- ഹൃദയ സഖി.... 🔻 ഭാഗം_65 ✍️ രചന - Aysha akbar പിറ്റേന്ന് നേരത്തെ തന്നെ എല്ലാവരും ഒരുങ്ങി തുടങ്ങി....... ഉള്ളതിൽ നല്ലതെന്ന് തോന്നിയ ആ നീല കളർ ചുരിദാർ അവളെടുത്തിട്ടു...... മനസ്സിൽ നിറഞ്ഞു നിന്നത് പേരറിയാത്തൊരു വികാരമായിരുന്നു...... ഇത്രയും സന്തോഷം താനിതിനു മുൻപ് അനുഭവിച്ചിട്ടില്ലെന്ന പോൽ മനസ്സങ്ങനെ ഇളകി മറിയുവാണ്.... നല്ല രീതിയിൽ ഒരുങ്ങാൻ മനസാഗ്രഹിക്കുന്നുണ്ട്.... കാരണം കാണാൻ തനിക്കാളുണ്ടല്ലോ..... പക്ഷെ ഇട്ട് പഴകിയ ചുരിദാറുകളല്ലാതെ പുതിയതെന്ന് പറയാനൊന്നും തനിക്കില്ല.... അത് കൊണ്ട് തന്നെ എന്നും മേടഞ്ഞിടുന്ന മുടിയവൾ വിടർത്തി മുമ്പിലേക്കിട്ടു..... ഒരു പുതുമക്ക് വേണ്ടിയെന്ന പോൽ..... നെറ്റിയിൽ ഒരു കുഞ്ഞ് പൊട്ടും........ ഷാൾ ഒരു വശത്തു കൂടെ തോളിലങ്ങനെയിട്ടു.... പതിവില്ലാത്ത വിധം വീണ്ടും വീണ്ടും അവൾ കണ്ണാടിയിലേക്ക് നോക്കി.... സുന്ദരി യായിട്ടില്ലേയെന്ന് സ്വയം ഉറപ്പിച്ചു....... അവൾ പുറത്തേക്ക് വരുമ്പോൾ സോഫയിലായിരിക്കുന്ന അലെക്സിനെ കണ്ടതും അവളുടെ കണ്ണുകളൊന്ന് വിടർന്നു.... അവൻ കയ്യിലുള്ള ഫോണിലേക്ക് നോക്കിയാണിരിക്കുന്നത്...... ഒരു ലൈറ്റ് യെല്ലോ കളർ ഷർട്ടും ജീൻസുമാണ് വേഷം...... കാൽ പാദങ്ങൾ ചുറ്റി പിണന്നു പിടിച്ചിട്ടുണ്ട്...... കയ്യിലെ മൊബൈലിൽ പതിപ്പിച്ചു വെച്ചിരിക്കുന്ന കണ്ണുകൾ ഒന്ന് നീക്കിയപ്പോഴാണ് അവനവളെ കണ്ടത്...... പെട്ടെന്ന് അവൻ പതിയെ പുരികം രണ്ടും ഒന്നുയർത്തി.... പിന്നേ കൈ സോഫയിലേക്ക് കയറ്റി വെച്ചു കൊണ്ട് അവളെ തന്നെ കണ്ണിമ വെട്ടാതെ നോക്കി നിന്നു....... ഒരു വേള ആ നോട്ടം ആഗ്രഹിച്ചാണ് വന്നതെങ്കിൽ കൂടി അവളോന്നുലഞ്ഞു പോയി..... ഹൃദയം ശക്തിയായി മിടിക്കുന്നുണ്ട്.... അവൾ ചുണ്ടിൽ വിരിഞ്ഞ ചെറുചിരിയാലെ അവനെ നോക്കി...... അപ്പോഴാണ് ഓരോരുത്തരായി അങ്ങോട്ട് വന്നത്..... പോകാം.... വല്യമ്മച്ചി അത് ചോദിച്ചതും അവനവരെ കണ്ണുകൾ കൂർപ്പിച്ചോന്ന് നോക്കി... ഓഹ്... അവിടെ പോയാൽ നല്ല വല്ല കിളവന്മാരുമുണ്ടാവില്ലേടാ..... ഞാനും ഒന്നണിഞ്ഞോരുങ്ങട്ടെ..... നേരം വൈകിയതിലുള്ള ദേഷ്യമാണ് അവനെന്ന് അറിയുന്നത് കൊണ്ട് തന്നെ വല്യമ്മച്ചി വല്ലാത്തൊരു നാണം കലർത്തി അത് പറഞ്ഞതും ഭദ്രയും ട്രീസയും ചിരിച്ചു പോയിരുന്നു.... അലക്സിനും ചിരി വരുന്നുണ്ടെങ്കിൽ കൂടി അവൻ ഗൗരവം വിട്ട് പോകാതെ പിടിച്ച് വെച്ച് ഒന്ന് കൂടി കണ്ണുകൾ കൂർപ്പിച്ചു...... വല്യമ്മച്ചി വീണ്ടും അത് കണ്ടില്ലേന്ന വണ്ണം കാറിലേക്ക് കയറി...... നീയിങ്ങോട്ട് കയറിക്കോ.... ബാക്ക് ഡോർ തുറന്ന് കയറാൻ നിന്ന ഭദ്രയുടെ കയ്യിൽ പിടിച്ച് ട്രീസയത് പറഞ്ഞത് കോ ഡ്രൈവിംഗ് സീറ്റിലെ ഡോർ തുറന്ന് പിടിച്ച് കൊണ്ടായിരുന്നു.... ഒരു നിമിഷം അവൾക്കൊരു പ്രയാസം തോന്നി........ അവളൊരു വെപ്രാളത്തോടെ വല്യമ്മച്ചിയെ നോക്കി.... വല്യമ്മച്ചിയിലും നിറഞ്ഞൊരു ചിരിയുണ്ട്.... ട്രീസ അവളുടെ കയ്യിൽ പിടിച്ച് അകത്തെ ക്ക് കയറ്റുബോൾ ഒരു നിമിഷം അലെക്സിന്റെ ഉള്ളിലേതോ ഒന്ന് ചലിക്കും പോലെ..... പക്ഷെ അവൻ പുറമെ കാണിച്ചില്ല.... അവൾ സീറ്റിലേക്കിരുന്നു കൊണ്ട് അവനെ യൊന്നു നോക്കുമ്പോൾ അവന്റെയാ കണ്ണുകളിൽ നിറഞ്ഞു നിന്ന ഭാവത്തെ അവൾക്ക് മാത്രം കാണുന്നുണ്ടായിരുന്നു... അവളില്ലാതൊരു പുഞ്ചിരിക്കിടം നൽകിയിരുന്നു..... ചെറു ചാറ്റൽ മഴ ഗ്ലാസിനു മുകളിൽ വന്നു പതിക്കുമ്പോൾ അത് തങ്ങളുടെ ഹൃദയത്തിലാണെന്ന് തോന്നി പ്പോയി ഇരുവർക്കും..... വൈപ്പർ ആ തുള്ളികളെ നീക്കാനെന്ന വണ്ണം ഇരു വശത്തേക്കും ചലിക്കുമ്പോൾ അതിന് വല്ലാത്തൊരു താളം തോന്നിയവൾക്ക്... അല്ലെങ്കിലും ഉള്ളിൽ പ്രണയ മുണ്ടെങ്കിൽ കാണുന്നതെല്ലാം എത്ര മനോഹരമാണ്..... കാറ് ചലിച്ചു തുടങ്ങിയത് മുതൽ അവിടെയെത്തും വരെയും അരികിലായി നീണ്ടു നിവർന്നിരുന്നു ഡ്രൈവ് ചെയ്യുന്നവനിലായിരുന്നവളുടെ മനസ്സ് മുഴുവനും..... അവർ ചെന്ന് നിന്നത് പാല മറ്റത്ത് ടെക്സ്റ്റയിൽസ് എന്ന ബോർഡോട് കൂടി തലയുയർത്തി പ്പിടിച്ചു നിൽക്കുന്ന വലിയൊരു തുണിക്കടയുടെ മുമ്പിലായിരുന്നു.... അപ്പോഴേക്കും സെക്യൂരിറ്റി ഓടി വന്നു.... അവൻ ഡോർ തുറന്നിറങ്ങി കീ യയാൾക്ക് നേരെ കൊടുത്തു..... എല്ലാവരും അവന്റെ പിറകിലായി നടന്നു..... ഓട്ടോ മാറ്റിക് ഡോർ അവരുടെ സാമീപ്യമറിഞ്ഞെന്ന വണ്ണം അവർക്ക് മുമ്പിൽ തുറക്കപ്പെട്ടു.... ഏ സി യുടെ തണുപ്പ് ആകെ ക്കൂടി മുഖത്തടിച്ചത് പോലെ...... ഭദ്ര ചുറ്റുമോന്ന് നോക്കി..... അലെക്സിനെ കണ്ടത് കൊണ്ടാവണം എല്ലാവരും മുമ്പിലിരിക്കുന്ന കസ്റ്റർമേഴ്‌സിലേക്ക് കൂടുതൽ ശ്രദ്ധ കൊടുക്കുന്നുണ്ട്.... അപ്പോഴേക്കും കാഷ്യറുടെ സ്ഥാനത്തിരിക്കുന്ന മാനേജർ വന്നു അവരെ അപ്പുറത്തേക്ക് കൂട്ടി കൊണ്ട് പോയിരുന്നു..... പല തരം തുണി തരങ്ങൾ അവർക്ക് മുമ്പിൽ നിരന്നു.... ഭദ്രയുടെ കണ്ണുകൾ നിറങ്ങളിലൂടെ സഞ്ചരിച്ചു..... മോൾക്കെന്താ ഇഷ്ടമെന്ന് വെച്ചാൽ അതൊക്കെയോടുത്തോ...നമ്മുടെ സ്വന്തം കടയാ..... ട്രീസ ഭദ്രയുടെ തോളിൽ കൈ വെച്ചു കൊണ്ടത് പറയുമ്പോൾ അവളൊന്നു പുഞ്ചിരിച്ചു..... നിരന്നു നിന്ന വസ്ത്രങ്ങൾക്കിടയിൽ നിന്ന് സ്വന്തമായി തിരഞ്ഞെടുക്കാൻ അവൾക്കേറെ പ്രയാസം തോന്നി........ അവൾ അലക്സിനെയൊന്ന് നോക്കി.... എല്ലാം തങ്ങൾക്ക് വിട്ട് തന്നെന്ന പോലവൻ മാനേജരുമായി സംസാരത്തിലാണ്...... മോളെന്താ ഒന്നും എടുക്കാത്തത്...... വേഗം നോക്ക്....... ട്രീസ വീണ്ടും അത് പറഞ്ഞപ്പോൾ അവളുടെ മുഖം ദയനീയമായി...... എനിക്ക്.... എനിക്ക് ഡ്രസ്സ്‌ സെലക്ട്‌ ചെയ്യാനൊന്നും അറിയില്ല...... അതും ഇത്ര കൂടുതൽ...... അവൾ അത് പറഞ്ഞു നിർത്തുമ്പോൾ ട്രീസ അവളെയൊന്ന് നോക്കി.... അവൾ പതിയെ തല കുനിക്കുമ്പോൾ അവർക്കവളോട് വല്ലാത്തൊരു സഹതാപം തോന്നി.... ട്രീസ അലെക്സിനെ അടുത്തേക്ക് മാടി വിളിച്ചതും അവൾക്കല്പം ഭയം തോന്നിയിരുന്നു..... അലക്സ്‌ അവരെ യൊന്നു നോക്കി അടുത്തേക്ക് വന്നതും ട്രീസ അവനോടെന്തോ പതിഞ്ഞ ശബ്ദത്തിൽ പറയുന്നത് കുറച്ചു മാറി നിന്നിരുന്ന ഭദ്ര കണ്ടിരുന്നു.... പറഞ്ഞത് തെറ്റായി പ്പോയോ എന്നൊരു ബുദ്ധിമുട്ടിൽ നിൽക്കുകയായിരുന്നവൾ...... ട്രീസ പറയുന്നതിനനുസരിച്ചു അവൻ മുഖമുയർത്തി അവളെ നോക്കിയതും അവൾ പതിയെ നോട്ടം വെട്ടിച്ചു...... അവനെന്തെങ്കിലും പറയുമോയെന്നോരു പ്രയാസം അവളിൽ നിറഞ്ഞു നിന്നിരുന്നു.... എന്നാൽ അവൻ വന്ന് അതിൽ നിന്നും ഓരോന്നും തിരഞ്ഞെടുക്കുകയാണ് ചെയ്തത്..... അവൾക്ക് വല്ലാത്തൊരു ആശ്വാസം തോന്നി... അവൾ ട്രീസയെ ഒന്ന് നോക്കിയതും അവരോരു പുഞ്ചിരിയോടെ കണ്ണുകൾ ചിമ്മി അവളെ ആശ്വസിപ്പിച്ചു.... നിനക്ക് സെലക്ട്‌ ചെയ്യാൻ വയ്യെങ്കിൽ പിന്നേ നല്ല ഓപ്ഷൻ അലക്സാണ്.... ട്രീസ അതും പറഞ്ഞു ചിരിച്ചതും അവളുടെ കണ്ണുകളും വിടർന്നു..... ഇഷ്ടപ്പെട്ടതെല്ലാം അവനൊരു ഭാഗത്ത് നീക്കി വെക്കുമ്പോൾ അവൾക്ക് അതിശയം തോന്നി.... അത്രയേറെ ഡ്രസ്സുകൾ അവിടെ കുമിഞ്ഞു കൂടിയിരുന്നു..... ഇത്രയൊക്കെ എന്തിനാ.... അവളവനോടല്പം ചേർന്ന് നിന്ന് കൊണ്ടത് ചോദിക്കുമ്പോൾ അവൻ തല ചെരിച്ചവളെയൊന്ന് നോക്കി..... ഇതിൽ നിനക്ക് ഇഷ്ടപ്പെടാത്ത ഏതെങ്കിലും ഉണ്ടെങ്കിൽ മാറ്റി വെചേര്........ അത് പോലെ ഇഷ്ടപ്പെട്ട മറ്റെന്തെങ്കിലും ഉണ്ടെങ്കിൽ എടുക്കുകയും ചെയ്തോ..... മറ്റൊന്നും ഇപ്പൊ ആലോചിക്കേണ്ട ആവശ്യമില്ല..... അവനൊരു ഗൗരവത്തിൽ തന്നെ അതും പറഞ്ഞു അവളുടെ കയ്യിലൊന്ന് തൊട്ട് കൊണ്ടവിടെ നിന്നും നടന്നു പോകുമ്പോൾ അവളുടെ ചുണ്ടിൽ ഒരു മന്ദഹാസം പൊടിഞ്ഞു..... ഇനിയെന്തെന്ന ചോദ്യവുമായി അടഞ്ഞ വാതിലുകൾക്ക് മുമ്പിൽ നിന്നിരുന്ന തനിക്ക് സ്വപ്നം കാണാൻ പോലും പറ്റാത്തത്ര സൗഭാഗ്യങ്ങൾ വെച്ചു നീട്ടിയ വിധിയോടവൾക്ക് എന്തെന്നില്ലാത്തൊരു പ്രണയം തോന്നി..... ഡ്രസ്സുകൾ എടുത്ത് തരുന്ന സെയിൽസ് ഗേൾ സ് തന്നെ നോക്കുന്നതിൽ അതിശയവും അസൂയയും നിറഞ്ഞത് പോലെ അവൾക്ക് തോന്നി... അതിന് കാരണം അവരെ പോലെയുള്ള തന്റെയും സദാ വേഷം കൊണ്ടായിരിക്കുമെന്ന് അവൾക്ക് വ്യക്തമായിരുന്നു...... അപ്പോഴും അതിലേ ഓരോ അവളെ വരച്ചു ചേർക്കുന്ന തിരക്കിലായിരുന്നു അലെക്സിന്റെ മനസ്സ്...... അന്നത്തെ ദിവസം മാത്രമാണ് അവൾക്കവനെ അടുത്ത് കാണാൻ കിട്ടിയത്.... പിന്നീടുള്ള ദിവസങ്ങളിലെല്ലാം അവനേറെ തിരക്കിലായിരുന്നു...... എങ്കിലും നിമിഷങ്ങളിൽ സന്തോഷത്തിന്റെ കലർപ്പുള്ളത് കൊണ്ട് തന്നെ വരാൻ പോകുന്ന നല്ല നിമിഷങ്ങളിലായിരുന്നു ഭദ്ര ഒഴുകി കൊണ്ടിരുന്നത് ...... അവൻ വീട്ടിലുള്ള ആ നിമിഷങ്ങളിൽ അവനെ ചുറ്റി പ്പറ്റി നിന്നു കൊണ്ടാ നോട്ടവും ചിരിയും അവളെപ്പോഴും കൈ വഷപ്പെടുത്തി കൊണ്ടിരുന്നു.... നിനക്ക്..... നാട്ടിൽ നിന്ന് ആരെയെങ്കിലും വിവാഹത്തിന് ക്ഷണിക്കാനുണ്ടോ..... കല്യാണ തിരക്കുകൾക്കിടയിൽ നിന്ന് അലക്സത് ചോദിച്ചതും ഒരു നിമിഷം ഭദ്രയുടെ ചിന്തകൾ അവരിലൂടെയെല്ലാം ഒഴുകി നടന്നു.... നികൊണ്ട് പൊയ്ക്കോ.... നീയെടുത്തോ എന്ന് പറഞ്ഞു സ്വന്തം രക്തത്തെ ഒഴിവാക്കാൻ മത്സരിച്ചിരുന്നവരുടെ മുഖം അവളോ ന്നോർത്തു ...... പിന്നേ പതിയെ അലക്സിനെയോന്ന് നോക്കി..... വേണ്ടാ.... ആരെയും വിളിക്കേണ്ട..... പകരം എന്റെ കൂടെ അവിടം വരെയിന്ന് വന്നാൽ മതി...... അതും എന്റെ സ്വന്തമായതിന് ശേഷം മാത്രം...... ഭദ്ര അതും പറഞ്ഞു കൊണ്ട് അവിടെ നിന്നും നടക്കുമ്പോൾ അലക്സിന്റെ ഹൃദയം എന്തിലോ തട്ടി നിന്നത് പോലെ.... അതേ...... അവളുടെ സ്വന്തമായതെന്ന ആ വാക്കിലാണതെന്ന് പിടക്കുന്ന ഹൃദയം അവനെ ഓർമിപ്പിച്ചു..... അതിനിനി അധികം ദൂരമില്ല..... അവൾ പോകും വഴിയേ കണ്ണിമ വെട്ടാതെ ആവാം നോക്കി നിന്നിരുന്നു..... അങ്ങനെ കാത്തിരുന്ന മനസ്സമ്മത ദിവസമെത്തി..... രണ്ട് പേരും മനോഹരമായി അണിഞ്ഞൊരുങ്ങി പള്ളിയിലേക്കെത്തി..... കർത്താവിന്റെ മുമ്പിൽ ഇരുവരും സ്വന്തമാക്കാൻ സമ്മതം നൽകുമ്പോൾ ഫാദറടക്കം അവിടെ നിന്നിരുന്ന എല്ലാവരുടെയും ചുണ്ടിലൊരു പുഞ്ചിരി വിരിഞ്ഞിരുന്നു..... അലക്സ്‌ അവളെയൊന്ന് നോക്കി..... സന്തോഷം കൊണ്ട് വിടർന്ന ആ ചുണ്ടുകളിൽ അമർത്തി ചുംബിക്കാൻ തോന്നിയവന്...... അവളുടെ മിനുസമേറിയ കൈ വിരലുകളിൽ അവൻ പതിയെ വിരലോന്ന് കോർത്തു.. അവന്റെ ചൂടിൽ അവളും അങ്ങനെ ലയിച്ചു ചേർന്നു....... (തുടരും) Aysha Akbar #📔 കഥ #📙 നോവൽ