*{مسلم لڑکیاں آخر غیر مسلم لڑکوں سے شادی کیوں کرتی ہیں؟}*
*﴿دخترانِ ملت بنیں قوم کی ذلت — اسباب، وجوہات، تجزیہ و حل﴾*
*قسط نمبر: ۴ — مرتدین کے بارے میں قرآنی آیات و احادیث نبویہ*
*﴿🖊️ندیم اشرف﴾*
*اسلامی نقطۂ نظر سے ارتداد یعنی دینِ اسلام چھوڑ کر کسی دوسرے مذہب کو اختیار کر لینا ایسا عظیم جرم ہے جو صرف ایک شخص کی دنیا ہی نہیں، اس کی آخرت کو بھی تباہ و تاراج کر دیتا ہے۔ ایمان وہ نعمت ہے جس کے ذریعے انسان رب کو پہچانتا ہے، ہدایت کی روشنی میں قدم رکھتا ہے، اور تاریکیوں سے نکل کر بندگیِ رب کے مقام تک پہنچتا ہے۔*
*لیکن جب یہی ایمان ہاتھ سے چھوٹ جائے، اور مسلمان اپنے رب کے پسند کیے ہوئے دین سے ہٹ کر باطل کے اندھیروں میں داخل ہو جائے، تو یہ وہ بدنصیبی ہے جس سے بڑی کوئی محرومی نہیں ہوسکتی۔*
*قرآن کریم نے بار بار یہ حقیقت واضح کی ہے کہ اللہ کے نزدیک صرف اسلام ہی قابلِ قبول دین ہے۔*
*ارشاد فرمایا:*
*﴿إِنَّ الدِّينَ عِنْدَ اللّٰهِ الْإِسْلَامُ﴾*
*“اللہ کے نزدیک دین صرف اسلام ہے‘‘*
*(آل عمران: ۱۹)*
*اور پھر فرمایا:*
*﴿وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ﴾*
*“اور جو اسلام کے علاوہ کوئی اور دین چاہے گا وہ ہرگز قبول نہ کیا جائے گا، اور آخرت میں وہ گھاٹا پانے والوں میں ہوگا۔’’*
*(آل عمران: ۸۵)*
*شرک کی حقیقت اور اس کی سنگینی بیان کرتے ہوئے قرآن نے اسے ظلمِ عظیم قرار دیا:*
*﴿إِنَّ الشِّرْكَ لَظُلْمٌ عَظِيمٌ﴾*
*“یقیناً شرک بہت بڑا ظلم ہے‘‘*
*(لقمان: ۱۳)*
*اور اعلان کر دیا کہ شرک کبھی معاف نہیں ہوگا:*
*﴿إِنَّ اللّٰهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذٰلِكَ لِمَنْ يَشَاءُ﴾*
*“اللہ شرک کو تو ہرگز معاف نہیں کرتا، اس کے علاوہ جسے چاہے معاف کر دے۔‘‘*
*ارتداد کے بابت قرآن کریم کی سخت ترین وعید یہ ہے کہ جو لوگ ایمان لانے کے بعد کفر اختیار کریں، اور پھر اپنے کفر میں بڑھتے جائیں ان کی توبہ تک قبول نہیں:*
*﴿إِنَّ الَّذِينَ كَفَرُوا بَعْدَ إِيمَانِهِمْ ثُمَّ ازْدَادُوا كُفْرًا لَنْ تُقْبَلَ تَوْبَتُهُمْ وَأُولٰئِكَ هُمُ الضَّالُّونَ﴾*
*“بے شک جن لوگوں نے ایمان کے بعد کفر کیا پھر کفر میں بڑھتے گئے، ان کی توبہ ہرگز قبول نہ ہوگی، اور وہی لوگ حقیقی گمراہ ہیں۔‘‘*
*(آل عمران: ۹۰)*
*اور آگے بڑھ کر فرمایا:*
*﴿إِنَّ الَّذِينَ كَفَرُوا وَمَاتُوا وَهُمْ كُفَّارٌ فَلَنْ يُقْبَلَ مِنْ أَحَدِهِمْ مِلْءُ الْأَرْضِ ذَهَبًا وَلَوِ افْتَدَىٰ بِهِ﴾*
*“جو کفر کی حالت میں مر گئے، اگر وہ زمین بھر سونا فدیہ میں دیں تب بھی قبول نہ ہوگا۔‘‘*
*(آل عمران: ۹۱)*
*یہ آیات یہ بتانے کے لیے کافی ہیں کہ ارتداد صرف ایک فکری غلطی نہیں، بلکہ ہلاکت کا گڑھا اور ایمان کے بعد سب سے بڑا جرم ہے۔*
*(مرتدین کے بارے میں احادیثِ نبویہ)*
*سیدِ عالم ﷺ نے مرتد کی سزا کو نہایت واضح انداز میں بیان فرمایا:*
*“مَنْ بَدَّلَ دِينَهُ فَاقْتُلُوهُ”*
*“جس نے اپنا دین بدل دیا اسے قتل کر دو۔’’*
*(صحیح بخاری، ترمذی، ابو داؤد، ابن ماجہ، مسند احمد)*
*صحابۂ کرام کے عملی فیصلے بھی اسی حکم کی گواہی دیتے ہیں۔ حضرت ابو موسیٰ اشعریؓ کے پاس ایک شخص لایا گیا جو پہلے یہودی تھا، مسلمان ہوا پھر دوبارہ یہودی بن گیا۔ اتنے میں حضرت معاذ بن جبلؓ تشریف لائے اور جب اس شخص کو بندھا ہوا دیکھا تو فرمایا:*
*“اللہ اور اس کے رسول کا فیصلہ یہی ہے کہ اسے قتل کیا جائے۔‘‘*
*پھر وہ مرتد قتل کر دیا گیا۔*
*(صحیح بخاری و مسلم)*
*یہ احادیث ہر اس انسان کے لیے روشن دلیل ہیں جو کہتا ہے کہ اسلام میں ارتداد کی سزا کیوں؟ کیا یہ آزادیِ عقیدہ کے خلاف ہے؟*
*حالانکہ حقیقت یہ ہے کہ:*
*ارتداد محض ذاتی تبدیلی نہیں یہ اجتماعی فساد اور دین کے خلاف اعلانِ جنگ ہوتا ہے۔*
*ابتدائے اسلام میں منافقین اور دشمنانِ اسلام نے باقاعدہ منصوبہ بنایا تھا کہ*
*“صبح اسلام قبول کرو، شام کو چھوڑ دو تاکہ مسلمانوں کا ایمان کمزور ہو جائے۔‘‘*
*اس پس منظر میں ارتداد کی سزا دراصل امت کے اجتماعی ایمان کی حفاظت کے لیے ہے، نہ کہ کسی کے ذاتی دل کے حال پر تلوار چلانے کے لیے۔*
*جس نے دین چھوڑا مگر اعلان نہ کیا، نہ دوسروں کو بگاڑا اس پر حد جاری نہیں ہوتی۔*
*حد تب ہے جب ارتداد اظہار، اعلان، دعوت، یا فتنہ بن جائے۔*
*لہٰذا ارتداد کی سزا عقیدے کی آزادی کے خلاف نہیں، بلکہ اجتماعی فتنہ و فساد سے تحفظ کا قانون ہے۔*
*=====آنے والی قسط کی جھلک=====*
*`قارئینِ کرام!`*
*شاید ابھی آپ کو محسوس ہو رہا ہوگا کہ یہ سلسلہ بہت سخت، بہت سنجیدہ اور بہت طویل ہے،لیکن حقیقت یہ ہے کہ ہم ابھی صرف بنیادیں رکھ رہے ہیں۔*
*ہم اس مسئلے پر محض لکھ نہیں رہے بلکہ گہری تحقیق کے ساتھ پوری تصویر واضح کر رہے ہیں کہ مسلم لڑکیاں کس طرح ایسے فتنوں کا شکار ہو کر ایمان کھو دیتی ہیں۔*
*`ان شاء اللہ اگلی قسط کا عنوان ہوگا:`*
*﴿“تاریخ کا بہت ہی سنگین ترین فتنہ’’﴾*
*اس فتنہ کی حقیقت، اس کی ابتدا، اس کے محرکات اور آج کی مسلم بیٹیوں کے ایمان پر اس کے مہلک اثرات*
*یہ سب اگلی قسط میں کھولا جائے گا۔*
#خلاصۃ دین کورس #अल्लाहु अकबर #Deen ki Baten #💖💖islamic post💖💖 #mere baba ka Deen itna mushkil tha ki tum prda na kr ski😞😞
