#💡 ਜਾਣਕਾਰੀ ਸਪੈਸ਼ਲ ਅਕਬਰ ਦੇ ਹਰਮ ਵਿਚ ਪੰਜ ਹਜ਼ਾਰ ਤੀਵੀਆਂ ਸਨ, ਪਰ ਇਸ ਗੱਲ ਨੂੰ ਮਸਲਾ ਬਣਾ ਕੇ ਕੋਈ ਕੁੱਤਾ ਬਿੱਲਾ ਉਸਤੇ ਉਂਗਲ ਨਹੀਂ ਚੁੱਕਦਾ। ਇਸੇ ਤਰ੍ਹਾਂ ਹਰੇਕ ਦੌਰ ਵਿਚ ਰਾਜੇ ਮਹਾਰਾਜਿਆਂ ਨੂੰ ਡਿਪਲੋਮੇਸੀ ਤਹਿਤ ਵਿਆਹ ਕਰਵਾਉਣੇ ਪੈਂਦੇ ਸਨ ਕੋਈ ਉਂਗਲ ਨਹੀਂ ਚੁੱਕੀ ਜਾਂਦੀ ਸੀ। ਪਰ ਪੰਜਾਬੀ ਕਾਮਰੇਡਾਂ ਨੇ ਸਿਰਫ ਰਾਸ਼ਟਰ ਵਾਦੀ ਨਫਰਤ ਕਰਨ ਵੇਲੇ ਆਰੀਆ ਸਮਾਜੀ ਵੀ ਪਿੱਛੇ ਛੱਡ ਦਿੱਤੇ। ਹਰੇਕ ਕੁੱਤਾ ਬਿੱਲਾ ਉੱਠਦਾ ਪੰਜਾਬ ਦੇ ਮਹਾਰਾਜੇ ਉੱਤੇ ਚਿੱਕੜ ਸੁੱਟਣ ਲੱਗਦਾ, ਇਹ ਨਾਵਲ ਲਿਖਦੇ ਵੇਲੇ ਆਪਣੇ ਕਿਰਦਾਰ ਭੁੱਲ ਜਾਂਦੇ ਸਨ ਕੇ ਇਹਨਾਂ ਵਿੱਚੋਂ ਕਈਆਂ ਦੀ ਛਿੱਤਰੋਲ ਸਿਰਫ ਤੀਵੀਆਂ ਕਰਕੇ ਹੀ ਹੋਈ ਹੈ। ਮਹਾਰਾਜਾ ਰਣਜੀਤ ਸਿੰਘ ਦੀ ਮਹਾਨਤਾ ਇਹ ਸੀ ਕੇ ਉਸਨੇ ਵਿਆਹ ਕਰਵਾਉਣ ਵੇਲੇ ਕਿਸੇ ਹਿੰਦੂ ਜਾਂ ਮੁਸਲਮਾਨ ਬੀਬੀ ਦਾ ਧਰਮ ਨਹੀਂ ਬਦਲਾਇਆ ਅਤੇ ਨਾ ਹੀ ਜੋਰ ਪਾਇਆ। ਮਹਰਾਜੇ ਦੇ 10 ਵਿਆਹ ਹੋਏ ਸਨ, 5 ਬੀਬੀਆਂ ਸਿੱਖ,,3 ਹਿੰਦੂ ਅਤੇ 2 ਮੁਸਲਮਾਨ ਬੀਬੀਆਂ ਸਨ। ਉਸਦੀ ਮੌਤ ਵੇਲੇ ਹਿੰਦੂ ਰਾਣੀਆਂ ਨੇ ਆਪਣੇ ਧਰਮ ਮੁਤਾਬਕ ਸਤੀ ਹੋਣ ਨੂੰ ਤਰਜੀਹ ਦਿੱਤੀ, 23 ਬੀਬੀਆਂ ਉਸਦੇ ਹਰਮ ਵਿਚ ਸਨ, ਪਰ ਜੇਕਰ ਉਹ ਚਾਹੁੰਦਾ ਤਾਂ ਮੋਰਾਂ ਅਤੇ ਗੁਲ ਬਹਾਰ ਬੇਗਮ ਨੂੰ ਹਰਮ ਵਿਚ ਰੱਖ ਸਕਦਾ ਸੀ ਪਰ ਉਸਨੇ ਬਕਾਇਦਾ ਵਿਆਹ ਕਰਵਾਇਆ। ਮੋਰਾਂ ਕੰਜਰਾਂ ਦੇ ਘਰਾਂ ਵਿੱਚੋਂ ਸੀ, ਉਸਦਾ ਪਿਓ ਮੋਰਾਂ ਦੇ ਮਹਾਰਾਜਾ ਰਣਜੀਤ ਸਿੰਘ ਨਾਲ ਵਿਆਹ ਕਰਵਾਉਣ ਦੇ ਖਿਲਾਫ ਸੀ। ਕੰਜਰਾਂ ਵਿਚ ਵਿਆਹ ਦਾ ਇੱਕ ਰਿਵਾਜ ਸੀ ਕੇ ਵਿਆਹ ਵੇਲੇ ਜਵਾਈ ਨੂੰ ਸਹੁਰੇ ਘਰ ਜਾ ਕੇ ਚੁਲ੍ਹਾ ਬਾਲਣਾ ਪੈਂਦਾ ਸੀ। ਮੋਰਾਂ ਦੇ ਪਿਓ ਨੇ ਸੋਚਿਆ ਕੇ ਮਹਾਰਾਜਾ ਉਸਦੇ ਘਰ ਚੁੱਲ੍ਹਾ ਬਾਲਣ ਨਹੀਂ ਆਵੇਗਾ, ਇਸ ਤਰ੍ਹਾਂ ਇਹ ਵਿਆਹ ਨਹੀਂ ਸਿਰੇ ਲੱਗ ਸਕੇਗਾ। ਪਰ ਮਹਾਰਾਜਾ ਜਿੱਥੇ ਜਾਤ ਪਾਤ ਅਤੇ ਛੂਤ ਭਿੱਟ ਤੋਂ ਪਰੇ ਸੀ ਓਥੇ ਉਹ ਰੱਬ ਦੇ ਹਰੇਕ ਬੰਦੇ ਨੂੰ ਉਸਦੇ ਗੁਣਾ ਤੋਂ ਪਛਾਣਦਾ ਸੀ। ਮੋਰਾਂ ਨਾਲ ਵਿਆਹ ਕਰਵਾਉਣ ਵੇਲੇ ਮਹਾਰਾਜਾ ਨੇ ਬਕਾਇਦਾ ਉਸਦੇ ਘਰ ਜਾ ਕੇ ਚੁੱਲ੍ਹਾ ਬਾਲਣ ਦੀ ਰੀਤ ਨਿਭਾਈ। ਲਾਹੌਰ ਵਿਚ ਜਿੱਥੇ ਮੋਰਾਂ ਸਰਕਾਰ ਦੀ ਮਸੀਤ ਹੈ ਓਥੇ ਗੁਲ ਬਹਾਰ ਬੀਬੀ ਲਈ ਮਹਾਰਾਜਾ ਰਣਜੀਤ ਸਿੰਘ ਵੱਲੋਂ ਬਣਾਈ ਗਈ ਮਸੀਤ ਵੀ ਮਜੂਦ ਹੈ। ਮੈਂ ਹਮੇਸ਼ਾ ਮੰਨਦਾ ਹਾਂ ਕੇ ਪੰਜਾਬ ਨੂੰ ਕਿਸੇ ਅਖੌਤੀ ਧਰਮ ਨਿਰਪੱਖਤਾਂ ਦੀ ਲੋੜ੍ਹ ਨਹੀਂ ਹੈ, ਕਿਉਂਕਿ ਸਾਡੇ ਰਾਜ ਦਾ ਪ੍ਰੇਰਨਾ ਸਰੋਤ ਮਹਾਰਾਜਾ ਰਣਜੀਤ ਸਿੰਘ ਹੈ ਜਿਸਨੇ ਕਿਸੇ ਛੂਤ ਭਿੱਟ ਤੋਂ ਉੱਪਰ ਹੋ ਕੇ ਇਸ ਖਿੱਤੇ ਤੇ ਹੀ ਨਹੀਂ ਸਗੋਂ ਆਪਣੀ ਸਾਰੀ ਪਰਜਾ ਦੇ ਦਿੱਲ ਤੇ ਰਾਜ ਕੀਤਾ। ਅੱਜ ਪੰਜਾਬ ਦੇ ਲੋਕਾਂ ਦੇ ਮਹਾਰਾਜਾ ਦਾ ਜਨਮ ਦਿਨ ਹੈ ਜਿੱਥੇ ਸੱਚੀ ਸਰਕਾਰ ਨੂੰ ਉਸਦੀ ਪਰਜਾ ਚੇਤਾ ਕਰ ਰਹੀ ਹੈ ਓਥੇ ਉਸਦੇ 29 ਮਾਰਚ 1849 ਵਿਚ ਖੁੱਸੇ ਆਜ਼ਾਦ ਲਾਹੌਰ ਦਰਬਾਰ ਨੂੰ ਹਾਸਲ ਕਰਨ ਦਾ ਸੁਪਨਾ ਵੇਖਦੀ ਹੈ। ਇਸੇ ਕਰਕੇ ਲਾਹੌਰ ਦਰਬਾਰ ਵਾਰੇ ਸ਼ਾਹ ਮੁਹੰਮਦ ਨੇ ਆਪਣੀ ਸ਼ਰਧਾ ਇਸ ਤਰ੍ਹਾਂ ਦਰਸਾਈ ਹੈ - ਮਹਾਂਬਲੀ ਰਣਜੀਤ ਸਿੰਘ ਹੋਇਆ ਪੈਦਾ, ਨਾਲ ਜ਼ੋਰ ਦੇ ਮੁਲਕ ਹਿਲਾਇ ਗਿਆ। ਮੁਲਤਾਨ, ਕਸ਼ਮੀਰ, ਪਸ਼ੋਰ, ਚੰਬਾ, ਜੰਮੂ, ਕਾਂਗੜਾ ਕੋਟ ਨਿਵਾਇ ਗਿਆ। ਹੋਰ ਦੇਸ਼ ਲੱਦਾਖ ਤੇ ਚੀਨ ਤੋੜੀ, ਸਿੱਕਾ ਆਪਣੇ ਨਾਮ ਚਲਾਇ ਗਿਆ। ਸ਼ਾਹ ਮੁਹੰਮਦ ਜਾਣ ਪਚਾਸ ਬਰਸਾਂ, ਅੱਛਾ ਰੱਜ ਕੇ ਰਾਜ ਕਮਾਇ ਗਿਆ ~ Gangveer Singh Rathour