മണിയറ രഹസ്യം ഒരുപാട് പെണ്ണുകാണലിന് ശേഷമാണ് ഞാനും സാജിയും തമ്മിലുള്ള കല്യാണം റെഡിയാകുന്നത്. മുൻപ് വന്ന പല ആലോചനകളും നാട്ടുകാരുടെ വലിയ മനസ്സ് കാരണം മുടങ്ങിയതുകൊണ്ട് ഇത് ഞാൻ ഗൾഫിൽ ഉള്ളപ്പോൾ വീട്ടുകാർ ശരിയാക്കിയാതാണ്. സാജിക്കും വീട്ടുകാർക്കും കാണാൻ വേണ്ടി ഗൾഫിൽ നിന്നും ഞാൻ ഫോട്ടോ എടുത്തു കൊടുത്തു അയക്കുമ്പോൾ എനിക്ക് വലിയ പ്രതീക്ഷയൊന്നും ഇല്ലായിരുന്നു. ഫോട്ടോ കണ്ട് അവർക്ക് ഇഷ്ടപ്പെട്ടു എന്ന് പറഞ്ഞപ്പോയാണ് ഫോട്ടോഷോപ്പ് ഒരു പ്രതിഭാസമായി എനിക്ക് തോന്നിയത് ആ ഫോട്ടോയിൽ ആണ് സാജിയും വീട്ടുകാരും ആദ്യം വീണത് സാജിന്റെ വീട്ടുകാർ ജോലി എന്താണെന്ന് ചോദിച്ചപ്പോൾ മറിച്ചൊന്നും ചിന്തിക്കേണ്ടി വന്നില്ല പോലീസ് ഡ്രൈവറാണെന്ന് കാച്ചി ഇത് കൂടി കേട്ടതോടെ അവർ ഇതെങ്ങു ഉറപ്പിച്ചു. പിന്നെ എല്ലാം വളരെ പെട്ടെന്നായിരുന്നു കല്യാണത്തിന് രണ്ടാഴ്ച മുമ്പാണ് ഞാൻ നാട്ടിലെത്തിയത് ഞാൻ നാട്ടിലെത്തി എന്നറിഞ്ഞപ്പോൾ സാജിക്കും വീട്ടുകാർക്കും എന്നെ ഒന്ന് കാണണമെന്ന് പറഞ്ഞു മേക്കപ്പിനൊക്കെ ഒരു പരിധിയില്ലേ ഫോട്ടോഷോപ്പ് മുഖത്ത് ചെയ്യാൻ പറ്റില്ലല്ലോ അങ്ങനെ ഒരു ദിവസം വൈകുന്നേരം രണ്ടു സുഹൃത്തുക്കളെയും കൂട്ടി ഞാൻ സാജിയുടെ വീട്ടിൽ എത്തി വെയിലുകൊണ്ട് കറക്കാൻ ഇനി ഉള്ളംകൈ മാത്രമേ ബാക്കിയുള്ളൂ അതുകൊണ്ടുതന്നെ ഞാൻ എപ്പോഴും വൈകുന്നേരം മാത്രമേ വീട്ടിൽ നിന്ന് ഇറങ്ങാറുള്ള സാജിയുടെ വീടിന്റെ മുന്നിൽ വണ്ടിയിൽ നിന്ന് ഇറങ്ങുമ്പോൾ എല്ലാവരും നോക്കുന്നുണ്ടായിരുന്നു എന്നെ നേരിൽ കണ്ടതും എല്ലാരുടെ മുഖവും ഫ്യൂസ് അടിക്കാൻ ആയ എൽ ഇ ഡി ട്യൂബ് പോലെയായി സാജിയുടെ വീട്ടിലെ ഓഫീസ് റൂമിൽ ആയിരുന്നു ഞങ്ങൾ ഇരുന്നത് അവിടേക്ക് സാജി കടന്നുവന്നതും കെഎസ്ഇബി എന്നെ അനുഗ്രഹിച്ചതും ഒരുമിച്ചായിരുന്നു എന്റെ ഭാഗ്യം കറണ്ടും പോയി അതുകൊണ്ട് വലിയ പരിക്കില്ലാതെ രക്ഷപ്പെട്ടു ഒടുവിൽ അത് സംഭവിച്ചു ഞാൻ സാജിയുടെ തലയിലായി ആദ്യരാത്രിയിൽ മണിയറയിൽ ഓളെയും കാത്തു ഇരിക്കുമ്പോൾ എന്റെ മനസ്സിൽ സുഹൃത്തുക്കളുടെ ഉപദേശം ആയിരുന്നു എടാ ഗൾഫുകാരനാ എന്ന് വിചാരിച്ച് ആക്രാന്തം കാണിക്കരുത് പിന്നെ ഒരു കാര്യം പല പ്രലോഭനങ്ങളും ഉണ്ടാകും അതൊന്നും കേട്ട് പണ്ടത്തെ ലൈൻ അടി ഒന്നും പറയാൻ നിൽക്കണ്ട പറഞ്ഞാൽ അതോടെ നിന്റെ കാര്യത്തിൽ ഒരു തീരുമാനം ആകും സമയം ഒച്ചിനെ പോലെയാണ് പോകുന്നത് എന്ന് എനിക്ക് തോന്നി കാത്തിരുന്ന് കാത്തിരുന്ന് ഒടുവിൽ സാജി കൈയിൽ ഒരു ഗ്ലാസ് പാലുമായി മണിയറയിലേക്ക് വന്നു കട്ടിലിലിരുന്നു. എങ്ങനെ തുടങ്ങും എന്തു സംസാരിക്കും എനിക്ക് ആകെ ടെൻഷൻ അടിക്കാൻ തുടങ്ങി ഒടുവിൽ ഞാൻ തന്നെ സംസാരത്തിന് തുടക്കം കുറിച്ചു പിന്നെ പിന്നെ സംസാരിച്ച് സംസാരിച്ച് സമയം പോയതറിഞ്ഞില്ല സാജി ഓള് പഠിച്ചകോളേജിനെപ്പറ്റിയും മറ്റും പറഞ്ഞപ്പോൾ ആവേശം കയറി ഞാനും എന്റെ വീരകഥകൾ പറയാൻ തുടങ്ങി അഞ്ചാം ക്ലാസ്സിൽ പഠിക്കുമ്പോൾ സിന്ധുവിന് ലൗ ലെറ്റർ കൊടുത്തതും മുതൽ പ്രീഡിഗ്രിക്ക് പഠിക്കുമ്പോൾ റൂബിന്നിസ തേച്ചിട്ട് പോയത് വരെ സാജിയോട് പറഞ്ഞു അതുവരെ വലിയ പ്രശ്നം ഒന്നും ഇല്ലാതെ കേട്ടിരുന്നു സാജിയുടെ മുഖം മാറിയപ്പോൾ പണിപാളി എന്ന് എനിക്ക് തോന്നി. വിഷയം മാറ്റാൻ ഞാൻ സാജിയോട് ഹണിമൂൺ എവിടെയാ പോകേണ്ടത് എന്ന് ചോദിച്ചു ഹണിമൂൺ എന്ന് കേട്ടതും അവളുടെ മുഖത്ത് ഇത്തിരി പ്രകാശം തെളിഞ്ഞു നമുക്ക് ബൈക്ക് എടുത്ത് ഊട്ടിയിൽ പോയാലോ നിനക്ക് ബൈക്കി തന്നെ പോണോ ആ എനിക്ക് ബൈക്കിൽ പോവാൻ ഭയങ്കര ഇഷ്ടാ ബൈക്ക് വേണ്ട അതെന്താ എനിക്ക് ബൈക്ക് ഓടിക്കാൻ അറിഞ്ഞുകൂടാ എന്ന സത്യം ഞാൻ അവളോട് പറഞ്ഞു എനിക്ക് ഡ്രൈവിംഗ് പേടിയാ അപ്പൊ നിങ്ങളല്ലേ പറഞ്ഞത് ഗൾഫിലെ പോലീസിൽ ഡ്രൈവറാണ് അത് നിന്നെ കെട്ടാൻ വേണ്ടി കളവു പറഞ്ഞതാ അപ്പൊ ഇങ്ങക്ക് എന്നാ പണി ഗൾഫിൽ ഞാൻ ഒരു കമ്പനിയിലെ സ്റ്റോറിൽ അറബാന തള്ളലാ ഞാൻ ഇത് പറഞ്ഞത് കഴിഞ്ഞതും ഓള് ബോധംകെട്ട് വീണതും ഒരുമിച്ചായിരുന്നു ഞാൻ പേടിച്ചു വീട്ടുകാരെല്ലാം വിളിച്ചു അപ്പോഴേക്കും ആരോ പോയി അടുത്ത വീട്ടിലെ ലേഡി ഡോക്ടറെയും കൂട്ടി വന്നിരുന്നു അവര് വന്ന് നോക്കിയിട്ട് പറഞ്ഞു പ്രശ്നമൊന്നുമില്ല ബിപി കുറഞ്ഞതാ രാവിലെ ഉറങ്ങി എഴുന്നേൽക്കുമ്പോഴും റെഡിയായിക്കോളും എന്ന് പറഞ്ഞ് എന്നെ നോക്കി ഒരു ആക്കിയ ചിരിയും ചിരിച്ചു ഡോക്ടർ പോയി. അങ്ങനെ ആദ്യരാത്രിയിൽ ബോധം പോയ ഭാര്യയുടെ മുഖം നോക്കി ഞാൻ നേരം വെളുപ്പിച്ചു. പിറ്റേദിവസം രാവിലെ ഞാൻ വരാന്തയിൽ ഇരിക്കുമ്പോൾ അടുക്കളയിൽ നിന്ന് പെണ്ണുങ്ങളുടെ ഒരു കിശുകിശു ശബ്ദം എന്റെ കാതിലെത്തി ഓന് ആക്രാന്തം മൂത്ത് ഓളോട് എന്തോ കാണിച്ചതാ അത് കണ്ടതാ ഓളെ ബോധം പോയത് അതും പറഞ്ഞ് പെണ്ണുങ്ങളുടെ ചിരി ഏറിൽ വട്ടമിട്ടു സത്യമതല്ല എന്ന് പറയണമെന്നുണ്ടായിരുന്നു പിന്നെ ഞാനായിട്ട് തിരുത്താനും പോയില്ല അങ്ങനെ ആ വാർത്ത എയറിൽ കറങ്ങി നാടുമുഴുവൻ എത്താൻ അധിക താമസം ഒന്നുമുണ്ടായില്ല ഒരുകണക്കിന് അതു നന്നായി ഷോ മുടങ്ങിയത് ഞാൻ മാത്രം അറിഞ്ഞാൽ മതിയല്ലോ വെറുതെ എന്തിനാ നാട്ടുകാരെ കൂടി അറിയിക്കുന്നു എന്നാലും അത് എന്തായിരിക്കും ഓല് ഉദ്ദേശിച്ചത് മുനീർ മുക്കാളി #📔 കഥ #📙 നോവൽ