പ്രിയ സൗഹൃദങ്ങളെ ശുഭദിനാശംസകൾ ചരിത്രത്തിൽ ഇന്ന്: ഒക്ടോബർ 16 ഇന്ന് :- ലോക ഭക്ഷ്യദിനം. (1945 ഒക്ടോബര്‍ 16 നാണ് ഐക്യരാഷ്ട്രസഭ, ഭക്ഷ്യ കാര്‍ഷിക സംഘടന ( FAO) രൂപീകരിച്ചത്. ഈ ഓര്‍മ നില നിറുത്തുന്നതിന് 1979 മുതല്‍ എല്ലാവര്‍ഷവും ഒക്ടോബര്‍ 16, ലോക ഭക്ഷ്യദിനമായി ആചരിക്കുന്നു) . :- ലോക അനസ്തേഷ്യായ ദിനം വേദനയില്ലാത്ത ആ യുഗത്തിന്റെ തുടക്കം :- അധ്യാപക ദിനം (ചിലി) :- വായുസേന ദിനം (ബൾഗേറിയ ) :- world Steve job day :- World Spine day, Love Your spine :- ലോക ഭക്ഷ്യദിനം തൃക്കൊടിത്താനം സച്ചിദാനന്ദന്‍ (ചരമദിനം) ചുരുങ്ങിയ കാലംകൊണ്ട് ഒരു മികച്ച ഗായകനായും,നടനായും,സാമൂഹ്യപ്രതിബദ്ധതയുള്ള ഒരു കലാകാരനായും ഏറെ പ്രസിദ്ധിയാർജ്ജിച്ച പ്രതിഭാസമ്പന്നനായ സംഗീതജ്ഞനായിരുന്ന തൃക്കൊടിത്താനം സച്ചിദാനന്ദന്‍ (സജിത് കുമാർ). ചങ്ങനാശ്ശേരി തൃക്കൊടിത്താനം ഗോകുലത്തില്‍ ഭാഗവതാചാര്യനും അദ്ധ്യാപകനുമായിരുന്ന വെളിനാട് കൃഷ്ണന്‍ നായരാണന്റെയും രുഗ്മിണിയമ്മയുടെയും മകനായി 1962 ജൂലൈ 14 ന് ജനിച്ചു. സംഗീതജ്ഞരായ LPR വർമ്മ,ട്രിച്ചിഗണേശ്,തൃക്കൊടിത്താനം പത്മകുമാർ എന്നിവരായിരുന്നു ഗുരുക്കൻമാർ. കര്‍ണ്ണാടക സംഗീതത്തിൽ അവഗാഹം നേടിയ ഇദ്ദേഹം വിദേശരാജ്യങ്ങളിലുൾപ്പെടെ ആയിരക്കണക്കിനു വേദികളില്‍ സംഗീതക്കച്ചേരികള്‍ അവതരിപ്പിച്ചിട്ടുണ്ട്. പഴയകാല നാടകഗാനങ്ങളും സിനിമാഗാനങ്ങളും സംഗീതക്കച്ചേരിയുടെ ഭാഗമായും കച്ചേരിയുടെ രൂപഭാവത്തിലും പാടി അവതരിപ്പിച്ച് ഏറെ ജനശ്രദ്ധ നേടി പ്രസിദ്ധിയാർജ്ജിച്ചു. ‘സ്വർഗ്ഗം നാണിക്കുന്നു‘ എന്ന നാടകത്തിൽ ശ്രീ വയലാർ രാമവർമ്മ എഴുതി ശ്രീ എൽ പി ആർ വർമ്മ സംഗീതം നൽകി അദ്ദേഹം തന്നെ ആലപിച്ച ‘പറന്നു പറന്നു പറന്നു ചെല്ലാൻ’ എന്ന ഗാനം കച്ചേരിയുടെ രൂപഭാവത്തിൽ സച്ചിദാനന്ദൻ അവതരിപ്പിച്ച് ഈ ഗാനത്തെ വീണ്ടും ഏറെ പ്രസിദ്ധമാക്കി. അതുപോലെ ‘പൂവനങ്ങൾക്കറിയാമോ ഒരു പൂവിൻ വേദന’,‘ഈ നീലരാവിൽ’ തുടങ്ങിയ ഒരു പക്ഷെ മറവിയുടെ ആഴങ്ങളിൽ ആണ്ടുപോയിരുന്ന ഒട്ടേറെ മികച്ച പഴയകാലഗാനങ്ങൾ തന്റെ ആലാപനത്തിലൂടെ പുതിയ തലമുറയ്ക്ക് സുപരിചിതമാക്കുന്നതിൽ സ്തുത്യർഹമായ പങ്കു വഹിച്ചു. ഏതാനും ചില ഗാനങ്ങളുടെ സംഗീതസംവിധായകനും രചയിതാവും കൂടിയാണ്. ജയരാജ് സംവിധാനം ചെയ്ത ‘ശാന്തം‘ സിനിമയില്‍്് അഭിനയിച്ചിട്ടുണ്ട്. കൂടാതെ നിരവധി ജനപ്രിയസീരിയലുകളിൽ പ്രധാനവേഷങ്ങൾ അവതരിപ്പിച്ചിട്ടുണ്ട്. കുട്ടികളെ സൗജന്യമായി സംഗീതം അഭ്യസിപ്പിച്ചിരുന്ന ഇദ്ദേഹം മ്യൂസിക് തെറാപ്പിയും അഭ്യസിച്ചിരുന്നു. സൂര്യാ ഫെസ്റ്റിവല്‍,നിശാഗന്ധി ഫെസ്റ്റിവല്‍ തുടങ്ങി നിരവധി ഫെസ്റ്റിവലുകളിലെ സ്ഥിരം സാന്നിദ്ധ്യമായിരുന്ന സച്ചിദാനന്ദൻ. കേരള സംഗീതനാടക അക്കാദമി അവാർഡിനു പുറമെ എസ് പി മ്യൂസിക് സ്കൂളിന്റെ സംഗീതശിരോമണി അവാര്‍ഡ്, മധുര ഗാനസുധ പുരസ്കാരം തുടങ്ങി നിരവധി അവാര്‍ഡുകള്‍ക്ക് അര്‍ഹനായിട്ടുണ്ട്. കാഞ്ചി കാമകോടി ആശ്രമത്തിലെ ആസ്ഥാനവിദ്വാൻ പദവി അലങ്കരിച്ചിരുന്നു. അവിവാഹിതനായ ഇദ്ദേഹം ഏറെക്കാലമായി തിരുവനന്തപുരം പാങ്ങോട് ശ്രീചിത്രനഗര്‍ സരോവരത്തിലായിരുന്നു താമസം. അന്ത്യനിമിഷം വരെ കലാവേദികളിലും, സീരിയൽ അഭിനയരംഗത്തും സജീവസാന്നിദ്ധ്യമായിരുന്ന ഈ അനുഗ്രഹീതകലാകാരന്‍ 2014 ഒക്ടോബർ16 ന് അകാലത്തിൽ ഈ ലോകത്തുനിന്നും യാത്രയായി. മുഖത്തെ ഭാവരസങ്ങൾക്കൊപ്പം ഹൃദയത്തിൽ നിന്നു വരുന്ന സംഗീതത്താൽ കേൾവിക്കാരനിൽ പുതിയ ശ്രവ്യാനുഭവം പകരുന്ന കലാപ്രതിഭ നേരത്തെ ഇവിടം വിട്ടുപോയിട്ടും ആ ഗാനാമൃതം നമ്മിൽ വല്ലൊത്തൊരനുഭൂതി നിറക്കുന്നു.കാലം അടയാളപ്പെടുത്തിയ പ്രതിഭ. സമൂഹം വേണ്ടത്ര പരിഗണന കൊടുക്കാതെ പോയ കലാകാരൻ, ജീവിച്ചിരുന്നപ്പോൾ അംഗീകാരം കിട്ടാതെ പോയ ഒരു അതുല്യ കലാകാരൻ കുറച്ചു സമയം കൊണ്ട് അദ്ദേഹം പാടിയ പാട്ടുകൾ നമ്മൾ എല്ലാം കേട്ടു അതെ അദ്ദേഹം ഇന്നും ജീവിക്കുന്നു ആ പാട്ടുകളിലൂടെ. അദ്ദേഹത്തിന്റെ ആൽബങ്ങൾ പൂമരക്കൊമ്പ്,സ്വരാഞ്ജലി,ഉപാസന മുത്തുചിലങ്കകൾ ആൽബങ്ങൾ പൂമരക്കൊമ്പ് സ്വരാഞ്ജലി ഉപാസന മുത്തുചിലങ്കകൾ പുരസ്കാരങ്ങൾ കേരള സംഗീത നാടക അക്കാദമി അവാർഡ് കാഞ്ചി കാമകോടി പുരസ്‌കാരം മധുര നാദസഭ അവാർഡ് 1841 - കാനഡ പ്രവിശ്യയിൽ ക്വീൻസ് യൂണിവേഴ്സിറ്റി സ്ഥാപിതമായി....... 1843 - വില്യം റോവൻ ഹാമിൽട്ടൺ സങ്കീർണ്ണ സംഖ്യകളുടെ ത്രിമാന സംവിധാനമായ ക്വട്ടേരിയോണുകൾ കണ്ടുപിടിച്ചു....... 1868- ആൻഡമാൻ നിക്കോബാർ ദ്വീപുകൾ ബ്രിട്ടിഷുകാർക്ക് കൈമാറി ഡെൻമാർക് കാർ ഇന്ത്യ വിട്ടു....... 1869 - കേംബ്രിഡ്ജിലെ ഗിർട്ടൺ കോളേജ് സ്ഥാപിതമായി, ഇംഗ്ലണ്ടിലെ വനിതകൾക്കു ള്ള ആദ്യത്തെ റെസിഡൻഷ്യൽ കോളേജായി.. 1905വിഭജിച്ചു ഭരിക്കുക എന്ന ഗൂഢലക്ഷ്യത്തിന്റെ ഭാഗമായി ബ്രിട്ടിഷുകാർ ലോർഡ് കഴ്സെന്റെ നിർദ്ദേശപ്രകാരം ബംഗാൾ വിഭജനം നടപ്പിലാക്കി...... 1916 - മാർഗരറ്റ് സാങ്കർ അമേരിക്കയിൽ ആദ്യത്തെ കുടുംബാസൂത്രണ ക്ലിനിക്ക് തുറന്നു....... 1923- ഡിസ്നി സഹോദരൻമാരായ വാൾട്ടും, റോയിയും ചേർന്ന് വാൾട്ട് ഡിസ്നി കമ്പനി സ്ഥാപിച്ചു...... 1934- മാവോയുടെ നേതൃത്വത്തിലുള്ള ലോങ്ങ് മാർച്ച് ചൈനയിൽ തുടങ്ങി....... 1936 - ബോംബെയിൽ നടന്ന ഹിന്ദു-മുസ്ലീം കലാപത്തിൽ 35 പേർ കൊല്ലപ്പെട്ടു....... 1942- ബംഗാളിൽ ചുഴലിക്കാറ്റ് 40000 ലേറെ മരണം...... 1945 - ഫുഡ് ആൻഡ് അഗ്രികൾച്ചർ ഓർഗനൈസേഷൻ (എഫ്എഒ) സ്ഥാപിച്ചു....... 1951 - പാകിസ്താന്റെ ആദ്യ പ്രധാനമന്ത്രി ലിയാഖത് അലി ഖാൻ റാവൽ‌പിണ്ടിയിൽ വധിക്കപ്പെട്ടു...... 1959 - നാഷണൽ കൗൺസിൽ ഓഫ് വിമൻസ് എഡ്യൂക്കേഷൻ ന്യൂഡൽഹിയിൽ ഉദ്ഘാടനം ചെയ്തു........ 1964-ചൈന അഞ്ചാമത് ആണവ രാഷ്ട്രമായി 1968 സാഹിത്യത്തിനുള്ള നോബൽ സമ്മാനം ലഭിച്ച ആദ്യത്തെ ജാപ്പനീസ് വ്യക്തിയായി യസുനാരി കവബാറ്റ....... 1973 - ഹെൻ‌റി കിസിംഗർ, ലൂക്ക് തോ എന്നിവർക്ക് സമാധാനത്തിനുള്ള നോബൽ സമ്മാനം ലഭിച്ചു....... 1976 - ജൽഗാവ് റേഡിയോ സ്റ്റേഷൻ പ്രക്ഷേപണം ആരംഭിച്ചു...... 1978 - ഫൈസലാബാദിൽ പാകിസ്ഥാനും ഇന്ത്യയും തമ്മിലുള്ള ടെസ്റ്റ് പരമ്പരയിൽ കപിൽ ദേവിന്റെ അരങ്ങേറ്റം........ 1978- 1523 ന് ശേഷം ഇറ്റലിക്ക് പുറത്ത് നിന്ന് ആദ്യ പാപ്പയായ ജോൺ പോൾ രണ്ടാമൻ ചുമതലയേറ്റു....... 1978സാമ്പത്തിക ശാസ്ത്രത്തിനുള്ള നോബൽ സമ്മാനം ഹെർബർട്ട് എ സൈമണിന്..... 1984 - ആർച്ച് ബിഷപ്പ് ഡെസ്‌മണ്ട് ടുട്ടുവിന് സമാധാനത്തിനുള്ള നോബൽ സമ്മാനം...... 1984-IRS P-2വിജയകരമായി ഭ്രമണപഥത്തിൽ 1986 - ഇന്ത്യൻ ശാസ്ത്രജ്ഞനായ ഹർഗോ വിന്ദ് ഖൊറാനയ്ക്ക് 1968 ൽ മനുഷ്യനിർമിത സിന്തറ്റിക് ജീനിനുള്ള വൈദ്യശാസ്ത്രത്തിനും ശരീരശാസ്ത്രത്തിനുമുള്ള നൊബേൽ സമ്മാനം ലഭിച്ചു....... 1986നൈജീരിയൻ നാടകകൃത്തും കവിയുമായ വോൾ സോയിങ്ക സാഹിത്യത്തിനുള്ള നോബൽ സമ്മാനം ലഭിച്ച ആദ്യത്തെ ആഫ്രിക്കക്കാരനായി 1986- ഇറ്റലിക്കാരനായ Rein messner 8000 മീറ്ററിൽ കൂടുതൽ ഉയരമുള്ള ലോകത്തിലെ 14 കൊടുമുടികളും കീഴടക്കുന്ന ആദ്യ വ്യക്തിയായി 1989- ഇന്ത്യയിലെ ഇലക്ഷൻ കമ്മിഷൻ 3 അംഗ കമ്മിഷനായി ഉയർത്തി… 1995 - സ്കോട്ട്ലൻഡിലെ സ്കൈ ബ്രിഡ്ജ് തുറന്നു....... 1999-138 രാജ്യങ്ങളുടെ അന്തർ പാർലമെന്ററി യൂണിയന്റെ (ഐപിയു) പ്രസിഡന്റായി രാജ്യസഭാ ഡെപ്യൂട്ടി ചെയർപേഴ്‌സൺ ഡോ. നജ്മ ഹെപ്റ്റുള്ള തിരഞ്ഞെടുക്കപ്പെട്ടു....... 2014 - ന്യൂസിലൻഡ്,മലേഷ്യ,അംഗോള, സ്പെയിൻ,വെനിസ്വേല എന്നി രാജ്യങ്ങൾ ഐക്യരാഷ്ട്ര സുരക്ഷാ സമിതിയിലേക്ക് തിരഞ്ഞെടുക്കപ്പെട്ടു........ 2018മാൻ ബുക്കർ പുരസ്കാരം നോർത്തേൺ ഐറിഷ് എഴുത്തുകാരിയായ അന്നാ ബേൺസിന് മിൽക്ക്മാൻ എന്ന നോവലിനാണ് പുരസ്കാരം. ബുക്കർ പുരസ്കാരം നേടുന്ന ആദ്യ ഐറിഷ് എഴുത്തുകാരിയാണ് അന്ന........ ജന്മദിനങ്ങൾ 1854 - ഓസ്കാർ വൈൽഡ്,ഐറിഷ് നാടകകൃത്ത്,നോവലിസ്റ്റ്, കവി....... 1878 -വള്ളത്തോൾ നാരായണമേനോൻ. മലയാളത്തിലെ മഹാകവി,കേരള കലാമണ്ഡലത്തിന്റെ സ്ഥാപകൻ, ആധുനികമലയാള കവി ത്രയത്തിൽ കാവ്യശൈലിയിലെ ശബ്ദസൗന്ദര്യം കൊണ്ടും,സർഗ്ഗാത്മകത കൊണ്ടും അനുഗൃഹീത നായ മഹാകവി ........ 1886 - ഡേവിഡ് ബെൻഗൂരിയൻ. ഇസ്രയേൽ പ്രധാനമന്ത്രി,ടൈം മാസിക കണക്ക് പ്രകാരം ഇരുപതാം നൂറ്റാണ്ടിൽ ലോക ഗതി നിർണയിച്ച നൂറ് പേരിൽ ഒരാൾ....... 1888 - യൂജീൻ ഒ നീൽ,ലോകവിഖ്യാതനായ നാടകകൃത്ത് . അമേരിക്കക്കാ‍രനായ യൂജീൻ നൊബേൽ സമ്മാനജേതാവാണ്. ഡ്രാമാറ്റിക് റിയലിസത്തിന്റെ പ്രയോക്താവായി സാഹിത്യലോകം അദ്ദേഹത്തെ കാണുന്നു....'' 1890- മരിയാ ഗൊരോത്തി,തന്റെ കന്യകാത്വം സംരക്ഷിക്കാനുള്ള ശ്രമത്തി നിടെ 1902 ൽ 12 മത് വയസ്സിൽ രക്തസാ ക്ഷിയായി.കത്തോലിക്കസഭ വിശുദ്ധയായി പ്രഖ്യാപിച്ച ഏറ്റവും പ്രായം കുറഞ്ഞ വ്യക്തി....... 1916- തിക്കുറിശ്ശി സുകുമാരൻ നായർ. മലയാളത്തിലെ ആദ്യ സൂപ്പർ സ്റ്റാർ. ജീവിതനൗക ആദ്യ സൂപ്പർ ഹിറ്റ് പടം.. 1927- ഗുന്തർ ഗ്രാസ്,ജർമൻ നോവലിസ്റ്റ്, നാടകകൃത്ത്'1999ൽ തകരച്ചെണ്ട ( Tin Drum) എന്ന കൃതിക്ക് നോബൽ നേടി....... 1941 - എം. വിജയൻ,ബൃഹദ് ജൈവതന്മാത്രകളുടെ സവിശേഷ ഘടനകളെക്കുറിച്ച് (സ്ടക്ചറൽ ബയോളജി) വിശദമായ ഗവേഷണം നടത്തിയ ഇന്ത്യൻ ജൈവഭൌതിക ശാസ്ത്രജ്ഞൻ ....... 1948 - രാച്ചപലം ചന്ദ്രശേഖര റെഡ്‌ഡി, തെലുഗു സാഹിത്യകാരൻ, അദ്ധ്യാപകൻ മന നവലലു- മന കതനികലു എന്ന സാഹിത്യ നിരൂപണ ഗ്രന്ഥത്തിന്റെ രചനയ്ക്ക് 2014 ൽ നിരൂപണത്തിനുള്ള കേന്ദ്ര സാഹിത്യ അക്കാദമി പുരസ്കാരം ലഭിച്ചു..... 1948- ഹേമമാലിനി,ഒരു കാലത്ത് ഇന്ത്യൻ സിനിമയിലെ ഡ്രീം ഗേൾ. ഇപ്പോൾ ഇന്ത്യൻ പാർലമെൻറംഗം..... 1975- ജാക്ക് കല്ലിസ്.,ദക്ഷിണാഫ്രിക്കൻ ക്രിക്കറ്റ് താരം.ഏകദിനത്തിലും ടെസ്റ്റിലും 11000 റൺസും 250 വിക്കറ്റും തികച്ച ഏക താരം.44 ടെസ്റ്റ് സെഞ്ചുറികൾ, എണ്ണത്തിൽ മൂന്നാം സ്ഥാനത്ത്… 1983 - റെമി ഒക്ലിക്,പ്രമുഖനായ ഫ്രഞ്ച് ഫോട്ടോ ജേണലിസ്റ്റ്. ഇദ്ദേഹം പകർത്തിയ യുദ്ധ രംഗങ്ങളുടെയും ആഭ്യന്തര കലാപങ്ങളുടെയും ഫോട്ടോകൾ ലോകമാകെയുള്ള മാധ്യമങ്ങൾ പ്രസിദ്ധീകരിച്ചു...... 1982- പൃഥിരാജ്,മലയാളത്തിലെ യുവ സിനിമാ താരം, സംവിധായകൻ. സുകുമാരന്റെ പുത്രൻ..... ചരമവാർഷികങ്ങൾ 1799- വീര പാണ്ഡ്യകട്ട ബൊമ്മൻ. ബ്രിട്ടിഷ് ഭരണത്തിനെതിരെ പട നയിച്ച പാഞ്ചാ കുറിച്ചി ഭരണാധികാരി. 1799 ൽ ബ്രിട്ടിഷുകാർ തൂക്കിക്കൊന്നു.... 1951- ലിയക്കത്ത് അലി ഖാൻ ,പ്രഥമ പാക്ക് പ്രധാനമന്ത്രി, പൊതുയോഗത്തി നിടെ വെടിയേറ്റ് കൊല്ലപ്പെട്ടു....... 1974- ചെമ്പൈ വൈദ്യനാഥ ഭാഗവതർ. കർണാടക സംഗിത കുലപതി........ 1974- കവി ഇടശ്ശേരി ഗോവിന്ദൻ നായർ, ശക്തിയുടെ കവി എന്നറിയപ്പെടുന്നു. പുത്തൻകലവും അരിവാളും പുതപ്പാട്ടും, ഒരു പിടി നെല്ലിക്ക തുടങ്ങിയവ പ്രശസ്ത കൃതികൾ....... 1983 -ഹരീഷ്‌ ചന്ദ്ര,ഇന്ത്യൻ-അമേരിക്കൻ ഗണിതശാസ്ത്രജ്ഞനും,ഭൗതികശാത്രജ്ഞനും മാതൃക സിദ്ധാന്തത്തിന്റെ (representation theory) ,പ്രതേകിച്ച്‌ സ്വരചേർച്ച വിശകലനം(harmonic analysis) സെമി സിമ്പിൾ ലീ ഗ്രൂപി (semisimple Lie groups)ന്റെ അടിസ്ഥാന പഠനങ്ങൾ നടത്തിയ വ്യക്തി ...... 2013 - പ്രൊഫ. ഗോവിന്ദ് പുരുഷോത്തം ദേശ്പാണ്ഡെ,മറാത്തി സാഹിത്യകാരൻ, രാഷ്ട്രീയചിന്തകൻ പണ്ഡിതൻ (ഗോപു എന്നും GP D എന്നും അറിയപ്പെടുന്നു)...... 2014 - തൃക്കൊടിത്താനം സച്ചിദാനന്ദൻ കേരള സംഗീത നാടക അക്കാദമി അവാർഡ് ജേതാവായ നടൻ,ഗായകൻ. പഴയകാല നാടക -സിനിമാ ഗാനങ്ങൾ കച്ചേരിയുടെ രൂപത്തിൽ വേദിയിൽ അവതരിപ്പിച്ച് ഏറെ ജനപ്രീതി നേടി 2016 -ബോൺ ജീൻ ബാപ്തിസ്റ്റ് ണ്ടഹിന്ദുർവ് റുവാണ്ടയിലെ അവസാന രാജാവ്. ദീർഘകാലം റുവാണ്ടയിൽ അധികാരം കൈയാളിയിരുന്ന തുത്‌സി ന്യൂനപക്ഷവിഭാഗത്തിലെ അവസാന രാജാവ് #💯 PSC പരീക്ഷകള്‍ #✍️വിദ്യാഭ്യാസം #✍️പൊതുവിജ്ഞാനം #💯 PSC പരീക്ഷകള്‍ #✍️പൊതുവിജ്ഞാനം #✍️വിദ്യാഭ്യാസം