ஏலம் போன ஏர் இந்தியா ! ‘’ஹவாய் செருப்பு அணிந்த சாதாரண குடிமகனும் விமானத்தில் பயணிக்க வேண்டும் என்பதே எனது கனவு’’ என்று குஜராத் சூரத்தில் புதிய விமான நிலையம் அடிக்கல் நாட்டும் விழாவில் 2019 ஜனவரி 30-ம் தேதி பேசினார் பிரதமர் மோடி. மோடி இப்படிப் பேசிய நேரத்தில் ஏர் இந்தியா என்கிற விமானச் சேவை இருந்தது. இப்போது சொந்தமாக ஒரு பயணிகள் விமானம் கூட இல்லாத அரசு என்கிற பெருமையைத் தேடித் தந்திருக்கிறார். டாடாவிடம் இருந்த ஏர் இந்தியா நிறுவனத்தை 1953-ம் ஆண்டில் நேரு அரசு 2.8 கோடி ரூபாய்க்கு வாங்கி, அரசுடைமை ஆக்கியது. 68 ஆண்டுகளுக்குப் பிறகு அதே டாடா குழுமத்திடம் 18 ஆயிரம் கோடி ரூபாய்க்கு விற்றது மோடி அரசு. பிறகு எப்படி ஹவாய் செருப்பு அணிந்த சாதாரண குடிமகனும் விமானத்தில் பயணிக்க முடியும். உக்ரைன் போரில் சிக்கித் தவித்த ஆயிரக்கணக்கான இந்திய மாணவர்களை உடனே மீட்க இந்தியாவுக்கு சொந்த விமானங்கள் ஒன்றுகூட இல்லை. 2023-ல் ஒடிசாவில் நடந்த கோரமான ரயில் விபத்தின் போது உறவினர்களை பார்க்க ஒடிசாவுக்குப் போனவர்களிடம் தனியார் விமானங்கள் கொள்ளை லாபம் பார்த்தன. அதே போன்ற கொள்ளை இப்போது நடந்து கொண்டிருக்கிறது. 4-ஆது நாளாக பல விமான நிலையங்களில் ஒரே நாளில் ஆயிரத்துக்கும் மேற்பட்ட இண்டிகோ விமானங்கள் ரத்து செய்யப்பட்டதால் விமான கட்டணங்கள் விண்ணை தொட்டிருக்கின்றன. மும்பை-சென்னை 72 ஆயிரம் ரூபாய். சென்னை - கோவை 60 ஆயிரம் ரூபாய் கட்டணம். இப்போது முதல் பாராவை மீண்டும் படியுங்கள். #📺அரசியல் 360🔴 #🤭அரசியல் மீம்ஸ் #அரசியல் #தமிழ்நாடு அரசியல் #🚨கற்றது அரசியல் ✌️