#🔎 September 27 Updates *ദുൽഖർ സൽമാൻ എന്തായാലും ഒരു നല്ല കാര്യം ചെയ്തിട്ടുണ്ട്.* *കസ്റ്റംസുകാർ പിടിച്ചെടുത്ത വാഹനം തിരിച്ചു കിട്ടണം എന്ന് ആവശ്യപ്പെട്ട് പുള്ളി ഹൈക്കോടതിയിൽ പോയിരിക്കുകയാണ്.* *എല്ലാ രേഖകളും ഉള്ള വാഹനം ഒന്നും പരിശോധിക്കാതെ കസ്റ്റംസ് കൊണ്ടുപോയെന്നും അതിനുശേഷം മാധ്യമങ്ങളിലൂടെ തന്റെ പ്രതിച്ഛായക്ക് മോശം വരുന്ന രീതിയിലുള്ള പ്രസ്താവനകൾ കൊടുത്തു എന്നുമാണ് പുള്ളി കോടതിയിൽ ആരോപിച്ചിരിക്കുന്നത്.* *ഒരു സാധാരണക്കാരൻ എതിരെ സർക്കാർ സംവിധാനങ്ങൾ ഇങ്ങനെയൊരു നീക്കം നടത്തിയാൽ സഹിക്കാൻ മാത്രമേ മാർഗമുള്ളൂ. എന്നാൽ ദുൽഖർ സൽമാൻ ആകുമ്പോൾ അങ്ങനെ സഹിച്ചു മിണ്ടാതിരിക്കേണ്ട കാര്യമില്ല. നല്ല നിയമ ഉപദേശവും കോടതിയിൽ കേസുകളപ്പിക്കാനുള്ള പണവും കയ്യിലുണ്ട്. ഈ വിഷയത്തിൽ അപ്പോൾ പുള്ളി ഒരു ഇൻഫ്ലുവൻസറായി മാറി.* *പൊതുജനങ്ങളുടെ അറിവില്ലായ്മ ചൂഷണം ചെയ്യുക എന്നതാണ് സർക്കാർ സംവിധാനങ്ങളുടെ ഒരു പ്രത്യേകത തന്നെ. അറിയാമെങ്കിൽ പോലും സർക്കാരുമായി പൊരുതുക എന്ന് പറയുന്നത് അത്ര എളുപ്പമുള്ള കാര്യമല്ല.* *ദുൽഖർ സൽമാൻറെ വണ്ടിയുടെ മുൻപുള്ള രണ്ട് ഉടമസ്ഥരെ അറിയാമെന്നാണ് ദുൽഖർ പറയുന്നത്. ഈ രണ്ട് ഉടമസ്ഥാവകാശങ്ങളും കൈമറിഞ്ഞിരിക്കുന്നത് സർക്കാർ സംവിധാനങ്ങളിലൂടെ തന്നെയാണ്. അതെല്ലാം കഴിഞ്ഞ് ഇത് കള്ളക്കടത്ത് വണ്ടി ആണെന്ന് പറഞ്ഞു വരുന്നതിൽ ഒരു കാര്യവുമില്ല. അതിനുമുന്നിലേക്കുള്ള ഉടമസ്ഥാവകാശം ഒന്നും പരിശോധിക്കനോ അതിൻറെ ആധികാരികത ഉറപ്പാക്കാനോ ഉള്ള ബാധ്യതയോ സംവിധാനമോ ഒരു പൗരൻ ഇല്ല. നികുതി വാങ്ങി തിന്നുന്ന സർക്കാർ തന്നെ അത് ചെയ്യണം. അവിടെ വീഴ്ച വരുത്തിയിട്ട് പൗരനെ ഉപദ്രവിക്കാൻ ഇറങ്ങുന്നത് ശരിയായ നടപടിയല്ല.* *ഈയൊരു കേസിൽ വണ്ടി വിട്ടു കിട്ടുക എന്നത് മാത്രമല്ല ദുൽഖർ സൽമാൻ ചെയ്യേണ്ടത് എന്നാണ് എൻറെ അഭിപ്രായം. പുള്ളിയുടെ പേരും ചേർത്ത് തീവ്രവാദം സ്വർണക്കടത്ത് ആയുധക്കടത്ത് മനുഷ്യ കടത്ത് എന്നൊക്കെ ആരോപിച്ച് മാനനഷ്ടം വരുത്തിയതിന് കുറച്ചു കോടികൾ നഷ്ടപരിഹാരം ആവശ്യപ്പെട്ട് ഒരു കേസും കൂടി കൊടുക്കണം.* *പൊതുജനത്തിന് വെറും ചെണ്ടയാക്കി മാറ്റി കൊട്ടുമ്പോൾ പൗര പ്രമുഖർ എങ്കിലും പ്രതികരിച്ച് തിരിച്ചൊരു പണി കൊടുക്കട്ടെ. അങ്ങനെയെങ്കിലും ഇത്തരം ഇണ്ടാസും കൊണ്ട് ഇറങ്ങുന്നതിനു മുൻപ് സർക്കാർ ഉദ്യോഗസ്ഥർ രണ്ടുവട്ടം ഒന്നാലോചിക്കട്ടെ.*