#📙 നോവൽ - മുറ ചെറുക്കൻ...... 🔻ഭാഗം_5 ✍️രചന - Aysha akbar അവൻ മുകളിലേക്കുള്ള മരത്തിന്റെ കോണിപ്പടികൾ കയറി..... എത്ര ദൂരത്തേക്ക് പോയാലും തിരികെ വീട്ടിലേക്ക് വരുമ്പോൾ കിട്ടുന്നൊരു സുഖമുണ്ട്...... അവൻ മുറിയുടെ വാതിൽ തുറന്ന് കയറി കണ്ണാടിയിലേക്കൊന്ന് നോക്കി....... ശെരിയാ..... താടിയും മുടിയുമെല്ലാം ഭ്രാന്തമായി വളർന്നിട്ടുണ്ട്..... എങ്കിലും യാത്ര വളരേ നല്ലതായിരുന്നു...... കാടും മലകളും പുഴകളും താണ്ടിയുള്ള യാത്ര...... മനസ്സിനെ ഉന്മേഷമുള്ളതാക്കി നില നിർത്താൻ ആ യാത്ര ഏറെ പങ്ക് വഹിക്കുന്നുണ്ട്.... അവന്റെ ചൊടിയിലൊരു പുഞ്ചിരി വിരിഞ്ഞിരുന്നു. താനെപ്പോഴും മറ്റുള്ളവരെ സന്തോശിപ്പിക്കുന്നതിനൊപ്പം സ്വയം മറക്കാറില്ല.... തനിക്ക് സന്തോഷമെന്ന് തോന്നുന്നതൊക്കെ ചെയ്യും....... കോച്ചുന്ന ആ തണുപ്പിൽ തണുത്ത വെള്ളം തല വഴി ഒഴിക്കുമ്പോൾ അവനൊന്ന് പിടഞ്ഞു പോയിരുന്നു..... എങ്കിലും മനസ്സിനും ശരീരത്തിനുമെന്ന പോൽ അത്‌ നൽകുന്ന ആശ്വാസം ചെറുതായിരുന്നില്ല..... ഗായത്രി അപ്പച്ചീടെ മോള് വന്നിട്ടുണ്ട്..... കുറച്ചു ദിവസം നിൽക്കാനാണത്രേ...... കുളി കഴിഞ്ഞ് വന്നവൻ ടേബിളിലേക്ക് കഴിക്കാനിരുന്നതും കറികൾ കൊണ്ട് വെച്ച തനൂജ അത്‌ പറഞ്ഞത് അല്പം ശബ്ദം കുറച്ചു തന്നെയായിരുന്നു..... ഒരു നിമിഷം അവനൊന്നു നിശ്ചലനായി..... എന്തിന്....... ആ സ്വരത്തിൽ ഏറെ ഗൗരവം....... എന്തിനെന്നോ..... അത്‌ അതിന്റെ അമ്മ വീട്ടിലേക്ക് വന്നിരിക്കയല്ലേ സച്ചു...... തനൂജ യത് പറഞ്ഞതും സച്ചു വിന്റെ മുഖത് ഗൗരവം നിറഞ്ഞു...... ഇത്ര കാലം ഇല്ലാതിരുന്ന ബന്ധങ്ങളൊരു ദിവസം കൊണ്ടെങ്ങനെ പൊട്ടി പുറപ്പെട്ടു...... അവൻ കനപ്പിച്ച സ്വരത്തിൽ തന്നെയായിരുന്നത് ചോദിച്ചത്...... എന്റെ പൊന്ന് സച്ചു..... നീയൊന്ന് മിണ്ടാതിരുന്നേ.... മുത്തശ്ശി കേൾക്കും...... അവര് വരാത്തതിന്റെയും കൂടാത്തതിന്റെയുമെല്ലാം മുത്തശ്ശിയുടെ സങ്കടം കണ്ടതല്ലേ നീയ്യ്....... ഇന്ന് ആള് വല്യ സന്തോഷത്തിലാ..... നീയായി ഇനി ഓരോന്ന് പറഞ്ഞു മനസ്സ് വിഷമിപ്പിക്കേണ്ട....... തനൂജ അപേക്ഷ കലർത്തി അത്‌ പറയുമ്പോൾ പിന്നേ അവനൊന്നും മിണ്ടിയില്ല.... അവന്റെ ദേഷ്യം മുത്തശ്ശിയോടുള്ള സ്നേഹത്തിൽ നിന്നാണെന്ന് തനൂജക്കും വ്യക്തമായിരുന്നു....... അതേയ് ഏട്ടാ..... ഏട്ടൻ പറഞ്ഞതാണ് ശെരി...... ആ തള്ളേടെ ഒരു അഹങ്കാരം കാണേണ്ടതായിരുന്നു ഇന്ന്........ തനൂജ അവിടെ നിന്ന് പോയി എന്നുറപ്പ് വരുത്തി തന്നെയാണ് മീനു സച്ചുവിനോടത് പറഞ്ഞത്...... സച്ചു ഒന്ന് ചിരിച്ചു കൊണ്ട് കഴിച്ചു തുടങ്ങി....... നോക്കേട്ടാ...... ആ പെണ്ണിനെ കാണാൻ എന്തൊരു ഭംഗിയാണെന്നറിയുമോ.... പക്ഷ സ്വഭാവം തീരെ കൊള്ളില്ല...... മീനാക്ഷി അവന്റെ കയ്യിലൊന്ന് കൂടി തോണ്ടിയത് പറയുമ്പോൾ അവൻ അവളെയൊന്നു സൂക്ഷിച്ചു നോക്കി....... എന്താണ്......കുശുമ്പാണോ നിനക്ക്..... അല്ലാ....ഇന്ന് വന്നതല്ലേ യുള്ളു.... അപ്പോഴേക്കും നീ സ്വഭാവ മൊക്കെ അളന്നോ..... സച്ചു അവളെ കളിയാക്കിയെന്ന വണ്ണമാണ് അത്‌ ചോദിച്ചതെങ്കിലും അവളുടെ മുഖത്ത് കാർ മേഘം പരന്നു...... അതല്ല ഏട്ടാ...... നമ്മളൊക്കെ സ്റ്റാന്റർഡ് ഇല്ലാത്തവരാണെന്നും നമ്മളോടൊന്നും അടുപ്പത്തിന് നിൽക്കരുതെന്നും പറഞ്ഞിട്ടാ അവളുടെ അമ്മ പോയിരിക്കുന്നത്..... അത്‌ കൊണ്ടാവും ഇത്ര നേരമായിട്ടും ആരോടും ആ കുട്ടിയൊന്ന് മിണ്ടിയിട്ട് പോലുമില്ല........ മീനാക്ഷി യത് പറഞ്ഞു നിർത്തുമ്പോൾ ആ വാക്കുകളിൽ വല്ലാത്തൊരു നോവ് കളർന്നിരുന്നത് സച്ചുവിനറിഞ്ഞു.... അവനൊന്നും മിണ്ടിയില്ല.... അവന്റെ മനസ്സിലും ഓർമ്മകൾ തിങ്ങി നിറഞ്ഞു..... വിരുന്ന് വരുന്ന അപ്പച്ചിയെ കാണാൻ ഓടി ചെല്ലുമ്പോൾ കേട്ടിരുന്ന പരിഹാസം അവന്റെ നെഞ്ചിലും പുകയുന്നത് കൊണ്ടാവാം അവനൊന്നും മിണ്ടാതെ കഴിച്ചെഴുന്നേറ്റത്........ 🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷 ആ മയക്കത്തിൽ നിന്നും ഇഷാനി പതിയെ കണ്ണുകൾ തുറന്നു....... അലക്സ് അങ്കിൾ കുറിച്ചു തന്ന മരുന്നിന്റെ യാണോ അതോ ഈ വീട്ടിലെ തണുപ്പുള്ള അന്തരീക്ഷത്തിന്റെയാണോ എന്നറിയില്ല കിടക്കുമ്പോഴേക്കും ഉറക്കം പിടിക്കുന്നു... അതൊന്നും ആവില്ല...... ഒരാഴ്ച യായി താൻ നേരെയൊന്ന് ഉറങ്ങിയിട്ട്.... കുറ്റപ്പെടുത്തലുകൾക്കും വേദനിപ്പിക്കലുകൾക്കും ഇടയിൽ സ്വസ്ഥമായി എങ്ങനെ ഉറങ്ങാൻ കഴിയും........ അവൾ പതിയെ എഴുന്നേറ്റു....... ഇട്ടിരുന്ന ലെഗ്ഗിൻസിന്റെ അറ്റം പിടിച്ചു താഴ്ത്തി...... മുട്ടിനു മുകളിലായി കിടക്കുന്ന ടോപ്പും ന്ന് കുടഞ്ഞവൽ എഴുന്നേറ്റു.... പുറത്തേക്ക് പോകണമെന്നുണ്ട്..... പക്ഷെ എന്തോ ഒരു അപരിചിതത്വം.... ആരെങ്കിലും വന്നു വിളിച്ചിട്ട് കൂടെ പോകുകയാണെങ്കിൽ അത്ര പ്രയാസം തോന്നില്ല..... ഇതിപ്പോ എങ്ങനെയാ താനായിട്ട് ചെല്ലുക..... അവളൊരു ആശങ്കയോടെ അങ്ങനെ ഇരിക്കുമ്പോഴാണ് പുറത്ത് വീണ്ടും മഴ പെയ്യുന്ന ശബ്ദം......... ഉള്ളിൽ പടർന്നു പിടിച്ച കുളിര് ആ നടു മുറ്റത്തിന്റെ ചിത്രമാണെന്ന് അറിയുന്നത് കൊണ്ട് തന്നെ അവളുടെ കാലുകൾ അവൾ പോലുമാറിയാതെ ചലിച്ചു തുടങ്ങി......... അവൾ അങ്ങോട്ട് ചെല്ലുമ്പോൾ എല്ലാവരും അവിടെ തന്നെയുണ്ട്...... നാല് പുറവുമുള്ള ആ അര തിണ്ണയിൽ ഓരോരുത്തരും ഓരോ ഭാഗത്തായി ഇരിക്കുന്നുണ്ട്...... മഴ കൂടുതൽ ശക്തിയിലല്ലെങ്കിലും അത്യാവശ്യം തുള്ളികളുണ്ട്.... ആ.... മോള് വന്നോ..... ഞാൻ നിന്നേ വിളിക്കാനിരിക്കുവായിരുന്നു........ നിനക്കൊരാളെ പരിചയപ്പെടുത്താനുണ്ട്..... മുത്തശിയത് പറഞ്ഞതും അവൾ സംശയത്തോടെ അവരെ നോക്കി...... ഈ മീനാക്ഷിയുടെ മൂത്തത് ഒരാണും ഒരു പെണ്ണുമുണ്ട്..... അമ്മു വിനെ കല്യാണം കഴിച്ചയച്ചു..... പിന്നെയുള്ളത് ഇവനാണ് സച്ചു......... നിനക്കോർമ്മയുണ്ടോ ഇവനെ.... നിന്റെ.......മുറചെറുക്കനാ... മുത്തശ്ശി ഒരു ചിരിയോടെ സച്ചുവിനെ ചൂണ്ടിയത് പറഞ്ഞതും ഇഷാനിയുടെ നെഞ്ചോന്ന് പിടച്ചത് പോലെ...... പണ്ടിവിടെ വന്നപ്പോഴെല്ലാം മുത്തശ്ശി പറഞ്ഞ ഇതേ വാക്ക് അവളുടെ മനസ്സിൽ പതിഞ്ഞിരുന്നത് കൊണ്ടോയെന്തോ അവളുടെ മിഴികൾ പതിയെ മുത്തശ്ശി ചൂണ്ടിയിടത്തേക്ക് തിരിഞ്ഞു.... മുറ ചെറുക്കനെന്ന വാക്ക് തന്ന കൗതുകത്തിലാവാം അന്നും താനിതേ പോലെ അവനിലേക്ക് നോക്കിയിരുന്നത്.... തീരെ മെലിഞ്ഞ മുട്ടിനു മുകളിൽ കിടക്കുന്ന ട്രൗസറിട്ടൊരു ചെക്കന്റെ രൂപം മാത്രം ഓർമ്മകളിലെവിടെയോ തെളിയുന്നത് പോലെ..... അവരിരിക്കുന്ന തിണ്ണയുടെ നേരെ എതിർ വശമായി ഇരിക്കുന്ന,അവന്റെ ഒരു വശം മാത്രമേ കാണാനുള്ളു..... അവർക്കിടയിൽ വന്നു വീഴുന്ന വെള്ള തുള്ളികൾ ഒരു പാളി തീർത്തിരുന്നത് കൊണ്ട് തന്നെ അവന്റെ മുഖവും അവൾക്ക് അവ്യക്തമാണ്....... എങ്കിലും കറുത്ത നിറത്തിൽ തിങ്ങി നിൽക്കുന്ന താടിയും ഒരു കാല് തിണ്ണയിൽ കയറ്റി വെച്ചിരിക്കുന്ന അവന്റെ ഒരു വശവും അവൾക്ക് കാണുന്നുണ്ടായിരുന്നു...... സച്ചു....... ഇതാണ് ഇഷാനി....... മഴയുടെ ശബ്ദത്തിനേ കവച്ചു വെക്കാനെന്ന വണ്ണം മുത്തശ്ശി അല്പം ശബ്ദം ഉയർത്തി യത് പറഞ്ഞെങ്കിലും അവൻ അവളിലേക്ക് തിരിഞ്ഞിരുന്നില്ല..... അവൻ മുത്തശ്ശിയെ ന്ന് നോക്കിയ ശേഷം വീണ്ടും കയ്യിലെ മൊബൈൽ ഫോണിലേക്ക് തന്നെ മിഴികൾ നട്ടു..... അപ്പോഴേക്കും മഴ ഒന്ന് കൂടി മുറുകി...... അവർക്കിടയിലെ കാഴ്ച മറക്കുന്ന ആ നേർത്ത പാളിക്ക് കനം കൂടി........ അവളുടെ മിഴികളും മനസ്സും അവനിൽ നിന്ന് നീങ്ങി മാറി ആ മഴയിൽ മാത്രം തറഞ്ഞു നിന്നു...... ഇടക്കെപ്പോഴോ മിഴികളൊന്ന് നീക്കിയപ്പോൾ അപ്പുറത്തായി നിൽക്കുന്ന വളുടെ അവ്യക്തമല്ലാത്ത രൂപം അവന്റെ കണ്ണുകളിലുടക്കിയിരുന്നു...... അവൻ തീരെ താല്പര്യമില്ലെന്ന വണ്ണം അവിടെ നിന്നെഴുന്നേറ്റ് മുറിയിലേക് നടന്നു.... തങ്ങൾക്കിടയിൽ അവളൊരാൾ അധികമുണ്ടെന്നത് മനസ്സിലെന്തോ ഒരു കരട് വീഴ്ത്തും പോലെ...... അപ്പോഴും അവർക്കിടയിലേ മഴ അങ്ങനെ പെയ്തു കൊണ്ടിരിക്കുകയായിരുന്നു...... മഴ യുടെ താളം പതിയെ അവിടെ നിലച്ചു തുടങ്ങിയതും ഒഴിഞ്ഞ ആ തിണ്ണയിലേക്ക് നോക്കിയ അവളിൽ ഒരു നിരാശ പടരുന്നത് അവളറിഞ്ഞു..... അവനെ വെറുതെ ഒന്ന് കാണണമായിരുന്നവൾക്ക്..... ഒന്നിനും വേണ്ടിയല്ല....... വെറുതെ ആളിപ്പോ എങ്ങനെ ഉണ്ടെന്ന് അറിയാൻ വേണ്ടി മാത്രം...... അവളും പതിയെ മുറിയിലേക് നടന്നിരുന്നു...... (തുടരും) Aysha Akbar #📔 കഥ