ബന്ധങ്ങളിൽ സ്നേഹവും അടുപ്പവും നിലനിൽക്കുന്നതിന്റെ അടിസ്ഥാനം വിശ്വാസമാണ്....വിശ്വസിക്കാൻ കൊള്ളാവുന്ന വ്യക്തിയാണെന്ന് ഒരാൾ സ്വയം പറയുന്നതിനേക്കാൾ അയാളുടെ പ്രവർത്തികളിലൂടെ അത് ബോധ്യമാവുമ്പോഴാണ് ബന്ധങ്ങൾ കൂടുതൽ കെട്ടുറപ്പുള്ളതാവുന്നത്.. വിശ്വാസം സംരക്ഷിക്കേണ്ടത് ബന്ധങ്ങൾ നിലനിർത്താൻ ആഗ്രഹിക്കുന്നവരുടെ ഉത്തവാദിത്വം കൂടിയാണ്.. പ്രണയമോ കുടുംബമോ സൗഹൃദമോ മറ്റേത് ബന്ധങ്ങളോ ആയിക്കോട്ടെ ഏതൊരു ബന്ധവും മനോഹരമാക്കുന്നതിൽ വിശ്വാസത്തിന് പ്രധാന പങ്കുണ്ട്.. പറഞ്ഞ വാക്ക് പാലിക്കാതിരിക്കുക,ചതി, കളവ്, അങ്ങനെ വിശ്വാസം നഷ്ട്ടപ്പെടാൻ പല കാരണങ്ങൾ ഉണ്ടാവാം. ഒരാൾ വിശ്വസിച്ചു പറയുന്ന കാര്യങ്ങൾ അതേപടി മറ്റുള്ളവരിലേക്ക് എത്തിച്ചു അയാളുടെ മനസിലുള്ള തന്റെ സ്ഥാനം സ്വയം നഷ്ട്ടപ്പെടുത്തുന്ന ചിലരുണ്ട് . അവർ വിചാരിക്കുന്നത് അയാളെ വിശ്വസിച്ചു കാര്യങ്ങൾ പറഞ്ഞ വ്യക്തി ഇതൊന്നും ഒരിക്കലും അറിയില്ലെന്നായിരിക്കാം. ഒരാൾ തന്നിലർപ്പിച്ച വിശ്വാസം കാത്തു സൂക്ഷിക്കാൻ കെൽപ്പില്ലാത്ത ആൾക്ക് കേട്ടയാൾ അത് ആരോടും പറയില്ലെന്ന് ഉറപ്പിക്കാൻ പറ്റുന്നത് എങ്ങനെയാണ്? സൗഹൃദം എന്നത് ഒപ്പം നിൽക്കലും, കരുത്ത് പകരലും, പ്രതിസന്ധികളിൽ തുണയാകലുമാണ്. പക്ഷേ ചിലർ അങ്ങനെയല്ല — അവർ കൂടെ നിൽക്കുന്നെന്ന് നടിച്ചു പിന്നിൽ നിന്ന് കാലുവാരുന്നവരാണ്. തെറ്റിപിരിയുമ്പോൾ ഒരുമിച്ചിരുന്നപ്പോഴുള്ള രഹസ്യങ്ങൾ പുറത്ത് പറഞ്ഞു നടക്കുന്നവർ സൗഹൃദത്തിന്റെ അർത്ഥം പോലും മനസ്സിലാക്കിയിട്ടില്ലാത്തവരാണ്. അതിലേറെ അപകടകാരികളായവർ, മറ്റുള്ളവരുടെ മനസ്സിൽ വിഷം കുത്തിവെക്കുന്നവരാണ് — നല്ല ബന്ധങ്ങൾ തകർക്കാൻ ആഗ്രഹിക്കുന്നവർ. അവർ നിരപരാധികളായവരിൽ സംശയത്തിന്റെ വിത്ത് നട്ടുവയ്ക്കും. “ഇവൻ എന്നെക്കുറിച്ച് മറ്റാരോടും പറയുന്നുണ്ടോ?” “ഇവൾ പിന്നിൽ മറ്റൊരാളോടും സംസാരിക്കുന്നുണ്ടോ?” എന്ന സംശയങ്ങൾ സൃഷ്ടിച്ച്, ബന്ധങ്ങൾ തെറ്റി പിരിക്കുന്നതിൽ അവർ ആനന്ദം കണ്ടെത്തും. ബന്ധങ്ങൾ സംരക്ഷിക്കണമെങ്കിൽ വാക്കുകൾ പോലെ മനുഷ്യരെയും സൂക്ഷിച്ചു തിരഞ്ഞെടുക്കണം. വിശ്വാസം സംരക്ഷിക്കുക -കാരണം അത് തകരുമ്പോൾ, സ്നേഹത്തിനും സൗഹൃദത്തിനും നിലനിൽപ്പ് നഷ്ടമാകും. 💫 കടപ്പാട് 👍🏻 #💭 Inspirational Quotes #😔 ഇമോഷണൽ സ്റ്റാറ്റസ് 😍 #🙋‍♀️ എൻ്റെ സ്റ്റാറ്റസുകൾ #📝 ഞാൻ എഴുതിയ വരികൾ #💌 പ്രണയം