മനസ്സിൻ മൊഴി... 🩷 അവൾ പതിയെ മുകളിലെ ബാൽക്കണി യിലേക്കു ഇറങ്ങി... താഴെയായി പടർന്നു പന്തലിച്ചു മരങ്ങളും... ഗേറ്റ് കഴിഞ്ഞു ഇന്റർലോക്ക് ഇട്ടിരിക്കുന്നതിന്റെ സൈഡ് മുഴുവനും കൊച്ചു മരങ്ങളും പൂക്കളുമാണ്.. അത് വൃത്തിയായി വെട്ടി അലങ്കരിച്ചിട്ടുണ്ട്.... ഒരു കാറ്റവളെ വന്നു തലോടി.... ഒരു സുരക്ഷിതത്വം അവൾക്കാ വീട്ടിൽ നിന്നും ഒരു സുരക്ഷിതത്വം അനുഭവപ്പെട്ടു ഡീ........ ആരോട് ചോദിച്ചിട്ടാണു നീ ഇവിടേക്ക് വന്നത്... കള്ളി.... കലിപ്പൂണ്ട് നിൽക്കുന്നവനെ കാണെ അവൾ ഒന്ന് വിറച്ചു... നീ ആരാ ഏഹ്...... മോഷ്ടിക്കാൻ വന്നയാണോ.... കത്തുന്ന കണ്ണുമായി വിറച്ചു കൊണ്ടുള്ള ചോദ്യത്തിൽ അവൾക് അല്ല എന്ന് പറയണം എന്നുണ്ടെങ്കിലും തൊണ്ടക്കുഴിയിൽ നിന്നും ശബ്ദത്തെ ആരോ പിടിച്ചു വെച്ച പോൽ... അവൾ നിന്ന് വിറച്ചു.. അവനിൽ നിന്നും കുതറി മാറി ഓടനായി പോയതും അവൻ വലിച്ചവളെ നെഞ്ചിലേയ്ക്ക് ഇട്ടു....... എന്താടി കള്ളി ഓടിക്കളയാമെന്നു വിചാരിച്ചോ ദക്ഷയുടെ കൈ രണ്ടും കൂട്ടി പിടിച്ചു അവളെ ഓടാൻ അനുവദിക്കാതെ അവന്റെ നെഞ്ചിലേക്ക് ചേർത്ത് നിർത്തി ചോദിച്ചു... നീ ആരാ... ഏഹ്... പറയടി മുങ്ങേ പോലെ നിൽക്കാതെ  ദേഷ്യത്തോടെ ചോദിക്കുന്നവനെ കാണെ.. അവൾ ആലില പോലെ വിറച്ചു.. ഞാ... ഞാൻ... അമ്മ... അമ്മച്ചി... പറഞ്ഞു..... ഇങ്ങോട്ട്.... ക്ഷമിക്കണം..... വിറയർന്ന ശബ്ദത്തിൽ പറഞ്ഞൊപ്പിക്കാൻ ശ്രമിച്ചെങ്കിലും അവൾക്ക് കഴിഞ്ഞില്ല... ഞഞ്ഞ പിഞ്ഞ പറയാതെ കാര്യം പറയടി. ഇല്ലേ കാലെവാരി ചുമരിൽ തൂക്കും ഞാൻ അവൻ ദേഷ്യത്തോടെ ദക്ഷയെ നോക്കി പറഞ്ഞു.. മുകളിലത്തേ ശബ്ദം കേട്ടു അപ്പച്ചനും അമ്മച്ചിയും  സ്റ്റേല്ലയും ത്രേസ്യാ ചേട്ടത്തിയും അങ്ങോട്ടേക്ക് വന്നു..... എന്താടാ ഏഹ് എന്താ പ്രശ്നം....(അപ്പച്ചൻ ) അവരെ കണ്ടിട്ടെന്നോണം അവൾ അവനിൽ നിന്ന് ഓടി അമ്മച്ചിയുടെ പുറകിലായി നിന്ന്... തുളുമ്പി വന്ന മിഴികളെ തുടച്ചു കൊണ്ട് ഇടയ്ക്ക് അവന്റെ മുഖത്തേക്ക് അവൾ നോക്കി തന്നെ ദേഷ്യത്തോടെ നോക്കുന്നവനെ കണ്ടു ദക്ഷ വേഗം മുഖം താഴ്ത്തി.. അമ്മച്ചി നിങ്ങൾ ആരും കണ്ടില്ലേ ഈ കള്ളി വീട്ടിൽ കയറിയത്..... അവളുടെ നിറഞ്ഞു വരുന്ന മിഴികൾ കണ്ടിട്ടെന്നോണം അപ്പച്ചൻ അവനെ ഒന്ന് കലിപ്പിച്ചു നോക്കി.... എടാ തെമ്മാടി... പെൺകുഞ്ഞുങ്ങളോട് ഇങ്ങനെ ആണോ സംസാരിക്കുന്നെ.... ഇന്നലെ ഈ കൊച്ചിനെ നമ്മടെ വണ്ടി ഒന്ന് തട്ടി... അതോണ്ട് ഇങ് കൊണ്ട് വന്നതാ...  ഈ കുഞ്ഞിന് പോവാൻ ഒരിടമില്ലടാ... അപ്പം ഞാനും പറഞ്ഞു ഇവിടെ നിക്കട്ടെന്ന് നമ്മടെ കടേൽ കണക്കൊക്കെ നോക്കാൻ ഒരാൾ ആവുമല്ലോ... പിന്നെ ഒറ്റയ്ക്ക് ഏതാണ് എന്ന് പോലും അറിയാതെ സ്ഥലത്ത് എങ്ങനെയാടാ ഒരു പെൺകൊച്ചു താമസിക്കുന്നെ... ഈ അപ്പച്ചന്റെ ഒരു കാര്യം.. ഇവളൊക്കെ ഇരു തീവ്രവാദിയാണൊ  കള്ളിയാണോ എന്ന് ആർക്കറിയാം...  ഓരോ അവളുമാർ കരഞ്ഞു കാലു പിടിക്കുമ്പോഴേക്കും ജോലിയും കൊടുത്തു വീട്ടിൽ കേറ്റി താമസിപ്പിച്ചോണം...ഇപ്പഴത്തെ കാലമാ...  ആരെയെങ്കിലും കൊന്നിട്ട് വന്നു കേറിയതാണോ എന്നു ആർക്കു അറിയാം...അല്ലെ തന്നെ ആരുമില്ലാത്തവർക്ക് അഭയം കൊടുക്കാൻ ഇതെന്താ സത്രമോ.... ടാ പോത്തേ മതി.....  എന്തൊക്കെയാ നീ അങ്ങ് ചിന്തിച്ചു കൂട്ടിയേക്കുന്നെ.. ഇത് അങ്ങനെ ഒന്നുമല്ല.. എനി ഇപ്പം ആണേലും ഞങ്ങൾ അങ്ങ് സഹിച്ചു... അല്ലെ തന്നെ കാട്ടുപോത്തിന്റെ സ്വഭാവമാ... അമ്മച്ചിയുടെ വാക്കുകൾ കേട്ടു അവൻ അവരെ ഒന്ന് കൂർപ്പിച്ചു നോക്കി... എന്താടി നിന്റെ പേര്........ എവിടുന്നാ കുറ്റിയും പറിച്ചു വന്നേക്കുന്നു ഞാ... ഞാൻ.. ദക്ഷ..... ആലപ്പുഴയിൽ നിന്നാ... അനാഥയാ എന്നല്ലേ പറഞ്ഞെ... അപ്പം ഇത്രേം നാളും നീ ആരുടെ കൂടെയ നിന്നെ... കൊച്ചു അതിന്റെ  മുത്തശ്ശിടെ കൂടെ ആയിരുന്നു.. അവര് മരിച്ചപ്പോൾ അവിടെ നിൽക്കാൻ തോന്നിയില്ല അതുകൊണ്ട് ഒരു ജോലി അന്വേഷിച്ചു വന്നതാണ്.... ബസ് സ്റ്റോപ്പിൽ വന്നു ഇറങ്ങിയപ്പോൾ ഏതോ തെമ്മാടികൾ ഈ കൊച്ചിനെ പിടിക്കാൻ വന്നു.. അത് പേടിച്ചു ഓടിയപ്പോഴാ നമ്മുടെ വണ്ടി ഇടിച്ചേ... അമ്മച്ചി  അതും പറഞ്ഞു അവനെ ഒന്ന് നോക്കി... ഓഹോ അപ്പം അമ്മച്ചി നിന്നെ കണ്ടില്ലായിരുന്നെങ്കിൽ നീ എങ്ങോട്ട് പോയേനേ... എന്റെ  ചെറുക്കാ നീ ഒന്ന് നിർത്തു... എന്നാ വർത്തനമൊക്കെയാ വായിന്നു വീഴുന്നേ... സ്റ്റെല്ല ചൊടിയോടെ അവനെ നോക്കി ചോദിച്ചു.. നീ പോയി നിന്റെ പാട് നോക്ക്.. അല്ലെ തന്നെ ഓരോന്നിനെ കേറ്റി താമസിപ്പിച്ചാൽ മതിയല്ലോ.. അവസാനം വല്ലോം അടിച്ചോണ്ട് പോയി കഴിഞ്ഞ് കരഞ്ഞോണ്ട് ഇരുന്നോണം.. അന്നേരം എന്റെ എടുത്തു വല്ലോം പറഞ്ഞോണ്ട് വരണം അപ്പോഴാണ് ഞാൻ കാണിച്ചു തരുന്നേ നിർത്തട... മതി... അപ്പച്ചൻ ദേഷ്യത്തോടെ പറഞ്ഞു... ദക്ഷ... ഒന്നും മിണ്ടിയില്ല... അവളുടെ കണ്ണുകൾ ഈറൻ അണിഞ്ഞു.... അത് കണ്ടെന്നോണം പിന്നെ അവനും ഒന്നും മിണ്ടാതെ. മുറിയിലേക്ക് പോയി... ആരാ ഏതാ എന്നൊന്നും അറിയാത്തേനെ ഒക്കെ വീട്ടിൽ കേറ്റി താമസിപ്പിച്ചോ....  പിറുപിറുത്തു കൊണ്ട് പോകുന്നവനെ കാണെ അപ്പച്ചൻ ഒന്ന് തറപ്പിച്ചു നോക്കി... അഹ് താമസിപ്പിക്കും.... ടാ ഉവ്വേ... ഇത് പാലയ്ക്കൽ അവറാന്റെ വീടാ.. എനിക്കറിയാം ആരെ താമസിപ്പിക്കണമെന്ന്.. അല്ലാതെ നിന്റെ അനുവാദം വേണ്ട കേട്ടോടാ ഇന്ന് ഏമാനു ജോലി ഇല്ലാരുന്നോടി എൽസമ്മേ... ചെറുക്കൻ ഇന്ന് ലീവ് അഹ്.. എന്തോ ആവിശ്യത്തിന് കൂട്ടുകാരന്റെ കൂടെ പോണമെന്നു പറഞ്ഞാരുന്നു...(അമ്മച്ചി) മോൾ പേടിക്കണ്ട.... അഹ് പോത്തിന്റെ സ്വഭാവം അങ്ങനെയാ... പെണ്പിള്ളേരോട് മിണ്ടാൻ ഒന്നും അഹ് ചെറുക്കന് അറിയത്തില്ലെന്റെ കുഞ്ഞേ.... അതും പറഞ്ഞു അമ്മച്ചിയോന്ന് അവളെ ചേർത്ത് പിടിച്ചു.... ഞാൻ പൊക്കോളാം അമ്മച്ചി... ഞാൻ കാരണം ഇവിടെ ഒരു പ്രശ്നം വേണ്ട.. മുഖവും താഴ്ത്തി പറയുന്നവളേ കാണെ അവരുടെ ഉള്ളിലും നോവ് നിറഞ്ഞു.. എന്റെ കൊച്ചേ.. നീ അതൊന്നും കാര്യമാക്കണ്ട... ചെറുക്കൻ പാവമാ.. ഈ ചാട്ടം ഉണ്ടന്നേ ഉള്ളു.. അല്ലാതെ അവനൊന്നും മനസ്സിൽ വെച്ചോണ്ടല്ല.. നീ പേടിക്കണ്ട.. സ്റ്റെല്ല അവളെ ചേർത്ത് പിടിച്ചു പറഞ്ഞതും.. അവൾ ഒന്നും മിണ്ടാതെ നിന്ന്.. എന്നാ എൽസേ ഞാൻ തോട്ടത്തിലോട്ടൊന്നു ചെല്ലട്ടെ  ഇന്ന് തെങ്ങിന് തടം എടുക്കാൻ രണ്ടു പേര് വരുന്നുണ്ട്.... പിന്നെ മോൾ വിഷമിക്കുവൊന്നും വേണ്ട.. അവൻ ചുമ്മാതെ പറഞ്ഞതാ..   അപ്പച്ചൻ  ദക്ഷയെ  ഒന്ന് നോക്കി ചിരിച്ചിട്ട് പുറത്തേക്കിറങ്ങി .. അമ്മച്ചിയും സ്റ്റേല്ലയും ദക്ഷയും അടുക്കളയിലേക്ക് കയറി... ഇതാരാ അമ്മച്ചി..... രാത്രിയിലത്തേക്കുള്ള ഫുഡിന്റെ പരുപാടിയിലാണ് എല്ലാവരും.. അ.. അമ്മച്ചി... അത് ആരാ..? ആരു.. മുകളിൽ എന്നെ വഴക്ക് പറഞ്ഞ ചേട്ടൻ.. ഹഹ... ആ ചേട്ടനോ... അത് എന്റെ മോനാടി കുഞ്ഞേ... അല്ലെക്സി.... അല്ലെക്സി ജോൺ അവറാൻ അല്ല.. ദക്ഷയ്ക്ക് ഞാൻ ആരാണെന്നു മനസ്സിലായോ സ്റ്റെല്ല ചിരിയോടെ അവളെ നോക്കി ചോദിച്ചു... പിന്നെ ഇന്നലെ വന്ന കൊച്ചിന് നിന്നെ എങ്ങനെ അറിയാന.. ഞാൻ പറയാം.. മോളെ.. എനിക്കും അവറാച്ചായനും 3 പിള്ളാര ഒന്നാമത്തെ ഇവളുടെ കെട്ടിയോൻ ആൽവിൻ രണ്ടാമത്തെയാണ് മുകളിൽ കണ്ട പോത്തു അലെക്സി മൂന്നാമത്തെ ആൽബിൻ..  ഇപ്പോൾ ഈ നിൽക്കുന്ന സ്റ്റെല്ല ആരാന്നു മനസ്സിലായല്ലോ.. എന്റെ ചെറുക്കൻ അൽവിന്റെ കെട്ടിയോളാ....  പിന്നെ ഇന്നലെ ഇവൾ ഇവൾടെ വീട് വരെ ഒന്ന് പോയാരുന്നു പിന്നെ ചെക്കന്മാരും അവരുടെ ജോലി സ്ഥലത്തൊക്കെ ആയിരുന്നു അതാ കൊച്ചു കാണാഞ്ഞത്... അമ്മച്ചി ദക്ഷയോട് പറഞ്ഞു... അമ്മച്ചി... ഞാൻ ഇവിടെ നില്കുന്നതിനു ആ ചേട്ടന്.. സൊ സോറി സാറിന് കുഴപ്പമുണ്ടെൽ ഞാൻ ഒരു വീട് നോക്കാം.. എന്റെ ദക്ഷേ.. നിനക്ക് എന്താ... അവനീ കാണിക്കുന്ന ചൂട് ഉണ്ടന്നേ ഒള്ളു പാവമാ.... ആ ചെറുക്കന് പിന്നെ പെമ്പിള്ളേരോട് മയത്തിൽ സംസാരിക്കൻ ഒന്ന് അറിയേല്ലന്നെ.. വെട്ടുപോത്തിന്റെ സ്വഭാവമാണ്.... സ്റ്റെല്ല ചിരിയോടെ പറഞ്ഞു... അമ്മച്ചിയും അത് ശെരിവെക്കും പോലൊന്നു ചിരിച്ചു... സത്യം പറഞ്ഞാൽ  എനിക്കൊരു മോൾ ഉണ്ടായിരുന്നെങ്കിൽ ഇപ്പോൾ നിന്റെ പ്രായം വന്നെനെ... ഇപ്പോഴത്തെ കാലത്തു നിന്നെ എങ്ങനെയാ കുഞ്ഞേ ഒറ്റയ്ക്ക്... ഇവിടെ ആവുമ്പോൾ പേടിക്കണ്ട..  ഞങ്ങളെല്ലാം ഉണ്ടല്ലോ.. ഇങ്ങനെ ഒക്കെ ഒരു സഹായം മറ്റുള്ളവർക്ക് ചെയ്ത് കൊടുക്കാൻ പറ്റിയില്ലേ നമ്മളൊക്കെ മനുഷ്യരാണോ... അമ്മച്ചി അതും പറഞ്ഞു അവളെ ഒന്ന് ചേർത്ത് പിടിച്ചു... എൽച്ചമ്മേ...... ദക്ഷ ആ വിളി കേട്ടു പുറകിലേക്ക് നോക്കിയപ്പോൾ  കണ്ടു അടുക്കളയുടെ മുമ്പിൽ  ഒരു പിങ്ക് കോട്ടൺ ഫ്രോക്ക് ഇട്ട കുഞ്ഞി പെണ്ണിനെ.. കണ്ടാലേ അറിയാം ഉറക്കത്തിന്നു എണീറ്റുള്ള വരവാണെന്നു... അയ്യോടി.. എൽച്ചേടെ പൊന്നിങ് എണീറ്റോ.... വന്നേ സുന്ദരി... എത്ര തവണ ഈ പെണ്ണിനോട് പറഞ്ഞയ.. അമ്മച്ചിയെ എൽച്ചേ എന്നു വിളിക്കാതെ... വല്യമ്മച്ചി എന്നു വിളിക്കണമെന്ന് എല്ലാരൂടി വഷളാക്കി വെച്ചേക്കുവാ... സ്റ്റെല്ല കേറുവോടെ പറഞ്ഞു.. അത് കേട്ടതും കുഞ്ഞി പെണ്ണൊന്നു ചുണ്ട് കൊട്ടി... എന്റെ സ്റ്റെല്ലേ.. പിന്നെ.. ഈ കൊച്ചു കുഞ്ഞല്ലേ വല്യമ്മച്ചി എന്നു നീട്ടി വിളിക്കാൻ പോവുന്നെ... അവൾ എൽചമ്മേ എന്നെങ്കിലും വിളിക്കുന്നുണ്ടല്ലോ.. അത് തന്നെ വല്യ കാര്യം... അമ്മച്ചി ചിരിയോടെ പറഞ്ഞു... അപ്പോഴേക്കും കുഞ്ഞി പെണ്ണിന്റെ നോട്ടം അടുത്ത് നിൽക്കുന്ന ദക്ഷയിൽ ആയി.. ശു.. ശു... കുഞ്ഞി പെണ്ണ് ദക്ഷയെ ഒന്നു തോണ്ടി.... ദക്ഷ എന്തെ എന്നു പുഞ്ചിരിയോടെ ചോദിച്ചു.. ആരാ... എവിതുന്നു വതുവാ. ... കൊഞ്ചി കൊണ്ടുള്ള പെണ്ണിന്റെ ചോദ്യത്തിൽ ദക്ഷ ഒന്ന് ചിരിച്ചു.... ഓ എന്തൊക്കെ അറിയണം.. ചോദ്യം ചെയ്യുന്ന കണ്ടില്ലേ.. അവളുടെ ചാച്ചന്റെ സ്വഭാവം കൊണ്ട് ഇറങ്ങിയേക്കുവ... സ്റ്റെല്ല ചിരിയോടെ പറഞ്ഞു.. ഞാൻ ദക്ഷ... ദ.. ദച്ചയോ.. ദചെടെ വീത് എവിതാ... കുറച്ചു ദൂരെയാണ്.. ആണോ.. എന്തിനാ ഇബിതെ വന്നേ.. അതോ.. ദക്ഷ ചേച്ചി.. ലാമി കുഞ്ഞിന്റെ കൂടെ കളിക്കാൻ വന്നതാ... സ്റ്റെല്ല അവളോട്‌ പറഞ്ഞു.. ലാമിടെ കൂടെ കളിച്ചാൻ വന്നതാണോ.. കുഞ്ഞി പെണ്ണ് ഇച്ചിരി നാണത്തോടെ ദക്ഷയോട് ചോദിച്ചു... അവളും അതേയ് എന്നു തലയാട്ടി... എന്നാ വാ കളിചാം... ദക്ഷയുടെ കയ്യിൽ പിടിച്ചു അവൾ ഹാളിലേക്ക് ഓടി... സ്റ്റേല്ലയും അമ്മച്ചിയും ഒരു ചിരിയോടെ നോക്കി നിന്നു.. ലാമിയുടെ കൂടെ എന്തൊക്കെയോ പറഞ്ഞു കളിച്ചു ചിരിച്ചു ഇരിക്കുമ്പോൾ ആണ് മുകളിൽ നിന്ന് ഇറങ്ങി വരുന്നവനെ അവൾ കണ്ടത്...... ബ്ലാക്ക് ഷർട്ടും മുണ്ടുമാണ് വേഷം..ഉള്ളുള്ള ചുരുണ്ട മുടിയാണ്  അത് വൃത്തിയായി ചീകി വെച്ചിട്ടുണ്ട്.. കഴുത്തിൽ ഒരു സ്വർണ്ണത്തിന്റെ കുരിശു മാല.. ഒരു കയ്യാൽ മുണ്ടിന്റെ തുമ്പ് പിടിച്ചിട്ടുണ്ട്.. കയ്യിൽ ഇടിവള... കണ്ടാൽ ഒരു അച്ചായൻ ലുക്ക്‌ ഒക്കെ ഉണ്ട്.. മസ്സിൽ ഉള്ള ബോഡി അല്ലേലും നല്ല ഫിറ്റ്‌ ബോഡി ആണ്.. കാണാനും ഒരു ചന്തമൊക്കെ ഉണ്ട്....പക്ഷെ പറഞ്ഞിട്ടെന്താ കാര്യം കാട്ടുമാക്കാന്റെ സ്വഭാവംഅല്ലെ... അവൾ   പടികൾ ഇറങ്ങി വരുന്ന അല്ലെക്സിയെ നോക്കി  ഊറി ചിരിച്ചു... കാട്ടുമാക്കാൻ നിന്റെ മാറ്റവൻ... അതും പറഞ്ഞു തന്നെ തുറിച്ചു നോക്കുന്നവനെ കണ്ടപ്പോഴാണ് പറഞ്ഞത് ഉച്ചത്തിലായെന്ന് അവൾക്ക് മനസ്സിലായത്... ദൈവമെ എന്നൊന്ന് വിളിച്ചു ദക്ഷ ലാമിയുടെ പിന്നിലേക്ക് വലിഞ്ഞു... ചാച്ചെ..... അയ്യോടാ.. ചാച്ചേടെ ലാമി പൊന്നു ഇവിടെ ഇരിക്കുവാരുന്നൊ...... ലാമി ചിരിയോടെ അലെക്സിയുടെ കഴുത്തിലേക്ക് മുഖം ഒളിപ്പിച്ചു... ചാച്ചെ എബിടെ പോവാ... ചാച്ചെ പുറത്തു പോയേച്ചും വരവേ... വരുമ്പോ ലാമിക്കു എന്ത് വേണം...ലാമിയെ കൊഞ്ചിച്ചു കൊണ്ട് അലക്സി ചോദിച്ചു.. ഐക്രീം.... ഐസ്ക്രീം വേണോ പൊന്നിന്.. മേടിച് തരാവെ.. ഇപ്പം ചാച്ച പോയേച്ചും വരാം... അമ്മച്ചി ഞാൻ ഒന്ന് പുറത്ത് പോയേച്ചും വരാം.......  അതും പറഞ്ഞു  അലക്സി നേരെ ജീപ്പിന്റെ അടുത്തേക്ക് പോയി.. അല്ലെക്സി സൂക്ഷിച്ചു പോണെടാ... അതും പറഞ്ഞു തന്നെ നോക്കി നിക്കുന്ന അമ്മച്ചിയെ അവൻ ഒന്ന് കെട്ടിപ്പിടിച് കവിളിൽ മുത്തം കൊടുത്ത് അവൻജീപ്പിന് അടുത്തേക്ക് നടന്നു.... അവൻ പോയ വഴിയേ ദക്ഷ നോക്കി നനിന്ന്...ബാക്കിയെല്ലാവരും എന്ത് പാവമാ..  ഈ കാട്ടുമാക്കാൻ മാത്രമെന്താ ഇങ്ങനെ ആയതു.. ജീപ്പിന്റെ സൈഡ് ഗ്ലാസ്സിലൂടെ അലെക്സി തന്നെ നോക്കി നിക്കുന്ന പെണ്ണിനെ കണ്ടതും അവന്റെ മുഖം കൂർത്തു...കാണിച്ചു തരാമെടി കള്ളി നിന്നെ.... ആ ജീപ്പ് ഗേറ്റും കടന്നു പോയി... Part 2 തുടരും...... ഇഷ്ടം ആവുകയാണേൽ അഭിപ്രായം പറയണേ.... ❤️❤️ എന്തേലും തെറ്റുണ്ടേലും അഭിപ്രായം പറയണേ.... അപ്പം bye bye😌 #📖 കുട്ടി കഥകൾ #📙 നോവൽ #💞 പ്രണയകഥകൾ #📔 കഥ #❤️ പ്രണയ കവിതകൾ