My boss.. 28 ഇതേ സമയം കളരിക്കൽ വീട്ടിൽ കൊച്ചു ത്രേസ്യയുടെ മുറിയിൽ... അടുക്കളക്കാരി ക്ലാര ത്രേസ്യമ്മച്ചിയുടെ കാലിൽ കുഴമ്പിട്ട് തടവുകയാണ്... എടീയെ... നല്ല വണ്ണം അമർത്തി തടവിയാൽ നിന്റെ കയ്യിലെ വളയൊന്നും ഊരി പോവത്തില്ലല്ലോ.... ത്രേസ്യ ഇത്തിരി കലിപ്പിച്ചു കൊണ്ട് പറഞ്ഞു.. ത്രേസ്യമ്മച്ചി കലിപ്പിലാണല്ലോ...എന്നതാ അമ്മച്ചി കാര്യം...കൊച്ച് മോനും പെണ്ണും വന്നതിന്റെ സന്തോഷം ഒന്നും ഈ മുഖത്ത്കാണുന്നില്ലല്ലോ...ത്രേസ്യാമ്മച്ചിക്ക് കൊച്ചിനെ അത്രയ്ക്കങ്ങോട്ട് ഇഷ്ടം ആയില്ല അല്ലിയോ... നീ കുഴമ്പിട്ട് തടവിയാൽ മതി എന്നെയിട്ട് തടവണ്ട ക്ലാര പറഞ്ഞത് കേട്ട് ത്രേസ്യ് അവരെ ദഹിപ്പിച്ചു നോക്കികൊണ്ട് പറഞ്ഞു .. എന്നെ ഇങ്ങനെ നോക്കണ്ട... ഈ പളുങ്ക് പോലത്തെ മനസ്സ്‌ വേദനകുന്നത് എനിക്ക് കാണാം.. ഒന്നുല്ലേലും ഈ കുഴമ്പിടാൻ തുടങ്ങിയിട്ട് വർഷങ്ങൾ ആയില്ലിയോ അമ്മച്ചി....അല്ലേലും ഒരന്യമതക്കാരി നമ്മുടെ വീട്ടിൽ വന്നു കയറിയാൽ പിന്നെ നമ്മുടെ കുടുംബമഹിമയൊക്കെ അതോടെ തീർന്ന്.....അല്ല അമ്മച്ചിയെ ആ പെണ്ണിനെ താഴേക്കൊന്നും കണ്ടില്ലല്ലോ.. ഒന്നുല്ലേലും വല്യമ്മച്ചി അല്ലിയോ..ആ കൊച്ച് ഇവിടെ വരെ ഒന്ന് വന്നോ....വല്ല്യ ജാഡക്കാരി ആണെന്ന് തോന്നുന്നു ല്ലെ ത്രേസ്യാമ്മച്ചിയെ.... ക്ലാര അവസരം ശരിക്കും മുതലാക്കി എരുതിയിൽ പെട്രോൾ ഒഴിച്ചു...ക്ലാരയുടെ ക്ലാ ഒടിക്കുന്നവളാണ് ആ വന്നതെന്ന് അവൾക്കറിയില്ലല്ലോ.. അവളുടെ ജാടയൊക്കെ ഞാൻ തീർത്തു കൊടുക്കുന്നുണ്ട്... എടീയെ അവൾക്കൊരു പണി കൊടുക്കണമല്ലോ എന്തായിപ്പോ കൊടുക്കുക...ത്രേസ്യ് ക്‌ളാരയുടെ കുഴമ്പിൽ വീണു.. ത്രേസ്യമ്മച്ചി നിർബന്ധിക്കുകയാണേൽ ഞാൻ ഒരു ഐഡിയ പറഞ് തരാം.. ആ നിർബന്ധിചിരിക്കുന്നു.. ഇനി പറ പെണ്ണെ.... അങ്ങനെ ക്ലാര ത്രേസ്യയുടെ കാതിൽ ഒരു സ്വകാര്യം പോലെ ചിലത് പറഞ്ഞു... മതിയെടി പെണ്ണെ... തത്കാലം ഇത് മതി.... നിന്റെ ബുദ്ധി വിമാനവും റോക്കറ്റും ഒന്നും അല്ല അതുക്കും മേലെയാ.. താങ്ക് യൂ അമ്മച്ചി..താങ്ക് യൂ... ഹ്മ്മ്.. ഈ കുരുട്ടുബുദ്ധിയും കൊണ്ട് എനിക്ക് പണി തരാൻ വന്നേക്കരുത്.. വന്നാൽ നിനക്ക് എന്നെ അറിയാല്ലോ.. ഓ അറിയാമേ... നാളെ നേരം ഒന്ന് വെളുത്തോട്ടെ ഈ ത്രേസ്യ ആരാണെന്ന് അവൾക്ക് ഞാൻ അറിയിച്ചു കൊടുക്കുന്നുണ്ട്.. കൊടുക്കണം ത്രേസ്യാമ്മച്ചി കൊടുക്കണം....ക്ലാര പ്രോത്സാഹിപ്പിച്ചതും ത്രേസ്യയുടെ മുഖത്ത് നിഗൂഢമായ ചിരി വിരിഞ്ഞു.. നിഹാ... നിഹാ.. എഴുന്നേൽക്ക്.. ദേ സമയം എട്ടു മണിയായി...ഭക്ഷണം കഴിക്കണ്ടേ..അവിടെ എല്ലാവരും നിനക്ക് വേണ്ടി വെയിറ്റ് ചെയ്യുവാണ് ... വൈകുന്നേരം ഭക്ഷണം കഴിച്ചു കിടന്നതായിരുന്നു നിഹാ... രാത്രി എട്ടു മണി ആയിട്ടും അവളെ എഴുന്നേൽക്കുന്നത് കാണാഞ്ഞതും ആദം അവളെ വിളിച്ചു എഴുന്നേൽപ്പിക്കുകയായിരുന്നു .... സാർ... എനിക്ക് തീരെ വയ്യ എനിക്കൊന്നും വേണ്ട.... ഭക്ഷണം എന്നു കേൾക്കുമ്പോൾ മറ്റെല്ലാം മറന്നു പോകുന്നവളാണ് ഇപ്പോ ഭക്ഷണം വേണ്ടെന്ന് പറയുന്നത്.... നിഹാ... എന്തു പറ്റി... എന്താ വയ്യായ്ക.. അറിയില്ല... നല്ല തലവേദന... സാറിന്റെ കയ്യിൽ ടാബ്ലറ്റ് വല്ലതും ഉണ്ടാവുമോ.. അത് കഴിച്ചു ഒന്ന് കിടന്നാൽ മതി മാറിക്കോളും.... നിഹ പറഞ്ഞത് കേട്ട് ആദം അവളുടെ അരികിൽ വന്നിരുന്നു അവളുടെ നെറ്റിയിൽ കൈ വെച്ചു നോക്കി.....നെറ്റിയിൽ കടുത്ത ചൂട് അനുഭവപ്പെട്ടതും അവൻ അവളുടെ കഴുത്തും മുഖവും ഒക്കെ തൊട്ട് നോക്കി.....ചുട്ടുപൊള്ളുന്ന പനി ആണെന്ന് കണ്ടതും കഴിഞ ദിവസം രാത്രി മഴ നനഞ്ഞതും രാവിലെ താൻ അവളെ വെള്ളത്തിലേക്ക് തള്ളിയിട്ടതും ഒക്കെയും അവന്റെ മനസ്സിലൂടെ കടന്നു പോയി... നിഹാ.. നല്ല പനിയുണ്ടല്ലോ... എന്താ ഇപ്പൊ ചെയ്യാ....??? കുഴപ്പം ഇല്ല സാർ ... എനിക്കൊന്നു കിടന്നാൽ മതി.. അത് പറ്റില്ല നല്ല പനിയുണ്ട്.. നീ ഈ ഡ്രെസ്സൊന്ന് മാറിക്കെ.. ഞാൻ മമ്മയെ വിളിക്കാം ... ആദം അവളെ എഴുന്നേൽപ്പിച്ചിരുത്തികൊണ്ട് പറഞ്ഞു അതൊന്നും വേണ്ട സാർ....ഞാനൊന്നു കിടക്കട്ടെ....അവൾ പിന്നെയും ബെഡിലേക്ക് ചായ്ഞ്ഞുകൊണ്ട് പറഞ്ഞു.... നിഹാ പറയുന്നത് കേൾക്ക്...എന്നും പറഞ്ഞുകൊണ്ട് അവൻ അവളുടെ പെട്ടി തുറന്നു ഒരു സ്‌കർട്ടും ടോപ്പും ഇന്നർവെയേഴ്‌സും എടുത്ത് അവളുടെ അരികിൽ വന്നപ്പോൾ അവൾ അതുപോലെ കിടക്കുന്നുണ്ട്.. നിഹാ.. ദേ അവരൊക്കെ ഇങ്ങോട്ട് വരുമ്പോൾ നീ എന്റെ ഡ്രെസ്സിട്ട്  നിൽക്കുക എന്ന് വെച്ചാൽ.....ദാ പെട്ടെന്ന് മാറിക്കെ.. എനിക്ക് വയ്യ സാർ. എന്നാൽ ഞാൻ ചെയ്ത് തരട്ടെ....ദേ ഈ സംഭവങ്ങൾ ഒക്കെയും ഇല്ലായിരുന്നേൽ നിന്റെ അനുവാദത്തിനൊന്നും കാത്തു നിൽക്കില്ലായിരുന്നു.... തനിക്ക് നേരെ ഇന്നർവെയേഴ്‌സ് നീട്ടികൊണ്ട് പറയുന്നവനെ കണ്ടതും വയ്യായ്കയ്ക്കിടയിലും അവളവനെ ദഹിപ്പിച്ചു നോക്കി.. അവന്റെ കയ്യിൽ നിന്നും അതൊക്കെ പിടിച്ചു വാങ്ങി എങ്ങോനൊക്കെയോ എഴുന്നേറ്റ് ഡ്രസിങ് റൂമിലേക്ക് നടന്നു.. ഡ്രസ്സ്‌ മാറി തിരികെ വന്നതും അവൾ ബെഡിൽ തളർന്നു വീഴുകയായിരുന്നു...അവളെ ബെഡിൽ നേരെ കിടത്തി പുതപ്പിച്ചു പപ്പയെയും മമ്മയോടും  കാര്യങ്ങൾ പറഞ്ഞു... ആ സമയം എല്ലാവരും കഴിക്കാൻ ഇരുന്നിട്ടുണ്ട്... സംഭവം അറിഞ്ഞതും ആദത്തിന്റെ പപ്പയും മമ്മയും എഴുന്നേറ്റ് മുറിയിലേക്ക് നടന്നു .. നിഹയുടെ അവസ്ഥ കണ്ടതും അവര് ഹോസ്പിറ്റലിലേക്ക് കൊണ്ട് പോവാൻ നിർദ്ദേശിച്ചു... ആദം നിഹയുമായി ഹോസ്പിറ്റലിലേക്ക് പോവാൻ നേരം പപ്പയും മമ്മയും കൂടെ വരാന്നു പറഞ്ഞതും അവൻ തടഞ്ഞില്ല.... ഇതൊക്കെ കണ്ടു കൊണ്ട് കൊച്ച് ത്രേസ്യ് മുഖം കറുപ്പിച്ചു ഭക്ഷണം കഴിപ്പ് നിർത്തി തന്റെ മുറിയിലേക്ക് നടന്നു.. എടീ ക്ലാരെ എന്റെ മരുന്ന് എന്ത്യേടി...നടത്തതിനിടയിൽ ത്രേസ്യാ ഗൗരവത്തിൽ ചോദിച്ചു... ദേ വരുന്നു  അമ്മച്ചി എന്നും പറഞ്ഞു ക്ലാര ത്രേസ്യക്ക് പിന്നാലെ നടന്നു.. ത്രേസ്യാമ്മച്ചിയെ.. ഇനിയാ കൊച്ചിന് വയറ്റിൽ വല്ലതും ഉണ്ടാവുമോ...?? മരുന്ന് കൊടുക്കുന്നതിനിടയിൽ ക്ലാരയുടെ പറച്ചിൽ കേട്ട് ത്രേസ്യ് അവളെ നോക്കി പേടിപ്പിച്ചു. അല്ല കല്യാണം ഈ അടുത്ത് കഴിഞ്ഞത് ആണെങ്കിലും രണ്ട് പേരും തമ്മിൽ നേരത്തെ ബന്ധം ഉണ്ടായിട്ടില്ലെന്ന് ആരു കണ്ടു്.. ക്ലാരയുടെ പറച്ചിൽ ത്രേസ്യയെ ആസ്വസ്ഥമാക്കി.. എടീയെ.. അങ്ങനെ വല്ലതും ഉണ്ടാവുമോ..?? പറയാൻ പറ്റില്ല അമ്മച്ചി.. ഇനിയിപ്പോ ആ കൊച്ചിന് വയറ്റിൽ ഇല്ലേലും വൈകാതെ അങ്ങനെ ഉണ്ടാവാമല്ലോ.. ഇല്ല.. സമ്മതിക്കില്ല ഞാൻ... കളരിക്കൽ കൊച്ച് ത്രേസ്യയുടെ കൊക്കിനു ജീവൻ ഉണ്ടേൽ ഒരന്യമതക്കാരിയുടെ വയറ്റിൽ എന്റെ ചെറുക്കന്റെ രക്തത്തിൽ ഒരു കൊച്ചു പിറക്കാൻ ഞാൻ സമ്മതിക്കില്ല... കഴിഞ്ഞതൊന്നും കൊച്ച് ത്രേസ്യാ മറന്നിട്ടില്ല.. ഞാൻ അവറാച്ചന് വാക്ക് കൊടുത്തതാ ആദത്തിനെ കൊണ്ട് അവന്റെ മോള് സോഫി പെണ്ണിനെ കെട്ടിക്കാമെന്ന്.. വാക്ക് തെറ്റിക്കേണ്ടി വന്നാൽ കൊച്ചു ത്രേസ്യാ ജീച്ചിരുന്നിട്ട് കാര്യമില്ല... അവളെ എങ്ങനെയെങ്കിലും ഇവിടുന്നും ആദത്തിന്റെ ജീവിതത്തിൽ നിന്നും ഓടിക്കണം അതിനുള്ള വഴിയാണ് നമ്മൾ നോക്കേണ്ടത്.. അതിന് നീ പറഞ്ഞ ആ പണിയൊന്നും പോര ക്ലാരെ... ആദം അവളെ വേണ്ടെന്ന് വെക്കണം അതിനു മുട്ടൻ പണി തന്നെ വേണം ...അതിന് പറ്റിയ വല്ല ഐഡിയയും ഉണ്ടെങ്കിൽ പറ പെണ്ണെ...ത്രേസ്യാ വല്ലാത്ത ഭാവത്തിൽ പറഞു... ഐഡിയ ഒക്കെയും ഉണ്ട് അമ്മച്ചി.. പക്ഷെ സൂക്ഷിച്ചു കൈകാര്യം ചെയ്യണമെന്ന് മാത്രം.... അതെന്തുവാടി..?? അന്നേരം ക്ലാര ത്രേസ്യാമ്മയുടെ കാതിൽ ചില കാര്യങ്ങൾ പറഞ്ഞു... എടീയെ... ഇത് വേണോ...ഇതൊക്കെ ആ ചെറുക്കൻ അറിഞ്ഞാൽ എന്നെ ജീവനോടെ കുഴിച്ചു മൂടും.. ഓ... പിന്നേ.. കളരിക്കൽ കൊച്ചു ത്രേസ്യയെ ജീവനോടെ കുഴിച്ചു മൂടാൻ ഈ പഞ്ചായത്തിലെന്നല്ല അടുത്ത പഞ്ചായത്തിൽ പോലും ഒരാളും ജനിച്ചിട്ടില്ല.... ഹ്മ്മ്.. മതി നീയെന്നെ സുഖിപ്പിച്ചത്....എന്നെ ഇങ്ങനെ സുഖിപ്പിച്ചിട്ട് നീയെന്തോ മനസ്സിൽ കണ്ടിട്ടുണ്ടല്ലോ.. അത് പിന്നേ... എന്റെ മോള് ട്രീസയ്ക്ക് കൂടി  എന്തേലും ഒരു ജോലി...ഞാൻ ഇവിടെ വന്നാൽ അവള് വീട്ടിൽ തനിച്ചല്ലിയോ ...അവൾ ഡിഗ്രി വരെ പഠിച്ചതാ അമ്മച്ചിയെ ...ക്ലാര അഭിമാനത്തോടെ പറഞ്ഞു.. ഒരു ഡിഗ്രിയും കയ്യിൽ പിടിച്ചിട്ട് ഇപ്പൊ എന്നാ ചെയ്യാനാടിയെ.. നാളെ തൊട്ട് അവളും ഇവിടെ വന്നോട്ടെ.. നിനക്ക് ഒരു കൈ സഹായം ആവുമല്ലോ.. അയ്യോ അമ്മച്ചി.. അവൾക്ക് ഈ അടുക്കളപണിയൊന്നും വശം ഇല്ല.. ജോൺ സാറിനോട് പറഞ്ഞിട്ട് ഓഫീസിലോ മറ്റൊ എന്തേലും ജോലി കൊടുത്താൽ മതി. ഹ്മ്മ്.. അവിടെയൊക്കെ ആവശ്യത്തിന് പണിക്കാർ ഉള്ളതാ.. തത്കാലം നിന്റെ മോള് ഇവിടെ പുറം പണിക്ക് നിൽക്കട്ടെ എന്നിട്ട് നമുക്ക് നോക്കാം ആഫിസിൽ ജോലിക്ക് നിർത്തണോ വേണ്ടയോ എന്ന്.. അത് അമ്മച്ചി അവള്... മ്മ്മ്... ഒന്നും പറയണ്ട... പറയുന്നത് അങ്ങട് കേട്ടാൽ മതി... ക്ലാര എന്തൊ പറയാൻ വന്നതും ത്രേസ്യാ കൈ ഉയർത്തി തടഞ്ഞു.. അന്നേരം ക്ലാര പിറുപിറുത്തു പുറത്തേക്ക് നടന്നു.. കള്ള കിളവി... നോക്കിക്കോ ഒരു ദിവസം ഞാൻ തന്നെ നിങ്ങളെ എലിവിഷം തന്നു കൊല്ലും...എന്നും പറഞ്ഞു ക്ലാര അടുക്കളയിലോട്ട് നടന്നു... ഇതേ സമയം ഹോസ്പിറ്റലിൽ.. ആദത്തിന്റെ പപ്പയുടെ സുഹൃത്തിന്റെ ഹോസ്പിറ്റലിലേക്കാണ് നിഹയെ കൊണ്ട് വന്നത്... രാത്രി സമയം ആയതിനാൽ അധികം ഡോക്ടർസ് ഒന്നും ഇല്ലായിരുന്നു..രണ്ടു ഡ്യൂട്ടി ഡോക്ടർസ് മാത്രമേ ഉണ്ടായിരുന്നുള്ളു... പിന്നീട് ആദത്തിന്റെ പപ്പ ജോൺ തന്റെ കൂട്ടുകാരനായ ഡോക്ടർ  സാമൂവലിനെ വിളിച്ചു വരുത്തുകയായിരുന്നു....അയാൾ നിഹയെ പരിശോധിച്ചു.. നല്ല ടെംപറേച്ചർ ഉണ്ട്... കൂടെ നല്ല ക്ഷീണവും...പേടിക്കാനൊന്നും ഇല്ല...പനി പെട്ടെന്ന് കുറയാൻ ഒരു ഇൻജെക്ഷൻ. കൊടുക്കാം...വേണേൽ  ഡ്രിപ്പിട്ട് കിടത്താം... സാമൂവൽ ഡോക്ടർ പറഞ്ഞു.. നിഹയുടെ കിടപ്പ് കണ്ടു അപ്പോഴും ആദത്തിന്റെ മുഖത്ത് നല്ല ടെൻഷനുണ്ട്.... അത് കണ്ടതും സാമൂവൽ ഡോക്ടർ അവന്റെ തോളത്തു തട്ടി. ആദം...താനെന്തിനാടോ ഇങ്ങനെ ടെൻഷൻ ആവുന്നത്... ആൾക്ക് വേറെ ഒരു കുഴപ്പവും ഇല്ല..... അച്ചായാ...ഇതിന് മുൻപ് ഞാൻ ഇവളെ ഇങ്ങനെ കണ്ടിട്ടേയില്ല... അതിന്റെ ഒരു ടെൻഷൻ..ആദം നിഹയുടെ മുഖത്തേക്ക് നോട്ടമെറിഞ്ഞുകൊണ്ട് പറഞ്ഞു.. എടൊ..ഇൻജെക്ഷൻ എടുത്താൽ അതൊക്കെ ശരിയായിക്കോളും... അത്രയും പറഞ്ഞു  സാമൂവൽ ഡോക്ടർ കൂടെയുള്ള നഴ്സിന് ചില നിർദ്ദേശങ്ങൾ കൊടുത്തു പുറത്തേക്ക് നടന്നു...പിന്നാലെ ജോണും ആനിയും കൂടെ നടന്നു.... നേഴ്സ് ഇൻജെക്ഷൻ എടുക്കാൻ വരുന്നത് കണ്ടതും നിഹ ആദത്തിന്റെ കയ്യിൽ പിടി മുറുക്കി അവനെ ദയനീയമായി നോക്കി.. സാർ.. എനിക്ക് ഇൻജെക്ഷൻ വേണ്ടെന്ന് പറ.. മരുന്ന് മതി.. ഞാൻ കഴിച്ചോളാം...സിസ്റ്ററെ എനിക്ക് ഇൻജെക്ഷൻ പേടിയാ.. ഇൻജെക്ഷൻ വേണ്ടാ പ്ലീസ്...നിഹ നഴ്സിനെ നോക്കി പറഞ്ഞു.. അത് പറ്റില്ല കൊച്ചേ ഡോക്ടർ ഇൻജെക്ഷൻ തരാനാ പറഞ്ഞത്.. ഞങ്ങൾക്ക് ഒന്നും ചെയ്യാൻ പറ്റില്ല.. അതും അല്ല നല്ല ടെമ്പേറേച്ചറുണ്ട് .. അപ്പോ ഇൻജെക്ഷനാ നല്ലത്.. സാർ.. പ്ലീസ് സാർ.. ഇവരോടൊന്ന് പറ... എനിക്ക് ഇത് പേടിയാ...നിഹ ആദത്തെ നോക്കി കെഞ്ചി പറഞ്ഞു പറഞ്ഞു അന്നേരം ആദം അവളുടെ അരികിൽ വന്നിരുന്നു അവളെ തന്റെ നെഞ്ചിലേക്ക് അണച്ചു പിടിച്ചു... ശേഷം നഴ്‌സിനോട് ഇൻജെക്ഷൻ എടുത്തോളാൻ പറഞ്ഞതും അവരവളുടെ തോളിൽ നിന്നും ഡ്രസ്സ്‌ അല്പം താഴ്ത്തി അവിടം പഞ്ഞിയിൽ മരുന്ന് മുക്കി തടവിയതും നിഹ അവന്റെ നെഞ്ചിലേക്ക് പതുങ്ങി.. അടുത്ത നിമിഷം സിറിഞ്ചിന്റെ നീഡിൽ തോളിലേക്ക് ആഴ്ന്നിറങ്ങിയതും അവിടം ഒരു നിലവിളി ഉയർന്നു ഒപ്പം അവന്റെ നെഞ്ചിലേക്ക് അവളുടെ ധന്തങ്ങൾ ആഴ്ന്നിറങ്ങി.... സാർ.. കഴിഞ്ഞോ...???സാറിന് ചെവി കേൾക്കില്ലേ കഴിഞ്ഞോന്ന്...?? അവൾ കടിച്ചിടം നല്ല പോലെ വേദന എടുത്തിരുന്നു... വേദന സഹിച്ചു നിൽക്കുന്ന വേളയിലാണ് അവളുടെ ചോദ്യവും ദേഷ്യപ്പെടലും...അന്നേരം എടുത്ത് കിണറ്റിലിടാൻ തോന്നിയതാണ്.... അവൻ ഒരുവിധം ദേഷ്യം നിയന്ത്രിച്ചു ഒന്നും മിണ്ടാതെ നിന്നു... കഴിഞ്ഞില്ലേ സിസ്റ്ററെ.. നിങ്ങളെന്താ ഇൻജെക്ഷൻ വെച്ചു പഠിക്കുവാണോ.. അയ്യോ.. അമ്മേ എന്തൊരു വേദന കഴിഞ്ഞു കുട്ടി... എന്റെ അമ്മോ ഒരു ഇൻജെക്ഷൻ എടുക്കാൻ ഇങ്ങനെ ആണെങ്കിൽ ഈ കൊച്ചിന്റെ ഡെലിവറി ഒക്കെ എങ്ങനെ എടുക്കും എന്തൊ...ഇങ്ങോട്ടേക്കൊന്നും കൊണ്ട് വന്നേക്കല്ലേ സാറെ...നേഴ്സ് ആദത്തെ നോക്കി പറഞ്ഞു.. സാർ ഇവരോട് ഒന്ന് മിണ്ടാതിരിക്കാൻ പറ...നഴ്‌സിന്റെ പറച്ചിൽ നിഹയ്ക്ക് ഇഷ്ടം ആയില്ല.. നഴ്‌സ്‌ നീഡിൽ പിൻവലിച്ചതും  അന്നേരം ആദം ഇൻജെക്ഷൻ എടുത്ത ഭാഗം പഞ്ഞി കൊണ്ട് അമർത്തി ഉഴിയുകയാണ്... സാർ ശരിക്കും സാർ ഈ കൊച്ചിന്റെ ആരാ....?? നഴ്സിന് സംശയം... എന്റെ വൈഫ്‌ ആണ്... നഴ്സിന്റെ ചോദ്യം കേട്ട് ആദം മറുപടി നൽകി.. എന്നിട്ടാണോ സാർ എന്ന് വിളിക്കുന്നത്.. സാർ ഈ കൊച്ചിനെ ഏതു ക്‌ളാസിലാ പഠിപ്പിച്ചത്...?? എൽ കെജി യിലാ എന്തേ... നിങ്ങൾക്ക് എന്തൊക്കെ അറിയണം...ശോ..നിഹ ചുണ്ട് കൂർപ്പിച്ചു കൊണ്ട് പറഞ്ഞു.. ആ കയ്യിങ് കാട്ടിക്കേ കൊച്ചേ ഡ്രിപ്പിടാനുള്ളതാ.. നഴ്സിന്റെ പറച്ചിൽ കേട്ടതും നിഹ ബെഡിൽ നിന്നും ചാടി എഴുന്നേറ്റ് പുറത്തേക്ക് ഓടിയിരിന്നു... ഇതേ സമയം ഡോക്ടർ സാമൂവലിന്റെ മുറിയിൽ.. തന്നോട് എങ്ങനെ നന്ദി പറയണം എന്നറിയില്ല.... അന്ന് ആദത്തിന്റെ കാര്യത്തിൽ താൻ ഇടപെട്ടില്ലായിരുന്നേൽ ഉറപ്പായും ഒരു അറസ്റ്റ് നടന്നേനെ...ഓർമ വെച്ച കാലം തൊട്ടേ നീയെന്റെ വലം കയ്യായി എന്റെ തകർച്ചയിലും താങ്ങായും തണലായും കൂടെ ഉണ്ടായിരുന്നു... എന്നിട്ടും നീ ആഗ്രഹിച്ചത് നിനക്ക് തരാൻ എന്നെകൊണ്ട് പറ്റിയില്ലല്ലോ.. ഒരു നെടുവീർപ്പീടോടെയാണ് ജോൺ അത് പറഞ്ഞത്.... ഹേയ്.. അതൊക്കെ വിട്ടേര്... ...അതൊക്കെ ഞാൻ എന്നെ മറന്നു...മരുമോൾ കൊച്ച് മിടുക്കിയാണെന്ന് അറിഞ്ഞു...ഇപ്പൊ ആദം ഹാപ്പി ആണല്ലോ അത് മാത്രം ചിന്തിച്ചാൽ മതി... സാമൂവൽ ചിരിക്കാൻ ശ്രമിച്ചുകൊണ്ട് പറഞ്ഞു... അപ്പോഴാണ് വരാന്തയിലൂടെ ഓടുന്ന നിഹയെയും പിന്നാലെ ഓടുന്ന ആദത്തിനെയും കാണുന്നത്... അത് കണ്ടു ജോണും ആനിയും പുറത്തേക്ക് നടന്നു.. ജോണിനെ കണ്ടതും നിഹ അയാളുടെ പിന്നിൽ മറഞ്ഞു നിന്നു.. പപ്പാ.. വേഗം വണ്ടിയെടുക്ക്... നമുക്ക് വീട്ടിൽ പോവാം.. എനിക്ക് ഡ്രിപ്പൊന്നും വേണ്ടെന്ന് ഈ സാറിനെ ഒന്നു പറഞ്ഞു മനസ്സിലാക്ക് ..... നിഹാ.. നീ കൊച്ച് കുഞ്ഞിനെപോലെ വാശി പിടിക്കല്ലേ.... ആദം വിടുന്ന മട്ടില്ല.. പപ്പാ.. പ്ലീസ് പപ്പാ എന്നെയൊന്നു രക്ഷിക്കൂ.. പ്ലീസ്..നല്ല പപ്പയല്ലേ.. ഞാനൊരു പാവം അല്ലെ...നിഹ ജോണിനോട് കെഞ്ചി പറഞ്ഞു... അവസാനം നിഹയുടെ അടവിൽ ജോൺ വീണു.... ഇതൊക്കെ കണ്ട് കൊണ്ട് സാമുവലും ആനിയും തൊട്ടരികിൽ നിൽക്കുന്നുണ്ട്.. അങ്ങനെ ഡ്രിപ്പ് വേണ്ടെന്ന് വെച്ചു അവര് വീട്ടിലേക്ക് മടങ്ങി.. മടക്കയാത്രയിൽ ആദം കലിപിലാണ്.. ആദം ഡ്രൈവ് ചെയ്യുന്നുണ്ട് പപ്പാ കോ ഡ്രൈവിംഗ് സീറ്റിൽ ഇരുന്നിട്ടുണ്ട്.. നിഹ മമ്മയുടെ തോളിൽ ചായ്ഞ്ഞു കിടന്നിട്ടുണ്ട്..... നിഹയെ ചേർത്തു പിടിക്കുമ്പോൾ അവരുടെ മുഖത്തും വല്ലാത്തൊരു നിർവൃതി ആയിരുന്നു... വീട്ടിലെത്തിയതും നിഹയെ ശ്രദ്ധിക്കാതെ ആദം അകത്തേക്കു നടന്നു... നിഹയ്ക്ക് സ്റ്റയർ കയറാൻ നല്ല ബുദ്ധിമുട്ട് തോന്നിയെങ്കിലും അവനോട് പറയാൻ പറ്റില്ലല്ലോ..ആളിപ്പോ നല്ല കലിപ്പിലാണ്... നിഹ പതിയെ സ്റ്റയർ കയറി മുറിയിലെത്തി... അന്നേരം അവൻ ഷർട്ട് മാറുകയിരുന്നു.. താൻ വന്നത് അറിഞ്ഞിട്ടും അവൻ തിരിഞ്ഞു നോക്കുന്നില്ല എന്നറിഞതും അവൾ പിറകിലൂടെ ചെന്ന് ഇറുകെ പുണർന്നു... അന്നേരം അവനിൽ നിന്നും പ്രതികരണമൊന്നുമില്ല എന്നറിഞതും അവളവന്റെ മുന്നിൽ വന്നു നിന്നു അവന്റെ മുഖത്തേക്ക് നോക്കിയതും അവൻ മുഖം വെട്ടിച്ചു.. അവന്റെ മുഖം തനിക്ക് നേരെ പിടിച്ചു  നിഹാ സോറി പറഞ്ഞതും അവനത് വല്യ കാര്യമാക്കിയില്ല... പിന്നെ അവന്റെ ചുണ്ടിൽ നേർമയായി മുത്തി ഒന്നുകൂടെ സോറി പറഞ്ഞതും അവന്റെ ചുണ്ടിൽ ഒരു പുഞ്ചിരി വിരിഞ്ഞു..... അവന്റെ നഗ്നമായ നെഞ്ചിൽ വട്ടത്തിൽ ചുവന്നു കിടക്കുന്നത് കണ്ടതും ഇതെന്തു പറ്റി എന്നപോലെ അവളവനെ നോക്കി... അയ്യോ ഇതെന്ത് പറ്റി സാർ..?? എന്റെ നെഞ്ച് കടിച്ചു പറിച്ചിട്ട് ഇപ്പോ ചോദിക്കുന്നത് കേട്ടില്ലേ....?? അന്നേരമാണ് അവൾക്ക് അക്കാര്യം ഓർമ്മവരുന്നത്... അവളാ ഭാഗത്ത്‌ പതിയെ വിരലോടിച്ചു.. ശേഷം അവിടം ചുണ്ട് ചേർത്തു....അന്നേരം അവൻ അവളെ തന്റെ നെഞ്ചോട് അടുപ്പിച്ചു.. ആ നഴ്സ് ചോദിച്ചത് തന്നെയാണ് എനിക്കും ചോദിക്കാനുള്ളത് ഇങ്ങനെ ആണെങ്കിൽ എങ്ങനെയാ എന്റെ കൊച്ചിനെ വയറ്റിലിടുന്നതും പ്രസവിക്കുന്നതും... ആ സമയത്ത് എന്തോരം ഇൻജെക്ഷൻ എടുക്കേണ്ടി വരും.... തന്റെ കാതോരം മന്ത്രണം പോലെ അവൻ കുറുമ്പോടെ പറയുന്നത് കേട്ട് നിഹ ശരിക്കും പേടിച്ചു.. എന്നാൽ നമുക്ക് കുഞ്ഞുങ്ങൾ വേണ്ടാ.... അതങ്ങു പള്ളീൽ പോയി പറഞ്ഞാൽ മതി.... മിന്നുകെട്ട് കഴിയാൻ കാത്തിരിക്കുവാ ഞാൻ... എന്തിനാ...??? നിഹയ്ക്ക് സംശയം എന്തിനാണെന്നോ വാ പറഞ്ഞു തരാം ഞാൻ.... അവൻ അവളുടെ ഇടുപ്പിലൂടെ കയ്യിട്ട് ചേർത്ത് പിടിച്ചു കൊണ്ട് കാതോരം എന്തൊ സ്വകാര്യം പറഞ്ഞതും നിഹയുടെ മുഖത്ത് നാണം വിരിഞ്ഞു.. അതേ സമയത്ത് തന്നെയാണ് അവൾക്കുള്ള കഞ്ഞിയും ഇളനീരിന്റെ വെള്ളവുമായി അവന്റെ മമ്മ മുറിയിലേക്ക് വരുന്നത്.. മമ്മയെ കണ്ടതും ഇരുവരും അകന്നു മാറി.. നിഹയ്ക്ക് കഞ്ഞി കോരി കൊടുക്കാൻ മമ്മ അവനോട് പറഞ്ഞതും അവൻ കൃത്രിമ ഗൗരവം നിന്നു... അന്നേരം അവര് തന്നെ അവളെ കഞ്ഞി കുടിപ്പിച്ചു... എനിക്ക് എന്റെ ഇസമോളെ പോലെ തന്നെയാ നീയും.. നിഹയ്ക്ക് കഞ്ഞി കൊടുക്കുന്നതിനിടയിൽ മമ്മയുടെ വായിൽ നിന്നുതിർന്ന വാക്കുകൾ കേട്ട് ആരാണ് ഈ ഇസ എന്നറിയാതെ നിഹാ മമ്മയെയും ആദത്തെയും മാറി മാറി നോക്കി... മമ്മ ഇനി കൂടുതൽ എന്തെങ്കിലും പറയുമോ എന്ന് ഭയന്ന് ഇനി താൻ വാരികൊടുത്തോളാം എന്നും പറഞ്ഞു ആദം മമ്മയെ പറഞ്ഞു വിട്ടു നിഹയ്ക്ക് കഞ്ഞി കോരികൊടുക്കാൻ തുടങ്ങി.... ഇസയെന്ന് പേര് കേട്ടതും നിഹയുടെ മനസ്സിലൂടെ ചില അവ്യക്തമായ രംഗങ്ങൾ ഒക്കെയും കടന്നു പോയി..... ഇസയെന്ന പേര് കേട്ടത് മുതൽ നിഹയുടെ മുഖത്ത് വിരിയുന്ന ഭാവങ്ങൾ ഓരോന്നും നോക്കിക്കാണുവാണ് ആദം...അവൾ ഭക്ഷണം കഴിക്കുന്നു എന്നല്ലാതെ ഈ ലോകത്ത് ഒന്നും അല്ലായിരിന്നു.. നിഹ കഴിപ്പ് മതിയാക്കി.. ശേഷം അവൻ കൊടുത്ത ടാബ്ലറ്റ് കഴിച്ചു കിടക്കാനൊരുങ്ങി..അതിനിടയിൽ അവൻ മമ്മ കൊണ്ട് വന്ന ഇളനീരിന്റെ വെള്ളം കൂടി അവളെ നിർബന്ധിപ്പിച്ഛ് കുടിപ്പിച്ചു.... സാർ... മമ്മ  ഒരു ഇസയെ പറ്റി പറഞ്ഞില്ലേ... ആരാ ഈ ഇസ....?? നിഹയുടെ ചോദ്യകേട്ട് ആദത്തിന്റെ മുഖത്ത് ഒരു തരം പുച്ഛമാണ് വിരിഞ്ഞത് .. പിന്നെയത് അതിവിദഗ്ധമായി മറച്ചു പിടിച്ചു... അത് മമ്മയുടെ ചേച്ചിയുടെ മോളാ..മമ്മയ്ക്ക് സ്വന്തം മോളെ പോലെ തന്നെയാ... അതാ അവളുടെ കാര്യം നിന്നോട് പറഞ്ഞത്.. ആണോ.. ഞാൻ കരുതി ശരിക്കും സാറിന്റെ അനിയത്തിയൊ മറ്റോ ആയിരിക്കുമെന്ന്.. എന്നോട് മുൻപൊരിക്കൽ പറഞ്ഞായിരുന്നല്ലോ കൂടപ്പിറപ്പുകൾ ആരും ഇല്ലെന്ന് അത് കൊണ്ട് ചോദിച്ചെന്നെ ഉള്ളു എന്നും പറഞ്ഞു അവൾ അവനൊരു ചിരി സമ്മാനിച്ചു ബെഡിന്റെ ഒരു ഭാഗത്തുകിടന്നതും അവനവളുടെ തൊട്ടരികിൽ വന്നു കിടന്നു..വൈകാതെ ഇരുവരും ഉറക്കത്തിലേക്ക് വഴുതി വീണു.. ഇല്ല.. ഞാൻ.. ഞാൻ ഒരു തെറ്റും ചെയ്തിട്ടില്ല... എനിക്ക് അറിയില്ല...അച്ചു.. അവൾക്ക് ക്ക് എന്തു പറ്റിയതാണെന്ന് എനിക്ക് അറിയില്ല അച്ചു.. നീ ഇവരോടൊക്കെ ഒന്ന് പറ.. എനിക്കിതിൽ ഒരു പങ്കും ഇല്ലെന്ന്.... . അവൾ.. അവൾ...ഞാൻ... നിഹയുടെ വാക്കുകൾ മുറിഞ്ഞു തുടങ്ങി ഉറക്കത്തിൽ നിഹ എന്തൊക്കെയോ പറയുന്നത് കേട്ടിട്ടാണ് ആദം ഉണരുന്നത്.. അവൻ അവൾ പറയുന്നതൊക്കെ ശ്രദ്ധിച്ചു കേട്ടു.. ഇല്ല അച്ചു എനിക്കൊന്നും അറിയില്ല... ഞാനൊരു തെറ്റും ചെയ്തിട്ടില്ല.. നിനക്ക് അറിയാല്ലോ എനിക്ക് അവളോട് ഒരു ദേഷ്യവും ഇല്ലായിരുന്നെന്ന്....നിഹ പിന്നെയും ഓരോന്ന് പറഞ്ഞു കൊണ്ടിരുന്നു... ആദം നിഹയെ പതിയെ തൊട്ടു . അന്നേരം നിഹ ഉറക്കത്തിൽ നിന്നും ഞെട്ടിയുണർന്നു... തുടരും.. #💞 പ്രണയകഥകൾ #📔 കഥ