#💐संत महंत🙏 #✍️भक्ती संदेश #🌻आध्यात्म 🙏 . .ll ज्ञानेश्वरीतील ज्ञानामृत चिंतन ll . ------------------------------------------ 'भक्ताच्या ठिकाणी असलेले दोष भक्तीने नाहीसे होतात. भगवंत अनन्य भक्तीला भुललेला आहे तो जाती, वर्ण, कूळ इत्यादी पाहात नाही. ब्रजगोपी या स्त्रियांचा उद्धार भगवंतांनी केला व तुलाधार वैश्याचा उद्धार भगवंतांनी केला आहे. ************************************************* . म्हणोनी कुळ जातीचे वर्णं l.हे अघावेचिया अकारण l . एथ अर्जुना माझेपण l सार्थक एथ ll ***************[ ज्ञानेश्वरी-९/४५६]***************** . ------- अर्थ ------ . . म्हणून कुळ, जाति वर्ण हे सर्व निष्फळ असून एक माझ्या भक्तीच सार्थकता आहे.. . ------विश्लेषण -----. . . अनन्य भक्तीने पालटलेल्या धर्मात्म्याला जो पारमार्थिक लाभ होतो ते सागताना भगवत म्हणतात, तो लवकरच पुण्यात्मा होतो व नित्यशांतीला प्राप्त होतो. तो कधीही नाश पावत नाही. स्त्रिया, वैश्य आणि शूद्र अथवा दुसरेही ने अन्य पापयोनी असतील तेही माझ्या उपासनेने परमगतीला प्राप्त होतात. . भोजन करताना प्रत्येक घासाबरोबर तुष्टी, पुष्टी व क्षुधाशमन होते त्याप्रमाणेच भगवंताची भक्ती केल्यावर प्रेयाभक्ती, अनुभूती व विषय वैराग्य या तीनही गोष्टींचा लाभ होतो. . भक्तांचा विनाश होत नाही हे भगवंतांचे वचन आहे. भक्ताच्या ठिकाणी असलेले दोष भक्तीने नाहीसे होतात. भगवंत अनन्य भक्तीला भुललेला आहे तो जाती, वर्ण, कूळ इत्यादी पाहात नाही. ब्रजगोपी या स्त्रियांचा उद्धार भगवंतांनी केला व तुलाधार वैश्याचा उद्धार भगवंतांनी केला आहे. . भक्त प्रल्हादाचा जसा उद्धार केला तसाच अजामेळ याचा. गणिकांचा उद्धारही भगवंतांनी केला आहे. . या सर्वांचा उद्धार होण्याचे कारण म्हणजे त्यांची भगवंताच्या ठिकाणी असणारी अनन्यता होय. ते हीन कुळातील होते म्हणून त्यांचा उद्धार भगवंतांनी केला नसून त्यांच्या शुद्ध भावामुळेच झाला. . पापयोनीत जन्मलेल्यांचाही उद्धार होऊ शकतो मग ब्रह्मर्षी व राजर्षीचा होईल यात शंका ती काय असे भगवंत म्हणतात. . ll राम कृष्ण हरी, माऊली ll