ഛർദിക്കാൻ പറ്റുന്നില്ല എന്ന് നിഹ പറഞ്ഞതും ഈ പെണ്ണിനെ കൊണ്ട് തോറ്റല്ലോ എന്നും പറഞ്ഞു അവന്മാർ അല്പം മാറി നിന്നു... ഇച്ചായാ.. അല്ല സാറെ എന്താ നോക്കി നില്കുന്നത്.. ആ നിൽക്കുന്ന രണ്ടിനെയും ചവിട്ടി കൊക്കയിലേക്ക് തള്ളിയിട്... പിന്നെയുള്ളത് മൂന്നുപേരല്ലേ ഗൺ ഉള്ളത് പുറത്ത് നിൽക്കുന്ന ആ മൊട്ടത്തലയന്റെ കയ്യിലാ അത് കൊണ്ട് പിന്നെ പേടിക്കേണ്ട.. ശേഷം ആ മൂന്നിനെയും ഇടിച്ചു പരത്തി വണ്ടിയിൽ കയറി നമ്മൾ രക്ഷപ്പെടുന്നു...നിഹ അവനു മാത്രം കേൾക്കാൻ പാകത്തിൽ പറഞ്ഞു... നിഹായുടെ ഐഡിയ കേട്ട് ആദം കണ്ണ് തള്ളി നിന്നു.. പിന്നെ എല്ലാം പെട്ടെന്ന് ആയിരുന്നു..... നിഹയുടെ പ്ലാൻ പ്രകാരംപോലെ  പുറത്ത് റോഡിന്റെ സൈഡിൽ നിൽക്കുന്ന രണ്ടിന്നിട്ട് ഓരോ ചവിട്ട് കൊടുത്തു....രണ്ടും  കൊക്കയിലേക്ക് വീണു...അത് കണ്ട ബാക്കി മൂന്നു പേരും വണ്ടിയിൽ നിന്നും ഇറങ്ങി വന്നു... എല്ലാത്തിനെയും  ഇടിച്ചു വീഴ്ത്തി ആദം വണ്ടിയുടെ കീ കൈക്കലാക്കി... അപ്പോഴേക്കും നിഹ ഡോറും തുറന്നു കോ ഡ്രൈവിംഗ് സീറ്റിലേക്ക് കയറി ഇരുന്നു....ഒന്നങ്ങാൻ പോലും ആവാതെ താഴെ വീണു കിടക്കുന്ന കൊള്ളക്കാർക്ക് റ്റാറ്റാ കാണിക്കുന്ന നിഹയെ കണ്ടു ആദമിന് ചിരി വന്നു...വണ്ടി നീങ്ങി തുടങ്ങി... കുറച്ചു ദൂരം പിന്നിട്ടതും... എങ്ങനെയുണ്ട് സാറെ എന്റെ ബുദ്ധി...നിഹ ഇട്ടിരിക്കുന്ന ഷർട്ടിന്റെ കോളർ പൊക്കിക്കൊണ്ട് ചോദിച്ചു.. അന്നേരം ആദം വണ്ടി നിർത്തി.. പിന്നേ നിന്റെ ഒരു ബുദ്ധി... ഞാൻ അവിടെ വെച്ചു തന്നെ അവന്മാരെ ഇടിച്ചു പരത്തിയേനെ.. അപ്പോഴാണ് നിന്റെ ഒടുക്കത്തെ ബുദ്ധി പ്രവർത്തിച്ചത്..ആദം പുച്ഛിച്ചു. എന്തൊ എങ്ങനെ... എടൊ ആദം ജോൺ കളരിക്കലെ അവന്മാരെ ഇടിച്ചു വീഴ്ത്തിയാൽ നമ്മൾ ഇവിടെ വരെ എത്തുമായിരുന്നോ....പറ എത്തുമായിരുന്നോ.. ഇല്ല എത്തില്ലായിരുന്നു.... എടൊ തനിക്ക് എങ്ങനെയും ബുദ്ധി ഇല്ല....ബുദ്ധി ഉള്ളവരെ അംഗീകരിക്കാൻ പഠിക്ക്....ബുദ്ധിയാണ് സാറെ എന്റെ മെയിൻ...നിഹ അവനെ നോക്കി മുഖം കോട്ടികൊണ്ട് പറഞ്ഞു.. ഓ... ശരി ഈ ബുദ്ധിമതിയെ ഞാൻ അവിടെ എത്തിയിട്ട് പൊന്നാട അണിയിച്ചു ആദരിക്കാം പോരെ.. സാർ കളിയാക്കിയതാണെന്ന് മനസ്സിലായി.... ഇനി ഞാൻ ഒന്നും പറയുന്നില്ല എന്നും പറഞ്ഞു നിഹാ മിണ്ടാതിരുന്നു...അന്നേരം അവൻ അവളുടെ അരികിലേക്ക് നീങ്ങിയിരുന്നു. തന്റെ അരികിലേക്ക് വരുന്നവനെ കണ്ടു ഇയാളെന്തിനാ എന്റെ നേരെ വരുന്നത് എന്നപോലെ അവനെ നോക്കി.. തന്റെ മുഖത്തോട് മുഖം അടുപ്പിക്കുന്ന ആദത്തെ കണ്ടതും നിഹാ കണ്ണിറുക്കി അടച്ചു... കുറച്ചു സമയം കഴിഞ്ഞതും താൻ ഇട്ടിരിക്കുന്ന ഷർട്ടിന്റെ ബട്ടൻ അഴിഞ്ഞു പോവുന്നത് തിരിച്ചറിഞ്ഞ നിഹ കണ്ണു തുറന്നപ്പോൾ അവൻ അവന്റെ ഷർട്ട് ഊരിയെടുക്കുന്ന തിരക്കിലാണ്.. ഒന്നും മിണ്ടാതെ അവൻ ബട്ടൺ അഴിച്ചു കൊണ്ടിരിക്കുന്നു... അതിനിടയിൽ അവളെയും നോക്കുന്നുണ്ട്...അതിനിടയിൽ അവളുടെ കഴുത്തിലെക്ക് അമർത്തി മുത്തിയതും അവളൊന്നേങ്ങിപോയിരുന്നു.... തന്റെ ഷർട്ട് മുഴുവനായും ഊരിയെടുക്കുമ്പോൾ അവളുടെ കവിളിലും ചുംബിക്കാൻ അവൻ മറന്നില്ല..കൂടെ കാതോരം ഒരു സോറിയും ഒരു ഐ ലവ് യൂവും... അതോടെ നിഹ ഫ്ലാറ്റ്.... തുടരും.. #💞 പ്രണയകഥകൾ #📔 കഥ