କ୍ୟାସେଟ୍ ଯୁଗ ଥିବା ସମୟରେ ଅନେକ ଗୀତ ହିଟ୍ ହୋଇଥିଲା । ସେତେବେଳେ ଆଧୁନିକ ଗୀତର ଯେତେ ଡିମାଣ୍ଡ ଥିଲା ଭକ୍ତିପୂର୍ଣ୍ଣ ଭଜନକୁ ମଧ୍ୟ ଲୋକ ଖୁବ୍ ଶୁଣୁଥିଲେ । ଘରେ ଘରେ ଶୁଭୁଥିଲା ରାମାୟଣ , ମହାଭାରତ ଏବଂ ଅନେକ ଭଜନ ଗୀତର ସ୍ବର । ଆଉ ଏହି ସମୟରେ ବଜରଙ୍ଗବାଲୀଙ୍କ ହନୁମାନ ଚାଳିଶା ଭକ୍ତିପୂତ ସଂଗୀତ ମଧ୍ୟ ରିଲିଜ୍ ହୋଇଥିଲା । ଟି-ସିରିଜ୍ ପକ୍ଷରୁ ହନୁମାନ ଚାଳିଶାକୁ ସ୍ବରରେ ଶ୍ରୋତାଗଣଙ୍କ ପାଖକୁ ପହଞ୍ଚାଇଥିଲେ ଗାୟକ ଗୁଲଶନ କୁମାର । ତେବେ ବର୍ତ୍ତମାନ ଏହି ଭକ୍ତି ଗୀତ ଇତିହାସ ସୃଷ୍ଟି କରିଛି ।ଏହି ଭଜନ ୫ ବିଲିୟନ୍ ଭ୍ୟୁ ପାଇଥିବା ପ୍ରଥମ ଭାରତୀୟ ଭିଡିଓ ପାଲଟିଛି । ଗୁଲସନ କୁମାରଙ୍କ ହନୁମାନ ଚାଳିଶା ଭଜନ ସର୍ବକାଳୀନ ସର୍ବାଧିକ ଦେଖାଯାଇଥିବା ଭିଡିଓ ତାଲିକାରେ ସ୍ଥାନ ପାଇଛି । ପ୍ରତିଦିନ ଏହାର ଭ୍ୟୁ ସଂଖ୍ୟା ବଢୁଛି । ହନୁମାନ ଚାଳିଶା ବଲିଉଡ୍, ପଞ୍ଜାବୀ ଏବଂ ଅନ୍ୟ ସୁପରଷ୍ଟାରଙ୍କ ଗୀତକୁ ବି ପଛରେ ପକାଇ ଦେଇଛି । ହନୁମାନ ଚାଳିଶା ଏହି ସଫଳତା ହାସଲ କରିବାରେ ଭାରତର ଏକମାତ୍ର ଭିଡିଓ ପାଲଟିଛି । ଏହି ଭିଡିଓ YouTube ରେ ସର୍ବକାଳୀନ ଶ୍ରେଷ୍ଠ ୧୦ ସର୍ବାଧିକ ଦେଖାଯାଇଥିବା ଭିଡିଓ ତାଲିକାରେ ପ୍ରବେଶ କରିଛି । #🏅ଇତିହାସ ରଚିଲା ହନୁମାନ ଚାଳିଶା📿