അരികിലായി ❤️😍 പൂജമുറിയിൽ വിളക്ക് കത്തിച്ചു കുറച്ചു നേരം പ്രാർത്ഥിച്ചു.. ഏഴുമണി ആയപ്പോഴേക്കും നിത്യയും മൃതിയും ഹാളിൽ ഇരുന്നു പഠിക്കാൻ ആരംഭിച്ചു... എന്തൊക്കെയോ വരയ്ക്കാനും എഴുതാനുമൊക്കെ ഒരുപാടു ഉണ്ടായിരുന്നു... 8.30 ഒക്കെ ആയപ്പോഴേക്കും പുറത്തു ശിവയുടെ ബുള്ളറ്റിന്റെ സൗണ്ട് കേട്ടതും മൃതിയുടെ നോട്ടവും അവിടേക്കായി... തന്നെ നോക്കി ചിരിക്കുന്ന സായിയെ നോക്കിയൊന്നു ചിരിച്ചെന്നു വരുത്തിയെങ്കിലും അവനു പിന്നിലായി നടന്നു വരുന്ന ശിവായിലായിരുന്നു പെണ്ണിന്റെ കണ്ണുകൾ.. തന്നെ നോക്കാതെ മുകളിലേക്കു കയറി പോകുന്നവനെ കണ്ടു ആ പെണ്ണിന്റെ ഹൃദയം വല്ലാതെ നൊന്തു...ഒരിക്കലും തന്നെ ഇനി ഈ മനുഷ്യൻ സ്നേഹിക്കില്ലേ... അവളിൽ ആ ചോദ്യം വല്ലാതെ അലയടിച്ചു.. 🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹 "എന്റെ പൊന്നു  നിത്യേ നീ ആ ലിപ്സ്റ്റിക്ക് അങ്ങ് തിന്നു " ഇപ്പോൾ തന്നെ സമയം 7. 45 ആയി ഇനി ഇവിടുന്നു നടന്നു  കവലയിൽ എത്തുമ്പോൾ 8 മണി ആകും , എട്ടു മണിക്ക് തന്നെ അല്ലെ ബസ് ഉള്ളത് നിങ്ങൾ ചെല്ലുന്നതിനു മുമ്പ് ആ ബസ് പോയാൽ പിന്നെ ഇവിടുന്നു നടന്നു പോകത്തെ ഉള്ളു കേട്ടല്ലോ.. ഒരു 5 മിനിറ്റ് മുമ്പെങ്കിലും പൊക്കൂടെ.. " "എന്റെ ഭാനുമ്മേ ഒന്ന് നിർത്തു എന്നും ഞങ്ങൾ കറക്റ്റ് 7.50 നു അല്ലെ ഇറങ്ങുന്നേ ഇന്നും അങ്ങനെ തന്നെ ഇറങ്ങും അതിൽ ഒരു സംശയവും വേണ്ട.. പിന്നെ ലിപ്സ്റ്റിക്.. 😌അമ്മയ്ക്ക് ഈ ലിപ്സ്റ്റിക്കിന്റെ ശാസ്ത്രം അറിയാത്തോണ്ടാ ലിസപ്സ്റ്റിക്ക് ഇട്ടാൽ തന്നെ മുഖത്തിനൊരു തിളക്കം വരും ഇതിനൊക്കെ പുറമെ ഞങ്ങൾ പെമ്പിള്ളാർക്ക് ഈ ലിപ്സ്റ്റിക് എന്നു പറയുന്നത് ഒരു കോൺഫിഡൻസ് ആണ് അതൊന്നും നിങ്ങളെ പോലെ ഉള്ള തള്ള വൈബിനു മനസ്സിലാവില്ല.. ഓ ഞാൻ ഒരു കൊച്ചു സുന്ദരി തന്നെ 😌.. റെഡ്ഢിഷ് ബ്രൗൺ ലിപ്സ്റ്റിക്ക് തന്റെ ചുണ്ടിലേക്ക് ഒരിക്കൽ കൂടി കട്ടിയിൽ ഇട്ടു കൊണ്ട് സ്വന്തമായി പുകഴ്ത്തി പറഞ്ഞു അഭിമാനം കൊള്ളുന്ന നിത്യയെ ഭാനുമ്മ ഏറി വന്ന പുച്ഛത്തോടെ നോക്കി വെട്ടിതിരിഞ്ഞു ഹാളിലേക്ക് നടന്നു "ഇവളേ ഒക്കെ  നോക്കി നിക്കാതെ മോളു കവലയിലോട്ടു നടന്നോ.. അല്ലാതെ ഇതിനെ നോക്കി നിന്നു നിന്റെ സമയം കൂടി എന്തിനാ കളയുന്നെ " ചോറ് എടുത്തു നിത്യയുടെ പത്രത്തിൽ വെക്കുന്ന മൃതിയെ നോക്കി ഭാനുമ്മ പറഞ്ഞതും റൂമിൽ നിന്നും അവർക്കു പുറകെ വന്ന നിത്യ അവരെ പുച്ഛിച്ചു നോക്കി മൃതിയുടെ കയ്യിൽ നിന്നും പാത്രം മേടിച്ചു ബാഗിലെക്ക് വെച്ച് വെളിയിലേക്ക് നടന്നു.. ഭനുമ്മേടെയും നിത്യയുടെയും പതിവ് ഗുസ്തി കേട്ടു ഒരു ചിരിയോടെ മൃതിയും വെളിയിലേക്ക് ഇറങ്ങി... സൂക്ഷിച്ചു പോണേ പിള്ളാരെ....  സിറ്റ് ഔട്ടിൽ നിന്നും ഭാനു ഗേറ്റ് കടന്നു പോകുന്ന മൃതിയേയും നിത്യയെയും നോക്കി വിളിച്ചു പറഞ്ഞതും   മൃതിയും നിത്യയും ഒരു ടാറ്റയും കൊടുത്തു വഴിയിലേക്ക് നടന്നു... 🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹 " സത്യം പറഞ്ഞാൽ ഈ എഡ്യൂക്കേഷൻ സിസ്റ്റം തന്നെ മാറ്റണം.. എന്നും കോളേജിൽ പോണം..കോളേജിൽ പോയാൽ മാത്രമേ അറ്റെൻഡൻസ് തരു.. അറ്റെൻഡൻസ് ഉണ്ടെങ്കിൽ മാത്രമേ എക്സാം എഴുതു.. എക്സാം എഴുതിയാൽ മാത്രമേ പാസ്സ് ആവു...  എന്തൊക്കെ കാര്യങ്ങളാണ് " എന്നാ പാസ്സ് ആയാൽ ജോലി കിട്ടുവോ അതൊട്ടു ഉറപ്പുമില്ല... എന്ത് ചെയ്യും എന്റെ സർവേശ്വരാ ഇങ്ങനെ ഒക്കെ തുടങ്ങിയാൽ "  കാര്യഗൗരവത്തോടെ പറഞ്ഞു മുന്നോട്ടു നടക്കുന്ന നിത്യയെ മൃതി ചെറു ചിരിയോടെ നോക്കി.... "എന്റെ മിത്തു...  ഇത്രേം ഒക്കെ ഞാൻ പറഞ്ഞിട്ടും ഈ പുഞ്ചിരിച്ചോണ്ട് നില്കുന്നതല്ലാതെ നിനക്ക് ഒന്നും പറയാൻ ഇല്ലേ... " " ഞാൻ എന്താ പെണ്ണെ പറയണ്ടേ... നീ പറയുന്ന കേട്ടു പഠിപ്പു നിർത്താൻ പറ്റുവോ .. പഠിച്ചല്ലേ പറ്റൂ.. എന്നിട്ട് ബിഎഡ് കൂടി എടുത്തു പിഎസി എഴുതി ടീച്ചർ ആകണം.. എന്നിട്ട് എനിക്കെന്റെ അച്ഛനെയും അമ്മയെയും നോക്കണം.. അവർക്ക് ഞാൻ അല്ലെ ഉള്ളു.. അല്ലാതെ പഠിക്കാതെ നടന്നാൽ ജീവിതം വഴി മുട്ടി പോവില്ലേ എന്റെ നിത്യൂട്ടി  " " എന്റെ മിത്തു നീ പറഞ്ഞതൊക്കെ ശെരിയാ.. പക്ഷെ  അതിനു നീ ബിഎഡ് എടുത്തു പിഎസി എടുക്കേണ്ട ആവിശ്യമില്ല എന്റെ ഏട്ടനോട് പറഞ്ഞാൽ പോരെ  അവൻ പൊന്നു പോലെ നോക്കില്ലേ നിന്നെ.. എന്നുകരുതി പഠിക്കാതൊന്നും ഇരിക്കേണ്ട കേട്ടോ.. നിനക്ക് ഇഷ്ടമുള്ളത്ര പഠിച്ചോ എന്നിട്ട് ജോലി മേടിച്ചോ..  അല്ലാതെ ജീവിതം വഴി മുട്ടുവോ എന്നോർത്ത് പേടിക്കണ്ട.. നിനക്ക് ഞങ്ങൾ ഇല്ലേ.. ഇതിനൊക്കെ അപ്പുറം നിന്റെ കെട്ടിയോനില്ലേടി.. " " പിന്നെ.... . താലി കെട്ടിയ അന്ന് തന്നെ എന്റെ ചേട്ടനെ കൊന്നത് ആ മനുഷ്യൻ ആണെന്ന് അറിഞ്ഞ ആ നിമിഷം തകർന്നു പോയതാ നിത്യേ ഞാൻ അപ്പോഴും വെറുത്തിട്ടില്ല ഒരുതരം മരവിപ്പായിരുന്നു  ഇഷ്ടമല്ലായിരുനെങ്കിൽ പിന്നെ എന്തിനാ ഇങ്ങനെ ഒരു നാടകം കളിച്ചതു... അന്ന് അച്ഛനോടൊപ്പം  ആ വിവാഹപന്തലിൽ   നിന്നും എന്റെ ഏട്ടനെ ഒന്ന് കാണാൻ ഹോസ്പിറ്റലിൽ പോയപ്പോ കണ്ടത് ചലനമറ്റു കിടക്കുന്ന എന്റെ മനു ഏട്ടനെയാ.. എന്നെ ഇഷ്ടല്ലാത്തോണ്ടല്ലേ.. ഞാനും ശിവേട്ടനും തമ്മിലുള്ള കല്യാണം മുടക്കാൻ വേണ്ടിയല്ലേ എന്റെ ഏട്ടനെ കൊന്നെന്നു ഓർക്കുന്ന ഓരോ നിമിഷവും തകർന്നു പോയിട്ടേ ഒള്ളു പെണ്ണെ ഞാൻ.. എങ്കിലും നയനേച്ചിയെ കൂടി വെള്ളപ്പുതച്ചു കാണേണ്ടി വന്നപ്പോ ഒരുതരം നിർവികാരത ആയിരുന്നു.. ഒരു ദേഷ്യത്തിന്റെ പുറത്തു സ്വന്തം കൂടെ പിറപ്പിന്റെ വരെ ജീവനെടുക്കാൻ കഴിയുമോ എന്നു.. മനുവേട്ടന്റെയും നയനേച്ചിയുടെയും ചിത ആളി കത്തുമ്പോൾ ഒന്നു കരയാൻ കൂടി എനിക്കായില്ല  അത്രത്തോളം കരഞ്ഞു കരഞ്ഞു എന്റെ കണ്ണ് നീര് വറ്റി പോയി...  പിന്നീടുള്ള ഓരോ രാത്രിയും ഉറങ്ങാൻ കഴിഞ്ഞില്ല.. ഈ ലോകത്തുള്ള എല്ലാവരും ശിവേട്ടനെ കുറ്റം പറഞ്ഞപ്പോൾ മനസ്സുകൊണ്ട് എത്രയോ വെട്ടം ആശിച്ചിട്ടുണ്ടെന്നു അറിയ്യോ എന്റെ ഏട്ടന്റെയും നയനെച്ചിയുടെയും മരണകാരണം ശിവേട്ടൻ ആയിരിക്കല്ലേയെന്ന്...  ശിവേട്ടൻ മൂന്നു മാസത്തിനു ശേഷം കുറ്റ വിമുക്തൻ ആയി വെളിയിലിറങ്ങിയപ്പോ  മനസാകെ തുടിച്ചു പോയി... കാശു കൊടുത്തു എന്റെ ഏട്ടന് ലഭിക്കേണ്ട നീതി തട്ടി തെറിച്ചു പുറത്തിറങ്ങിയവനെ കുറിച്ച് അച്ഛൻ കുറ്റപ്പെടുത്തുമ്പോ ആരുടെ കൂടെ നിക്കണം എന്നറിയാതെ എന്റെ മനസ് ഉഴറിയിട്ടുണ്ട് നിത്യേ...  തന്റെ അച്ഛൻ ശിവേട്ടനെതിരെ ഓരോ തെളിവും പറയുമ്പോഴും   മാലയിട്ട മനുവേട്ടന്റെ ഫോട്ടോയുടെ മുന്നിൽ ഇരുന്നു കരഞ്ഞപ്പോഴും എന്റെ മനസ്  ആഗ്രഹിച്ചത് ശിവേട്ടൻ ആയിരിക്കല്ലേ ഇതിനൊന്നും പിന്നിലെന്നാണ്.. ജയിലിൽ നിന്നിറങ്ങിട്ടു അച്ഛനെ വന്നു കണ്ടു താൻ തെറ്റ് ചെയ്തിട്ടില്ല എന്നു പറയണേ എന്നു എത്ര തവണ ആഗ്രഹിച്ചിട്ടുണ്ട്.. ആരും വന്നില്ല... ഒരു നോക്ക് പോലും കാണാൻ.. ഈ താലി കെട്ടിയവളെ അപ്പാടെ മറന്നു.. എപ്പോഴൊക്കെയോ ഞാനും വിശ്വസിച്ചു എന്നെ ഇഷ്ടല്ലാത്തോണ്ടായിരിക്കും വരത്തെ എന്നും ഏട്ടന്റെ മരണവും ആ മനുഷ്യൻ കാരണം ആകുമെന്നും.. ഒടുവിൽ രുദ്രനുമായിട്ടുള്ള കല്യാണം നടക്കേണ്ടിയിരുന്ന ആ നിമിഷം തനിക്ക് വേണ്ടി വന്നവനെ കാണെ സന്തോഷമോ സങ്കടമോ ഒക്കെ വന്നു എങ്കിലും ഇത്രയും നാളും തന്നെ ഒരു നോക്ക് കാണാൻ വരാതെ  എന്റെ ഏട്ടന്റെ മരണകാരണം പോലും ഒന്ന് തുറന്നു പറയാത്ത മനുഷ്യനോട്  ആ നിമിഷം ദേഷ്യമാ തോന്നിയത്  അതുകൊണ്ട് തന്നെയാ അന്ന് ദേഷ്യപ്പെട്ടതും തന്നോടൊരു തുറന്നു പറച്ചിൽ നടത്തിയാലോ എന്നൊരു പ്രത്യാശയും ഉണ്ടായിരുന്നു  "" ഞാൻ കെട്ടിയ താലി നിന്റെ കഴുത്തിൽ ഉള്ളത് കൊണ്ടു മാത്രമാണ് ഇവിടേയ്ക്ക് കൊണ്ട് വന്നത്.... കണ്ടവന്മാർ വന്നു കെട്ടാൻ മുട്ടി നിൽക്കുമ്പോൾ എന്റെ താലിയും ഇട്ടു നിക്കണ്ട നീ  അതുകൊണ്ട് മാത്രം നിന്നെ ഇങ്ങോട്ട് കൊണ്ടുവന്നു.. എത്രയും വേഗം നിനക്ക് ഡിവോഴ്സ്  പേപ്പർ തരും അതും ഒപ്പിട്ടു നീ ആരുടെ  കൂടെ പോയാലും ആരുടെ താലി ഇട്ടാലും ഈ ശിവയ്ക്കു പ്രശ്നമല്ല.. പക്ഷെ എന്റെ താലി ഉള്ളടത്തോളം കാലം നീ ഇവിടെ നിക്കും..... " ഈ വാക്കുകൾ കേട്ടപ്പോൾ ആ നിമിഷം താനോന്നു മരിച്ചു വീണെങ്കിൽ എന്നു  ആശിച്ചു പോയി... പക്ഷെ സത്യങ്ങൾ എല്ലാം  ശിവേട്ടൻ നമ്മളോട് തുറന്നു പറഞ്ഞപ്പോ ഈ ലോകം വെട്ടിപ്പിടിച്ച സന്തോഷമായിരുന്നു പെണ്ണെ എനിക്ക്.....അത്രമേൽ ഞാൻ സ്നേഹിച്ചു പോയിരുന്നു ഇക്കാലമത്രയും ആ മനുഷ്യനെ.. പിന്നീടുള്ള ഓരോ ദിവസവും  ആ റൂമിലേക്ക്‌ കയറി ചെല്ലുമ്പോൾ ശിവേട്ടന്റെ ഒരു നോട്ടം കിട്ടാൻ എത്ര ആഗ്രഹിച്ചു ഞാൻ..  അന്ന് ഡിവോഴ്സ് തരുമെന്ന് പറഞ്ഞപ്പോൾ ആ ദേഷ്യത്തിൽ പറഞ്ഞു പോയതാണ് എന്നാ ഓർത്തത്‌ പക്ഷെ ഒരിക്കൽ പോലും തന്നെയൊന്നു നോക്കാത്ത ആ മനുഷ്യനെ കാണുമ്പോ ഇന്നെനിക്ക് ബോധ്യമാണ് അന്ന് ശിവേട്ടൻ പറഞ്ഞത് സത്യമാണെന്നു...ശിവേട്ടന്റെ കൂടെ ജീവിക്കാൻ അല്ല ആ മുറിയിൽ താമസിക്കാൻ തുടങ്ങിയിട്ട് ഒരുമാസം കഴിഞ്ഞിട്ടും ഇന്നുവരെ എന്നോടൊന്നു മിണ്ടിട്ട് കൂടിയില്ല പെണ്ണെ ആ മനുഷ്യൻ പിന്നെ എങ്ങനെയാ എന്റെ കൂടെ ഉണ്ടാവുമെന്ന്  ഞാൻ ചിന്തിക്കുന്നേ " കവിളിലൂടെ ചാലിട്ടൊഴുകിയ മിഴിനീർ പുറം കയ്കൊണ്ടു തുടച്ചു മൃതിയത് പറഞ്ഞു തീരുമ്പോൾ നിത്യയുടെ കണ്ണുകളും കലങ്ങിയിരുന്നു... പറഞ്ഞാശ്വസിപ്പിക്കാൻ  വാക്കുകൾ കിട്ടിയില്ലെങ്കിലും ഒരു ചേർത്ത് പിടിക്കലോടെ നിത്യ ആ പെണ്ണിനെ ആശ്വസിപ്പിക്കാൻ ശ്രമിച്ചു... " പക്ഷെ ഞാൻ ഒന്ന് പറയട്ടെ മിത്തു...  എന്റെ ഏട്ടൻ ഇങ്ങനെ ഒക്കെ പറഞ്ഞെങ്കിലും എനിക്ക് തോന്നുന്ന നിന്നെ ഇഷ്ടാണെന്നാണ്  "  "അത് നിന്റെ തോന്നലാ നിത്യപ്പെണ്ണേ അങ്ങനെ ഒരു ഇഷ്ടവും എന്നോടില്ല ഉണ്ടേൽ എന്നോട് ഇങ്ങനെ മിണ്ടാതിരിക്കുവോ" " എന്റെ മിത്തു ചിലപ്പോൾ എന്റെ തോന്നൽ ആയിരിക്കും  പക്ഷെ.. ഏട്ടൻ തന്നെ പറഞ്ഞയല്ലേ ഏട്ടന് ഈ കല്യാണം ആദ്യം ഇഷ്ടമല്ലായിരുന്നു.. പോരാഞ്ഞിട്ട് ഒരു പാവാടക്കാരി വൺസൈഡ് ലവും  ഇതൊന്നും കൂടാതെ കെട്ടിയ അന്ന് തന്നെ ഉണ്ടായ പ്രശ്നങ്ങൾ വേറെയും ഇനി അതൊക്കെ കൊണ്ടായിരിക്കുമോ ഏട്ടന് പെട്ടെന്ന് പൊരുത്തപ്പെടാൻ പറ്റാത്തത്.. കാരണം നമ്മൾ എല്ലാവരുടെയും ഭാഗത്തൂന്ന് ചിന്തിക്കണമല്ലോ... " " ആണോ... മ്മ് ചിലപ്പോൾ അത് ശെരിയായിരിക്കും.. പക്ഷെ ഒരിക്കൽ എങ്കിലും എന്നോടൊന്നു മിണ്ടുവെങ്കിലും അല്ലെങ്കിൽ നോക്കിയൊന്നു ചിരിക്കുവെങ്കിലും ചെയ്യാല്ലോ.. " " അതറിയാൻ ഒരു എളുപ്പ വഴി ഉണ്ട് " നിത്യ ചെറു ചിരിയോടു കൂടി മൃതിയെ നോക്കി പറഞ്ഞു " " നീ ഏട്ടനോട് ചോദിച്ചാൽ മതി..." "എ.. ഏഹ്.. ഞ.. ഞാനോ.. നീ.. നീ ഒന്ന് പോയെ പെണ്ണെ..." " പിന്നല്ലാതെ ഞാൻ ചോദിക്കാം നിന്റെ ഭർത്തവല്ലേ നീ തന്നെ ചോദിക്കണം " " അയ്യയ്യോ എനിക്ക് പേടിയാ നിത്യേ... " " ഓ.. എന്നാ നീ കണ്ണീർ സീരിയലുകളിൽ ഉള്ളപോലെ സർവം സഹ ആയ നായിക ആയിട്ട് ജീവിച്ചോ.. അവസാനം ആ പാവടക്കാരി എന്റെ ഏട്ടനെ കൊണ്ട് പോകുമ്പോ വന്നു മോങ്ങിയ ഉണ്ടല്ലോ... " മൃതിയെ ഒന്നു കൂർപ്പിച്ചു നോക്കി പുച്ഛത്തോടെ  നിത്യ മുന്നോട്ടു നടന്നു... മൃതി ഓടി അവളുടെ അടുത്തേക്ക് ചെന്നെങ്കിലും പെണ്ണ് ചുണ്ട് കൊട്ടി നിക്കുവാണ് "എന്റെ നിത്യേ.. ഞാൻ എങ്ങനെയാ ശിവേട്ടനോട് ചോദിക്കുന്നെ" "വാ കൊണ്ട്.. അല്ല പിന്നെ.. നിനക്ക് വേണോങ്കിൽ മതി.. " മൃതിക ഒരു ദയനീയ ഭാവത്തോടെ നിത്യയെ നോക്കിയെങ്കിലും പെണ്ണ് പുച്ഛിച്ചു വിട്ടു... "ഞാ. ഞാൻ ചോദിക്കാം നീ ഇങ്ങനെ പിണങ്ങാതെ" Oh that's my girl നിത്യ ചെറു ചിരിയോടെ മൃതിയുടെ കവിളിൽ ഒന്ന് മുത്തി... "പിന്നെ ഞാൻ ഒരുകാര്യം പറയട്ടെ  മിത്തു..." "മ്മ് എന്താ" " എനിക്ക് തോന്നുന്നത് ഏട്ടൻ വിഷ്ണുവേട്ടന്റെ കൂടെ അവിടെ വന്നു നിക്കുന്നത് നിന്നെ കാണാനാ എന്നാ.. " " ഓ പിന്നെ  വീട്ടിൽ വെച്ച് കണ്ടാൽ നോക്കാത്ത മനുഷ്യനാ.. നിനക്ക് എന്താ പെണ്ണെ " മൃതി ചൊടിയോടെ ചോദിച്ചു " അതൊന്നും എനിക്കറിയില്ല.. പക്ഷെ  പിന്നെ ഒരു കാര്യവും ഇല്ലാതെ അവിടെ വന്നു നിൽക്കേണ്ട ആവിശ്യമെന്താ " " അത് പിന്നെ വിഷ്ണുവേട്ടൻ ഉള്ളോണ്ടായിരിക്കും... " " ഒന്നു പൊ മിത്തു.. എന്നിട്ട് സായിയേട്ടൻ എന്താ വരാത്തെ ഇതെനിക്കുറപ്പാ നിന്നെ കാണാൻ തന്നെയാ.. കാരണം വിഷ്ണുവേട്ടൻ പണ്ട് മുതലേ എന്നെ കാണാൻ നിക്കുവല്ലോ പക്ഷെ അന്നൊന്നും ശിവേട്ടൻ കൂടെ ഇല്ലാരുന്നു.. എന്നാൽ നിന്നെ വീട്ടിൽ കൊണ്ട് വന്ന അന്ന് മുതൽ ശിവേട്ടൻ  കൂടെ വരുന്നേ എന്തിനാ...  നീ തന്നെ ചിന്തിച്ചു നോക്കു മണ്ടൂസേ.. " നിത്യ ഇടുപ്പിൽ കയ്യ് കുത്തി ചോദിച്ചതും മൃതിയിലും ഹൃദയത്തിൽ ഒരു തണുത്ത കാറ്റു വീശി...മൃതി അവിടെ തന്നെ സ്റ്റക്ക് ആയി നിന്നു.. " അയ്യോ " "എന്താ നിത്യേ " " മിത്തു സമയം 7.59.. ഇപ്പോൾ ബസ് വരും.. നീ ഒന്ന് വേഗം വന്നേ " മൃതിയുടെ കയ്യ് പിടിച്ചു വേഗം ബസ്റ്റോപ്പിലേക്ക് ഓടി... അവർ ചെന്നതും ബസ് വന്നതും ഒരുമിച്ചു... മൃതിയുടെ നോട്ടം ഓപ്പോസിറ്റ് ഉള്ള കടയിലേക്ക് പോയി അവിടെ ബുള്ളറ്റിൽ ഇരിക്കുന്ന വിഷ്ണുവിനെയും ശിവയെയും കണ്ടതും പെണ്ണിന്റ മുഖമൊന്നു വിടർന്നു.... "നിങ്ങൾ എവിടെ പോവാ.. " ബസിലെക്കു കയറാൻ നിന്നതും ശാലിനിയുടെ ചോദ്യം കേട്ടു നിത്യ നെറ്റി ചുളിച്ചു.... " ഇന്ന് കോളേജ് സ്ട്രൈക്ക് ആണ്... " ശാലിനി അത് പറഞ്ഞതും നിത്യയുടെ മുഖം പ്രകാശപൂരിതമായി.. " സത്യാണോ ശാലു " "സത്യം എന്നാ ശെരി ഞാൻ പോവാണേ" അത് പറഞ്ഞു ശാലു കവലയിൽ നിന്നും ഇടത്തോട്ടുള്ള അവളുടെ വീട്ടിലേക്കുള്ള വഴിയേ നടന്നു.. ( ശാലിനി അവരുടെ കോളേജിൽ  1rst ഇയറിൽ പഠിക്കുന്ന കുട്ടിയാണ് നമ്മുടെ പിള്ളാര്‌ 3rd ഇയറിലും.. ) " മിത്തു ഇത് തന്നെ ബെസ്റ്റ് ചാൻസ് " " എന്തിനു " മൃതി ചെറിയ സംശയത്തോടെ നിത്യയെ നോക്കി " ഏട്ടനോട് സംസാരിക്കാൻ " "ഇപ്പോഴോ " " പിന്നല്ലാതെ ഇപ്പോൾ തന്നെ സംസാരിക്കണം " " കണ്ണ് മിഴിച്ചു നിൽക്കുന്ന മൃതിയുടെ കയ്യിൽ പിടിച്ചു നിത്യ ശിവയ്‌ക്കരികിലേക്ക് നടന്നു തുടരും....... ഇഷ്ടമാവുകയാണെങ്കിൽ എനിക്കായി രണ്ടു വരി കുറിക്കണെ 🩷🌝 plch എന്തേലുമൊന്ന് പറഞ്ഞിട്ട് പോണെ 😌❤️ #💞 പ്രണയകഥകൾ #❤️ പ്രണയ കവിതകൾ #📔 കഥ #📙 നോവൽ #📖 കുട്ടി കഥകൾ